秘 (享成街)

营业中

休息中

已經第二次嚟食，晚市唔想等咁耐，就要5:45pm 排隊等第一 round，開門時間係 6pm, 每一次嚟到見到排滿晒人，想食最好揀一至四比較好。幾鐘意佢嘅板燒牛，自己一人一爐，自己想燒幾多成熟都無問題👌🏻 除咗板燒牛，佢仲有其他小食。Menu 👇🏻今次就試左黑松露吉列牛，黑松露包住牛嘅外，薄薄地一塊，容易夾上板燒👍🏻 燒板上配上一舊細嘅油脂，唔會咁容易燶。晚市定食就配流心蛋同櫻花昆布湯。👇🏻另一隻就板燒安格斯牛，入口即溶，如果唔喜歡吉列嘅朋友就可以試呢個😃

呢度成日都滿座，就得要訂枱呀今次約左朋友一齊黎食午市，12點幾都已經full了我今次叫左吉列牛定食份量都唔錯架佢每件切得細細舊 方便你燒完好快食得牛肉味唔好期望係好重果種，但味道都唔錯， 肉質都okay沾埋佢個醫汁就仲正佢個醬汁都整得幾好

曾經係東京食過吉列牛，一直都好想再食，但因為疫情去唔到日本。突然諗起香港而加都有！決定揾日去食！都估到晚餐時間會好多人，我哋已經8:30後先去，點知都仲係好多人🤦🏻‍♀️等到9點幾先入去，可能因為人多，職員會預時間先係門口幫你落單，等你入到去好快有得食。除左吉列牛，仲有鰻魚飯，燒牛等，但今次目標只有吉•列•牛！所以直接叫左2份加定食，另外叫咗份手羽先。坐低一陣，職員已送上第一份，原來份量都好多！石板會預先放咗舊牛脂，經火熱溶後，令燒出嚟既吉列牛更香牛味！ 飯係好大碗，加左飯素好好送飯~ 湯就好普通，好似係昆布湯之類。吉列牛都算切得均勻，其實每塊都唔算大舊，但食到最後好飽😂而且呢到啲牛本身都唔差！肉質唔錯，絕對唔係茶餐廳個啲Hea hea 牛肉手羽先：男友話炸得好好，好有日本味道。的確雞翼外皮炸得鬆脆，入面仲係好juicy，好香口~ 由於店內9成客人都係食石板燒牛，但店好似冇抽風，只有開勁大冷氣，令到成間店都好勁燒牛同油煙味。總結：吉列牛係幾好食，不過連定食既話對女仔嚟講份量太多。又有得食又有得玩👍🏻係疫情期間去唔到日本可以先去呢度😂

很chill的名稱單字一個『秘』 secret chief， 意思係神秘嘅門面、詭秘嘅裝修、位於隱秘內街、仲有啲乜嘢奧秘、唔通有祖傳秘方、今次灶君去探秘，為大家揭秘。🤭超人氣，看長期人龍就知冇花假。上次食已經一年前，一年後人氣冇減。🤤在小事上用心，在大事上也用心。《 秘。燒黑松露吉列牛》$148加配 楓糖流心蛋熟成程度各自喜好，不過食客要小心畀油彈親。黑松露味並沒有搶走牛肉鮮味，份量充足。個人覺得不需要點醬，已經很好味。 流心蛋在生多一點點更好。😋《 板燒安格斯牛》$108這個價錢，油脂分佈算很好。😚《 櫻花金魚湯》 你當佢係一只金魚樣嘅蝦餃加咗啲有少少味嘅水落去。🤒《 秘之飯素》 白飯恩物配上紫菜絲唔食餸都可以食成碗飯， 味道見仁見智，未必人人覺得慣。😉《 秘風塘軟殼蟹》$78 唔可以同橋底嗰種煮法比，就當佢係日式嘅煮法啦！但係我成日喺日本都未食過😅⬅️左邊 富士山唔知乜嘢西柚好似藥水味果汁➡️右邊 山梨縣巨峰提子呢個正常好多食物賣相＝(滿分20) 18食物味道＝(滿分20) 17服務質素＝(滿分20) 18裝修整潔＝(滿分20) 16性價比率＝(滿分10) 7回頭指數＝(滿分10) 7

第一次係香港食吉列牛🐂，雖然味道有些許不同，但亦另我立刻想起上年東京之旅牛肉另附上一塊迷你鐵板，可自行烹調熟度。整體食物賣相與味道也很好，可以再來。餐廳不設訂位，人流不斷，差不多等了四十五分鐘才能入座。環境有少許迫，服務可以，整體算是不錯饅魚飯⋯兩人去食，特登叫不同主食去試下。這道菜是ok 的，但在這家吉列牛事門店，我諗下次我哋都會係各自叫份牛😛👴🏻👴🏻養金魚⋯打卡用這個價位，不是特別便宜，牛是有質素的，而且是💛店。在未知幾時可以再飛✈️既情況下，都可以叫望梅止渴

成日喺ig見到好多foodie 去食 而且大多數嘅評價都非常好🤨所以我就去咗朝聖一下啦😜星期日嘅下晝去 （午市3:00前）都仲有幾個人等緊唔知係咪當日朝早落咗大雨 所以已經算少咗人入面嘅環境唔係好大所以都會需要搭枱～好難得地呢間餐廳係唔需要加一㗎😲所以一至日都係同價但午市同晚市加定食嘅價錢就唔一樣啦不過提供嘅定食都會唔同🍳———————————————#板燒吉列牛 + 午市加配定食($108+20）味道：8/10鐵板上原先會放牛嘅油脂當佢哋融化到咁上下可以攞走先 等唔夠油再放翻上去因為開頭嗰幾舊真係食到幾多油😂講返吉列牛先 佢嘅肉質唔錯食落一啲都唔韌 肉汁會喺口入面化開 加上外面嘅麵包糠非常鬆脆整體嘅味道都幾唔錯🙌🏻加咗定食之後套餐會多咗秘之飯素同楓糖流心裝飯素嘅味道同平時嘅飯素差唔多配飯都係好好食流心蛋嘅速度做得啱啱好會食到較重嘅酒味#浦燒原條鰻魚飯（$78） 味道：7.3/10以呢個價錢來講原條嘅鰻魚真係令人驚訝😱不過相比起吉列牛佢嘅味道較為普通個人覺得偏甜如果自己一個人食成條可能會有啲膩同人share就剛好啦😋—————————————環境: 7.9/10 服務: 8/10會想再

這店的吉列牛出名多時，但聽聞常要排隊，故此冇興致去試。今天既然放假，又可以一早去午餐，便一試吧！還有5分鐘才開門（12:00正），在門外等候。查看食評都勁多讚，但知食物選擇少，故不用細想，就已落單安格斯牛及吉列牛，加$20配飯及糖心蛋。午餐還送一罐汽水。很快便上安格斯牛，賣相吸引，份量也算足料。按自己心意自己燒，幾好吖！牛滿有雪花，不需點醬油也夠味了。不過，我覺得切得不均勻，一塊牛薄厚不一，燒起來，一邊已熟，另一邊仍略生。老公點了吉列牛，份量也叫人滿足。但有點過鹹，我個人認為這味是綽頭多於味道。今天的飯，啖啖都有米心，不知是否未熟透，還是水不勻。我最認同之前的食評，就是店員態度好，有禮貌，雖然忙，但沒有負面態度。我們覺得，試一次也無妨。

之前去東京旅行食過吉列牛一試難忘😍 好想再搵間餐廳食 今次介紹呢間黃店 見唔少人都話吉列牛都做得幾出色所以就去試試😋~~🥩板燒吉列牛 $108 (+$20 秘之飯素 + 流心蛋)賣相好靚仔 牛肉色澤紅潤 脂肪紋理好靚🤤 可以在按自己喜好嘅生熟程度 再起個鐵板想煎🔥 鐵板上面有一嚿牛嘅脂肪起爐 煎嘅時候冇咁容易黐底牛肉份量多 食落肉汁豐富☺️ 肉味唔算話好濃 不過都係靚牛👍🏻吉列外皮炸得薄脆食落完全唔油膩 再配埋一個甜甜地嘅醬油汁😋🍚碗白飯上面淋咗啲醬油同埋曬咗啲紫菜絲 好易入口 成碗食晒😛🥚流心蛋過熟 但係幾鍾意隻楓糖味 比平時拉麵食嗰啲甜啲而且冇咁鹹😌~~總結1）唔錯嘅吉列牛 值得一試~~注意⚠️嗰日去到 店員話冷氣壞咗🙃 之後食食吓要整啲電力 熄埋燈添 所以環境俾咗幾低分🤭

經朋友介紹，得知左呢間比較低調嘅高質嘅日式石板燒牛～我係十二點一開門就到左，但我前面都已經有人排緊隊可見呢間餐廳嘅受歡迎程度都幾高～好好彩地成份第一round最後嗰枱，一坐低就睇下食乜～見到和牛定食好似幾吸引，所以叫左一份大約等左十分鐘就已經上菜，速度都好快一碟牛有起碼10塊，而且切得厚薄適中，唔會厚到整極都好生，又唔會薄到好似食緊空氣咁石板上會放一舊牛嘅肥膏，用黎當油，令到牛肉唔痴底。牛肉牛味都幾濃，質地未至於入口即溶，但的而且確一放入口係好香牛嘅油脂味，而且唔會韌（我大約每邊煎15秒）店員好貼心，上菜時會主動提醒客人之餘，仲會自動加燃料咁嘅價錢，食到咁嘅質素嘅石板牛，真係好抵超抵食高質板燒安格斯牛

🔺超多人排隊燒肉店🔻 #黃店🥩板燒吉列牛定食牛嘅量算好多 跟埋湯同飯都唔洗$150好抵送飯係綽綽有餘！碗飯好好食 不過碗湯就麻麻地仲有一整個溏心蛋😛😛唔係啲勁靚嘅牛不過呢個價嘅石燒牛算唔錯✨🍲燒牛肉野菜鍋唔想食太多肉就叫個菜中和下同價 都係好足料 有好多嘢啲牛肉燘得好腍.真係未見過冇人龍 想食要預早少少黎拎位喺附近行個街再返黎就應該差唔多👅-💛罷市、表態💛1111捐錢俾星火💛開放店舖俾手足休息

一直想試呢間好耐😍高質抵食仲係黃店💕所以長期都要排隊😳諗住晏就食唔洗等咁耐點知2點去到都等左半個鐘🙈😝呢到除左主打吉列牛🥩仲有鰻魚飯、芝士吉列豬、牛肉野菜鍋等💕更有多款小食✨黑松露迷更加推介要試下呢到既黑松露吉列牛，都係好多人推介🖤板燒吉列牛定食 份量好多！夠曬滿足🤤外層麵包糠非常脆！配埋軟嫩既牛肉 口感外脆內軟🤤💓牛肉油脂分佈均勻 有肉汁係石板每邊燒幾秒再食超幸福💓點埋個燒汁醬油甜甜地食更加好味！😆雖然牛味唔重😢但以呢個價錢、份量黎講質素已經十分唔錯😝💯秘之飯素味道鹹鹹甜甜 有大量紫菜 撈埋軟熟既珍珠米一齊食好正😋溏心蛋軟滑又入味 生熟度啱啱好🥚加左楓糖味道更加甜！(๑´ڡ`๑)呢到仲有多款日本汽水/飲品選擇🇯🇵嗌咗蘋果碳酸同白提汽水($26)🍎🍇味道酸酸甜甜又突出，配埋吉列牛食超正(*´∀｀)整體黎講性價比真係好高😆💯食物高質、店員態度友善有禮貌，環境有氣氛絕對係值得一再支持既小店💛仲要冇加一夜晚唔清楚)，未食過真係要去試下😝💕

「秘」- 但似乎呢間舖頭唔係一個秘密，因為我去到舖頭門口嘅時候已經發覺好多人排緊隊👨🏼‍🤝‍👨🏻👩🏻‍🤝‍👨🏼👨🏼‍🤝‍👨🏻等左45分鐘左右終於入到間舖頭，梗係試一試最出名嘅吉列牛啦「板燒吉列牛」盛惠$108但係呢個餐係唔包飯嘅，不同套餐的追加費分別為$20 / $38 / $58咁我自己揀咗$38嗰個，包一碗白飯連飯素，一隻溏心蛋，一碗櫻花昆布湯套餐會連一個迷你火爐一齊上餐，等你可以邊烤邊食，仲會附上一舊牛油，將牛肉嘅層次提升至另一個境界

二人晚餐282，18:00開始入得，旦5:30左右已經有人係門口等梗。好彩都係頭幾位唔洗等好耐。入面有硬膠板分隔，用螺絲上實所以唔會跌。幾好。餐牌上可以揀嘅選擇唔多所以我哋最後揀咗兩個唔同款又出名嘅嘢。吉列牛。加左有素飯既餐。但係原來可以唔使加錢都有一個飯。一上枱嘅時候個鐵板上面會有一個肥肉可以當油咁煎。吉列牛切得好薄，好脆。但係因為太薄既關係煎完之後食唔到佢嘅脆感。脆位變燶咗。就好似咁另外個餐包埋櫻花湯。好咸😖😖另外，叫左個好似牛腩既牛肉鍋。好似粉面店個d牛腩咁😂😂

排左2個鐘，先入到去食！我同男朋友叫左兩個set，一份吉烈牛、一份安格斯。其實我哋本身想食味增牛，不過個日入到去都9:30，佢已經賣晒其他啦。吉列牛都係我打住要嘅，我有食過一次。外脆內軟，口感不錯。如果未食過，值得一試！如果兩個人share, 值得要一份。不過吉列牛嘅肉質就冇其他肉咁香牛味。但係佢有佢自己嘅特色，未食過必須要試。另外我覺得嚟到秘，一定要叫飯。因為佢個飯素好好食。個飯配牛食一流，又冇咁膩。我仲加咗個金魚湯，我覺得味道一般，條魚只係一粒蝦餃。同佢又肥又長有啲樣衰，值唔值得影相都見仁見智。至於佢啲果汁汽水，個人覺得蘋果味最好飲。如果大家去食真係早啲去排隊攞定飛。我嗰日見有人8:30去，已經冇飛派！早攞早享受

佢地嘅石燒牛真心勝價比好高 肉嘅份量好多之餘仲要質素好💛就算配埋定食都係抵食啊!!不過食嘅時候要小心啲我有幾次都俾啲激烈嘅油脂彈到🤣同埋建議唔好着啲好似冷衫質地等好吸味嘅衫去 因為食完會勁大陣油煙味🤣🤣-✏️板燒安格斯牛 ($108) (+$38 配定食)每一片牛都係好平均嘅薄切 但食落口感又ok wor唔會覺得單薄 石燒完之後肉質食落 較吉列牛嗰款軟淋 而且肉味幾濃郁!!佢本身已經有調味過 所以我覺得唔需要點旁邊個醬汁就咁食帶點咸香已經好好🙆🏼‍♀️油脂分布平均 唔會過分油膩 嗰種油脂會令後續有丁丁齒頰留香🙃跟餐嘅話碗飯上面會有日式飯素🍚其實單單個飯素已經好下飯好夠 再另外淋上嘅醬油我覺得多餘左 有少少令到個飯太鹹 配牛肉冇咁襯🤔另外套餐仲有埋溏心蛋!!開心🙆🏼‍♀️🙆🏼‍♀️整體質素真係唔差好好食😍〰️✏️野菜鍋 ($38)好抵食嘅野菜鍋🤓🤓配料好豐富除左大量嘅菜 仲有芋絲 鳴門卷 獅子狗 蘿蔔 金菇等等 唔想淨係食肉想食返啲蔬菜叫呢個啱晒🤓