程班長台灣美食 (已結業)

很久沒來，對一次已是一年多，但那次感覺亦好一般，今次工作經開這區，見方便就快快趣叫了個牛肉麵來食，但發覺確實不算好食，非常普通，亦不要說什麼賣相。總體來講，這餐廳價只淪為工業區的一間普通餐廳，叫便方便、平民、可以入口而已。但這碗麵五十多元，實在勉強值這個價。

其實都食過程班長幾次，但每次食都覺得好正，小食仲出色😍😍————————🔸🔸清燉半筋半肉麵 $55一如以往咁出色！湯底好香牛味，牛筋牛肉都好淋好入味。但個麵就差少少啦，唔夠煙韌，有d淋。評分：🌕🌕🌕🌕🌘-🔸雞腿麵（加滷蛋）$47呢個就比較遜色😢湯冇左牛味只係普通上湯，雞髀雖然外皮炸過，但肉唔夠嫩，有d乾。評分：🌕🌕🌕🌗🌑-甜不辣 $22次次黎到都叫呢個🤣🤣台灣食完之後念念不忘，香港其他地方食親都係炸既，但呢到唔係！同台灣食個個一模一樣😍唔識形容，總之就係煙煙韌韌又鹹鹹地咁～評分：🌕🌕🌕🌕🌖-🔸大腸包小腸 $34超 級 香！！濃濃既蒜味，如果鍾意蒜既朋友應該會好鍾意🤩🤩糯米好淋，入面除左包住條腸仲有好多酸菜定梅菜d fd😂😂爭夾好好食😋😋評分：🌕🌕🌕🌕🌕-🔸玉米起司蛋捲餅 $36芝士就好多，但粟米就覺得可以再多d！好似冇之前食咁好食，外皮d粉都好似硬左少少🥺但味道係ok既～評分：🌕🌕🌕🌗🌑

晚餐外賣篇 - 工廈美食- 【程班長台灣美食】受疫情關係 - 1800 後無堂食好喇， 今次晚餐就嗌左麻辣雲吞乾伴麵 （多蔥）加 豆乳雞平時程班長都排哂隊以為好耐， 估唔到落左單 ， 程班長10 分鐘就拎得 ， 超快味道 : 麻辣雲吞乾伴麵 - 雲吞就有6粒， 滷水蛋一隻， 係肉餡 ， 鐘意食呢隻皮 ， 又有生菜 加埋麻辣撈埋啲幼麵 ，同埋肯俾咁多蔥真係正 豆乳雞， 一定係即叫即炸， 每次去必叫， 因為啲雞好香， 外脆內雞肉又多汁 ， 大滿足餐廳環境: 乾淨 價錢: 超抵 $40 一碗麵食好飽性價比 :高店員: 超熱情

想試很久的香港區出了名的台灣美食,今天連續放假,所以中午和大座親身去嘗一嘗它,點不知,試了四款,紅燒半筋半腩牛腩麵(算是這裏最好食的一碗）其他食物還有擔仔麵,米血糕甜不辣豆干什拼,還有名字變了香豆腐的豆腐,總而言之佢和我在台灣食過美食,都截然不同所以若要我給他評價,只用六個字,不難食的台菜.........

話說去台灣只會食西門町牛肉麵街果間牛肉麵，疫情影響下，就只能係香港求一下溫暖。聽人讚左程班長好耐但好少過海無乜機會試今日特登走去荔枝角試下，嗌左紅燒牛肉麵、炸花枝丸同豬手，野飲就嗌左高山茶。牛肉麵完全無令我失望，湯頭濃香唔會太鹹，麵係台灣既寬麵，麵嘅軟硬度，完全對到個人口味！花枝丸係即炸，唔係炸好又翻炸，係台灣既味道！豬手同我係屏東食到既豬腳名店一樣咁好食，不過細細份唔夠喉囉食完之後再買多左3包牛肉麵急凍包咁就隨時可以係屋企都食到另外值得讚既係防疾措施做得好足畫曬格仔排隊，消毒，量體溫都做足每個位都間曬屏風店員同客人都避免有不必要既接觸連拎貨張飛仔唔會掂到你好抵讚

有時去荔枝角做嘢當然要去程班長朝聖食吓台灣小食啦話晒宜家周圍都冇得去上次食咗綜合滷水拼盤、蚵仔煎、芋圓鳳梨冰當中嘅甜不辣同蚵仔煎真係令人念念不忘所以今次encore呢兩樣甜不辣煙煙unun有咬口（唔係魚旦嗰隻爽係軟糯嘅口感）又有魚香味，加埋甜甜嘅醬好好味😋蚵仔煎熱辣辣即叫即煎蚵仔好飽滿肥美一d都唔腥生菜爽脆又有蛋香夾埋甜醬真係冇得輸比我係台灣食過嘅都更出色👍🏻👍🏻👍🏻講講吓又想再去食過下次要去試吓其他嘢先得

好多好有名氣的食店，在網上很多推介， 很多人排隊吃，我都會因為咁而特意一試， 這間也不例外，但一樣讓我失望而回首先落單不久， 一至分鐘左右， 麵已可以上菜， 可能是因為我們點的是熱門餐點， 因此一早已做好了首先是拼盤， 鹵水蛋+甜不辣+豆干滷得不夠入味， 正常水平， 醬汁甜甜的紅燒牛肉麵， 牛肉太淋， 不是太吃得出牛味，湯底沒有留下深刻印象麻辣牛筋牛肚麵牛筋也是很淋，痴口， 不是我喜歡的口感牛肚正常， 有咬口， 但切得較小也數量不多麻辣味不太吃得出，友人表示和「滿漢大餐」的味道整體用餐體驗不太良好， 我們由入座落單上餐到用餐，只用了不夠半小時。首先位置非常擠迫， 人貼人地坐，枱面也非常細， 我們只點了兩碗麵及一個小吃也差不多不足放下， 用餐非常辛苦， 而上餐之快，也令我留下不良感覺。 雖然店員也算有禮， 但店家的安排， 令我覺得他們不太重視客人的感受。 這一方面令我不會再回頭吃， 再加上他們的食物品質和坊間牛肉麵的水平也差不多， 不是高出 一班， 同樣價錢可以有更好體驗。

程班長唔使多介紹，香港其中一間最出名嘅台灣人食店，早喺銅鑼灣年代我已開始幫襯，每次去必食紅燒牛肉麵，以同級價格嚟講，我認為質素係全港之冠。已有好一段日子冇去，今次再去，本想轉轉口味，試下電視剛推介過嘅麻油雞，點知一坐低，望住個 menu，心思思最後都係揀返紅燒牛肉麵😂。一上枱，已經急不及待呷一口由牛骨同豬骨熬製而成嘅無味精湯頭，只覺味道鮮甜香濃，非常好飲，不過感覺冇以前咁多油，唔知係咪為咗迎合香港人嘅口味？麵質方面，係我最鍾意嘅粗麵條，口感 Q 彈（當然如果你鍾意食腍麵，可以落 order 時講明😆）；最後就係牛肉，炆得軟腍入味，又係好食到不得了😋。順帶一提，小店嘅衛生功夫做得非常好，除咗每兩個座位用咭板分隔並放置搓手液之外，喺店外地下每隔一點五米更黐住一張張畀人排隊嘅標誌，希望食客能夠保持安全嘅社交距離，非常細心👍。

今晚個胃係台灣菜同日本菜之爭，台灣野勝！想食滷肉飯，見好耐冇幫襯過程班長就去支持一下！疫情又嚴重左既關係，餐單同平時既有d唔同，只賣一部分既野！還好想食個兩樣野都有！滷肉便當$45豐富的！滷肉真係幾肥下！便當上面既配菜全部都好好味！豆乳雞$32味道一如以往有著一陣豆乳的味道！不過就變左細細粒咁樣。之前都係食佢地既牛肉麵，今次試滷肉飯後有點另眼相看！估唔到飯都一樣出色！本身仲想食佢地既紅豆芋圓，但睇黎要等疫情好返先食得到了！

都係由於平時太多人嘅關係，都好耐冇黎食😖😖由於疫情嘅關係，店入邊已經加咗好多板，坐牆邊為嘅我有一種食一蘭既感覺😆叫番平時既三寶麵，個湯底都仲係好濃郁！牛肉牛筋都好淋！牛肚又唔會好靭。滷肉飯當然要配滷水蛋🥚因為唔記得佢本身會有半隻蛋，另外加多左一隻😅😂啲滷肉好香，直接食會有少少鹹，但係送飯就啱啱好！如果可以有更加多滷肉就好😆最後叫埋個蚵仔煎🦪！佢都有成六七隻蠔仔！味道同台灣夜市真係好似！對於而家冇得去旅行來講係一個好好嘅止癮方法😂

朋友之前黎食過勁推薦，所以呢日專登帶小弟黎試😂我地呢日6點幾黎到，門口已經排左條長龍😱等左15-20分鐘就到我地喇～小弟都好中意去台灣旅行，最近我諗大家都好想去旅行😔入到去餐廳即刻有好濃烈既台灣味😍唔止因為店員都係台灣人，餐廳既裝修亦都好有台灣風味😌不過就坐得逼左少少~~紅燒半筋半肉麵 - $55一飲個湯底就更加覺得自己好似去左台灣咁！！d味好地道，好正宗！牛肉同牛筋既份量都幾多，牛肉都幾淋～湯底好香濃不過就有dd油，整體都算唔錯，真係好地道😍泡菜香豆腐 - $28呢個豆腐就同係台灣夜市坐係度食個d臭豆腐一模一樣，只係呢個豆腐唔係臭豆腐😂😂豆腐炸得好香脆，好好食😍😍😍旁邊既泡菜酸酸地好開胃👍🏻👍🏻雖然依家無得去台灣住，但係可以食到咁好食又咁地道既台灣菜真係可以頂住先😂下次要再去食過！

今日lunch時間嚟咗位於荔枝角食台灣野。你都唔使等位就入得由於疫情嘅關係，枱同枱中間夾住塊膠板，令空間細咗，坐得冇咁舒服。但係好嘅係餐廳提供左膠籃比客人放袋豆乳雞。炸起唔乾，食落係嫩滑嘅雞肉。炸粉唔算厚。有驚喜！滷味拼盤。$28可以揀三款小食。揀左豬耳，豆乾同百頁豆腐正正常常。豬耳幾爽。手工滷肉便當。滷肉好淋好入味，送飯一流。但都幾肥下紅燒半筋半肉麵。牛筋煮得好軟，牛肉入味可口。麵硬身，岩岩好。

清燉牛肉麵湯底夠清香鮮甜,牛骨味香濃又唔會過油膩,飲完都唔會覺得口渴.牛肉富牛香,入口軟腍.牛筋煙韌Q彈帶微漿口超有骨膠原感.麻辣牛肉麵同清燉湯底唔同但牛味一樣濃郁甘醇,湯底香而不濁再配上淡淡麻辣香味.均一採用粗身麵條,充份吸入湯汁口感煙韌.牛肉唔會死實實帶麻辣味唔太辣又夠麻.黑糖芋圓內有蕃薯圓同芋圓,芋圓有芋頭粒粒芋圓內,入口軟綿但略嫌Q彈感唔夠.黑糖湯水底黑糖味夠重又唔會過甜.食完熱辣辣既麵食返啖降一降溫.

聽過程班長個名好多次，終於有機會黎食😛 今日大概1230到，我地5個人等左一陣就有位，齊人入座。見2個人既就唔洗等！ 但當時間過多10幾分鐘，變得超多人排隊！所以如果要食，記得趁早黎！環境方面都幾舊，座位都非常密集，加上疫情而放既間板，好似自修室😂提提大家，星期一至五午餐時間係有一部份野叫唔到🥺🥺 例如，蛋餅，大腸包小腸，好傷心！！我叫左一個肉燥乾拌麵，我覺得就一般般。啲醬汁係結結地，一開頭以為係蠔油😂 總之唔係好香嗰種肉燥汁，肉燥份量夠多的！ 另外，有一隻滷蛋，幾香👍🏻 麵就係佢地既手工麵，我就唔係好喜歡，覺得佢太厚，好有食麵粉既感覺，亦唔太入味。蚵仔煎就幾好食！🦪 煙煙unun，蚵仔唔會腥。 整體幾抵，但食物種類較少，又唔係好好味，有啲失望

這次來到這所台式餐廳，所象中這是第二次光臨本店。下午三點多來到餐廳，這個鐘數不用等候，便可入坐。是次分別點算了4款美食，分別是：豆乳炸雞炸雞被炸至香脆內嫰。炸粉沒有很厚，吃的時後，也是熱乎乎的。雞塊主要調味來自後加的調味粉。所以，若果偏好重口味炸雞的，會覺得這款炸雞味道會較偏淡。蚵仔煎蚵仔份量不算太多，內餡還有生菜，表面還淋上了甜甜的醬汁。配料不算太豐富，有幾口幾乎只是吃煎粉漿，吃多了會較膩口。便當魯肉飯魯肉醬汁調味較淡，便當魯肉是肥肉作主角，有很多配菜，魯肉煮至淋身，但個人較喜好重點兒的調味，所以，對於魯肉飯的感覺一般。麻辣餛飩乾麵餐牌寫這道乾麵辣度是有3條辣椒。但嘗了一口，只覺得只有半條辣椒辣度。這可能是台灣與香港的定義辣度不同。餛飩皮厚，內餡不算多；麵是個人最喜好的闊麵，麵煮至剛好，不會太淋或者過硬；滷蛋沒有很重的滷水味，像一般普通烚蛋，有點失望。總結：4款美食中，我較推薦麻辣餛飩乾麵，無論調味以及麵質也是恰當好處。