秘 (謝斐道)

营业中

休息中

其實係見好多人介紹去食呢一間吉列牛，於是有一日weekend經過荃灣嘅時候就去試一試，去到果然名不虛傳！門口已經有一小撮人排緊隊🥲 我覺得員安排排隊嘅時間同埋分配人流上面都做得幾好😉 講返食物質素先， 吉列牛食落去確實好好食☺️， 豐富嘅肉汁啦，然後佢再包住一啲我覺得比較適量嘅油脂感，整體嘅肉質好嫩滑，然後呢再沈上少少嘅調味料，我覺得個味道加多咗唔同層次，果然名不虛傳。價錢嚟講呢都可以接受嘅，加上呢環境其實都好整齊整潔啦！

好耐之前喺荃灣見過哩間餐廳。當時有好多文介紹佢，係荃灣必食日文菜之一。近年，佢喺港島區都有分店啦，唔洗再去咁遠食。又係啲奇怪時間去食飯😂去到嘅時候大約4:30左右，得我同一對準備埋單嘅情侶。初頭諗餐廳會唔會要落場，好多日本餐廳中間時間都會休息，見佢俾我入去，就揀位坐。燒牛肉野菜鍋 ($98)野菜鍋好豐富有冬菇、金菇、芋絲、嗚門卷、獅子狗、椰菜、白蘿蔔。原本野菜鍋已經跟一碗白飯，想貪心啲可以upgrade 飯素飯，會有埋溏心蛋。平日會送埋汽水添🥤個湯底有啲中式粉麵加咗腩汁嘅湯🍲，唔係平時shabu shabu 嘅甜湯底。原來係用蔬菜煮嘅湯底，好清，唔油膩。我無睇清楚餐牌，原來唔係牛肉片，係牛肉，所以成個感覺都好唔日式。牛肉有6～7件，每件都大大件，啖啖肉。肉質好嫩，唔柴。將啲牛肉浸落湯度，吸埋湯嘅汁，幾好食。只係成件事好中式，味道係唔錯的😂食物份量好大，除咗牛肉份量多，配料嘅份量都好多，夾極都有。不過餐廳較大油煙味，啲衫會好吸味。餐廳人流唔多，門口附近又有工程，全程都唔多客人，但職員都好殷勤幫客人加水，好有禮貌。

星期五收工happy Friday 諗唔到食咩，經過銅鑼灣見到石燒牛肉就入去試試。揀左招牌板燒吉烈牛，外面炸得好脆但係牛肉仲係好軟唔硬身，推薦!!跟餐仲有一碗素飯同湯，飽到差啲食唔哂😋

銅鑼灣午餐：「袐」，bookmark 咗呢間好耐，遲遲都未嚟食，終於等到機會。叫咗份秘·燒黑松露吉列牛定食。秘·燒黑松露吉列牛定食 - 將黑松露混入麵包糠一齊炸，黑松露味唔算濃，淡淡的，牛肉味本身亦唔濃，所以兩者夾埋幾合適，牛肉肉質嫩，無筋，然後配上一個石燒爐，想要幾熟自己話事。整份吉列牛份量算多，都只係$158幾抵食。再加$22可以升級做秘之飯素同楓糖流心蛋，午餐就送汽水（星期六/日除外），所以CP值👍🏻。

星期六經過這間店食午餐 "秘(secret chefs)"食板燒烤牛。1. 秘.燒牛肉野菜鍋加配定食$120定食包飯素醬油飯加流心蛋😛牛肉超入味，湯底都唔錯，味道剛剛好2. 板燒安格斯牛小排加配定食$140自己燒，自己定幾成熟👍星期一至五去食就低食好多，送汽水🥲大家記得帶現金。呢間店唔收其他支付方式

今日出開銅鑼灣 就食朋友介紹嘅呢間吉烈牛 7:15pm 左右黎到 竟然唔洗排隊就入得😆😆✨板燒吉烈牛 $118 (套餐+38)呢個都有啲牛味嘅 不過就唔太濃 但都唔錯😋但啲牛有啲筋🙈 套餐就多左飯素 蛋同個湯但就冇乜特別 我地覺得唔洗加都得🙈 好彩淨係加左一個✨黑松露吉列牛 $158黑松露味非常香😋😋 牛都靚啲冇乜筋 不過就比黑松露搶晒啲味 唔係幾食到牛味🤔總括黎講味道都幾好 都幾抵食嘅 👍 中間有主動幫我地加多舊助燃味道❤️❤️❤️❤️抵食❤️❤️❤️❤️服務❤️❤️❤️💔環境❤️❤️❤️💔

午餐行過唔知食咩，見到有燒肉套餐就入去試下。點知就伏左🤦🏻‍♀️叫左個牛舌飯。啲牛舌靭到不得了，咬到口都攰。個汁又甜又唔好食🥲呢啲燒肉汁其實普普通通都已經無問題，唔知點解可以咁唔好食。個飯其實又細碗，咁就八十幾蚊真係好唔抵。仲要佢話跟飲品，然后淨係得汽水，連普通檸茶檸水都無。對於我呢啲唔鍾意飲汽水嘅人黎講就只可以揀飲水😑 個環境黎講又係唔特別好，有一種廉價堆砌出黎嘅日本餐廳感覺。香港黎講已經好少見到呢種質素嘅日本餐廳，仲要開係銅鑼灣，賣銅鑼灣價🤦🏻‍♀️

🔔follow Instagram @my_foodie.foodie 更多有關香港既好野食啦!🔔成日食飯時間都要排隊既吉列牛，今次終於有機會試到🥹 可以就咁嗌或者加定食(包胡椒湯，吉列牛，糖心蛋同飯）板燒吉列牛 餐廳會比舊肥膏當油， 牛既份量足， 嗰粉唔會太厚夠脆口，同肉質都幾嫩口! 😍 不過， 但個粉陣味好重，令到牛味就唔係好夠，冇乜牛味，同切得薄得濟，厚啲會更好🥸黑松露吉列牛個人比較鍾意黑松露呢個，味道幾特別，佢係用黑松露粉包住每舊牛，所以黑松露嘅味好重😋 就冇咗頭先普通吉列牛定食嗰個缺點 ，但係牛都係冇乜味，淨係食到好重嘅黑松露味🫡味道: 7.5/10環境: 7/10服務: 7/10人均: $100-200

秘燒黑松露吉列牛 $158加咗$38晚市定食，有秘之飯素+兩隻溏心蛋+大根湯呢個套餐超級好食！佢啲牛油脂分布得好平均，好充足！佢係自己燒，可以控制幾成熟，我燒到佢哋兩面變色之後等多一陣就食，所以唔會過熟，食落去好嫩！而且佢個邊真係超級脆，我冇特別燒佢個邊都依然好脆～黑松露味好香好濃，同個牛好夾佢個秘之飯素都好好味，溏心蛋偏甜，大根湯清清地，有少少辣，都幾好飲！九州豚肉燒 $98同樣加咗個$38晚市定食豚肉感覺切得好幾薄，所以比較容易熟，不過對比係牛肉冇咁嫩同冇咁香。雖然佢面上有黑椒，但其實食落唔係好香

Order了浦燒原條縵魚飯定食，條縵魚硬到橡筋咁，完全食唔到，同個職員講，話無得換過另外啲定食，縵魚係咁架啦。朋友仲燒緊牛，個女職員行左黎幾次，仲問係咪唔要？幫你收左去，完全趕客走，唔識做生意。

🥩板燒安格斯牛小排 （$118）份量好足，入口軟淋，醬汁比軟傑身，味道都好濃，同肉好夾。🥩黑安格斯牛舌芯 （$108）雖然系薄切，但勝在夠多🥰每面燒幾秒好快就有得食，牛舌既醬汁就比較‘稀’少少，但都系甜甜地既醬油味😋🍚晚市加配食（$38）秘之飯素、楓糖流心蛋、日式大根湯大根湯好清甜😍飯素飯讚👍🏻大食既朋友仲可以叫多飯～流心蛋出色😙外面會食到甜甜地楓糖味🐙大墨魚嘴 （$48）超大粒，入口有爆汁既感覺👍🏻唯獨抽風系統太差🥹每次食完每根髮絲都會充滿燒肉既味道…

今日去左銅鑼灣食呢間叫做 秘 嘅日本餐廳食吉列牛。呢間餐廳聽人講就聽得多，食就真係第一次，果然有驚喜😋🥩 板燒吉列牛定食晚市單點一份板燒吉列牛再升級做定食，跟一隻煮得剛剛好嘅糖心蛋🥚清甜嘅大根湯🥣同埋有左秘製醬汁同飯素嘅白飯。上菜嗰時啲吉列牛外面預先炸到脆卜卜，要食嗰時先逐片逐片放上石板度燒，生熟度隨自己喜好決定。石板有一片油脂比食客塗上一層牛油先再擺吉列牛上去煎，係避免痴底嘅同時仲可以令食客未食已經被滿滿嘅牛油香氣包圍👍🏻吉列牛外脆內嫩唔會怕過熟會韌、飯素令白飯一啲都唔單調、糖心蛋煮得恰到好處、想refresh一下味蕾時飲一啖大根湯，成個餐都設計得好有心思🤤店員仲會好細心咁留意你塊石板夠唔夠熱，按需要幫你加大個火🔥有得食有得玩👍🏻

依間餐廳出名食吉列牛 有幾間分店 之前喺荃灣試過都覺得唔錯 今次嚟到銅鑼灣 想試試新野 就點咗一份牛舌芯 $108 牛舌芯雖然唔算好厚切但肉質好軟好嫩 食嗰時先自己逐片逐片放上石板度燒 可以按照個人喜好自己話事生熟度 石板燒出嚟嘅煙燻味真係令人垂涎三尺 而我最鍾意嘅係佢地嘅醬汁 好香好濃郁 令牛舌心更加美味♥️晚市另外加＄38就升級做定食 包括一碗上面灑滿左日本飯素嘅飯 一隻好好味糖心蛋 同埋清甜嘅大根湯🥚另外要提一提係本身諗住星期二平日去唔使book位等位 點知去到都排咗一陣 仲要人齊先入得 限時一個鐘食 所以想食真係要早啲去💭總括而言都幾滿意 食物味道唔錯 價錢親民性價比高 會明點解咁多人排隊食👯‍♀️👯

之前係其他餐廳食過一次石燒吉列牛覺得都唔錯 想試下其他餐廳嘅吉列牛😆所以今次選擇咗係銅鑼灣嘅 ‘秘’我哋揀咗板燒吉列牛 同埋板燒安格斯牛小排試下兩種唔同嘅口味😚個人黎講覺得兩種都唔錯 肉質都好淋不過我就鍾意吉列牛多啲🥰初頭睇openrice嘅食評見到餐廳服務麻麻地本住就咁去食嘢嘅心態 唔理服務係點樣啦但又無想像中咁差呀😆果陣店員放左嚿藍色嘅嘢係爐下面燒我就咁同男朋友講 唔知係咩嚟嘅呢店員都自己主動話我知果嚿係咩嚟😆

今日兩個人係銅鑼灣想食日本野，見到呢間好似唔錯咁。點咗份板燒吉列牛同秘燒牛肉野菜鍋。落咗單要等十幾分鐘，午市會送汽水嘅，現場冷氣十分凍。未上菜會凍親吉列牛係半生熟，然後有個爐俾我燒到心目中想要嘅生熟度，牛肉有肉味，唔韌幾好食，配埋個汁好香口，重要俾埋碗有飯素嘅飯超正！好快成碗飯K.O.左食食下個身暖番好多，再上埋秘燒牛肉野菜鍋。都幾多料，牛肉冇吉列牛咁有肉味，而且湯底比較濃味，有d蓋過牛肉味。呢一餐都幾好食，建議可以調高d冷氣溫度，現場有2位staff, 女仔staff 比較cool, 會教另一個男仔staff 做野。我明都係打份工所以冇咩意見