稻庭養助

营业中

休息中

之前見到好耐，今日終於食到了！位置方便，位處isqaure隔離街，上樓等電梯也不多人了，感覺良好上到去環境光猛，可以望到好遠，我叫了一個青森縣產豚腩蕃茄湯烏冬定食（$128）送野飲，清清地嘛。賣相好正wor, 仲有舊腐皮壽司送添一食落口，咦新鮮蕃茄嚟架wor唔係罐頭蕃茄！好有誠意呀！望下個open 廚房，好大個廚房，好多師傅，日本人主理，佩服佩服，香港地做生意大部分餐廳都盡量放多d位，一定將個廚房縮到有幾細得幾細，但係呢到應該真係對食物有要求，無犠牲廚房。烏冬係呢到出名，烏冬係幼身彈牙的，睇得出係自家製（好似係日本總店做），豚肉切了薄片無咩味，但都幾滑嘅。總括嚟講以價錢，環境，食品嚟講真係幾正！佢飯果d定食仲平過烏冬，仲有好多野未試，應該有排嚟lu

冷麵賣相牛柳粒+蕃茄+dressing汁+冷麵非常配搭有驚喜。食到尾先識影相因為即叫即整，新鮮程度可想而知，飯香撲鼻，許多顧客都叫飯定食，所以下次再光顧應該叫飯其一最貴定食好似係燒紅魚套餐$350。另一款想試定食係蕃茄烏冬！

唔知係咪🤔🤔人對於一碟碟擺得好靚仔既食物會特別有好感💕(定係其實剩係得我🤦🏻‍♀️)身為烏冬怪的我 無意中睇到呢間烏冬店就拉埋美女同事們試試佢😆點知原來lunch有烏冬既set唔多我揀左咩都有啲既 稻庭養助便當 (上) $128絕對是貪心怪之選🙋🏻烏冬可以揀冷或熱 細細碗有啲唔夠食😭但係屬幼身烏冬 滑得尼幾彈牙 下次要叫有兩碗烏冬那個set🙊😆天婦羅 值得讚!!! 蝦肉鮮甜 魚肉嫩滑 炸粉唔厚又鬆脆豚腩肉 好邪惡 因為真係好多肥肥膏😈比我更貪吃的朋友要了 稻庭養助便當 (特上) $158比我個set多了魚生 豚腩肉變了牛扒不過這間的豚肉其實較好吃另一個朋友點了炸雞定食 ($85)炸雞好好吃!! 皮脆 肉嫩多汁 份量又多整體尼講唔錯 回頭度高~午市餐牌如下:

聽同事講北京道有橦太子大廈，入面有間日本餐廳出名食稻庭烏冬，今日lunch 特登過左黎食，食完果然冇失望lunch menu 選擇好多，而且大部份都可以自由配搭，岩晒唔同人既口味。既然佢叫稻庭養助，當然要試下佢既稻庭烏冬啦，麵質又軟又滑，湯底清甜，真係唔錯！另外配左個饅魚飯，饅魚都算大塊，一啲都唔姑寒成個set 又飯又麵，食完真係好飽！埋單大概$100，以呢個質素的日本菜都算抵食！

在尖沙咀工作六年多，許多餐廳都已經試勻。早前見到路邊廣告樓上有新餐廳，一於同同事前往試試。這兒的座位約有廿多個，裝修以棕色為主，有著樸實的味道。午餐由$88-$168不等，還有廿百到三百的定食等選擇。健康定食$95這定食都幾豐富，既有炸雞又有燒魚、胡麻豆腐、海帶同沙律等。燒魚是即燒的，滿有炭火香又juicy,真的皮脆肉嫩，一點腥味也沒有。而炸雞大大件，很香脆而唔覺油膩，雞肉雖然唔乾但無乜驚喜，是傳統日式炸雞味道。。海帶、豆腐等味道很淡，可能是忠於原味，也許這樣健康一點吧。胡麻燒雞冷烏冬$108這燒雞是偏向淡味，輕輕燒過，雞皮下沒有多餘的脂肪，再加上（少許酸酸地）的蘿白蓉，感覺清新。而燒雞的肉質都幾嫩口，味道是少許鹽味。 主角還是烏冬，烏冬的份量真的是一人份，女仔食的話，剛剛好。烏冬是扁幼身的，入口十分滑溜而口感帶少少煙韌，真的同平日食的烏冬有點不同，沾上稀身質地的胡麻醬汁，烏冬變得更香滑同富芝麻香，值得一試。餐飲：無論奶茶或檸茶也十分一般，不要有任何期望。奶茶好像水加奶的味道，茶味唔突出。總結：烏冬同燒物值得一試，尤其這種曰式烏冬同坊間常吃的粗身烏冬很不同。而健康定食就好一般，可以飽肚

朋友一向愛udon. 今次search 左資料慕名而來. 結果卻係敗興而回海鮮蕃茄湯烏東 $138Seafood Udon in Tomato Soup話係烏東, 倒不如講係幼麵更貼切. Texture 偏腍無口感. 可能因為麵身較幼, 又係熱湯, 結果愈食愈腍.湯底同樣失望. 所謂海鮮只有兩小隻蝦仁, 三四隻細蜆 --完全唔新鮮. 自然湯無鮮味只有茄味. 呢個質素都幾對唔住價錢松葉蟹肉煎蛋卷 $98Crab meat Tamagoyaki蛋煮太耐唔夠嫩滑. 蟹肉都有, 但或者蟹味唔夠出, 而佢亦無sauce/調味, 味道普通. 食左一件已經想收手.燒鯖魚蘿蔔蓉冷烏東 $128Grilled Mackerel with Grated Raddish Cold Udon.3樣之中最出色. 可能冷湯底, udon 無咁易浸腍, texture 滑中仍保留到少許口感. 湯底加左蘿蔔蓉幾fresh, 適合夏天食可惜係鯖魚唔算好新鮮, 肉質有點霉. 煎得唔夠脆. 呢間係新分店, 原鋪係紅磡. 唔知係咪分店水準下降, 整體味道實在令人失望, 性價心唔高.另一點令晚飯不太愉快係呢度service.

今日好熱本來4個女仔唔知食乜好， 最後去食稻庭。因為太熱，所以叫左個稻庭沙律，好正。酸酸地好開胃。個燒牛舌都好軟，一啲都唔硬。D刺身size剛好，唔會太薄。環境好似去左日本既居酒屋。員工服務快，同細心。 會問你夠唔夠食。價錢公道，下次會再黎。

幾個fd話想食日本餐 咁岩係尖沙咀見到稻庭個易拉架好吸引 諗都冇諗就上去了一入到去見到個開放式廚房已經覺得正 個裝潢同waiters既大聲歡迎令我地好似去左日本既居酒屋同我地叫左特大饅魚飯 哇塞! 真的好特大 燒得好惹味! 啲海鮮天婦羅有蝦有魚有帶子 全部都好鮮甜! 我見到好多枱都有點炸雞 好香 中! 我地都叫番個袖子炸雞 正!仲有啲招牌稻庭烏冬 好似話係日本已經傳到第七代 佢地啲烏冬係幼身 條條人手搓 所以特別彈牙 入味!順帶一提 佢地呢度咩酒都有 生啤 wisky sake 燒酌 汽酒 白酒 水果酒! 所以呢 同fd黎食日本菜飲下酒 唔洗飛去日本都好似置身於日本居酒屋咁呀

這店舖主打刺身日本直送 稻庭烏冬 ，聽講日本是稻庭養助第七代傳人製作 ，直送香港 跟在日本食過的味道不相伯仲 ，開放式廚房看見師傅用❤️即燒🔥食物增加了不少的食慾氣氛 我點了燒牛脷即燒雞翼等、、、聽講雞翼是鹿兒島直送 ，吃時真的不同，多汁又好吃，記得一定要試仲有深海大池🐟刺身味道清甜 仲有美味的三文魚腩刺身日本直送海膽甘香，不同在香港吃到的，我的朋友平時不吃海膽的都讚不絕口呢！記得要試齊 ，最後梗係要Order一客滑滑又彈牙的稻庭烏冬啦！

路過太子集團大廈樓下見到有個好搶眼嘅水牌於是搭𨋢上去睇個究竟。一開𨋢門就見到好搶眼水牌，唔怕出錯𨋢😂😂餐廳唔大，一眼睇哂，由於仲係新開嘅關係lunch時段1點左右都唔駛等位。睇左一輪之後簡左燒鯖魚套餐😋 見到條鯖魚令我好surprise 竟然係連頭上😮 皮燒得好脆，食落唔油，肉都好結實，而且好大條。加埋少少檸檬汁同蘿蔔蓉簡直係絕配☺️☺️味噌湯好香濃，唔會好似水咁稀，好正宗日本風味好飲👍🏻lunch set 其實仲連埋餐飲，都幾抵食😁

那天一個人見完客, 好想靜靜地食個early lunch, 又唔想同人逼, 見isquare後面新開了太子集團中心,下面有個水牌, 就上去望望, 成間餐廳門口都係花籃, 一問之下, 原來開左3日!見到入面有兩檯客, set lunch價錢又幾相宜, 咁就入左去坐啦~我被安排坐左近窗邊的2人檯, 前面有一檯講日文食客~可能新開張, 人流不多~set lunch選擇好多, 鐘意食生野又得, 燒物又有, 當然呢間野賣點說是烏冬, 有興趣都可以食下由於我當日只想食個long lunch, 揾個地方hea 下, 所以就叫左最簡單的雞球定食等左十分鐘, 定食黎左。嘩, d雞球熱到不得了, 新鮮整起的。值得一讚是面豉湯, 濃度合適, 不太淡, 又沒有粉狀的口感。日本米使用, 不會太林, 又不會太硬!雖然當日無計劃, 但誤打誤撞遇上新開, 又好食的店, 經已很滿足!