窩心鍋 (已結業)

呢排天氣開始凍返，又係打邊爐嘅時間。餐廳由尖沙咀地鐵站行過去唔使5分鐘，地點方便。喺門口入去嘅時候發現裝修已經非常特別，行上樓梯仲見到好多好得意嘅公仔添。上到一樓餐廳位置大概十幾個，之後店員介紹二樓仲有好多房間，可以包房，有部份房間就唔可以唱卡拉OK添。餐牌有好多火鍋配料，仲有好多好矜貴嘅食材，而且仲有小食同飲品。如果唔想諗太多嘅仲可以選擇套餐，套餐嘅食物都相當豐富。追蹤Facebook或IG 仲送日本和牛刺身，和牛刺身脂肪分布平均，入口嫩滑，點埋醬汁一齊食味道一流。湯底點咗香茜皮蛋湯，湯也大量嘅皮蛋同芫荽，非常清甜。海鮮拼盤鮑魚厚身，鮮蝦大隻肉質爽口彈牙，蠔非常鮮甜。手切極尚牛脾肉，脂肪雪花狀肉質嫩滑，神戶黑豚腩片，腩片入口即溶。脆鯇片脆口而且非常鮮，招牌手打三寶丸，味道濃郁而且好有彈性。台式滷水雙拼，非常入味而且十分爽口。窩心什菜籃，蔬菜鮮嫩翠綠而且份量十足。飲品選咗紅菜頭水，飲起嚟非常清新。窩心鍋絕對係一間值得推介嘅火鍋店。

今晚氣溫跌一跌，老公提議到尖沙咀打邊爐，佢話有一間好型格的火鍋店好想試下，火鍋店位於白蘭軒道2號，門口的一面牆畫了一幅好型的畫，好吸睛，樓梯間都有好多FIGURE擺設，好靚! 餐廳有兩層，房間可以唱埋K，一邊打邊爐一邊唱K，真係好潮!我地揀左$338一位嘅窩心套餐，另外餐廳再送左一客日本和牛刺身。除左叫餐之外還可以散叫，都好多選擇。日本和牛刺身雖然係免費，但一點都無馬虎，每片都見到好靚的網維雪花，入口即溶，回味無窮。紅菜頭水一點紅菜頭的泥腥味都無，甜甜的好好飲。香茜皮蛋湯滿滿的芫茜鋪於湯面，湯料還有皮蛋及馬蹄，湯底越滾越濃，愛吃芫茜朋友一定要試!牛脾肉 + 黑豚腩片牛脾肉一看脂肪分佈均勻，肥瘦有致，入口肉質軟腍，牛味濃而不羶。  黑豚腩片薄薄一片好快就熟，甜甜的豬肉味好細緻。台式滷水牛根+ 豬肚牛根和豬肚都滷得好入味，即使烚完都依然保留著滷水的味道，而且炆得好腍，尤其牛根有種入口即化的感覺，我好鍾意食。三寶丸 + 脆鯇片三寶丸有蝦丸、墨魚丸和鯪魚丸，我最愛蝦丸的口感，非常彈牙。脆鯇片好爽口。海鮮拼盤拼盤有鮑魚~大蝦~廣島蠔鮑魚好鮮甜，非常新鮮，又有嚼勁。大蝦老公話好好食所以我貢獻埋比佢

老友上星期去完窩心鍋打邊爐之後讚不絕口, 我今晚趁天氣仲未回暖前帶老婆去, 睇下$338一位嘅窩心套餐係咪真係咁正。😚窩心鍋開業唔係好耐, 裝修好新穎, 裝飾擺設都非常有格調, 而且座位超寬敞, 坐得好舒適, 人多的話上層仲有包廂, 部份仲設有 karaoke, 聚會一流。👍我地點左$338一位的招牌窩心套餐, 款式都好多, 而且份量都唔少, 另外like Facebook專頁仲有日本和牛刺身送, 兩個人食都相當足夠。😊免費的日本和牛刺身一d都唔馬虎, 油脂超豐富, 入口即溶, 連洋蔥醬汁食, 鮮味更突出。😋火鍋湯底我地揀左香茜皮蛋湯, 湯底材料豐富, 除左芫茜皮蛋之外仲加入左馬蹄, 令湯底略帶甜味, 味道唔錯, 我地打邊爐前都忍唔住之飲左兩碗。😄海鮮拼盆包括左三款時令海鮮, 有鮑魚, 蝦同蠔, 鮑魚厚肉彈牙而且好大隻, 一人一隻已經好滿足。蝦大隻之餘仲有膏, 蝦肉爽口, 蠔就係採用日本廣島蠔, 每人有兩隻, 鮮甜味美。😋由於日本雞頸肉沽清, 所以我地肉類改左手切極上牛脾肉拼神戶黑豚腩片, 感覺更超值。牛脾肉油脂分佈均勻, 肉質軟腍, 豚腩片唔算好肥, 肉質爽滑, 份量都唔少。👍其他火

窩心鍋真的太好了。沒想到台式火鍋館環境這麼cool ，到處都可以拍照，服務態度，當然也非常細心周到，連食材都有台灣特色，而且用料新鮮而精美，價錢還很合理，真的太好了！今晚還有兩大發現- like Facebook 即送日本直送和牛刺身！日本和牛刺身，入口即溶 ，的確與別不同，就是在日本料理店也很難吃到新鮮和牛刺身，這裏卻是免費招待，怎能不感動呢！立陶宛手工啤酒。有花香味和比較濃厚的兩種。各有千秋，女士應該會比較喜歡它交談的花香那支，手工啤酒的確口感深厚，零舍不同。現在推薦價38元，真係抵到唔信。窩底我們要了麻辣和人蔘豬骨湯底。滋補的人蔘豬骨湯，煲超過5小時的功力，令湯底滴滴精華，恍如奶又般順滑無比，啖啖感動，未吃火鍋先喝湯，好舒爽！麻辣也做得香而不過份，不過份油膩，辣得健康。火鍋愛吃牛，Prime手切肥牛 298元，雪花均衡，軟滑無比，屬於高質素牛肉，百吃不厭。店員看見我們吃牛吃得津津有味，他向我們推介另一種少有的牛頸脊邊位。此牛味特別濃厚，好有質感，在滾湯燙一下，肉質收了一下，便可品嚐，好特別！好推介！必吃！謝謝店員的介紹！手打蝦滑 98元手打鮮墨魚丸 98元這兩樣鮮打滑，是水準之作

窩心鍋已成為我到尖沙咀打邊爐，指定嘅唯一地方。首先環境非常舒適又摩登，又有私隱度。另一方面食物嘅質素，都係上乘之作，無論係肉類嘅選擇，台式風味，都每樣菜式嘅構想，餐廳都非常用心，而且present 得好靚！台式火鍋，本來就非常健康，尤其是湯底，不能錯過。本地火鍋的清湯，真是清過清水，窩心鍋火鍋嘅湯底，就與別不同。窩心的清湯，是豬骨用上最少五小時才做得到的白湯，非常滑，飲左就明，只此一家！而且加左人參，補氣滋養。我朋友鍾意食麻辣，所以我哋叫咗鴛鴦湯底。麻辣一上枱，已經聞到非常誘惑嘅香味。雖然我唔識得食辣，但係呢股温和卻無比誘惑的香味，都覺得唔食下太洩底。Like 左Facebook 即送和牛刺身，點可以錯過。平時散叫一碟都唔平，依家like facebook 送埋，太着數了！日本和牛刺身，牛味好濃厚，入口即溶 ！愛牛如命既我地，都知道窩心鍋既牛好掂！先黎 Prime手切肥牛 298元。 牛肉同油脂分布非常平均，每塊牛肉都係柔而yummy. 但係如果中意食牛要有濃牛味，千萬不要錯過牛頸脊邊位！採用本地鮮牛，牛肉味一定比冰鮮嘅牛肉更有牛肉味。而且牛路肩位置既牛肉好有質感，慢慢咀嚼，牛味慢慢

我們喜歡的食肆, 是可以滿足眼, 耳, 口, 鼻.   今次朋友找到一間餐廳, 好理想, 大家都滿意.   這是位於尖沙咀棉登徑白蘭軒道的 窩心鍋.   餐廳在樓上, 地面入門有幅好潮的噴畫, 我們眼睛即時一亮,  好搶眼啊 !!直轉右上樓級,  潮流模型向我們打招呼,  Oh  !!   So wonderful !!  好攪笑.步入餐廳閣樓, 又多一個特別裝飾, 那是老闆至愛的 "如意算盤" .  食品会貴Ｄ或平Ｄ???舒適的卡座, 透過落地玻璃窗, 可看見街景.  視野廣.   卡座, 夠舒適, 檯面闊落.一樓有 VIP 房多間, 連電視及卡啦 OK, 娛樂設置週全, 耳朵有福了.  唱歌 + 食野同步進行.此餐廳有多位服務員,  禮貌及工作態度也討好.  我們坐下後, 便送來溫水及餐牌.  我們看了又看, 大家同意點窩心套餐 ($338/位) 包醬料費.另可再追加其他食品.  種類不少.  價錢合理.也有窩心小食.飲品:  有紅/白酒, 什至威士己, 汽水及自家製....有益的竹蔗水及紅菜頭水. 醬料很齊全, 鹹甜辣自己可調製, 侍應先送來,   香茜皮蛋湯.大大個金盤上枱..

朋友話想食左好耐今日終於有機會試吓我哋4個人叫左窩心套餐，而湯底方面就揀左秘製豬骨湯底。先來的是一個金盆賣相的湯底，湯底好足料，有整塊豬骨，粟米，羅白，打邊爐前飲返碗湯是常識吧~飲完後補充左唔少骨膠原。海鮮拼盤新鮮大蝦，口感爽口南非鮑魚被戒左”井”字形但蠔略嫌未夠解凍。手切極上牛脾肉，肉質嫰滑入口即溶，係牛魔王一定要試!!!台式滷水拼盆打邊爐食滷水都係幾新嘅食法鮮脆鯇片魚味濃郁，肉質爽滑，忍唔住要一片食完又一片。窩心什菜籃環境舒適，座位闊落，係同朋友食吓傾吓嘅好地方

今日一行4人去咗呢間新開無耐火鍋店聚舊打下邊爐，餐廳裝潢非常有特色，大門口已經見到大飲勝大燈箱沿樓梯上去第一層會見到好多卡通公仔同你打招呼咁安排好位置後就跟朋友商量食乜好，最後大家就揀咗窩心套餐$338/位，set好哂唔洗煩先上紅菜頭水，味道清甜夠涼快湯底選了秘製豬骨湯，入面配料都好多，豬骨要煲耐少少先食喔，好爽口帶筋位非常正海鮮拼盆入面有南非鮑魚、虎蝦、廣島蠔，鮑魚厚身勁 隻，好在已預先切好花，好爽口彈牙又鮮味，而虎蝦都好大隻夠鮮甜，仲有廣島蠔蠔味濃郁日本雞頸肉其肉質嫩滑中仲帶微微爽身，雞味好重，要推介這個手切極尚牛脾肉雪花分佈平均，牛肉味香濃帶油香另外神戶黑豚腩片外表薄簿卷起來，口感柔嫩，肉質有彈性台式滷水雙併有款，紐西蘭牛筋、金錢肚，牛筋肉位置有咬口，而筋位仲好彈牙帶少少膠質，金錢肚本身都好爽口日本豬肚、豬大腸本身都滷熟咗，所以烚熱就食得，兩者都係爽身帶腍鮮脆鯇片魚肉爽脆，仲好新鮮招牌手打三寶丸係墨魚丸、蝦丸、鯪魚丸，手打真係唔同啲，墨丸跟蝦丸好彈牙好鮮味喔窩心雜菜籃係時令蔬菜，當日有生菜、粟米、番茄、冬菇等...整體都好味，餐廳環境好舒適寬敞，服務都要加分~

打熱鬧嘅邊爐係好有氣氛，但有時候都想三五知己斯斯文文聚埋、靜靜哋傾下偈，呢個時候，朋友揀咗呢間窩心鍋。未上到去，已經見到大熱嘅霓虹燈「飲勝」兩個大字。環境方面，呢度簇新、乾淨，除了用色大膽sharp醒，梯間又擺放咗唔少公仔，恭迎貴客，那些成排站立的人偶，顯然有對交叉眼kaws和岳敏君的招牌笑臉致敬之意。先來喝的，愛健康的大家選來紅菜頭水，喝下來不會太濃太飽肚。比較吃得重口味，而又對紅菜頭的味道非常熟識如我，略嫌它較為淡麗了點。作為盛器的幾個玻璃杯好有份量，拿上手好有質感，味道方面是平易近人，沒幾下子就一枝飲過又一知，頻頻安歌。說是秘製的豬骨湯，果然殊不簡單，一行幾人未打邊爐差點已喝它個鍋底朝天，幸好能夠臨崖勒馬，否則要用清水打邊爐就不好了。來自神户的腩片雖好，但就及不上牛髀肉，我特別喜歡它非比尋常的嫩滑，論驚喜，我認為是更勝那較少見的雞頸肉。和牛刺身雪花分佈平均，入口即溶，切成薄薄嘅片狀，減低膩度。吃不慣刺身的話，在鍋裡燙一下才吃也是不錯。其貌不揚的台式滷水項目也有亮點，我特別喜歡牛筋，它做得晶瑩澠潤，滷水、肉香和煙韌的質地共冶一爐。窩心雜菜籃色彩繽紛又豐富，雖然說沒有甚麼話題性可言，

每月也有很多飯局，今次是朋友的生日，適逢又變冷的天氣我們選了圍爐來慶祝！剛好見到有一間新的火鍋店，裝潢十分型格，有很多擺設十分有范！我地選了窩心套餐，有齊很多肉類、海鮮及滷水拼盤等等。湯底選了秘製豬骨湯，很大一鍋，入面的豬骨也很多，湯底很鮮甜，未下火鍋配料前必要嘗嘗湯底的鮮甜！湯滾了先下滷水配料，也是第一次火鍋時配上滷水的配料，餐廳處理得挺好，沒有甚麼異味，幾爽的！除了涮的牛肉，還有刺身的牛，質素都很不錯！另外一個亮點是海鮮拼盤，十分豐富，有鮑魚、海蝦、蠔等等，全部都很新鮮彈牙！海蝦比平時的大呢！肉類有牛肉、豚肉、雞肉，種類很多！還有自家製的手打丸、什菜藍！飲品選了紅菜頭水，好健康，帶微甜！

咁凍嘅天氣，朋友聚會當然想起打邊爐，今次選擇咗棉登徑開咗一陣嘅火鍋店，位處二樓，地下入口有個大魚缸，仲有兩隻大字「飲勝」，沿住樓梯上，都有好多新潮玩具，最特別就係個大算盤，仲真係用得，真係好有心思嘅裝修，坐住係卡位，仲有好高嘅卡位，私穩度都高，亦坐得舒服今晚叫咗個窩心套餐$338位，咩都有些，咁就可以試多些唔同嘅嘢！湯底我同朋友都好喜歡芫茜，所以一定係香茜皮蛋湯底，個鍋好特別，好似個金盤咁，仲要勁多芫茜，仲有皮蛋同馬蹄，一滾起，第一時間飲碗湯，好清甜，忍唔住再飲多碗先開始打邊爐海鮮拼盆有南非鮑魚、南非鮑魚同虎蝦各2隻，而廣島蠔就有4隻虎蝦好大隻，仲好彈牙，蝦膏仲流晒出來南非鮑魚已經切開一格格，雖然好厚身，但係都好快熟，仲好爽口廣島蠔，雖然未完全解凍，不過煮熟後都好鮮，好好味。日本雞頸肉起初見到係雞頸肉都有些擔心，店員講解之後就知道好安全，佢哋用來自日本嘅雞，係完全無打針嘅，仲有晒証明文件，而且每隻雞只有一條，真係好真貴，第一次食，真係同平時食嘅雞好大分別，雞味濃好多，肉質超嫩滑又爽口，一試難忘！手切極尚牛脾肉 (和牛)油花分佈平均，和牛果然係唔同，肉味濃郁，又唔會好膩台式滷水雙併四選一