稻香超級漁港 (已結業)

好彩！六人套餐也夠八人吃！真是開心至極！龍蝦伊麵又幾好味。結帳只付$715！總之星期一至星期五都找到這款$599 的套餐。不過侍應有需要增加，她們真是忙得不可開交！) ) ) 齊齊開心過肥年啦！

星期日至四9:00pm後黎呢度打邊爐真係好鬼抵. 大部份既配料都係$12, 除左肥牛同埋有D海鮮. 推介花膠仔, 都係$12咋. 岩哂我地D女仕, 骨膠原丫嘛...嘻嘻.我同屋企人差唔多個個星期日都係呢度開餐. 通常$70-$80一個人. 最貴都一定唔過$100. 抵過去任食. 不過如果少人可能就會貴D. 因為少左人分個鍋底.

第一次去這間酒樓，晚上同家人打邊爐。一入去的印象已經很好，裝修很靚，地方頗大，又乾淨光猛。火鍋湯底很好，個沙嗲湯好香，所有食物都很新鮮，個個都食得很開心，重食到好飽。服務很好，由入門口直至離開，個個侍應都很有禮貌及笑容。個女廁裝修好靚，落地玻璃有海景，比起酒店的廁所更靚。總括來說，樣樣都很滿意。

有日同家人去迎囍食晚飯, 叫咗一個6人份量套餐另多幾個小菜, 都幾大碟都食得好飽, 味道都幾好, 但最唔好食係碟龍蝦燴尹面底, 都唔知點解將隻龍蝦做粉醬炸過, 攪都隻龍蝦比人感覺用唔新鮮野咁, 同個荷葉飯好濕好淋重有苦味...整體其他小菜都唔錯

有日同家人去呢到食晚飯, 試左佢地既大閘蟹都唔差, 雖則係公蟹, 但都食到鮮咪, 三十蚊算係咁, 讚!我地叫了個套餐, 有燒豬, 好香好脆口.翅, 唔掂啦, 似湯多d, 好稀.其他野都ok啦, 不過不失.

早上去拜山, 之後一家七口去飲下午茶, 2:10pm 去到見到門口好多人, 仲以為要等好耐, 派籌0既小姐問我地吸煙區得唔得, 答佢無所謂, 之後唔使5 分鐘就有檯。環境幾好, 吸煙區雖然遠, 但高人一等。點心味道唔錯喎, 奶皇飽係流沙的, 好好味! 總共要左三籠(每籠三個)!! 不過個"花枝燒賣" 好似食緊唔爽0既墨魚丸咁, 少少怪。食左好多野, 每人平均都唔使60 蚊, 好抵!另外toilet 裏面洗手盆area 有海景, 落地玻璃好raw, 好好笑。

星期日中午, 老媽子要求飲茶, 就試下呢間新野.首先, 裝修幾靚, 有卡位選擇適合3、4個人坐, 可惜擺擺得好迫, 椅背貼椅背, 環境嘈雜. 即刻拉低晒D分數. 人手短缺, 服務一般啦, 無咩笑容, 叫人加滾水、收碟要等一陣.食物方面, 味道不過不失, 份量都算足, 不過價錢就貴左D, 可能係星期日中午關係, 見佢D紙仔印住平時都有特價下午茶, 抵食好多. 女廁設大玻璃窗, 有海景, 好開揚, 可惜無水沖廁, 成地積水, 扣分.

成日好晏先收工返到杏花村都已經九點十點又未食飯,好多時都會去呢度食! 貪佢有平d 既宵夜時段.打邊爐既牛肉唔算多但係就好有牛肉味, 個人推介就係海蝦因為次次點都係好新鮮, 而且價錢(sun - thu)都係十二蚊...(有成十一隻)晚飯呢...就好似上面個位人兄咁, 都抵食架! 湯類都唔錯, 仲有就係個款大蝦伊面, 真係好香好好食本來四人份量, 但兩個人都可以照鏡!

店址前身是美心酒樓，經營不善收檔。換了稻香上場，以特價時段點心、小菜、火鍋、套餐和不錯的味道招徠不少捧場客。木瓜燉螺頭($48) - 湯頗清甜，都有不少螺頭粒，一盎可分四碗，兩個人飲剛好。豉油皇乳鴒($9.8一隻) - 兩個人一人一隻，味道都ok，不過略鹹。炆斑腩($68) - 多骨，煲底油多，獻汁杰，麻麻。小頭和x2都幾大食!價錢咁平，又不算難食，大集團衛生有保障，不用自己洗切烹，仲想點?!