稻八日式火鍋炸物放題 (已結業)

大埔對我地衣d九龍人黎講真係有d遠，不過為咗食好嘢就冇計啦！如果坐港鐵嘅話，太和站係最近餐廳！今次食$368餐，包埋刺身！原來重有蔬菜bar，有好多丸類，麵類，汁醬選擇有好多！任飲冇酒精飲品，衣個只係其中一個雪櫃！包埋日式炸串，自己點粉自己炸，有曬教學，有得食有得玩！主角登場，和牛級數去到A4，有埋部位名，比你知道自己食緊乜野部位，同埋鐘意食乜部位。和牛入口即溶，好快就一片，任食唔使就住食，又有質素，真係抵到爆！其他豬，雞，羊一樣出色，唔食牛嘅朋友都可以黎！

終於到星期日可以食大餐慶祝下 今次再去大埔覓食發現左呢間性價比高嘅火鍋放題店舖裝潢幾精緻好和風 幾舒適今次食豪啲 點左日本國產黑牛和牛放題 每人$368 唔單止可以食和牛仲有好多海鮮甚至包埋全部刺身放題 價錢雖然貴但性價比幾高等緊食個陣發現原來有呢個自助炸物區 有唔少配料嘅選擇 我就揀咗芝心丸 根據指示就可以好容易炸到 最鍾意係最後可以自己揀落咩調味粉 我就最鐘意紫菜同孜然粉九州豬骨濃湯味道唔錯 配唔同火鍋配料啱啱好 唔會遮蓋火鍋配料原本嘅味道呢個套餐可以試唔同部位嘅和牛 全部都好好味 好有鮮味牛味 而且有少少入口即溶嘅感覺 蝦滑同埋墨魚滑味道都好驚喜 入面真係有蝦同墨魚粒 幾真材實料 而且有幾彈牙 值得推薦另外仲有豬肉雞肉羊肉 同海鮮拼盤等等 淨係食呢啲已經差唔多飽 不過出面仲有其他自助區 可以拎菜同埋唔同嘅丸真係好豐富呢個價錢仲包埋刺身放題 雖然刺身嘅種類唔多 但整體質素都幾好 最鍾意係三文魚 同平時放題嘅味道一樣最後仲可以每人揀一件movenpick dreyer’s Haagen Dazs 雪糕 好抵呀

今日係稻八日式放題之旅呀，同朋友慶祝生日緊係食放題啦！1/.和牛鮮汁鮮嫩，入口即溶，牛肉厚切片適中，洽大概10秒便可食用2/.牛小排牛肉味很重，但不會感覺膩，份量預算很好3/.美國特級飼牛牛肉味不比和牛遜色，飽肚感十足，容易"嘴著"4/.美國進口牛肉肉質實在，咬感十足，濃濃的牛肉味5/.豚肉肉質嫩滑，加上少少蒜容一齊食，雙重感受，令豚肉味道更突出。6/.羊肉完全沒有羊騷味，放在鍋物里反而多了一種香味，令我不吃羊的人也多添幾塊！7/.炸物自選食材(eg 香腸，茄子，秋葵，蝦，青椒等)，親自炸出天婦羅，感覺新奇，簡單易整，味道一流。成為店舖很大的特色。8/.滑雞片雞片里用了特別香料葉整，就算恰了很久，食用時，肉質依然嫩滑，令人回味無窮！9/.海鮮盛合當中有魷魚、青口、蠔、大蝦、扇貝、北寄貝。魷魚 :爽口彈牙，容易"嘴著"青口: size 很大，咬感十足，十分鮮味蠔: size 剛剛好，很滑溜 、很鮮甜，沒有油膩感大蝦:爽口彈牙，新鮮的大蝦，連蝦頭的汁也是甜的，禾味無窮！扇貝: 很實在，很新鮮，不用沾醬汁已經很好吃！北寄貝: 爽口彈牙，充滿鮮味同朋友慶祝生日要食放題推介：稻八日式放題

呢間放題係大埔八妹隔離 想食好耐 終於有機會食到🤤裝修好日本風 成個格局燈火通明 而且座位舒服☺️我地決定豪食 試下和牛餐！係未食放題之前 我地發現原來有個炸物區 可以自己自炸天婦羅 好鬼得意🤤 首先要係隔離揀左你想要嘅串串先 有蝦 有唔同丸 蕃薯 麻薯 我就揀左芝心丸😆之後就要自己按喜好加上粉漿同埋麵包糠 放落去炸到自己覺得食得就可以再加調味 我就好鍾意個紫菜粉😆 炸完後灑上少少已經好香🤤至於邊爐我地就揀左豬骨濃湯 清清地 香濃豬骨味👍跟住就係重點 係和牛🤤🤤 有幾種唔同和牛 包括A4 黑毛和牛肩 三角腩 同埋牛肉眼上蓋 全部脂肪都分佈得好均勻 而且肉質好鮮嫩 真係比平時d 牛重牛味好多架！三樣入面自己最鍾意肩肉 因為最重牛味同埋有牛肉嘅嚼勁☺️另外仲有牛柳粒😆同埋個各種豬 羊 雞肉 都齊 全部都好鮮嫰 薄切🤤仲包埋呢個海鮮拼盤添！有青口 鮑魚 蠔 蜆 海蝦 象拔蚌 全部好新鮮👍👍多野食到傻 仲有埋刺身任食 最鍾意個三文魚 係腩肉位 又厚切！ 油甘魚同埋櫻花魷魚都必叫！！😍😍😍出面仲有個自助吧 咩都有 沙拉 所有丸類 泡芙 都有🤤最後可以揀一個moverpick 或者Hagandaze雪

朋友住喺大埔 ，今日約咗幾個太太一齊入去探佢，順便開枱打麻雀， 到了食飯時候大家到收場了，她帶我們去(稻八)日式火鍋炸物放題到打邊爐， 食飽飽後各自回家了。火鍋任食放題$238可以叫部分嘅刺身，甜虾、帶子等都有13款咁多，非常新鮮，超值抵食。極上安格斯牛小排，可以添加 ，牛肉雪花分佈均勻，入口即溶牛，牛味香濃，認真超值。自己動手的炸物，有蝦 、矮瓜及還有好多其他的種類。自助新鮮的蔬菜配料， 可以自己出去攞是無限添加。大雪櫃裝著不同的飲品， 可隨時取自己喜愛的。墨魚滑同蝦滑都好新鮮彈牙。自助醬料吧都十分方便。

今日趁住週末嘅晚上，約咗幾個朋友嚟到大埔呢邊食好野👅👅佢哋就推介左呢間餐廳，話可以打邊爐之餘又食到魚生，滿足晒佢哋幾個願望🤤🤤一嚟到就係揀湯底，我哋揀咗九州豬骨濃湯，清清地幾好😋有好多唔同種類嘅肥牛，肉質好鮮嫩，仲有少少入口即溶嘅感覺，忍唔住都食咗好多塊！呢度仲有個幾特別嘅地方就係可以自己炸嘢食，之後仲有唔同嘅調味粉調味，認真過癮，不過因為好食嘅嘢太多，所以我只係貪新鮮咁炸左一次😂😂最後就每人會有一杯雪糕🍦雖然每人要三百幾蚊唔算平，但係為咗食好嘢，俾多少少都值得啦😎

我平時都會周圍去打邊爐，對上一次係大埔經過見到有間火鍋刺身炸物放題，所以今日就約埋朋友一齊去食。放題有 唔同價錢既選擇，今次我地選擇了$238 極上安格斯牛小排120分鐘放題。火鍋湯底有8款選擇，而且湯底好特別，所以今次選了特別既做湯底，因朋友想食辣，所以我地加了$18蚊轉做雙味湯底，北海道3.7牛乳牛骨湯&地獄火岩湯，侍應好快送上湯底，同埋火鍋配料！地獄火岩湯有點似麻辣湯底，好足料，因為湯底入面有好多辣椒，湯底味道夠濃郁，唔係溝水溝稀左咁，我幾鐘意北海道3.7牛乳牛骨湯。每枱都會送一份牛柳粒，牛白肉，餃子，蝦滑，墨魚滑，花膠，真係好豐富，牛白肉第一次食，味道好特別，口感好爽脆，墨魚滑，蝦滑，爽滑有彈性。安格斯牛小排，肥瘦適中，牛味濃。出面仲有自助火鍋配料區，竟然有山根😍😍😍😍，一定唔少得既響鈴，索晒湯汁真係好好味，仲有腸仔，午餐肉，好多款配料。飲品櫃亦有18款飲品選擇，真係好多，岩晒我唔飲汽水既人。刺身新鮮，甜蝦大大隻，整係食甜蝦已經夠😋😋😋北寄貝刺身肉質肥厚，八爪魚刺身口感清脆彈牙。DIY天婦羅，第一次自己炸天婦羅，又好玩又好食，唔駛驚唔識炸，圖文並茂教埋你，之後仲可以簡自己鐘意既

我屋企同好多人一樣，不論四季都禁鍾意打邊爐，開大個冷氣打邊爐，簡直係夏天最chill 既享受。呢日放工邊爐癮又起，醒返起之前朋友介紹稻八呢間日式火鍋有幾禁正D牛有幾好食，兩老又有興趣，於是就一齊尼到呢間稻八。雖然係星期四，但餐廳比想像中多人，坐左7~8成人。樓底好高，牆上一大幅龍壁畫好吸睛。湯底有好多選擇，加$18 就可以鴛鴦湯底，除左有免費湯底之外，加錢都可以揀其他特式湯底(黑松露、人參雞湯等等)而我地就揀左沙嗲同豚骨湯。醬料區有齊辣椒，生蒜，七味粉，胡麻醬等等，用豆腐花桶裝住，我仲以為有豆腐花食tim自助區好多選擇，擺位企理，菜都好新鮮，另外仲有咖哩同白飯。美國極上安格斯牛小排，質量非常好，淋之餘唔會油膩，恰到好處特級美國穀飼牛，牛味比較重，油花冇咁多牛柳粒，非常大粒，建議淥耐少少先食牛五花，同普遍牛肉一樣，大約淥10秒就食得，過左時間就會好韌花膠，媽咪推介，非常之爽，岩晒女士養顏餃子蝦滑同墨魚滑，好爽好好食羊肉，冇膻味，同牛肉差唔多豬肉，唔韌，好好食另外雞肉冇影到，不過超滑，連我唔鍾意食雞既都食左幾舊。除左肉類等火鍋料任食之外，呢度仲有10幾款刺身任叫，三文魚、甜蝦、北寄貝、螺片

翻啲行shift既工，好彩準時就可以夜晚11點收工，但想食啲高食既宵夜就唔係咁易~ 上網見到一間火鍋放題任食店收2,3點，11點後仲有75折！聽日又放假，一於收工去食~餐廳位於大埔區，慢慢去都趕得切！揀咗好耐，決定食極上安格斯牛小排放題 ($238) 去到食揀火鍋湯底，揀咗雙拼（+$18）係沙嗲湯同膠原湯 (+$48) 湯底幾清，食落幾好。牛肉先每款黎一碟，食落肉味幾重，肥瘦適中。配菜選擇都好多~野食未到，已經俾前面部炸物機吸引住，可以自己炸野食，想食咩就炸咩~仲有我最愛既炸燒賣同炸紫薯，自己炸特別好食😆 另外呢度都有刺身食，雖然款式唔算好多，但三文魚，北寄貝，螺片果啲都有既~ 除咗任食既雪條同雪米糍，餐廳仲提供dryers 同movenpick ，十分滿足~

呢排做嘢好煩，想同朋友放鬆下，食D好嘢，來來去去都係放題個d，今次揀左間唔同d既，有刺身、火鍋既任食店。入去個格局似係火鍋店，比較光猛，但特別在佢都有self serving bar，有飲品櫃、小食拎。我同一班朋友都係食肉獸，所以就叫左$368日本國產黑毛和牛套餐，初初都有d嫌貴，但見佢包既野都覺得值既。講肉，佢包左牛既3 part, A4黑毛和牛肩、肉眼上蓋，同埋唔記得左，就咁睇都起曬雪花，唔打得都睇得。試左第一啖幾滿意，鬆化、入面，口中慢慢融化，交足功課。之後因爲四人叫左，佢送埋海鮮，包左青口、蠔、海蝦，算係咁啦。講刺身，佢始終都唔係主打生食，但放題選擇都算做足，基本三文魚北寄貝都有齊。要講係比較特別嘅，係佢有個炸物爐比人自己試炸野食，幾特別。Overall咁嘅價錢滿足晒一班大食怪既願望，係抵既。

坊間依家好多打邊爐嘅餐廳都係會以放題形式去進行係好多好旺嘅地方例如銅鑼灣旺角尖沙咀等等都有好多主打火鍋放題嘅鋪頭但係通常都淨係會打火鍋材料食今次朋友就同我黎到喺太和火車站行10分鐘路程嘅一間火鍋店到打邊爐依家火鍋店有好多唔同嘅package可以揀 大家就可以因應自己想食嘅嘢你揀返對應嘅package今次我同朋友就揀咗＄238 任食嘅套餐依個套餐除左有得食火鍋料之外 仲有得食部份嘅刺身另外仲可以喺出邊嗰個自助炸物枱度整一啲炸物串燒＄238依個套餐有得叫部份嘅刺身覺得最好食係啲蝦好新鮮而且仲好有蝦味值得加少少錢食埋啲刺身佢就咁食蝦都覺得好抵呢度嘅火鍋配料大部份都好新鮮係肉類方面覺得牛白肉係比較得意啲嘅係出邊都冇話食到呢一種肉類 牛白肉其實係淥幾下就可以即刻食嗰種唔需要話等好耐 係即食嘅推介😗依度嘅蝦滑同埋墨魚滑都好好食入邊真係有啲蝦粒同墨魚粒唔係一味得啲粉除咗肉類係要每一次叫之外其他蔬菜同埋雜菌都可以喺出邊自助形式咁樣攞就唔使次次都入紙咁樣好麻煩而且都唔環保啱啱仲有提到有個炸物嘅枱炸左咁多次最鍾意食啲小番薯自己炸仲覺得好好玩🤪 甜品方面有雪米糍依度除咗有平時最common嘅雲呢拿味同香芋味

自助炸天婦羅連火鍋真係第一次聽，今日就約埋同事去試一試。近乎一個價錢就有哂咁多野樣，如果想要再高質d豐富d加少少錢就可以解決。我地要左$238和牛放題，第一輪會有兩盤牛肉，豬，羊，雞。另外係火鍋配料就自助既。飲品種類都有唔少選擇自助火鍋配料區排得好整齊唔會烏烏糟糟 種類林林總總 估唔到竟然會有秋葵食，最側邊仲有沙律🥗幾款日式餐前小食（8爪魚，中華沙律...）最頂係豬，中間係羊，最底層係雞仲有一份牛白肉，花膠，餃子🥟，牛粒 應該係無得refill既.$208以上既set仲可以任嗌刺身，我地都唔太好刺身，所以嗌左少少試下就算。呢d一串串就係天婦羅🍤自己上炸漿，麵包糠再放入爐炸，好好玩最後仲可以加入唔同既味粉呢個雪櫃既雪糕都係任食既Dreyers 就係一人一杯

望落環境光線充足，一面擺放自選食物的位置十分整齊乾淨，仲有專人不停fill食物！Menu有$158、$168、$208set 不同級別既牛肉、豚肉、羊肉，炸物；$168、$208就有埋雞肉； $238，$298 ++刺身、羊肉，$368++海鮮拼盤放題 ！響丸類旁有天婦羅自助區，可以自由DIY！熱門都係秋葵、炸蝦、茄子、日式甜番薯粒啦！還有調味專區 海苔、咖喱、七味、味椒、地獄辣粉，自己沾麵包糠，感覺像廚師吧 ！前菜：有芝麻八爪魚、中華沙律、蟹柳螺肉 ！醬料區：有胡椒海鹽 辣椒七味粉 ！刺身點了鮑片、帆立背、虎蝦、赤貝都有鮮味！！蔬菜類主攻娃娃菜，擺放整齊又新鮮！對於唔大食既我倆120分鐘已足夠，除了自取雪條外，埋單後仲可以去自選Dreyer's /Haagen-Dazs雪糕一杯！員工都好有效率，好有禮貌 ！

食5點半既任食放題，比個胃多啲時間消化，健康啲之餘仲無咁容易肥！我地亂入左呢間稻八日式火鍋炸物放題 ，見佢又火鍋又炸物又刺身咁，就一於試下正唔正喇。炸物好有趣，係自助式，自己炸物自己炸！款式都有唔少架，一串串用長竹籤整好左，客人需要自行沾上粉漿和米糠，然後放入炸爐，隔離既小朋友們都好開心。由於好多客人都唔太清楚應該炸幾耐，如果有一個建議時間貼出黎比客人參考就更好了！炸爐旁有個位可以讓炸好的炸物濾一濾油，但有食物吸油紙就更有效濾油，令炸物油份減少。另外，炸好後仲有唔同既調味粉任你配搭！刺身款式唔算話好多，但都唔少，最基本既都有齊。三文魚都算肥美新鮮，不錯。鮑片比想像中有鮑魚既香味同鮮甜味。甜蝦都幾鮮甜。豬骨濃湯，幾好唔會太重味。豚肉好好食，初初諗住咁大塊一定會好韌，但點知好腍好滑，好好食。牛肉都好驚喜，無諗過任食食到咁既質素，牛肉好香，亦好腍，雪花分佈適中。羊肉都唔算羶。雞肉就比較嚡。菜類好新鮮，唔會有放左好耐既感覺。啲丸既款式都好齊全，有正宗芝士丸！仲有好多款麵，有響鈴又有山根。飲品種類好多，仲要有我好鍾意既道地巨峰提子！另外仲有好多雪糕選擇，有糯米滋！整體而言，性價比都幾高！如果牛肉

夏日炎炎，但突然心癢癢的想念稻八的火鍋放題！對上一次已經是數月前事了，今次又call齊老友一齊去開餐啦！價錢十分親民，湯底也有多種選擇呢！如想吃火鍋及刺身放題，便要選擇$238以上的套裝啦！夏日炎炎，任飲的汽水果汁是必然的選擇！另外，稻八一特別之處是有一個自助的天婦羅corner !分別有鮮蝦、丸、秋葵、蕃薯仔等，十分有趣吸引！親手製作份外滋味！我們也encore 了數回！🤤主角出場啦！「M6和牛」油脂均勻，入口嫩滑及滿有牛香，高質的選擇！手切牛肉🔪手切牛有一點點的厚度，但更有口感！豚肉及餃子🥟等同樣有質素，不可錯過呢！另外有多種丸、豆腐類及蔬菜等選擇，總有一種岩你心意！🤣另外，稻八內有刺身供應，我們也encore 了幾次，魚生新鮮肥美，絕不行貨！放題不可缺少的甜品時間，設有任食雪條！最好味的是榴蓮口味！每人也可選一杯雪榚！分別是H、M及D字頭牌！值回票價呢！二百多元就可以吃到任食火鍋及刺身放題，而且絕不欺場呢，難怪夏天也坐滿食客！🙌🏼🙌🏼