秘苑韓國料理 (已結業)

吃四川菜要「麻辣燙」，吃韓式冷麵要「甜辣凍」，這裡的，做得不錯。一年一度，又要同專業人士傾計。佢提議來這裡食晏，純粹就番佢工作地點。前個星期至同太座來吃過韓烤，是日就來吃午餐，不知這裡有沒有套餐，不過都照餐牌叫。天氣熱辣辣，我叫了什錦冷麵，朋友則要了石頭窩飯。我的什錦冷麵用個大碗盛著，上面舖了蛋、紅蘿蔔絲、牛展等等。吃一口，麵仍舊煙煙韌韌如橡筋，韓式冷麵就係咁。開始吃時有梨的清甜味，吃著辣味也隨之而至，當然吃到差不多因為浸著凍湯汁，冷冷的，又甜又辣又凍，幾正宗的韓國冷麵。雖然正確來說，韓國人是冬天才吃這味，但在香港盛夏吃，當然感覺更正；朋友的石頭窩飯，料多賣相又對辦，不過燒得滋滋作響，天氣咁熱，相比之下是吃我這個冷麵舒服一點。佢負責埋單，收咁貴，食番佢一餐都不為過，應該不用百一蚊一位。對冷麵有興趣的，都可以試埋呢隻韓式的，都不錯。