稻庭養助

营业中

休息中

又到happy Friday， 約埋同事一齊出去食lunch開心下， 同事提議食日本餐，所以我哋就嚟咗此店。聽同事講呢度出名係烏冬，所以我就點了一個豬軟骨烏冬， 同事就點咗一個定食 (有魚生、天婦羅、牛肉、魚、烏冬和飯)，另外點了炸雞。整體食物質素不錯，烏冬夠爽滑彈牙，豬軟骨夠淋入味，魚生夠新鮮， 炸雞夠香脆唔油膩， 但略嫌烏冬份量較少， 對男孩子來說，一碗未必夠飽。定食食物豐富，份量充足，有飯又有烏冬👍湯烏冬 味道不錯烏冬彈牙， 但分量略少😓炸雞夠香脆唔油膩

2018年8月18日。尖沙咀。雨。同朋友食生日飯，尖沙咀就最方便大家啦～呢棟大廈原來成棟都係餐廳呢日就揀咗食日本菜一入門口，就見到疑似老闆娘，係日本人來嘅～所以佢就叫咗夥計來招呼我哋安排咗我哋坐窗邊位，個景都幾開揚，望到少少海景，估計可能會睇到煙花添八爪魚carpaccio意式冷盤，用沙律菜同蕃茄粒鋪底，上面擺咗八爪魚刺身再有啲蔥花同醬汁八爪魚刺身非常新鮮，超級好味！未食過咁爽滑嘅八爪魚刺身，完全唔韌，每一塊都滑溜溜大推～～～芝士蛋卷嘅芝士唔係好多，但勝在雞蛋綿滑要趁熱食3色稻庭烏冬，稻庭烏冬麵質幼滑唔會有煙韌口感，所以食落會覺得似拉麵嘅幼麵多啲但味道嘅話，只有中間嘅滑菇比較出色，另外兩款都麻麻地萬眾期待嘅魚生飯登場～～～魚生種類好多，而且新鮮清甜份量都好大，記憶中價錢好似唔算好貴推介～帆立貝牛油燒帆立貝大隻，燒得幾好，肉質保持都鮮嫩質感，仲有肉汁味道偏淡，加檸檬口味都幾清新炸牛蒡沙律呢個係令人喜出望外嘅菜式份量大之外，炸牛蒡口感亦幾新奇有趣有啲似麥當勞薯條，上枱無幾耐就俾我哋清晒

今朝喺尖沙咀開會 開完會當然要揾嘢食喇 今日揾到間日本料理 入到店內就見到個開放式廚房 感覺唔錯 午餐款式多 食物水準也很高 睇吓個餐牌先 太多無影晒 又睇吓我選擇左邊個lunch set稻庭養助便當🍱（特上）我當然選特上喇睇相都知好正！今日好滿足

今晚約左舊同事食飯, 唻到大概七點, 當日都冇卜位, 好好彩唻到咁岩有一張枱, 估唔到平日仲咁早全滿已經好滿座, 我地隔離枱仲坐左幾個日本人,有部分師傅同侍應都係日本人, 聽到講日文就好似去左日本咁呀！部份餐牌, 仲有成本係日本酒, 不過我地冇點到, 果日我地叫左海鮮同豚肉蕃茄烏冬, 蕃茄湯味好濃, 又唔酸, 烏冬原來同我地食開既唔一樣, 冇咁粗好似湯面咁, 但又少少彈牙我地仲叫左個蛋卷, 咸咸地好好味！不知不覺就食哂成條店內環境都唔錯, 不過可能人多就有少少嘈, 仲設有bar枱望住師傅整野食添

T同學素愛日本，生日飯就同佢黎食日本野。成棟太子珠寶大廈都有好幾間食肆，要排隊等lift, 但條龍唔算長時間可接受。餐廳環境好日本，半開放式廚房。啲檯都幾密，其中幾張檯喺落地玻璃窗隔離睇到維景嘅。樓面侍應得兩位，佢地好忙，但回應客人算快。小食叫左鰹魚沙律、明太子蛋卷，感覺普通，而芝士魚餅夠熱有爆芝感覺。刺身叫左（上）五點刺身，吞拿魚油脂夠平均。燒物方面，牛油帆立貝都唔算細粒，燒厚牛舌熟度岩岩好，中間粉嫩色！蒲燒特大鰻魚果然係名物，好肥美多醬汁，送飯一流，淨食就咸左啲。黎稻庭唔可以唔叫烏冬，叫左海鮮蕃茄湯烏冬，超足料，但比較上次食冷烏冬，我都係鍾意食冷烏冬。埋單成惠 HKD 13xx，正常尖沙咀價位，而我地自備蛋糕就收左50蚊切餅費。因為我地電話訂座，無限時交檯，其實餐廳都早收，十點半就打烊。

👉🏻3色稻庭烏冬🍜🍥💲110第一係熱嘅清湯😗烏冬好幼細好滑🤩我中意呢隻幼烏冬多過粗😌第二係蘿蔔蓉同菇味🍄係凍烏冬❄️麻麻呢個味因爲我麻麻蘿蔔 但中意蘿蔔應該幾中意呢個因爲佢蘿蔔味幾重 反而食唔到菇味😹凍食嘅口感都不錯😛第三係麻醬🤩呢個係溫食🤣最中意呢個麻醬好香😽可能我真係比較重口味haha〰️〰️〰️〰️〰️〰️〰️〰️〰️〰️👉🏻明太子蛋卷$88明太子味都幾夠幾多 但佢唔係centre側咗係一邊🤔蛋都好滑好香 佢冇咩調味所以食到蛋香😹不過整體一般🤔可能我中意重口味嘢〰️〰️〰️〰️〰️〰️〰️〰️〰️〰️原來呢間係日本好出名架🇯🇵✨東京有分店😙啲烏冬又真係幾好食😽不過味道唔係太驚喜 係正常嘅好食🤪好開心返香港咁耐食咗好多餐日本嘢😆

又來到尖沙咀食午餐，今日晏左少少，成兩點多才到，餐廳已經冇哂人，而我地一坐低就 last order 喇！安排左我地坐靠窗位，光猛又有景！叫了一個牛肉定食🤔有牛舌和牛肉，牛還可以啦，但配菜少了點 ...蕃茄牛肉烏冬我還以為是熱湯，來到才知道是冷烏冬。也沒關係吧，反正天氣這麼熱。酸酸甜甜的開胃，烏冬有口感，煙勒唔會稔支支，比起定食出色。窩心既係個烏冬另外送舊腐皮壽司，又幾開心喎🤗 個個前菜瓜仔味道麻麻，冇乜掂過😛埋單二百幾蚊

[ 男朋友: 玉子燒滑過築地食既‼️]••上星期男朋友媽咪生日🎂話說我都幾期待佢地生日，因為佢地揀既餐廳都係我鍾意食既😚(通常都係日本野🇯🇵)，今次呢間之前食過勁多次，我鍾意到開左個tag比佢😂紅磡個間好多日本人去食，四方八面都係日文🙉-最出名既烏冬之前介紹過🍜今次主要介紹玉子燒💁🏻‍♀️⋆ ⋆ ⋆ ⋆ ⋆🔹明太子玉子燒($88)⭐️9/10🔹蟹肉玉子燒($98)⭐️9/10真係無諗過咁好食‼️件玉子燒係非常咁滑，又軟熟又熱辣辣👍🏻仲要有蛋汁🤤💦男朋友直情話覺得滑過我地之前係築地食既🍳不過我都好認同，暫時係我係香港食過最滑最好食既玉子燒😍推介❤️❤️▫️明太子味道好濃，鹹鹹地少辣咁，帶起整個玉子燒既味道😋相反，蟹肉鮮甜，係新鮮蟹肉既鮮味🦀呢個配搭清新鮮甜👍🏻兩款我都好鍾意，下次都唔知點揀好🙈-🔺其實仲叫左好多野食，都好好味👅不過男朋友爸媽係度，我唔好意思係咁影相🙈

What more can I say? The title has already given the answer away! I was brought to this restaurant by a friend who has super good taste for food! Ever since that time, I have made returns to this restaurant. You will find many Japanese people at this restaurant as the foods are truly authentic and yummy. I have made several returns to Inaniwa and It has not once disappointed me. The most memorable dishes are chicken sashimi, The signature soup udon, the yam, and their daily fresh sash

約左舊同事食飯，都係離不開旺角、尖沙咀，係附近返工的舊同事話食過稻庭養助lunch都ok，甘試下啦，點知無得訂檯，又唔想再諗，唯有Walk in⋯⋯點知一等，等左1粒鐘，無諗過3個件都要等甘耐。好啦，等左甘耐，一坐低就即刻叫野食，隊長係蕃茄fans，當然揀左個蕃茄牛肉烏冬，細食同事叫左個蕃茄野菜冬冬，另一個就叫左個炸蝦天婦羅烏冬，三個有兩個都唔係細食，所以再叫多個牛油帶子同鐵板魷魚。烏冬先係呢到既主角，果然係主打，真係唔錯，烏冬係扁身果種稻庭烏冬，有靭性，而且又唔會煮得太耐變左林pat pat，不過略嫌個蕃茄湯唔夠濃。至於2個小食，相對烏冬，小食就失色好多，牛油帶子唔夠熱，所以唔香牛油味，魷魚都係偏淡，基本上淨食烏冬就夠了。

《日本直送、烏冬始祖》🍜秋田縣出產嘅米好食，稻庭烏冬更加係日本三大烏冬，有350年以上歷史。稻庭養助, 稻庭うどん, 炉端燒 - 尖沙咀係日本佐藤養助老店直營，每一條麵都係日本直送，絕對原材料，真係喺香港都可以食到正宗嘅日本烏冬麵。呢度仲做埋爐端燒🍢、魚生🐟同壽司🍣供應，食物大眾化。黎之前下載Storellet app, 免費成為會員就即送小碗烏冬🍜，或者任何烏冬買三送一優惠，4個人黎就最抵。我地今餐就試咗秋葵漬$48—新鮮爽脆，不錯既前菜鰹魚🐟沙律$100—刺身鮮甜，蔬菜新鮮燒三文魚腩$80—肥美，油份足，入口即溶鰻魚飯$80—份量比較少一點，醬汁好味砂肝串燒🍢$65—鹽燒但鹽味不足小碗熱烏冬$0—湯頭清甜熱騰騰，跟烏冬絕配雞肉湯烏冬🍜$108—相反這個烏冬是另上的，下湯後湯變得唔夠熱，這個需要改善！綜合8件壽司🍣$200—不是上盛食材，但還可以蟹肉玉子燒🥚$98—配搭冇得輸愛飲返兩杯既朋友🍶，記得呢度有下酒菜小碟費用$20/人!除左食，仲可以買！$120就可以買盒返去慢慢歎。請keep住留意 食玩焗煮遊世界 *㩒埋like&follow,可以即時收到新post通知。#食玩焗煮遊世

日本三大烏龍麵(烏冬）中我最喜愛幼身的稻庭烏龍麵。曾到訪過佐藤養助於稻庭的本店，本店內只有不同款式的冷、熱烏龍麵，一試難忘。香港店除烏龍麵外，也有刺身，串燒等食物。點了雞肉烏龍麵，天婦羅烏龍麵及燒飯團。烏龍麵的整體水準達本店的8成半，可能是少了跟餐的麵鼓湯及前菜，可能是烏龍麵有點散，烹煮時間欠了一點點，可能是雞肉，可能是煲湯的水。幸好，清酒選擇比本店多很多，點了麓井 純米吟醸 出羽燦々，日本酒度雖不高於+3，但入口辛口感覺頗重，旨味不弱。吃下湯烏龍面及天婦羅也蓋不下辛口感。麓井 純米吟醸 出羽燦々麓井酒造產地 山形県酒田市使用米 出羽燦々精米歩合 55%酵母 --Alc 16%日本酒度 +1 - +3酸度 1.5飲用時温度 冷飲

第一次寫食評，今天亦是我跟老公結婚18週年紀念日，因為想輕輕鬆鬆兩公婆撐枱腳，所以專登選擇食 lunch，在沒有特別要求及沒有book 枱情況下，12:30行經此店樓下，打開OpenRice 見食評不差可以一試。 乘電梯去到店鋪門口，進入店內跟侍應説兩位後，見店內食客只有四分一滿，我便向店員要求坐bar枱位。可能是午膳時間，所以Menu 提供的幾乎都是定食，我們選擇了兩客定食客，另外説到底都是紀念日，老公提議order 一枝日本酒及小吃。 磯煮鮑吞拿魚三色便當 $280磯煮鮑魚味道不太突出，大拖羅油花剛好，有筋是預計之內，赤身、三文魚子都很新鮮，蔥花吞拿魚碎都很鮮味，麵豉湯味道適中，沙律菜不太好吃😓。嚴選燒魚三點盛合定食 $138三種燒魚 - 赤魚、鯖魚、還有一種忘了名稱😛赤魚是最好吃，油香肉滑，鯖魚過燶，忘了名字的魚都不錯。鹽燒日本雞腎 $68燒得剛好，味道也不會大咸天壽純米酒 $380有米香，不太辛口，適合女仕餐飲一杯+$15 的日本熱咖啡一杯凍檸茶很普通，完全唔明點解響日本餐廳要加$15，才可飲日本咖啡衞生 坐bar 枱位目的就是要看到廚師

朋友介紹,話係紅磡食過好味,仲有真日本人坐陣,6點幾星期六上到去,四位,等左十幾分鐘，坐底過多陣，全場都坐得7788，都算幾爆！入到餐廳,環境都幾好,場內又真係好多日本客!叫左個燒豬肉,明太子玉子,炸雞，蕃茄海鮮烏東，炸藕餅豬肉！個鳥東蕃茄湯都幾好，整體來說所有食品都唔錯既，全部食品都中上、不過不失⋯不過可能得罪d 講句，間餐廳係好味過和民既，無咩邊一樣野食係有亮點，一致地正正常常。可能唔識叫啦🤪個人就未必會回食喇！不過都可以一試！

As I live in hunghum area I have been their customer for a long time at their branch in hunghum. Just found out they have opened a new one in tsim sha tsui so went to check it out with friends today for lunch. I recognise the owner serving customers immediately from their hunghum branch and he offer me a spacious seat by the windowI ordered a lunch set which contain pretty much everything I want to eat, which are my usuals at their restaurant, udon, tempura, tuna shashimi, fried pork and fish an