程班長台灣美食 (已結業)

平時係附近做開facial咁都知程班長係附近，但一直都冇去食過。咁我自己就係同2個朋友去食，一去到已經超多人，成場爆咗所以就變咗食外賣。咁我見到啲價錢嘅時候就覺得好親切，因為係台灣價錢嚟，不過就係港幣比😂😂不過係香港嘅台灣嘢嚟講我覺得唔算貴。咁我地3個人分別叫咗滷肉飯/肉燥飯/麻辣餛飩乾麵同2杯野飲（冬瓜茶&山粉圓）埋單200蚊左右。肉燥同滷肉飯嘅分別係一個肥啲一個瘦啲。我自己就食餛飩麵嘅，味道面嘅質地都係我鐘意，麵質少少似手工麵咁，整體來講都好食，但係唯一唔好嘅就係餛飩啲皮太厚肉太少，咬落似咬緊一團粉咁。