秘苑韓國料理 (已結業)

地方算唔錯，差唔多全部係卡位，好像只有對正門口那張檯不是卡位的，坐四個人也不會太迫，兩個人對著或排著坐也可以…第一次食這種韓國菜，前菜七小碟，二人叫了三個菜，其中粉絲牛肉湯($100)和石頭飯($120)的味很淡，韓國菜是這樣的嗎？我不知道，那牛肉湯還說是煲了48小時的…有點失望。石頭飯比一般吃到的淡很多，要加入食菜咸魚乾一起吃才有點咸味。最入味的算是炆牛肋骨($130)，很甜，這其實是沒有骨的，份量不是太多，所以整體來說略貴…另可以叫蒸蛋，是不計錢的，還可以。不知道為甚麼，張單比左個九折，咁即係冇計加一，兩個人三個菜食左$350…會飽的，但食物很淡，對我來說不是太適合…

自從幾年前一位韓國friend帶過我來這裏之後, 我就差不多無再去其它韓國餐廳, 而從此韓餐對我來說亦不再只是烤肉. 韓國人對食好講究, 唔好唔新鮮或無益都唔會食. 這裏選用的食材都是優質的, 和一些將貨就價只靠調味料的餐廳不同, 值得細意品嘗欣賞. 老實說, 幾家有人推介的韓國餐廳曾幾何時都試過, 質素都有很大距離, 絕對無法和秘苑相提並論!這裏菜式中最愛是白切豬肉券心菜, 豬肉肥美嫩滑好滋味, 可點隨上的蝦露(唔識點講, 有小蝦的魚露?)食, 我則較喜歡問他們拿些紫菜同吃, 真係好正. 另一款係炆牛肋骨(其實係凈肉, 已經去晒骨), 用了韓國特產梨同煮, 味道清甜到真係殺死人. 雞絲湯麵或牛肉湯麵用的上湯好香濃, 而且真材實料, 食得出唔係味精水, 和滿福樓的上湯米線有異曲同工之妙. 炒年糕唔算主打, 但一樣出色, 有點兒帶甜的辣, 好食. 石頭飯同生牛肉飯不但用料新鮮, 啖啖滋味, 而且配搭得宜, 幾種味道、質感相互爭輝, 唔細心欣賞就走寶. 佢地連各款前菜都做得很用心, 其中最正係石窩蒸蛋, 好滑好香甜, 仲係隨餐附送, 唔計錢o架!有咁多好味菜式...唔得閒食宵烤o羅.

吃四川菜要「麻辣燙」，吃韓式冷麵要「甜辣凍」，這裡的，做得不錯。一年一度，又要同專業人士傾計。佢提議來這裡食晏，純粹就番佢工作地點。前個星期至同太座來吃過韓烤，是日就來吃午餐，不知這裡有沒有套餐，不過都照餐牌叫。天氣熱辣辣，我叫了什錦冷麵，朋友則要了石頭窩飯。我的什錦冷麵用個大碗盛著，上面舖了蛋、紅蘿蔔絲、牛展等等。吃一口，麵仍舊煙煙韌韌如橡筋，韓式冷麵就係咁。開始吃時有梨的清甜味，吃著辣味也隨之而至，當然吃到差不多因為浸著凍湯汁，冷冷的，又甜又辣又凍，幾正宗的韓國冷麵。雖然正確來說，韓國人是冬天才吃這味，但在香港盛夏吃，當然感覺更正；朋友的石頭窩飯，料多賣相又對辦，不過燒得滋滋作響，天氣咁熱，相比之下是吃我這個冷麵舒服一點。佢負責埋單，收咁貴，食番佢一餐都不為過，應該不用百一蚊一位。對冷麵有興趣的，都可以試埋呢隻韓式的，都不錯。

和朋友到這裡食午飯, 只叫了一個石頭飯($120) 和一個炒粉絲($100).個炒粉絲簡直離譜, 竟然同前菜一齊到達, 即是炒定啦. 而且味道是十分之普通.個石頭飯都是沒有特別, 都不值這個價錢.總之就係唔抵又唔好食啦. 但係呢間野都是爆滿的, 皆因這裡是韓國人開的.P.S. 本人覺得上環梨花園的石頭飯(1樓)好食過佢好多好多, 但價錢都平過佢(好似$80左右).

太座的重要日子，下午吃了Sabatini 非常豐富又滿意的Sunday Brunch，其實去到夜晚，都重飽緊。不過是日太座一早指定想喝海帶湯，已一早安排了這裡，所以照來，唯有叫菜時減些兒份量。在香港的韓菜館來說，這裡都算有歷史。今日來到，七時不夠都坐了六成客人，更有不少是韓國鄉里，以這裡的吊腳地點來說，算不錯。我們坐在單邊的二人卡位，靠背夠高，幾有私隱的感覺。不過抽風麻麻，空氣中是充斥著油煙味，不過舊舖就係咁，無辦法。下晝餐Brunch仲飽緊，所以吃不了這麼多，一早預訂的一窩海帶湯都變成兩小碗。還叫了烤牛肋骨、泡菜煎餅及什錦粉絲，少不了的，當然還有Hite啤。例牌先來前菜，一字排開八碟，內容都是吃開那些，如泡菜、大豆芽、莧菜、蒜芯、甜魚仔、沙律、冷粉絲及醃蘿蔔絲。主角的泡菜味道一般，不酸亦不夠辣，不過就幾夠鮮味，所以添吃了一次也沒有再吃；其次最好自然是甜魚仔，送啤酒一流；沙律都不錯，明知唔係韓國菜，不過就幾開胃。除了前菜，這裡也送石窩蛋，生熟程度剛剛好，和著泡菜吃，味道也真的不錯。另外還有附送的兩碗海帶湯，清清淡淡，也滿足了太座是日要喝這一味的要求。其他菜色陸續上檯，牛肋骨是兩條，照例

Kimchi、石頭飯($120)和紅燒牛助骨($130)味道都好一般，一點也不突出!牛助骨已起肉，但略甜，而且有少許"un"。

Kimchi、石頭飯($120)和紅燒牛助骨($130)味道都好一般，一點也不突出!牛助骨已起肉，但略甜，而且有少許"un"。

終於去到呢度試韓國菜, 韓國菜在香港其實比較貴, 不過坐落金鐘中環區既呢間我認為唔算特別貴呢: )兩個人晚餐點了2-3人套餐, 因為樣樣都O岩口味, 再加一碟生牛肉, 兩個人食真係有點吃力!!!套餐有烤牛肋骨, 烤豬肉, 炒粉絲和石頭飯, 烤牛助骨好新鮮, 好正呀!! 烤豬肉唔夠牛肋骨咁新鮮同好食, 可能因為份量太多所以都食剩.... 炒粉絲都幾正宗, 石頭飯黎得太快, 由於好快分好O左所以好少飯焦, 下次都係要等佢攤攤先: )))生牛肉$140, 本人認為美麗華間新羅寶好味D, 因為梨絲比較甜Overall 係B+, 真係好想快d 去多次, 點多樣豆腐泡菜鍋試試先: P建議最好分吸煙和不吸煙區..... 基本上晚餐比較少人, 不過都係訂位穩陣D!!

尋晚去食,服務幾好,坐卡位幾舒服.叫左個套餐,HKD380.00 有燒牛肋骨,燒豬肉,石頭鍋飯,炒粉絲,加燒蝦HKD120.00,加雞絲湯麵HKD100,00,加蛋包蝦HKD120.00,仲送左個蒸蛋.牛肋骨好好味,好JUICY....豬肉都好入味....蝦就貴左D,得5隻,不過係新鮮蝦,幾大隻,好鮮甜....石頭飯有飯焦,正!....蛋包蝦,都係得5隻,好香蛋味D蝦好新鮮....只有炒粉絲OVERCOOK, 有少少黐埋一齊...雞絲湯麵好清,食左好多油膩野之後食,覺得特別清...服務好好WOR, 不時有人過來幫你燒,個燒碟都幫我地換左一次,又自動問我地要唔要REFILL泡菜.不過泡菜得8碟,冇蘿蔔辣泡菜,冇特別同REFILL唔駛加錢.總之,值得一試同記得訂位.

前幾日黎食lunch. 兩個人食了$500幾蚊烤肉set lunch. 有前菜十碟. 其中以泡菜最正. 食極都唔夠. 酸蘿蔔絲好醒胃.主菜有烤牛肋骨. 烤片同雞肉. 牛肋肉好juicy.三味都醃得好入味. 肉質又鮮. 值得一讚的的是每十幾分鐘就會有專人過黎幫你check 爐調火. 如果烤肉會調得大火一點. 烤牛肋肉個陣如果個火大猛就會幫你調細火d. 個鐵鍋有少少底就會有人過黎同你換埋成個爐.個餐另有燒魚(皮脆肉嫩, 加lemon juice食好惹味), 泡菜豆府鍋( 正. 撈飯食perfect).再加埋個煎蛋炒泡菜飯.( 飯粒好軟熟.乾爽又入味) 不過記住book位~ Even lunch hour!全店冇分Smoking/ non-smoking area的. 請留意.

因為大長今,成班同事拉隊去食lunch.Lunch set 好似得一款($120)有其他set 但就無寫for幾多人, 大約幾百蚊一個set.其他menu 同夜晚一樣. (~100-200 一款)無叫燒烤,因為怕油煙.炆牛肋骨- 極好味其他都不過不失,份量比較少=價錢貴...

20050105 8pm呢度係朋友介紹o黎, 佢話呢度係佢一個韓國朋友介紹佢o黎食, 佢食過又覺得幾正宗, 所以勁推呢度.2人吃:* 炆牛肋肉($200) x 1 - 呢度"店自慢", 牛肋肉炆得極淋, 同炆既蘿白甜到飛起無渣, 好正~ 不過份量都幾細.* 鹽燒青魚x 1 - waitress 推介, 的確幾好食, 燒得剛好, 魚肉夠juicy 得o黎個皮又香口.* 石頭鍋飯x 1 - 推! 飯焦多! 開心死!!~ 好彩只落一半辣醬, 如果唔係辣死人. waitress 會幫你分埋兼落麻油同辣醬.* 菜乾湯x 2 - 送o既, 味道就係一般菜乾湯lor, 估係用魚煲o既.* 百歲酒(Bek Se Ju) x 1 - 傳通韓式酒, 甜甜地, 幾過癮.Kim Chi 我無試, 因為不吃辣. o的前菜就一般而以, total 8碟, refill o左兩碟(但係唔知洗唔洗加錢wor), 相信是因為BA Tower o既關係, 其中一碟竟然係有白色沙律醬果o的沙律! 好呃鬼佬下丫~最後送來生果一小碟, (橙兩片+提子幾粒), 埋o左單就奉上裝滿香口膠同萬樂珠o既小盒,幾骨子.本來朋友想食烤肉,

韓國火鍋款類繁多有：不辣的雜菜牛肉鍋、辣有腸仔牛肉鍋、牛雜鍋、海鮮鍋、還有熱辣辣的鍋內石頭鍋飯，配埋韓式泡菜，味道更豐富，更好食。不容錯過的海鮮辣湯、魚卵湯，食落爽口彈牙，熱辣充滿五官，非常刺激好好味啊！不妨試下。

如果你有興趣一試正宗的韓國料理, 秘苑必然係第一選擇, 無論係前菜、主菜、甚至燒烤o 既食品, 都係地度韓國菜,o 的waiter 同食客大部份都係韓國人; 而家午市仲有商業套價錢經濟, 仲包括好好食o 既" 石頭窩 飯", 千尋個次就試o 左燒烤, 最正應該算係" 牛助骨", 將一整排" 牛助 骨" 放在烤爐上燒( 呢o 的係韓國正宗食法), 個種味覺同視覺真一流。