程班長台灣美食 (已結業)

On the hunt for a bowl of Taiwanese beef noodle soup? Look no further. A friend of mine told me about this place, and of course the very next day I had to hunt it down. It took a bit of exploration to find it, but no sooner had I opened the door to a packed restaurant, was I told to go to the waiting room since they were full. Good sign!After a short while I was seated and soon a bowl of divine goodness was placed in front of me. All hail Taiwan! We love you

呢個店在荔枝角都幾出名，同老佛爺去試吓， 店員都是台灣人主理，不太識講本地話。食午飯時段幾常爆滿，非常熱鬧。點餐只要蠟筆圈/寫落點餐紙，交收銀（先付費的），隨後食品就會送上。我和老佛爺各自點了半筯半腩麵和三寶麵，小食點了蚵仔煎，三拼小食盤，台灣黑豬肉腸，飲品點了酸梅汁，山粉圓，甜品要了紅豆芋丸。拉麵的湯底超濃郁，好有牛味，食到尾，湯都飲埋，筯肉炆得夠淋和入味。小食拼盤可任選三樣，我們選了鴨血糯米，豬耳，豆干，好味。黑豬肉腸，好有肉香，好好味。蚵仔煎就覺得一般，可能我們比較鐘意潮式的，香口些，和這個的汁是甜的，感覺吾係好夾。芋丸都感覺一般，找了好多年，食吾翻以前去九份一間的味道(上年去九份都食吾翻)，紅豆水汪汪，芋丸食吾到味道，也找不到紫色的，只有两隻色，但都食不出分別和有點硬。酸梅湯就有驚喜，不是一般酸梅，而是用了話梅，好醒神開胃，山粉圓不知咩來的，叫來試試，一粒粒的，幾得意。埋單262，人均 130，工廈黎講算貴了點，整體也算可以。

/台灣嘢嚟講，程班長都頗有名氣，六點幾去到已經要排隊，入店前會先探熱，而且座位分隔得好好，感覺安全又放心👍🏻。/🍳蚵仔煎 $36煎得香脆又Q靭，蠔仔大概有五六隻配上甜甜哋嘅醬汁，好有台灣風味😛！🍜紅燒牛肉麵 $53牛肉烹調得軟腍入味，麵條軟硬適中，咬落彈牙配上濃厚紅燒湯汁輕微辣辣哋，好讚👍🏻🍚肉燥飯 （瘦）$28相比牛肉麵，魯肉飯比較普通🤨，叫左瘦肉關係，魯肉的確偏瘦同乾身，醬汁勉強夠撈一碗飯，下次都係叫肥肉邪惡啲！🥤山粉圓/冬瓜茶跟餐加$10就有啦，甜度適中，工廈價錢食到台灣味道，係唔錯嘅選擇🥰！

因為疫症關係, 程班長有好幾個月都暫停營業, 所以一知道開番, 就即刻嚟光顧品嘗正宗台灣食品。用餐當日係星期六, 午飯時間到達已經見門口人生人海。雖然餐廳安排咗另一邊俾客人等候, 但可能實在太多人關係, 情況有啲混亂, 叫號後超過20分鐘仍未能入座食物方面, 可能太多客人關係, 食物仍然好食但質素已較以前遜色...滷豬扒便當比以前用木片餐盒, 感覺鐵盤衞生得多可惜便當温度唔夠, 白飯份量亦唔太多, 增加油膩感。玉米起司蛋捲餅一批批出爐, 咁啱order跟新出爐的蛋捲, 熱辣辣, 芝士溶得恰到好處。略嫌火候過猛, 有點乾。

因疫症關係，程班長推出咗幾款食物急凍包，提供宅配同自取選擇，同時提供煮食教學單張，十分方便又有效減少同其他人接觸機會。簡單介紹下今次購買的食物:鮮肉湯圓(附調味粉包)每盒湯圓都跟有蔥油、柴魚及鹽味胡椒各1既調味包每粒湯圓都好大粒，入面果粒肉餡好似魚蛋咁大。一盒都可以分好幾次煮。跟住敎學煮就萬無一失啦如果大家唔係大胃王，建議一次煮3粒，另外加少少蔬菜比較冇咁滯。自己試過加泡菜((非班長提供)同落班長自帶既調味包，味道完全不一樣，都好好味。湯圓皮係糥米，十分飽肚，小心食滯。肉粽每個粽都有冬菇、滷肉、蝦米仔、咸蛋黃、栗子同花生。唔好睇細細粒，都好飽架另外仲買咗台灣腸，期待試食 大要留意，粽子，黑豬肉香腸，鮮肉湯圓必須使用google表單預訂，而表單會不定期其他則不需要且可以不限日期在營業時間直接到荔枝角購買。

食過唔少香港既台灣菜，始終都係覺得程班長最好食！週末三點左右來到，都要排半個鐘左右先入到！一直對於程班長嘅蚵仔煎念念不忘！今次黎到有得嗌蚵仔煎真係大滿足！好足料，蚵仔大大隻又多，夾埋啲菜，同有飽滿既粉漿，煙煙銀銀好好食😋蛋餅又係我超愛既台灣野食！超司粟米蛋餅，有拉絲效果既芝士😍 皮夠脆夠香口，夾埋粒粒粟米有咬口👍🏼可惜蛋同酥皮有啲分離，似係分開煎完夾入去。同埋只有外面一層既酥皮。如果卷多幾層融入啲就更好綜合滷味有得自選三款食材，今次揀左海帶、豆乾、甜不辣海帶爽口彈牙。豆乾係偏爽既質地。甜不辣似香港既魚片，煙un質地。基本上三樣食材都係配同一款醬汁，係麻油味香既醬汁。個醬汁同海帶最夾，同豆乾就不過不失啦。同甜不辣就唔多夾.... 甜不辣應該要配返橙啡色甜甜辣辣既醬汁架嘛！😌滷肉飯個餐牌寫得好清楚，滷肉飯係比較肥嘅肉，同肉燥飯較瘦既肉係唔同㗎！寫得清楚少啲誤會抵讚好滿意滷肉既肥度，入口即融好食有足夠既滷肉同醬汁撈飯，啖啖都咁滋味！呢餐飯兩人食嗌左好多野都係$200，性價比超高

啱啱開始喺荔枝角返工同同事黎食，叫左個清燉牛肉麵，幾好食，都似台灣食既味道，同份量算啱我，但係同行男同事話唔多夠飽。環境方面，我覺得唔係幾好坐，有時其他人行過都會摸到/Hi到我。

荔枝角深黃台式餐廳🤟🏻全晩長龍未停過😛今日介紹一間相信大家本身都好熟既一間黃店，之前都比好多pk搞過，最後生意反而愈做愈好，仲多咗好多人去食😂我果日都係特登去試下係咪真係咁正😂-🍛 #手工滷肉飯 🍛（$33）滷肉夠肥身😛而且個汁夠多😉配飯食係一流🤟🏻🤟🏻 而且仲有隻蛋😂我覺得唯一缺點係肉比較少，可以多啲大家嚟到記得叫🤟🏻.🦪 #呵仔煎 🦪 （$36）一個失敗既菜，入面得好少蠔😫而且個醬又唔夠有咬口，好似食冇味既食物咁🤷🏻‍♂️.🌭 #大腸包小腸 🌭 （$34）台灣夜市特色小食😛食落冇味，好似淨係食緊一舊野咁🤔又硬又無味😯唔知點解做到特色🤷🏻‍♂️.🍍 #鳯梨冰芋圓 🍍 （$28）芋圓冇乜味🤔不過幾有咬口😂鳯梨冰幾清熱，清爽🤤食完幾舒服🤟🏻不過都係可以大杯少少😆總結來說 食物有改善空間 繼續努力😌-🎈荔枝角長沙灣道883號億利工業中心1樓102室平均傷害：$70好味值：6/10...

記得多年前特登入長沙灣，食過程班長一次咁大把，當時係感覺不錯，但之後無機會再特登入長沙灣覆桌。今日Lunch出街搵野食，無意之中發現原來佢地間野就喺新公司嘅附近，諗都唔諗就決定去。佢地喺工廈一樓，都幾易搵。我同同事各自都叫左個排骨便當外賣，飯上面放有排骨約四舊（舊舊都幾大舊）、半隻蛋、齋、酸菜、椰菜、紅蘿蔔、食飽飽五十蚊有找，份量好又夠熱，味道好。另一個同事食牛肉麵都話正。我地等左五分鐘多d就有食物拎，等果時門口不斷都有客入，證明d野食真係不錯。

呢間係台灣人開既小鋪 入面每一位員工都係講普通話架!😆今次嗌左清燉牛肉麵($55)佢啲牛肉炆得好入味 啲面仲好似係自己手打嘅!!好有口感👍👍👍個豆乳雞($32)都唔錯 啲雞肉好嫩滑😋粟米芝士蛋捲餅($36)其實就係蔥油餅加蛋🍳呢個有少少失望😢一開始以為係煙煙銀銀嗰啲 但點知唔係😭仙草芋圓($30)都幾大杯 芋圓好彈牙 但得幾粒😛 係幾有台灣嘅味道嘅 個環境都有d似台灣鋪頭 但食完之後好口渴😂😂

終於食到程班長，一補之前試過疫情初期摸門釘嘅遺憾。 平日放飯時間嚟到，一個人都要等位不過，好彩都只係等5分鐘。由於係一個人所以就坐咗單邊嘅毒L位，旁邊有兩個間板，係疫情期間都做足安全措施。呢度你用先點餐後入座。我叫咗炸豬排便當。便當都幾豐富有唔少配菜。肉燥好入味，油份剛剛好，令到本身整體較為乾身便當有汁撈飯。滷水蛋唔入味，而滷水就豆腐有啲凍。仲有一個配菜外貌有少少似齋，但我真係唔知係乜嘢嚟㗎，味道一般，帶酸，但都係偏凍。主角炸豬扒脆得黎而唔會炸到乾曬，厚薄適中，唔油，係鹽酥嘅風味。唔會炸粉還炸粉，豬扒還豬扒。食食下偷睇到周圍好多人都食麵，有機會會同朋友再嚟試其他，相信share食可以試多d。

平時係附近做開facial咁都知程班長係附近，但一直都冇去食過。咁我自己就係同2個朋友去食，一去到已經超多人，成場爆咗所以就變咗食外賣。咁我見到啲價錢嘅時候就覺得好親切，因為係台灣價錢嚟，不過就係港幣比😂😂不過係香港嘅台灣嘢嚟講我覺得唔算貴。咁我地3個人分別叫咗滷肉飯/肉燥飯/麻辣餛飩乾麵同2杯野飲（冬瓜茶&山粉圓）埋單200蚊左右。肉燥同滷肉飯嘅分別係一個肥啲一個瘦啲。我自己就食餛飩麵嘅，味道面嘅質地都係我鐘意，麵質少少似手工麵咁，整體來講都好食，但係唯一唔好嘅就係餛飩啲皮太厚肉太少，咬落似咬緊一團粉咁。

工廈成日都係臥虎藏龍😁今次呢間叫程班長可以話係香港台式餐廳嘅NO. 1😋由一班台灣人親自料理配上台灣人嘅熱情，完全有種去咗台灣食當地料理嘅風味🥰鍾意台灣野嘅一定要嚟😆手工滷肉便當 $45角落評分：🌕🌕🌕🌕🌕台灣野嘅精髓就係滷肉飯😊滷肉脂肪較多😋配埋飯一齊食可以食到肥肉嘅油香🥰食完又唔會有油膩嘅感覺☺️蚵仔煎 $36角落評分：🌕🌕🌕🌕🌕啲蚵仔好新鮮同大隻👍🏻加上自己調嘅醬汁好好食🤩又唔會落太多粉煎，所以入口係啖啖蚵仔😍豆乳雞 $32角落評分：🌕🌕🌕🌕🌑其實姐係鹽酥雞😂啲雞肉好嫩滑同埋個皮炸得好鬆脆🥰.柴魚皮蛋豆腐 $22角落評分：🌕🌕🌕🌕🌑皮蛋份量都好多，可以啖啖豆腐同皮蛋😋可惜醬汁係有少少偏咸😢.大腸包小腸$34角落評分：🌕🌕🌕🌕🌗無論係大腸定小腸都好出色😍小腸係台灣腸，大腸就用糯米整成☺️中間加啲酸菜同青瓜可以減少油膩感同令成個口感更fresh🥰.蔥油餅加蛋 $30角落評分：🌕🌕🌕🌕🌑蔥油餅就普普通通，但加埋蛋就昇華咗個口感👍🏻同埋份量係好多，食半份已經有飽嘅感覺🥰

早排疫症期間，因為聽到呢間台灣小店有份派口罩比市民的新聞而對佢有所認識，咁今次放工咁岩經長沙灣個頭就決定上黎試一試，咁呢間餐廳係位於工廠大廈入面，所以個位置係比較難搵，但食完之後發現一切都係值得。咁我地就叫左個手工滷肉飯，咁佢仲可以選擇番肥肉定瘦肉，識食的我緊係叫左肥肉。飯黎到個時發現，就算係叫左肥肉，佢個滷肉的肥瘦比例都係維持在一半一半左右，呢個絕對係滷肉的黃金比例，唔會太瘦之餘，又有咬口。同埋，落單個時仲可以同店員講聲加飯，咁佢就會由細碗轉做大碗，飯量應該仲多過平時便當咁，以三十幾蚊可以有咁大碗飯黎講，絕對係抵食，下次經過會再黎。

【可能係香港最好食嘅牛肉麵】🔸紅燒牛肉麵 $53🔹清燉半筋半肉麵 $55🔸滷味綜合 | 豬耳 甜不辣 百頁豆腐 $28🔹台灣黑豬豬肉香腸 $40🔸柯仔煎 $36見到都肚餓好想食。。。牛肉麵個湯濃得黎係好飲，個牛肉夠腍又有咬口，牛筋入口即融勁正～ 仲有滷味綜合全都係我鍾意食嘅野，百頁豆腐口感煙韌(雖然好肥)，香腸加蒜片食完勁大陣味但都好正😽 台灣野我覺得呢間同阿元都好食，但兩間都係冇珍珠奶茶飲，唯一美中不足呀～程班長台灣美食荔枝角長沙灣道883號億利工業中心1樓102室