稻香超級漁港 (已結業)

我一星期最少跟父母出外食一次飯，由於父母喜歡粵菜，多年來食盡港九新界大小酒樓，老實講大部份都好一般，可能食到麻本哂喇，但稻香係我心水之選，全包套餐有特色，價錢亦相宜，尤其weekday食特別抵，荷包慳番唔小。杏花村果間尤其好，夠大間肯定唔使等位。間野以前係美心酒樓，成日拍烏蠅，稻香一接手就旺晒。

以前去食, 特別係蒸魚, 又老又un, 今次坎就好左好多叫左一條東星斑, 龍蝦伊面, 鹽焗雞, 海參鵝掌, 西蘭花帶子, 都吳記得仲有d咩, waiter 推介安格斯牛肩, 要左一客全晚最正要算係東星, 成二斤幾, 好嫩滑, 趁熱食完全係感覺到個種既鮮味, 始終都係星斑好食龍蝦就有少少失望, 吳單止細隻, 亦都冇咩口感可言, 調味等各方面都只係一般雞可以講係最差既一樣, 肉都吳多一啖, 吳得海參其實吳係好抵食, 百幾蚊個菜, 只係得三舊, 雖然食落去都吳差帶子還可以, 咬落去有質感之餘仲好有帶子味, 吳似出面有d地方, 係就係比帶子你, 但就完全冇味仲有個牛肩, 賣相雖然一d都吳討好, 不過牛本身靚, 個部位又冇根冇骨, 果然係安格斯既整體服務都幾好, 好友善

去朋友屋企聚會，數吓數吓有19人出席，認真熱鬧。正當大家煩惱食晚飯地方的時候，主人家已打點好一切，在迎囍book了位。於是一大伙人就浩浩蕩蕩咁湧去酒樓。一心以為19人會是分開兩圍，可能是前輩一圍，後輩另一圍。怎料主人家已細心打點好，要酒樓準備一張超大檯。當知客帶我們到那房，看見張可容納19人既大檯時，真的很興奮，始終覺得坐埋一圍傾計食飯是會開心好多。主人家一早已點菜，當然都是類似一般酒席的餸菜。乳豬全體唔錯，皮脆肉肥廋適中。之後有我唔食既龍蝦伊麵，聽講是可以的，不過我沒有吃過，所以不下評論。瑤柱節瓜圃其實都幾好，但草菇就唔多爽口。接著有海鮮卷，又因為我對海鮮敏感所以冇食。休息一小會，有海皇雞絲翅來。唔係太足料，冇想像中咁好。鴨掌鮑片反而是鴨掌比較好，又大隻炆得亦夠淋，但鮑片就普通了一點。不過，跟住來的東昇斑一定要讚，肯定主人家是加了錢，否則唔會有咁大條咁靚既星斑，而且蒸得又好，大家都好滿意。再者有雞，皮就幾脆，肉卻"鞋"了點，算是一般。印象中是咁多，之後就是荷葉飯和炒麵，但唔肯定有冇漏。吃了一碗荷葉飯，幾香。也吃了半碗炒麵，似乎太淡，唔夠獲氣。最後的生果尚算新鮮。但唔知點解冇糖水，但我

初頭剛開舖, 泰式粉最好味, 又抵喎十多元一碗咋~~~不過依家已經無咁好味啦~~~點心款算多~~~侍應人手好似少左~~~同同事一行14人中午飲茶, 呢到起碼平過南灣半島美心.食物都仲ok的~拼盤都幾味~~~豬頸肉都ok~好似都無開頭咁多人來食了~~~lunch平均每人四十、五十元啦~~~都試過有次要成八十多元呀~~~起碼平過潮江春, "潮"點心貴但唔見得特別好味~~~下午茶時間2個女仔都可以食出$120呀~~~不過我的同事lunch首選仍是小西灣君臨sweet potate或黑糯米一碗只是$5幾好味~

成1:30-2pm時間又加上星期天, 我地又有成十幾人真係邊度都好難搵位飲茶...不過好好彩一入稻香就話有位真係求之不得啦.太餓啦...見到咩點心都好想叫...最後叫到成枱都係. 我最欣賞係佢地既豬骨粥, 錦"老"雲吞同埋腸粉.佢地仲話d又燒包同奶黃包都好好味(可惜我無食到啦)不過我睇到個奶黃包d餡好黃好似想流出來咁, 個樣已經好吸引啦.其實點心都唔錯...最重要係十幾人都係食左四百多元, 真係物超所值.

上個星期五去食,三大兩細,第一次嚟食,估唔到商場無咩人,但係間酒樓就勁多人,我哋order咗以下餸菜,貴妃雞--最好味,雞好滑金菇芽菜生蝦煲--好多蝦,勁少金菇芽菜,都OK嘅蟹粉竹笙扒蔬--蟹肉好少,啲汁無咩味,唔知點形容,普通啦生煎牛柳--好似西餐\咁煎,賣相好似一塊牛皮膠布,唔係咁好服務真係一般,叫極都無人嚟,侍應又串串哋,想叫啲例牌嘢反而無

尋日去飲下午茶... 張木台塊木台布污糟到。。同街市d "so-called" 茶樓無分別。。又有茶漬, 又有木碎。。叫佢換木台布, 仲o係度話"係咁, 無人坐過"... 咁即係你張木台布洗得唔夠乾淨la!! 拎點心阿姐d 態度。。發晦氣咁。。咁唔順氣咪唔好做囉。。食完。。坐陣傾計。。有個"靚姐" 走埋黎一輪嘴問你d 野黎晒未, 之後話就話問你好唔好埋埋張單, 但實際都手羅走埋張點心卡走人。。我堅決話唔埋單住, 佢仲瞳孔放大咁兇過黎話"埋jor 都仲坐得!!!"。。咁我唔埋住都坐得jei。。我係都話唔埋住。。佢先死死氣放低張單。。之後十分鐘有個部長級"哥仔" 走埋黎又係邊問你埋埋張單, 邊拎走埋張點心卡走人。。成圍木台無人出聲。。ｆｉｎｅ～～你係都要人埋埋張單黎趕客。。唔緊要~~ ｂｙｅｂｙｅ～～　以後唔再黎ｌａ～～

3月31日18:30母親生日，本想到太座至愛—迎囍晚飯，可惜迎囍晚飯時段19:00開始，而小魔必須19:00離開，祇放棄。便要了一套餐再加一小菜：清燉海中寶：例湯一道，有肉竹、圓肉和瘦肉。湯有點點當歸和魚味，但遍尋不穫海鮮，湯偏鹹。乳豬撈起：有少許乳豬，伴碟有炸甘薯絲、芋絲、蘿絲等，還配有數款醬料，類似馬拉的撈起，祇是用乳豬代替了魚生。不太討好。大澳蝦翠通：蝦乾涼瓜，越咬越蝦乾鮮甜，涼瓜味甘而不會過火，掂！意大利焗原隻鮑魚：香焗芝士鋪上面，內有濃濃芝士和意粉，一隻隻小鮑魚和一點點青豆，手法和焗龍蝦相若，整體可以。古法清蒸老虎斑：蒸班片，豆卜和鮮冬菇墊底，陳皮味香濃。富豪炒飯：配料有帶子和蝦仁，飯炒得通透，可惜偏肥和稍硬(不適合長者)。脆皮吊燒雞：皮脆，但偏鹹，無雞味。花膠海參豆腐煲：是另加的一樣，亦是全晚最差的一道菜。花膠遍尋不獲，海參切粒，少得可憐，豆腐不夠滑，HK$68.-極失敗。如再來不會再散叫小菜，還是要當晚精選或套餐好了，但大小魔怪已拒絕再來。服務：差了，我是晚市第二個客，帶位先要安排我坐門口或最後位置，我拒絕，便安我到偏廳。人手不足，開茶後，便任由我自生自滅。點菜時，我要到

某日同家人到迎喜晚飯，因有小朋友在，叫咗個基圍蝦蒸蛋，點知個蛋只有５cm厚，好似食蛋皮咁，重要成五六十蚊，，點解唔比多兩隻蛋喎，又唔係貴，好彩啲蝦都幾新鮮。

尋晚同屋企人去食龍蝦套餐, 有個燒味拚盤係送o既, 咁食得好地地, 我地番到屋企既時候屋企人陸續出現肚痛同埋要去洗手間! 我地諗諗下都覺得碟燒味唔新鮮, 可能係冇乜人叫(因為尋晚星期6 8點左右都坐唔滿), 唔似銅鑼灣o個間o的食物賣得快, 所以都係冇下次幫"親"

印廠來跟我們production team拜年，老細訂了這兒的吃lunch。稻香o既點心一向甚有水準，唔知係咪因為咁，是次我們10人，只是要了點心，包括︰蝦餃、燒賣、油菜、腐皮卷、炸雲吞、珍珠雞、牛蝦叉腸、蒜香雞中翼、椒鹽玉子豆腐、鳳爪、牛肉等，味道全都不錯，但沒有太大驚喜，最好味是飯後糖水‧甘薯杏仁露，杏仁味極為香濃，滑而不甜，稠度適中，真有衝動叫多一碗。

已是去年九月的事，但忘記給食評。印象中，食物不過不失，而且味偏淡，記得那條清蒸唔知甚麼斑，肉質超級柴，又冇魚味，好唔掂。另外套餐最後的飯麵，竟然換上粉果(可能是公司指定的)和濕燒伊麵，每人一小碗都冇(但我o地每只是十人)，認真唔飽肚。去過兩次迎囍食晚飯，覺得同稻香差好遠囉~~~

21/10 去食團年飯我們book 了點食飯, 唉....超失望, 乜book 左都要好似d 人咁未book 排隊, 又choking 又迫人又嘈, 等多左30分鍾, 入到去都重要等...唉我們係訂餐的, 但貨不對板, 而且d waiter 做野慢態度麻麻1.上魚翅時,比d 瑤柱匙2.炸紫雞上唔到, 重要比隻所謂貴妃雞, 樣貌其惡劣, 重要話買晒, 但我地一早訂好架喎3.冇糯米飯, 連炒飯都上唔到, 話冇晒野本來唔係減價,但最后都可以以後唔會來呢間野,明知人地訂好左,唔應該受咁多walkin 客lo

今晚嚟食團年飯，成八點幾依然好多人等位，好彩已訂位。叫了五個餸，有蒸老虎班、薑葱焗蠔、豆腐煲、豆苗同半隻雞。每樣餸味道都幾好，可見個厨功夫唔錯。招呼也算ＯＫ。難怪吸引到咁多人嚟，包括我亭藍灣半島嘅住客。

1月20日19:00家人提早在這裡吃團年飯，由太座和大魔怪發板，要了下列：前菜潮式掌翼：由於太座早到，她肚餓極了，先來個掌翼。鵝片和掌翼極入味，豆腐好滑。龍躉兩食碧綠炒斑球：好鑊氣，斑片少許\過火，芥蘭碧綠，好爽脆，伴碟的還有藕片、金菇和甘筍，好道地的廣東小炒。(值得推薦)清蒸龍躉頭腩：用雲耳和果皮來蒸，火喉控制得好，頭腩滑一滑，份量足。(值得推薦)咕嚕肉：脆皮咕嚕肉，伴碟的有圓肉、洋蔥和青紅椒，賣相吸引，皮薄而脆，將肉汁封住了，完全不會乾身，(值得推薦)。芝士龍蝦伊麵：芝士味好濃郁，不會過咸，蝦肉爽和有甜味，伊麵口感好，不淋不硬。(值得推薦)脆皮雞：皮脆，可惜過咸和太。(可以放棄)汽水HK$10.-三枝，大嘉士伯HK$14.-，比百佳還便宜。整體價錢合理和有水準，藍灣芳滿樓之死，可能和她有關。侍應反應快(換骨碟和添茶水)，點菜時能提供客觀意見。環境過於擠迫，檯和檯間空間太少，通道不夠寬闊。離店時約21:00，外邊人頭湧湧(等位)。