稻庭養助

营业中

休息中

是日來到稻庭養助，是因為掛念上次吃過的雞鍋，好想再食！這是今天的午餐餐牌，選了B雞鍋，想吃它的烏東，便再點了一個3色烏東。雞湯雞鍋來了！它是新鮮煮給你的，雞湯是乳白色的，好濃好稠好黏口！吃得出這個雞湯是用了足份量的雞 煲了很久很久而成的。雞湯裡有大大塊雞塊，有4,5塊，仲有3隻餃子同椰菜，再跟一大碗飯，就算是男人都絕對夠食夠飽！出面應該好難搵到這個價錢又夠濃的雞湯鍋！推薦！推薦！其實這間餐廳主要是賣烏東的，它的烏東都是手造的，所以來這裡一定要試試它的烏東！今次試了3色烏東。三碗中有兩碗是冷的: 麻醬和鰹魚(?), 兩個口味都非常出色！烏東又好夠滑！熱的口味好清比較淡，我覺得沒有冷口味的出色。但都好好味！它的烏東絕對是必試的👍🏻！值得推薦的餐廳👍🏻順帶一提，它是開放式的廚房，所以走的時候總會帶點油烟味。

今日小編去尖沙咀同同事慶祝生日，揀咗依間日本餐廳食午餐。提議大家嚟之前一定要訂位， 因為當日真係好full 。 入到去感覺唔錯，見到有個日本師傅係個開放式廚房入邊，即刻信心大增！叫咗個便當， 一邊有燒肉有刺身有tempura有miso soup 先＄200樓下。仲要係好好味！真係誠意推薦比大家

話說有一日小妹突然好想食烏冬，上網search左好耐都冇咩心水。🤨同事知道我想食烏冬就介紹左呢間隱世日本餐廳俾小妹。睇左網上面既review, 即刻打電話訂枱。去到隔離兩邊枱都係日本客人，即刻覺得呢間餐廳唔簡單。😏小妹叫左一個天婦羅熱烏冬，朋友叫左鯖魚冷烏冬，烏冬真係好好味，同小妹係東京時食到既味道幾乎一樣。係香港都可以食到日本既味道，真係唔可以再挑剔。個人認為冷烏冬做得比熱烏冬出色，份量相當充實。😆有機會一定會再黎試下佢個沾烏冬，感覺都唔錯。

今晚好鬼凍 又落雨 好想食d熱食 🤔🤔Ermmmm 食稻庭烏冬!!!! 一向都好中意食=D星期一 八點鐘 仲有好多位 上次星期六黎等成一個鐘都無位 今次仲坐到窗口位 正丫喂😊叫左個蕃茄豚肉拉面 好中意 $128首先佢唔系落茄膏 系鮮蕃茄！正系呢樣都抵食!!!!!!!!豚肉好食 肥瘦岩岩好稻庭烏冬 偏軟 好入味 點可以唔食!😋😋😋吉列蠔 $68 有6隻漿唔系厚 蠔肥美😍😍蓮根豚肉夾餅 $60好special 但好飽肚👉🏽👈🏽天婦羅🍤稻庭烏冬 $120朋友食嘅 賣相都唔錯😎

之前係黃埔已經食過一次, 念念不忘佢既烏冬, 真係好滑身又有口感~ 今次嚟佢尖沙咀間舖試吓先~ 呢到比起黃埔光猛好多~ 我留意到好多日本人都嚟呢度食~ 今次叫咗個迷你稻庭烏冬&迷你飯定食(揀咗冷烏冬同鰻魚飯)如果大家驚份量唔夠飽既話可以加$加大個烏冬~ 呢個SET唔錯可以食到烏冬又可以試埋佢D唔同款式既飯~一如以往...烏冬好滑有口感, 鰻魚飯D鰻魚唔錯~唔算太多骨~如果可以再肥美D就仲好添啦~佢跟SET仲有個湯..都好夠味好濃~上菜都好快~真心推介呢間俾大家~

閒日晚聚, 一早已經book位, 不過不多食客, 其實都不用等位。維港夜景, 環境不錯, 食物一般,價錢偏貴,這價錢可以品質好一點吧！人均消費大約$200, 只有6成飽肚。店鋪外有烏冬禮盒售賣, 包裝得體。整體評價: 不值一試

今晚到稻庭養助食晚餐飯，選擇了蕃茄海鮮烏冬，豚肉烏冬，蕃茄湯較濃味，而豚肉湯沒有蕃茄那樣濃，份量海鮮配料尚算多，烏冬是扁幼型狀，不是平時吃的粗烏冬，也另外選了明太子蛋捲，比想象中好吃，但壽司方面，飯握較散，不推介選。

兩位朋友幫我慶生 因為我指定要食日本野 所以我朋友帶左我黎尼到 入面裝修好有日本風味刺身拼盤 因為帶子無得散叫 為左佢而叫拼盤 全部刺身都好新鮮蕃茄湯雞扒烏冬 味道不錯 但朋友話清湯烏冬更好味仲叫左涼拌豆腐 側邊啲脆脆加埋一齊食 口感豐富 另外仲叫左網燒雞扒同豬 兩樣都燒得好好食 值得試如果叫日本酒 佢一定會比埋啲佐酒小食你 即刻啲毛豆 要收$20一份 （仲要埋單先知要收錢）總結我地三個人 每人一份主食 叫左4個菜share 埋單都要$1200 少貴

同朋友慶生，原本開開心心，叫左咖哩野菜烏東、芝士蛋捲、豚肉炒野菜、藕片夾豚肉。另外仲叫左熱既日本酒。點知.....先講咖哩野菜烏東，比想像中要逊色，烏東可能放得耐左，可能過左5-10分鐘，已經好難分開，沾上湯汁都唔係覺得特別好食，加上佢係幼身既麵質，冇想像中軟韌。返而芝士蛋捲比較好食，少少甜，蛋卷香口，芝士流出。豚肉炒野菜用鐵板上，豚肉肥瘦合適，香口惹味，算係最好食的一樣。藕片夾豚肉的豚肉好少，幾乎食唔到，只有厚厚的炸粉，我地食剩好多。最後叫的日本酒真係一肚氣，埋單先發現多收每人20的佐酒小食，而小食只係最先上菜既薯仔沙律！我開頭還以為係其中一樣食物既配菜。之後問返職員，職員先講叫酒要加收小食錢。酒水牌度有寫，我叫佢攞返黎睇，我點既酒係第一頁，個句加收錢既句子係第5,6頁最底一行細字。我問返佢地個句唔同一頁，每頁酒水種類又唔同，你覺得啲人知道係呢個意思？之後個女職員解釋話日本傳統酒水係有呢類小食，佢地跟返咁做。我話你地預計人地第一次黎，會咁了解你間鋪咁樣收費？加上我點既時候你地又冇提過要加小食錢。之後女職員無聲出，講左句唔好意思就走開左。我覺得係我知情既情況下要我俾錢無問題，但而家咁樣

面積唔太大 吧檯佔居多 不過咁先有日本既風味 天婦羅🍤整得有水準 平時係食開厚皮厚炸粉 但呢個佢冇 面頭個層皮炸得幾薄 反而係咬落有好新鮮既蝦 冇得頂😋烏冬🍜識食一定要有好汁先食 面質做得幼細 汁話濃唔濃但正宗既烏冬就係咁 汁有好香芝麻油味配上彈牙滑溜既烏冬 😁成件事好match 透心涼啊另外個牛肉湯烏冬呢 小編覺得比較遜色左小小 湯底有好勁既咖喱味 👌但嫌鹹左些小 牛肉夠淋 索囇d咖喱汁 不過就冇乜咖喱配菜蕃茄 薯仔 😅眾所皆知都係整咖喱基本要有 但佢冇 有d sad ah

是日早上辦完正事 又是試試新口味的時候了 一直都想試稻庭養助 但又懶去紅磡總店 依家尖沙咀開左 就方便得多了 備註：店子就在I Square 附近 大家可因應自己近尖東還是尖沙咀站來選擇出口啊紅茶 熱檸茶 OK定食可免費配紅茶/ 檸檬茶/ 奶茶 相公說紅茶都算有茶味 而由於我現時只能喝熱飲 就來個熱檸茶吧 啊⋯兩者出現最萌身高差了柚子醬燒雞扒 在散叫Menu中選了這道（午市只給定食menu 若想再叫小食請再問店員取散叫menu啊）賣相不俗 雞肉燒得香 特別欣賞雞皮油脂不多 偏薄而香脆 配合柚子醬很醒神 不過肉質不是很嫩滑那種 這點相對失色野菜番茄湯沾烏冬 $108 賣相不俗 特別是那療癒的烏冬 前菜的牛蒡條爽脆 特別喜歡那腐皮卷物 腐皮甜香 餡料清新 說到重點 番茄湯夠酸 很開胃 而且不像外間的番茄湯 只有特濃的茄膏味 相反 是較稀而清的 不會喉嚨乾 湯料野菜番茄碎多 份量不少 同烏冬味道很夾 烏冬方面 較一般的幼身 第一口吃來 有點像壽桃牌擔擔麵的質感（喂）但更爽彈滑溜就是了 烏冬微温 沾上番茄湯 太美味了野菜咖哩湯沾烏冬 $108 咖哩湯亦見清新 辣度適宜 沒想像中濃烈 配上烏冬亦

店舖面績不大，大概只有六十個座位。餐廳採用開放式廚房設計，陣陣燒烤味撲鼻。最喜歡坐「吧位」，可以看見廚師烹調的過程。橙色衣服的那位先生，更會不時跟在席客人乾杯聊天。場內有不少日本人，好有到了日本的感覺！點餐後店員會首先送上一小碟秋葵，這並不是免費的喔！要20元的。秋葵淋淋黏黏的⋯⋯並不太喜歡炸牛蒡沙律（$78）初嘗炸牛蒡～端上來的時候，牛蒡新鮮炸起，咬落有點像硬身的薯條，好脆口沙律醬酸酸甜甜，牛蒡的份量比菜還要多2-3人吃也行。我點的是炸雞冷烏冬，友人點的是天婦羅盛盒冷烏冬，2者均付上漬物。炸雞大大件，又脆口，再配上特製的沙拉醬這裏的烏冬是幼身的，特別滑。而冷麵比熱麵也相對有口感。友人的盛盒有蓮藕、蕃薯、蝦、荷蘭豆和魚，並沒什麼特別。下班來這裏點些小食，加杯啤酒。沒有用餐時間限制，輕輕鬆鬆慢慢吃，談天又說地一樂也。

稻庭養助第二分店 由日本人主理小編本身已食過紅磡總店幾次 已經覺得好好食 尤其柚子烏冬非常出色 柚子湯底好清新上星期約左朋友去試呢間新店等左大概15分鐘到就有位啦我地叫左兩個小食一個係忌廉蟹餅 熱辣辣食 好正一個明太子玉子燒 非常夾主菜就有一個迷你豚肉飯 豚肉係燒過既 好香 再配上香葱同蘿白蓉 送飯一流另外仲叫一個天婦羅烏冬 天婦羅炸得好好 唔會有太多粉 又唔油 烏冬又幼又滑 越食越想食 最後仲試埋個蕃茄湯沾烏冬 蕃茄好香 好濃 啱哂沾烏冬 而烏冬係凍 一樣都好好食而且烏冬份量足 唔會過多同過少 推介稻庭養助係一間好出色既烏冬店

聽聞有間日本直送烏冬店稻庭養助，尖沙咀開左新分店，於是慕名來一試星期六1：30呢個時間黎到，唔需要等位嚴選吞拿魚飯配冷烏冬（$120）烏冬屬扁同幼身，口感幼滑本以為烏冬同湯係分開上，同menu圖一樣但原來係連碗上烏冬同期望有點落差，名氣同現實有點距離算不上驚為天人，但亦可一戰吞拿魚有5小塊，尚算新鮮，但飯係熱既，所以刺身食落係微暖同menu所講一樣，迷你烏冬配迷你飯，份量唔駛講都係偏少，女仔食只係梗梗夠飽想份量多d可考慮+$30將烏冬加大，至於值唔值就自行衡量啦 友人點的蕃茄湯烏冬配鰤魚腩飯 （$120）跟餐飲品叫左熱檸水，上枱杯中熱水只有半杯，檸檬只有薄片半塊X2, 感覺有點小氣

難得朋友與我也喜愛吃烏冬，今次來這間尖沙咀新開的日式餐廳試試！朋友早到，不用排隊便能入座。餐廳的廚房是open kitchen ,座位不是太多，但勝在食物種類豐富。淨是烏冬，也有很多款式，選擇困難症又來了！牛肉野菜蕃茄湯烏冬賣相吸引，香味撲鼻，朋友說這個蕃茄味不夠濃郁，但是烏冬質地非常煙韌彈牙。天婦羅盛合烏冬上菜時職員細心地介紹不同醬汁配什麼食品。天婦羅是即炸的，炸粉不會太厚，最令人驚喜的是， 這個天婦羅有帶子及魚！我以為天婦羅是平時普通的蝦及蔬菜，但這個有海鮮，而且感覺是新鮮的，立即值回票價！而且烏冬質地也是同樣煙韌，唯一美中不足的是沾烏冬的醬汁不夠冷。芝士煎蛋卷賣相平平無奇，一夾起就有拉絲的芝士，入口蛋香味濃郁，配上芝士口感更豐富，略嫌蛋卷老了一點，不夠幼滑。整體來說這間店舖的質素不錯，唯一需改善的是人手不足，即使要添茶也要等一陣子，我們沒有要求結帳，但職員們在我們吃畢後自動端上張單，但其實沒有人在等候，感覺怪怪的。