窩心鍋 (已結業)

今日只得8，9度，走咗去打邊爐暖一下個胃。友人經常外出食飯發現了一間好特別的火鍋店，火速帶我去試下。餐廳裝修好童真，有Q版的牆畫，樓梯處排列了公仔。卡座好舒服，就算四人坐都唔覺迫。竹庶水清甜不甜膩，打邊爐最岩。豬骨湯底材料好足，還加入了胡椒，味道微辣帶香，配合今日的天氣，即時暖笠笠。牛脾肉和雞頸肉好鮮。牛脾肉嫩滑，好快就溶化口內。雞頸肉一啲都唔粗糙，滑溜。滷水豬大腸軟熟，只灼兩三秒就最和味。另一款滷水牛根有嚼口，味道濃郁。三寶丸我好鐘意蝦丸，彈牙，蝦味濃。海鮮有蝦，蠔和鮑魚。蝦隻長過我手掌，鮮甜Q彈。鮑魚鮮，甜，軟腍。果然友人冇介紹錯，食物真係好有特色，好好味。

天寒地凍繼續打邊爐,這次真的是潮打邊爐,店裏都是潮物擺設,即時感覺更YOUNG,兩層之中有一層都是VIP房,還有電視看,擁有自己的空間,嘈一點也不怕。首先點了熱的竹蔗矛根潤一潤,不會死甜,好味。現在只要LIKE FB或IG就會送和牛刺身,太抵了,份量也不少,入口滿油香,點少少汁更減膩。火焰紅龍海鮮鍋,即是蕃茄+海鮮,用上龍蝦,青口,紅蝦,還有西芹,蘿蔔等,店員會在客人面前加上白蘭地和點火,成為火焰鍋,之後再加湯,湯滾後建議先喝湯,非常甜又濃郁。PRIME手切肥牛,入口柔軟,牛味適中,一點渣都沒有,是我們最欣賞的。神戶黑豚肉,爽口而且煮久了也不會韌。滷水豬肚配豬大腸,喜歡吃豬大腸,滷水用來打邊爐幾特別,而且一點也沒有腥臭味。三寶丸有蝦,墨魚和鯪魚,喜歡蝦和墨魚丸,兩者都爽口非常,而且味道濃郁。炸響鈴,很香豆味,而且脆卜卜,就算浸多幾秘都不會即時變全軟,加上湯底味道一流。雞頸,很特別吧,一塊就等於一隻雞,幾珍貴,因為是日本進口的沒有打激素也吃得放心,一點也不肥粗油,而且居然帶點點爽脆口感。蔬菜籃居然擺得像花盤,太用心了。整體性價比高,店員服務主動,全程自動加湯,客人只需要專心食和聚會就可以

最近天氣凍左, 最好打邊爐, 在訊號山花園附近, 地點好易搵,上一層樓梯, 餐廳有兩層, 第二層係獨立房,有電視睇, like facebook or ig 就有和牛刺身和牛刺身加上日本醋, 咁多雪花都唔覺膩,火焰紅龍湯底,好足料店員點火,所以叫火焰紅龍,滾左次後先飲湯, 好有新鮮龍蝦味,同開粉龍蝦湯完全唔一樣,招牌手打三寶丸,墨魚丸、蝦丸、鯪魚球每球都圓碌碌, 好新鮮彈牙。墨魚丸、蝦丸最好味,神戶豚肉, 好有豬味,prime手切肥牛, 十一陣就食得,7成熟最好味,雞頸肉老闆係食物入口商, 揀到D雞頸無打針, 唔係周圍都有得食, 黎到一定要試下,爽口好味道,百花齊放成個花籃咁好靚, 好有心思,味道當然係好鮮甜,台式滷水雙拼,紐西蘭牛筋、日本豬大腸, 綠一陣就食得,響鈴配上龍蝦湯,無得輸!

聽同事對(窩心鍋 ) 有很好的口碑、佈置特别、環境舒適!充滿童心、食物有質素..... 等。今晚聯同两位好友都去體驗一下 !果然!去到公仔、墙上彩畫令人眼前一亮!很有新鮮感 、真係非一般的火鍋店 !坐在卡位上感覺闊落、點菜單上有多款火鍋配料和不同湯底選擇、我們選了每位338元 的窝心鍋 和秘製豬骨湯*海鲜拼盆(時令海鲜三款)*手切極尚牛脾肉*神户黑豚腩片*台式滷水雙拼 ; 纽西蘭牛根、日本豬肚*鲜脆鲩片 *招牌手打三寶丸*窝心什菜蓝*竹庶茅根水 (送 )晶瑩的水晶杯斟上清甜滋潤的竹蔗茅根水很天然甜味!清甜豬骨湯底賣相惹人的海鮮拼盆大大隻海蝦爽口彈牙 !鲍鱼鲜甜 !廣島蠔脹卜卜 !手打丸鲜嫩軟滑有口感 !脆鲩片夠鲜甜脆口 !手切極尚牛脾肉和神户黑豚腩油花分佈平均、入口甘香軟滑肉味濃!很不錯! 台式滷水雙拼纽西蘭牛根滷得入味而味道又剛剛好、加上放入湯上灼一下軟軟甘香 !牛肚好有咬口 !蔬菜新鲜!客人即時登入FacebooK like 佢地個Page仲有一客牛肉刺身送!牛肉本人比較少生食、今晚都試下、見牛肉質素高、油花均匀!配上微酸甜醋汁和洋葱.... 一試....口感出奇的好、肉質嫩滑

一間以中，日，台形式的火鍋店，可嚐盡中式的打邊爐，日式的刺身和台式的滷水，有著不同風味的享受。論環境乾淨衞生，有寛大的卡座，時尚的裝潢，最重要空氣調節好，氣味不會沾上身。二人選了一個套餐，三百多元一位，最初感覺上有點貴，但食後感到超值，佳因質素高用料靚。豬骨湯底看似平凡，翻滾時飄來白胡椒香，嚐了一碗，頓覺全身暖和，好滋味。原來只要在fb like一下店方，和牛刺身就隨手可得啦！雪花均稱，靓到不得了。入口柔軟，正！配料繼一上場，先來的是海鮮拼盤，有大蝦，鮑魚和蠔。鮑魚鮮彈爽口，食到我讚不絕口。蝦隻又另一高潮，蝦香樸鼻，彈牙。蠔隻雖然縮小了，但鮮甜美味。牛肉當然是指定動作，但普通牛肉是滿足不到我的，楝選了牛脾肉，肉質軟熟，入口即化，略兼份量太少了。雞頸肉第一次食，比較爽口不膩口。牛根和大腸都以滷水方式，只輕輕灼幾下便可。大腸全冇臊味，牛根骨膠原爆燈，好有特色。平時我不喜歡食脆鯇片，嚐了一塊感覺太新鮮太美味。三寶丸很出色，蝦丸，墨魚丸味道濃郁，鯪魚丸有彈性，魚香滿溢。什菜嫰緑爽脆。整體水準高係我最近食過的火鍋店最滿意的一間。

冬天的朋友聚會，離不開打邊爐。今日同朋友行完街，就決定來窩心鍋打返個窩心的邊爐！門口裝飾好得意，成班公仔列隊歡迎客人咁。窩心套餐  $338/位-香茜皮蛋湯平時食得太多辣湯, 今次揀返個清D既, 都唔錯!-海鮮拼盆太豐富了吧!!!真係睇到都流口水, 海鮮新鮮到不得了!!隻蝦上枱果陣仲郁緊...-日本雞頸肉豬頸肉食得多, 雞頸肉真係第一次食。一隻雞先有一條雞頸肉, 真係好珍貴。食落比其他部位的雞肉更嫩口, 真係要試下~-手切極上牛脾肉不解釋，牛魔王一定會愛!-台式滷水雙拼我地揀左 日本豬大腸 同埋 紐西蘭牛筋, 個人覺得牛筋要煮耐D比較好味~-鮮脆鯇片新鮮魚肉~雖然要小心魚刺, 但係為左食到鮮嫩的魚肉, 乜都值得-招牌手打三寶丸有墨魚丸、蝦丸同埋鯪魚球，當中最鍾意蝦丸！-窩心雜菜籃LIKE IG仲送和牛刺身!!!呢個要即刻食呀。呢餐邊爐真係食得夠哂窩心，除左店員的服務態度真的很好，食物質素真係好高，除左傳統的海鮮同埋牛肉，都有其他特別Ｄ的食材，真係食得好滿意

與朋友晚飯聚會，來到尖沙咀棉登徑衔口都被門口一幅彩畫吸引住，原來是火鍋店！大家都表示有興趣上去试试…… 步上二樓發現他的 佈置裝潢 更吸引和特別有西式卡位梳化，有色彩鲜艳的中式古典門，樓梯用了一排卡通公仔 列隊歡迎客人光臨，再上一層用了更多的卡通公仔有我喜歡的牛奶妹，米奇……等。和 有趣的掛畫打造了空間，很特別，充滿童真 和幽默！ 霎時間 有種童年情懐湧現！幾個朋友都雀躍起來 ！很特別的一個地方。真不錯！阁樓層分有三個房間，其中一間可容纳十多人，人數再多也可互通另一間房的， 設有卡拉ok和電視，最適合一大班朋友生日聚會!卡拉OK房最底消費只雖 $ 4800，有這樣的環境加上有質素的食物，我覺得收費很合理！欣賞完環境是時侯坐下來……Menu上有小食，熟食和飲料，火鍋配料等不少選擇！有單點也有套餐……我們選了 ; 海鲜拼盆 每位 $ 338包含:南非鮑，廣島蠔，新鮮大蝦 (時令海鲜)手切極上牛皮脾肉、肉神戶黑豚腩，台式滷水雙拼; 紐西蘭牛筋，日本豬肚，鮮鯇魚片，招牌手打三寶丸窩心菜藍，竹蔗茅根水選了秘製豬骨湯底 ;湯底鲜甜，豬骨啖啖肉，滑脱脱！呈上的海鲜賣相當了得，很新鲜！鮑魚鲜甜，大

今晚約咗舊朋友去尖沙咀飲野吹吹水，時間尚早其他人又未到齊，朋友建議醫飽個肚先，路過棉登徑的時候， 被這間叫「 窩心鍋 」的門口吸引， 我們便決定在這裡先供奉五臟廟一進入門口便是一幅七彩的牆畫， 轉彎上樓梯見到一排又一排的公仔在列隊歡迎我們， 感覺好yohng好玩踏入餐廳一樓，看見一個巨大的算盤， 可以話畀你知，這個是真的是可用的，算盤的背後是一張張的卡座枱初看以為地方不大，只有三張大卡位，但原來他還有二&三樓，接待員安排了我們上二樓， 上面全是vip房間，全是不同的特式裝修，每間房間也很寬敞， 大班朋友尤其有小朋友或bb車的， 都有足夠地方放置及活動一陣要飲酒， 而家就先飲健康D既，先來一樽紅菜頭水，飲落清甜解渴，問店員原來是自家新鮮製作， 所以沒有加糖的甜味，每次整紅菜頭都弄得四處紅色另外再配上六種不同的火鍋調味品揀了清淡的香茜皮蛋湯，對我們時常夜瞓的人絕對有益'‘其實還有很多不同的湯底，下次再來要試試，尤其火焰牛尾蕃茄濃湯底因為已經有啲肚餓，火鍋未上先叫了兩個冷盤小食，兩個都係餐廳推介❴ 紐西蘭牛筋同日本豬大腸❵唔食過唔知，日本豬大腸同香港豬腸味道幾唔同，豬大腸雖然係冷盤沒有太騷，

放左工約左個舊朋友聚會, 上OPEN RICE 睇下邊到有好食火鍋, 搵到呢間裝修已經夠哂特別又坐得舒服既火鍋店, 個人認為坐得舒服係首要條件, 哈哈. 係樓梯已經放左一D公仔係到, 上到去還看見梳化坐位&擺設都特別大件, 私人空間好足夠. 我地叫左個窩心套餐, 首先湯底選左香茜皮蛋湯, 呢個鍋都好特別, 係金色盤子來的, 而家個鍋都夠哂大, 唔使成日加湯, 讚!!跟住有個海鮮拼盤, 係時令海鮮的, 今日有大大隻活鮑魚 & 廣島蠔, 鮑魚大廚已將殼分開, 方便食, 口感超爽口, 堅新鮮, 哈哈, 因為仲見到D鮑魚仲係到動呀…….而廣島蠔雖然係急凍, 但超有蠔味, 肉質飽滿, 正!!肉類方面, 有日本雞頸肉拼手切極尚牛脾肉, 其實雞頸肉我都係第一次食, 無諗到雞頸都會有咁多肉. 而牛脾肉味道濃郁, 肉質一D都唔硬 YUMMY YUMMMY !!跟住仲有台式滷水雙拼, 有X西蘭牛根 & 日本豬大腸, 兩者都先滷過, 是熟的, 放左鍋裹拾一陣就食得, 超放便, 所以D牛根夠哂淋身, 仲有膠質TIM. 而豬大腸有好香既大腸味, 但唔係醒臭GA喎, 又唔會被鹵水味蓋過左.仲有爽口鮮脆鯇片 & 招

之前病了一輪，成個禮拜食粥，慘無人道！老公應承好返之後會搵啲好嘢同我去食！果然一好返即刻安排左一頓豐富嘅豪華海鮮火鍋，呢間餐廳非常高級，裝潢好新派，優雅嘅裝修，加上勁多得意大型手板公仔做佈置，我食得好開心，阿仔都好滿意爸爸今次嘅安排！窩心鍋位於尖沙咀棉登徑，我哋食六點，餐廳啱啱開始營業，我哋仲好八卦四圍去參觀餐廳其他嘅貴賓房，原來＄4800可以包房，有晒卡拉OK電視！幾適合一大堆朋友聚餐。一去到阿仔幫襯餐廳個金碧輝煌嘅冼手間，成個廁所連埋個都係金色嘅！爸爸仲玩嘢同佢影相留念！😭我哋今晚叫咗個窩心套餐，我哋叫佢做豪華海鮮餐，三人份量！啲食材真係冇得彈，新鮮好味分量十足，仲要佢嘅賣相佈置都係非常精美！侍應哥哥好好人，提醒我哋有優惠，原來like 佢哋嘅Facebook網頁，仲有碟生牛肉刺身送，咪以為送嘅野唔靚，一睇就知係高級食材，我係日本都有食個生牛肉刺身，呢個嘅質素真係拍得住日本，配合埋個洋蔥同得制醬汁真係好食到不得了！由於亞仔太細唔俾佢食刺身，稍為輕輕焯一焯先俾佢食，佢話好軟滑好好味！佢每次食嘢嘅表情，我真係要封佢做小食神！呢隻串串大花蝦佢成隻自己食，爽口彈牙仲有好多膏！正！大病初癒，

呢排天氣超凍，我同朋友都一致贊同要打邊爐，揾到一間位於棉登徑附近，新開不久的火鍋店，還挺值得推介的。我地揀左個「窩心套餐」，每人$338，包醬料費，加一服務費另計。湯底：香茜皮蛋湯（另可選窩心清湯）海鮮拼盆包括：南非鮑魚、新鮮大蝦，以及廣島蠔。店家會因應時節而選擇時令海鮮，大蝦上桌嘅時候仲扎扎跳，係看得見的新鮮呀！日本雞頸肉每一隻雞只有一條雞頸肉，真係食得零舍刁鑽啊！而雞隻均來自日本，確保沒有激素，可以放心食用！手切極上牛脾肉台式滷水雙拼：我地係四款之中選了：紐西蘭牛筋、日本豬大腸。可以放入湯底淥一淥，尤其係牛筋，令佢更加軟腍。鮮脆鯇片招牌手打三寶丸：墨魚丸、蝦丸、鯪魚球用料新鮮，而且彈牙，不錯。窩心雜菜籃凡追蹤Facebook或ig，即送日本和牛刺身乙客！雖然係送嘅，但係和牛非常高質，從未食過咁鮮味嘅牛肉，非常驚喜！從餐廳裝潢、食物、服務，都可見店家非常有誠意，推薦大家黎試窩心鍋，一定不會讓你失望👍🏿

天氣凍打邊爐是吃飯不二之選，朋友放假一齊約在尖沙咀搵打邊爐，在K11附近兜圈，見到有間新開業樓上火鍋「窩心鍋」，從外面看見樓上全部窗邊位看來不錯，就決定落腳這裡 ; 上到去發覺餐廳裝飾幾好玩，沿樓梯上去有不少bearbrick 同岳敏君 figure ;  近窗邊的卡位空間很寬落，坐得舒服; 另外還有多間獨立房, 每房有不同主題, 一班人打邊爐有足夠私隠又不會騷擾別人坐下店員先介紹自家製作的紅菜頭水, 清清甜甜, 飲下去非常解渴這裡有三百多元人頭套餐，尖沙嘴區來說算平，原來想著這價錢對食物也沒有什麼期望，誰知餸菜上桌發覺性比價高; 很多材料也是入口貨，如紐西蘭牛筋、日本雞頸，貴精不貴多，見這樣特別當然要認真試試叫了簡單的芫荽皮蛋湯，湯底夠料，未落配料先飲兩碗 ; 蔬菜籃的菜比起自己去街市買更加新鮮, 過一過湯底即時食, 非常爽脆花雕蝦超大隻, 上桌時仍生生猛猛, 勺熟後非常彈牙, 平時吃的火鍋大蝦沒法媲美推介的手打丸, 有鯪魚球, 蝦丸及蟹籽丸, 鯪魚丸用上靚魚肉, 啖啖充滿肉味, 沒有加入麵粉, 一定要自家製作才會這樣足料兩款特別的冷盤：日本豬腸及紐西蘭牛筋：初時以為豬腸多多少少也會

放完幾日假之後做到無停過手，日日都OT，難得呢一日可以早少少放，搵fd食番餐好嘅，仲要咁凍，朋友話吃間有質素嘅打邊爐，即刻唔理三七二十一話OK，希望可以發洩下間鋪晌棉登徑嗰到，位置比較偏少少，我一直都以為呢到多酒吧同西餐，如果唔係佢帶我嚟都唔識……不過一入到嚟佢裝修得好靚，樓梯設計嘅公仔似買襯店，好多figure，而入面設計都比較潮，唔係一般打邊爐店鋪頭近期做promote，只要facebook like佢地個page就有一碟和牛刺身，呢樣當然要試下，事實上未試過咁樣食和牛，入口咬多幾口感覺塊和牛好似溶化緊，有啲油份開始逼出嚟，感覺好特別，同平時放入鍋到好唔同佢地個火焰牛尾蕃茄濃湯就真係無得極，相信都係我大鄉里出城，佢地即場整湯底有啲令我驚訝，先放牛尾再加酒同火燒，待應話咁樣會令啲牛尾更出味，其後再加埋蕃茄湯煲10分鐘到，先入湯，蕃茄味的確好濃，好味，其後打邊爐時再食啲牛尾，食落仲有牛味兼好淋，自己平時少食鍋料都忍唔住吃了幾舊前菜、食品同飲品我地都有叫，每樣嘢睇顏色以及食落都感覺好新鮮，但有兩樣嘢想特別推介，先係牛脾肉，真心第一次食，感覺上比起平時和牛無咁多油份，而且牛味足，入口一啲都

好友約會在尖沙咀著名的棉登徑晚飯，話說是火鍋，並說是新店開張不久，所以要先試為快。來到店前，感覺非常特別，牆上的壁畫很有另類風格。樓梯上的擺設，又有另類色彩。餐廳內的裝修別樹一格，不知用什麼形容詞較洽當。原來還有二樓，再上一層的色調也很鮮豔，卻是獨立房。碗筷雖簡單，卻又有著貴氣，就連水杯也是用酒杯替代。由於新張，餐牌少不勉簡單一點。在點選菜式時，店員已為我們送上調味，醬油卻用上一般花茶才使用的玻璃器皿，真的獨特。新張期間，店長說只要在面書給個讚，就即送一份和牛刺身！那當然立即給個讚，和牛刺身還是首次品嚐，而已還只是一個讚，已能享用此高級的食品。日本和牛刺身，脂肪分佈非常美麗，有如雪花一樣，單是香已經是一種享受。入口即化，肉質軟綿綿，肉味雖不濃，仍有肉香，是極品。配上和牛醬汁一起吃，令肉的香味更為提升至另一個層次，若與日本芥末吃，又是另一個味道，多種回味，難怪說是和牛刺身，是吃過不能忘記的味道。店家先為我們介紹自家制紅菜頭水，原以為是一杯，誰料是一支。紅菜頭水顏色深紅，清晰透徹，入口清香清甜，無草青味，紅菜頭香氣非常香，可見制作時下了一番功夫。我們選了此店最為名貴的的花膠魚唇滑雞鍋。店長