影片
更多
2018-10-25
371 浏览
今日去沙田行街，見到呢間日本野好想食就入去試吓，啱啱放工時間冇乜人，座位好闊落，好舒服。由於唔係好肚餓，就叫咗啲貴精不貴多嘅嘢，第一樣叫咗韓國嘅海膽，海膽味唔算好重，但仍然好鮮甜，配埋個紫菜，更加帶出咗海膽嘅甜味，而且口感唔會水汪汪，即係好新鮮第二樣叫咗個牛油果軟殼蟹卷，小小微暖，而且軟殼蟹好大舊，好少餐廳係可以真正食到蟹肉而唔係一大舊炸粉，好好食，必試推介第三樣叫咗個海鮮茶壺湯，賣相好特別，用一個茶壺同一隻茶杯奉上，海鮮湯有少少似清酒煮蜆嘅湯底味，好飲！而且入面有蝦、帶子、蜆等等嘅海鮮，所以海鮮嘅甜味好重，停唔到口咁不停飲最後叫咗一個燒嘅雪場蟹，最鍾意食蟹嘅我勁期待，一擺上枱就非常之吸引，啲蟹大大嚿啖啖肉，有少少美中不足係燒得有少少乾，既然材料咁新鮮，可以唔使燒到咁乾保持肉汁就更好食。不過而家啖啖肉都好滿足整體來講，餐廳環境幾舒服，員工服務亦都好好。而且餐廳仲有一個黑板寫住當日新鮮由日本運來嘅海鮮，今次因腸胃本身不適無緣試了，但下次必會再試
由於唔係好肚餓，就叫咗啲貴精不貴多嘅嘢，
第一樣叫咗韓國嘅海膽，海膽味唔算好重，但仍然好鮮甜，配埋個紫菜，更加帶出咗海膽嘅甜味，而且口感唔會水汪汪，即係好新鮮
第二樣叫咗個牛油果軟殼蟹卷，小小微暖，而且軟殼蟹好大舊，好少餐廳係可以真正食到蟹肉而唔係一大舊炸粉，好好食，必試推介
第三樣叫咗個海鮮茶壺湯，賣相好特別，用一個茶壺同一隻茶杯奉上，海鮮湯有少少似清酒煮蜆嘅湯底味，好飲！而且入面有蝦、帶子、蜆等等嘅海鮮，所以海鮮嘅甜味好重，停唔到口咁不停飲
最後叫咗一個燒嘅雪場蟹，最鍾意食蟹嘅我勁期待，一擺上枱就非常之吸引，啲蟹大大嚿啖啖肉，有少少美中不足係燒得有少少乾，既然材料咁新鮮，可以唔使燒到咁乾保持肉汁就更好食。不過而家啖啖肉都好滿足
整體來講，餐廳環境幾舒服，員工服務亦都好好。而且餐廳仲有一個黑板寫住當日新鮮由日本運來嘅海鮮，今次因腸胃本身不適無緣試了，但下次必會再試
张贴
