稻香超級漁港 (已結業)

一家五口出黎食餐飯飯前小食: 香麻金錢肚--麻就冇,辣就有多芝士龍蝦伊底+脆皮炸雞(半隻)+拆蟹小棠菜+燒味拼盤芝士龍蝦好多龍蝦..但個口感差dd..因為落左太多炸粉炸雞幾ok..皮夠脆..雞夠味...其餘兩味一般水平但以稻香黎講...我會有好高expectation

飯後甜品一直以來都係令我十分期待但每次食o既糖水唔係紅豆就係綠豆食得多都悶...今日再黎呢到食dinner飯後叫左個甜品>杞子龍眼肉蜂蜜水(差唔多咁o既名啦...)個名唔係記得太清楚lu...不過呢個甜品我真係好鐘意~一來因為d料夠多~可以俾我咬下~二來唔太甜~三來價值合理~只係$6~好過食紅豆綠豆~!一定有take two!~十分好的一個甜品呀!!!

晚飯最後落腳地係杏花村o既稻香一黎到侍應就行埋黎不斷promote...o係佢地o既洗腦底下不禁想試下呢個俾佢地講到好抵食o既餐東星斑兩味+o古o魯肉=$348佢地話唔鐘意食肉o既話可以轉菜~於是放棄左o古o魯肉轉食「上湯菠菜」東星斑兩味...份量唔算多...三個人食唔係好夠不過味道ok~唔油~肉質滑...賣相好...可惜價錢偏貴....上湯菠菜普通貨色某幾條菠菜「上左年紀」..好難咬...埋單三個人四百蚊...三百變四百...加一、飯、茶芥...=差唔多$100夜晚出街食飯預左.....

由於人多，俾左間房我地，裡面有個爐頭架~間房好靚~~有一大盞水晶燈~~仲有部大電視!有乳豬全體、龍蝦芝士伊麵、鮑片鵝掌、瑤柱蛋白炒飯、雙蚌西蘭花、清蒸虎尾斑、壽包...仲有d唔記得heehee味道我覺得無咩特別，係預期之中的味道。係個蛋白瑤柱炒飯真係好好味，勁多蛋白，正。壽包都好好味。條魚都幾滑唔韌，諗住咁大條魚實韌架啦，點知又唔會喎。服務好，阿姐會時不時斟野飲同換碟，又幫我地影相，哈哈。今餐要成$5xxx，好貴啊~~~

呢到既早茶好好,好多好特別既野食~ 要睇佢另一張紙,佢個花姿餅, 芒果糯米飯好好食佢個牛仔骨.. 嘩好似食緊牛柳咁dinner呢~就比較一般, 成日出錯~ 叫左5碗糖水, 佢就出左十幾碗...黎呢架野, 一定要睇單唔係講笑~ 佢成日打多左d野係單到~ 你唔睇, 就比埋都唔知架啦~

趁阿媽生日，就出街食飯。點了虎班兩味，咕嚕肉，蟹粉扒豆苗，吊燒雞，白灼虾虎班兩味，蒸頭尾及炒球都好味，並且有魚味兼新鮮咕嚕肉，皮脆有肉汁豆苗就一般水準雞全熟但滑有雞味虾鮮而爽總括好味，近年覺得幾有水準的一餐

我們一家人到了稻香食晚餐。我們叫了南乳吊燒雞、菠蘿咕嚕肉、老鼠班兩味。南乳吊燒雞很有雞味，好味。菠蘿咕嚕肉很脆。老鼠班有味，是tasty。

意想不到，幾好味.....記憶中有咕嚕肉、瑤柱節瓜甫同雜箘炒時菜。不過條魚（據聞是石班）就不太新鮮，有點腥。同枱食客說甜品杏仁露好香好滑，但我已經太飽，無緣品嘗。值得一提是洗手間好光猛好乾淨。

亞娘話稻香最近做優惠,有d地方做1蚊雞,呢度做雙紅出海!上星期五就試0下!100蚊1斤東星班同18蚊1斤灼蝦,我地只叫東星班,因為想食鮑魚.東星班係一律2斤半($268)1條,製作須半小時,不過好好味,蒸得剛剛好(見到條魚骨係粉紅色的).係剛剛游緊水0果隻,好抵好得!鮑魚43蚊隻...果皮蒸,彈牙爽口,得!京都豬柳...肉質好"林",醬汁酸甜開胃,得!花膠什菜煲...都幾多花膠,但我猜花膠係最平價的,所以並不滑溜.反而好似蔬菜少D.上湯魚滑浸勝瓜...魚湯非常鮮味,勝瓜非常入味,正!甜品ORDER左1位綠豆沙...OK,1客芒果布甸...唔太甜,四款中最好味,1位南瓜湯丸...OK,但湯丸超難食,"林PAT PAT"同1客紅豆糕...太甜了!人客頗多,但服務員也很勤快!

遲了一個星期日慶祝父親節，選了在迎囍吃晚飯。感覺環境很整潔，有sofa卡位，整間酒樓很長很大，間開的位置可用作飲宴。點了幾味小菜，都不油膩，味道亦不錯，價錢不算貴，亦坐得舒服。

三個人星期日中午去飲茶，等位約半個鐘，這裡地點寬敞環境不俗，至於食物質素......蝦餃：皮好唔掂，蝦不夠新鮮菇：不倫不類百花釀節瓜：一般貨色碗仔翅($8一碗)：差過街邊貨色燒賣：及格煎蘿蔔糕：一般貨色粉果：街邊檔比較好味Ｄ煎鯪魚餅：太油日式煎餃子：不倫不類紅油炒手：10樣點心裡最似樣的一碟，水準當然不及其他店舖腸粉：沒來同樣價錢陶源好食十倍都不止。以我標準，理應俾個０或﹣，何以俾個＋？因為這裡的服務！食物少來了，我們沒有催，結帳時，待應問：「你check一check有沒有漏單？」一check，通知腸粉並沒有食到，埋單。期間，有人留意茶壼有沒有水；有人收碟。這樣的服務符復何求？不能評差，一分錢一分貨，想食好野去海都吧。這裡為一家大細，姨媽姑爹，老人家們留下一個好的聚腳點，看待應的態度都知管理層很嚴格。為此「食得過」！

是一個閒日，四個人十一時來飲茶。這裡是一貫稻香集團特色，以紅色為主調，地方大又有大大的魚缸。有卡位亦有散坐，我們坐在大廳中的6人檯，幾鬆動的。點心水準普遍不錯，尤其炸物最好，炸春卷、鹹水角等都熱辣辣又脆口，另外叫了錦鹵雲吞，一客6隻，圍著珍肝尤魚的酸甜汁，賣梳很好。炸雲吞很香脆，每隻還有叉燒兩粒做餡，幾豐富，醮酸甜汁也美味。不過吃錦鹵雲吞，一點點餡，甚至沒有餡都可以的。還叫了一味蓮藕酥，是外面酥皮裡面紅豆的甜食，鬆脆香甜，又不油膩，值得一試。其餘鯪魚球一般，煎腸粉雖然蝦米及蔥都落足，但煎得太硬了。而盅飯都只是收小點價錢，要了鳳瓜排骨飯，除了飯是煮得濕了一點，都很對辦。侍應時常來換碟，但要沖水就唔見人，幾奇怪。吃了十一個點心及錦鹵雲吞，埋單只一百六十幾蚊，不知有否算錯，但就相當經濟。點心不錯，地方好坐，如果像我們是日一樣不用排隊的話，都可算是飲茶的好地方。

見佢賣廣告...38蚊1隻5兩半重大閘蟹,11月中旬試啦!同蝦子餅2個人,星期日好彩book定位.我18:30到達,walkin客已經要等位.7點正已經坐無虛席.我先叫2隻大閘蟹...都幾足秤,打開蟹蓋又幾似樣喎(38蚊)!我見都唔錯,仲叫多1隻!食完大閘蟹後叫多2個小菜,苦瓜炒駝鳥肉及醬燒肉碎茄子,味道也不俗呢!

平時以為只有週末假日去飲茶才有優惠﹐要有優惠才會抵﹐怎知那天自己放了自己一天假﹐和一班平時不用上班的好姊妹去了杏花村的稻香飲茶(她們平時都喜歡去那兒的)﹐都只是$42 一個人﹐好平喎﹗星期五差不多1 點去到﹐那麼大的茶樓都幾乎滿座﹐生意蠻不錯的﹐看來食物質數都應該不差吧。試了一大堆的點心﹐都是一些普通的點心﹐沒有什麼特色的﹐但都有水準﹐我挺滿意。這裡的種類繁多﹐平時在中上環飲茶是沒有那麼多選擇的。其中那個油菜(芥蘭) 比在西苑的魚湯浸芥蘭更有菜味﹐更爽脆。那個芒果糯米飯的椰漿比在某間泰國餐館的更香。不過服務就真的不行﹐我們沒看清楚﹐在點心紙劃了個鹹魚雞粒炒飯﹐原來要12 點半前才有的﹐但沒有人告訴我們﹐等我們等到差不多吃完都不見那個飯去發問﹐侍應才說這個沒有了。這都沒關係﹐我們另點其他點心咯﹐不過他的語氣中的藐視﹐就好像我們做錯了什麼似的就有點那個了﹗

一直喜歡吃蘿蔔糕，去飲茶當然要點了。長假日的第一天，歡歡喜喜地跟家人一起歎個舒心的早餐，自然是最好的享受。叫了蒸蘿蔔糕，叉燒包，粥等等。誰知道這裏的蘿蔔糕不知道什麼時候改了recipe, 原來細細的蘿蔔絲變成了小手指一般粗細的蘿蔔條，吃上去好像是吃渣，faint!!! 本來就覺得稻香的點心麻麻得，主要是貪方便，現在更是不願意去了。