秘苑韓國料理 (已結業)

因為開OT,同同事食飯出公數,佢地推介秘苑…第一次黎,印象係服務超級好,唔怪得咁貴。食物質素,又係屬高質一類,全部都好好味,即使炸物,都係又熱又新鮮。紅燒牛肋骨:同事們極力推介,果然無介紹錯,牛肋骨肉很腍,好有牛味,個汁最好味,所以點左個白飯,用紅燒汁黎撈飯食最好!連白蘿蔔同紅蘿蔔都好入味,又腍又有汁既味道,好容易清碟。不過牛肋骨既肉之間有唔少肥膏…凍湯麵:好特別,平日食冷麵係唔會有湯,但係呢個真係凍湯麵,個湯都係凍,個麵就係灰灰地色,幼身,完全唔似中式麵,有少少似日式蕎麥麵,個味偏淡,好似有好少麥味但係又好似唔係,近乎無味,但係口感好煙韌,十分得意,配料有酸瓜,牛展,同埋竟然有一塊塊雪梨,有趣!好味架,值得試!炸物拼盤:嘩!勁新囉!上到桌都係熱辣辣,脆口架!唔係用炸粉,而係用蛋包住炸.,有四款,包括蝦,魚,青瓜,同埋一款我地都唔知係咩(有d肉既餅),最好味係蝦同魚,魚塊好厚身,食落啖啖肉,蛋皮脆,好好味!什錦炒粉絲:有肉有菜,炒得入味,粉絲比較粗身同煙韌,又係唔似中式粉絲,感覺特別,都唔算太油,但係等耐左,粉絲變左一餅餅…食完仲有肉桂茶送,好濃肉桂味,不過太甜,有少少難入口添…埋單時

多數星期日去,因較少人.年糕湯餃$100~湯底味清淡,餃子肉又不肥.

除夕日發出寒冷天氣警報，食韓菜就最適宜。中午時段需有多種不同價錢的午餐供應，最後只是散叫燒牛肋骨及石頭飯兩款。慣例先上前菜，有8小碟，其中竟然有腰果炒粒粒，而個人較喜歡的是醃雪梨，爽脆清甜略帶微酸。燒牛肋骨-肉身軟稔，頗為鬆化，亦有肉汁。石頭飯-飯身較稔及濕，沒有燒焦的飯香，但撈了辣醬後，滿口充塞辣椒香，比起第一次食來得好，又熱又辣食後立即好溫暖。飯後奉送的玉桂茶，非常濃烈的玉桂味，不嗜玉桂的我，當然滴口不沾。這間是服務是相當之好，不停為你加茶、有禮貌、亦有數句的多謝，以韓國餐館來說，真是比較少見的。

點會有0甘多好評??? 唔明!!!上個星期大概下午2:00同個friend去食lunch，叫1個set lunch ($120), 1個石頭飯($120)。石頭飯- ok,無特別set lunch - 前菜ok, 又係無特別!主菜就嚇死人D烤牛肉一D都唔似烤，似蒸or"霎" 多d !D 魚重氣頂，又凍，又腥，又油膩! 我0地食左小小已經唔敢再食，但我到夜晚都重"er" 緊d魚腥味，五個離譜下午3:00 關門，隊張單埋o黎都算喇，重比3 個staff 圍住張檯趕客，洗唔冼阿??? 執袋都要時間0架!!!毫無保留0甘比劣評，唔食都飽，一肚氣!!!

24-2-2007 1305今日係公司搬去新地方的日子，昨晚休息食飯時已聽同事係度數內部的白癡政策，為免在午飯時再聽她們up，兼難得上司在新地方自作自受，自己1條友出去覓食。最後1 day係金鐘返工，食都要食餐豪一點(對各位平時絕對係濕濕碎)，一諗起就黎呢度，同餐廳名一樣夠曬隱蔽。雖想食辣野，做野做到出曬汗，天氣卻清涼得肯，微微細雨，叫冷麵對自己來講似乎唔合時，燒牛肋骨又驚唔夠喉，這就叫了石頭鍋飯，避免食野食到著涼。先黎8碟小食，大豆芽、西芹/紅蘿蔔、粉絲、白蘿蔔、魚仔、薯仔沙律、泡菜、莧菜，始終喜歡食辣的我鍾情於泡菜，粉絲用老抽上色，莧菜幾清新；食完之後還有蒸甜蛋，上面灑了少少葱粒，食落稍為甜左些少，蒸得唔會過老，仍可接受。等左10分鐘，石頭鍋飯終於上場。飯上面有熟牛肉、莧菜、黃蘿蔔絲、冬菇、紅蘿蔔絲、青瓜絲及生雞蛋一隻。咁就撈埋一齊食會唔夠味，佢會附上一碟韓式辣椒醬，隨自己喜好落多少，我就落曬佢。加左辣椒醬的飯，辣得來仍帶飯裡及材料的本身風味及味道，而鍋上所沾上的飯蕉只有薄薄的一層，好容易挖出來。味道整體不錯，食完成身暖曬。雖然一條友要百多元，仍然好滿足，完全嚮往一個人食飯的樂趣。

到大會堂聽Jazz，先在金鐘吃晚飯。選擇不多，一向不愛韓菜，覺得不對胃口，但見這間的食評不錯，一試。不餓，二人點了：石頭飯、蛋包蠔。想吃點清菜，侍應說送的前菜已夠兩人吃。前菜是八小碟，還有一盅蒸蛋，兩碗菜乾湯。放滿一，頗滿足，味道不錯，最愛煎餅，不油，外邊脆，內軟。只是蒸蛋有點老，味道又太淡。石頭飯賣相好，味道一流，只是份量太少，二人吃只得一碗，可能是少食多滋味。蛋包蠔，用雞蛋包煎蠔，蠔夠肥美，味道中規中舉。這次對韓國菜是有點改觀，吃得出鮮味。不是一味調味料，泡菜。價錢雖然有點貴，但算值。當晚以韓國客人為主，不嘈。侍應有禮，只是不太明其英語。下次要再來試人參雞湯。吃完再去聽live concert，已經好滿足。

很久很久沒有食韓國料理，對上一次也要算是在韓國旅行食地道菜。同學在上堂時上openrice，所以三個人上完SPACE便到了美銀樓下的秘苑食飯。我們點了三人餐\再加一個小煎蛋，第一道菜是八小碟泡菜(其中有兩碟是重覆的)，老實說，我對泡菜真的沒有好感，雖然有很多真的像泡菜的泡菜，但當中有一盅蒸蛋。隨後來的是炆牛腩，很淋，很入味，很好。其後是雞，但是生的，怎樣食呢?原來有一個待應當住我們面前BBQ，好似好有格調，當然味道都ok。然後有煎蛋，普普通通。跟住上湯，是菜乾湯，都ok。接著是石頭飯，悅人眼目，待應見我們三人，問我們要不要分，她便幫我們分成三碟，服務週到。最後上少少生果。我覺得環境不錯，是一個閒談的好地方，除了我們三人高談闊論外，身邊的都是鬼佬和韓國人。待應的服務也不錯，埋單時有一盒糖果宴客，超值。

很久沒有來了,很掛念這兒埋單的寶盒.1.雞絲手造麵$100 ~ 雞絲不算特別多,但一定夠兩位食用.很少食到這種麵質.2.蛋包蠔$70(小) ~ 唔使多講,用蛋包住煎蠔,size幾夠大的.一碟五隻.

尚未開工既男友來陪我食晏，估唔到食左五日韓國野都未悶，返到香港再食過。叫了一個紅炆牛筋骨和石頭飯，份量不大，但牛筋骨炆到好淋，而石頭飯料亦足，加小小辣醬已經好辣。

店如其名，幾隱閉的，來這裡主要是想靜靜的和食友閒聊一番，「秘」苑適合不過。看「11:30am前order、12點送到」，大概附近寫字樓的「粉絲」不少。店員清一色是韓國女士，當中只有1、2位識講中文，簡單的英文加上看圖識字的餐牌，足夠溝通。食友姍姍來遲，問了她意見，深知大家的食量，二人餐是吃不下，就叫了炆牛尾及辣冷麵。前菜排場十足，款式不少，泡菜為主打，加上魚餅、漬魚仔等一貫本地韓菜的格式，隨後加上大鍋的煮蛋，煮家feel又濕又散，味道麻麻卻是驚喜。是晚都是鬼及韓國人為主，看來招呼外賓的話，確是唔錯。心情怪怪的，唔想食牛肋骨，就叫炆牛尾，中缽上熱辣辣色水對版，甜而入味又唔散，吃得到牛尾的獨特纖維，不俗。辣冷麵是老頭子在食評內大讚的菜式，就試試，甜而辣，配梨絲及蘿蔔片，簡單美味，與梨花苑濃郁的道相比，又是另一番滋味，亦與食友所言，不同韓國料理有著自己一套風格，就看自己怎去欣賞。後記：炆牛尾，此品雖美味，吃是卻甚有難度，一個不好洋相百出，教人哭笑不得。零碎相片：http://www.imagestation.com/album/pictures.html?id=2101639914

Had dinner here once with a friend. Their Gaibi and spicy blackcod is super good. The food's a bit slow, given there's only 5 tables. The atmosphere is nothing special, great service. Bit pricey but ok for dinner. Can anyone tell me where to find cheap but good Korean food in HK?

(9/8/06)入到去感覺好old fashion,不過好闊落,隔離有吸煙客,都無燻到過黎。首先前菜無甚特別,芽菜、酸蘿蔔、莧菜、kimchi、沙律、炸菜肉片、魚乾、煎餅。主餐同少奶奶食左,石頭鍋飯,好失望,無乜料之餘,係落左兜辣醬先有d味咋,生雞蛋撈左都無蛋味。另一個燒牛肉,可叫侍應在廚房燒好,味道好夠,但一百蚊,只係一板燒牛肉咋!根住每人附送一豌白菜湯,都幾好味。食完有一小杯凍薑茶,第一口感覺較甜,飲飲o下都唔錯啊!

那天與男友在金鐘一帶大肆購物,當日落西山之際,生理時鐘已著我們'要找吃的了'.本來打算到同大廈內之旦本料理嚐放題,耐何一推門以見及嗅到油烟浬瀑,又沒人招待,便大打退堂鼓;正當躊躇如何飽腹之時,轉角的大燈箱在向我們招手.一進門,店內燈明火猛,亦沒有隣店的油烟味,心中暗暗叫好.見全店均似是韓藉工作人員,當然中文欠奉,英語一般;而只廖廖數名侍者卻有大概七.八成滿座.見餐牌內也有套餐供應,雖選擇不多(只有二,四八人)但菜式應有盡有,我們點了二人套餐,有:前菜十小碟,雞肉,牛助骨,石頭飯;另加點了人參雞湯.十小碟之買相及味道都一流,已填了我們胃的三分一位置; 主菜肉類也有驚喜,我男友對牛肋骨讚不絕口(因我是非牛者,恕未能提供意見),而雞肉嫩滑,味道亦沒令食客失望;熱辣辣的石頭飯帶著'劈嚦啪哪'上桌;古制人參雞湯配料豐富--小雞一隻,紅棗,人參,糯米等,反而湯份量略隒少.全餐唯一失色是所有菜上得太快,烤肉,石頭飯,湯同一時間全上,好明顯令食客手忙腳亂-- 又怕已放烤爐上的肉燒焦,又一邊喝湯,更生怕石頭飯放涼,快快盛上一碗;不消一會,飯及湯上的烟全沒了,還有大大碟的肉未烤完.

天氣稍覺悶熱,去了吃了韓式冷麪,朋友則要了烤雞.冷麪是在旅遊首爾後喜歡上的,這兒的略嫌不夠冷及稍酸.此外,服務員亦將雞肉烤得過焦.除了烤焦雞肉一項外,這兒的服務是很好的.環境亦不錯

天寒地凍，去吃韓式冷麵就最合時令，原因不明，但當地人係要落晒雪咁吃著飄醉冰的湯至正宗。在香港云云的韓國菜館來說，這裡的冷麵算不錯。又來小姐Lunch，連吃幾餐西餐，今次就試下韓國菜。一行六人，坐了入房，原先以為幾好，但後來坐了一檯吸煙的韓國人在隔離，就幾焗促。就隨便叫了一個包炆牛肋骨、辣泡菜豆腐、石頭飯及什錦炒粉絲的午餐，另加一客海鮮煎餅及辣什菜冷麵。六個人也是先來兩set前菜，每set八碟。這裡的泡菜始終不算好，雖然鮮味，但就過酸，不過我們也吃到要添吃。其次最喜歡的當然是甜魚仔，給我全撿吃清了，漬薯仔絲也不錯，幾清新。當然還有牛油果帶來的橙皮蛋糕，大家吃得很高興。炆牛肋骨依舊甜美又鬆化，是必叫的菜色，個人覺得，好吃的炆牛肋骨絕對比燒牛肋骨更滋味；辣泡菜豆腐賣相幾似麻婆豆腐，原不寄厚望，吃落又不差，汁有點點辣，加埋豆腐，用來撈飯也不錯，跟炆牛肋骨般都很受食友歡迎；石頭飯賣相沒問題，但撈過後，如Olivian所言，味道卻是淡淡的，可能是沒有下韓式辣醬及麻油去撈的原故，下次一定要記得吩咐加重佐料去炮製；什錦粉絲也是老樣子，口感彈牙，沒有問題，但味道假假的，是我不太喜歡的一味韓國菜；海鮮煎餅