秋田浜燒食堂

营业中

休息中

突然間 , 好想食甲羅燒，所以尖沙咀search到有呢一間， 即刻book位去食佢有多款套餐，但係我哋覺得份量比較多， 最後我哋散叫我哋自己想食嘅嘢。我哋叫咗 雞泡魚乾， 甲羅燒， 燒蠔， 燒鮑魚同埋炒飯 ( 掛住食唔記得影相)，最後當然有叫甜品雪巴，佢仲送咗個雪糕畀我哋添食物樣樣都好食價錢合理， 唔貴，飯炒得夠乾身， 食物新鮮。唯獨係覺得啲煙味太大，因為佢會喺你隔離或者附近燒，如果可以煙味冇咁大會更加好! 唔知係咪啲日式燒烤係咁嘅呢？因為我好少食~

好耐冇食過一餐咁滿足嘅燒海鮮餐啦！！佢個海鮮拼盤每一樣野都獨當一面；非常出色。新鮮唔再話（鮑魚仲識郁），好似鮑魚帶子蠔嗰啲樣樣都大大隻，size十足，幾抵食！除咗食仲有得玩，餐廳攪緊event，係一盤赤蝦度，一手拎到幾多隻蝦，就送幾多隻俾我哋。以前我都唔係好鍾意食生蝦嘅刺身，因為覺得通常都係林滋滋，但係呢度d赤蝦好爽口好甜，同甜蝦得有fight。估唔到佢雖然係送，但係都咁高質。之後我哋有一個鰻魚茶漬飯，黎到見到個飯好似藝術品咁，非常精緻，唔捨得食。最後食甜品，waiter聽到我哋講又想食紅豆又想食綠茶味，佢竟然兩隻味都畀晒我哋，非常之窩心。環境又靚，野食又有質素，服務又好，香港真係少有！

第一次去。我們散叫，平過套歺。朋友舆我不吃蠔，故不點套歺。坐在店內最入角落。為了空氣流通，冷氣當頭吹，吹到頭痛。叫了東風螺，鷄翼兩串（吹凍晒），燒蝦，燒豬頸肉。味道一般。

聽服務員說以前秋田浜燒食堂是在諾士佛臺，諾士佛臺是一條位於香港九龍尖沙咀的街道，以特色酒吧及餐廳聞名，有九龍蘭桂坊之稱。現在秋田浜燒食堂搬去隔離的天文台道，那裡有酒店， 食肆林立。這室內外的裝修带有日式風格，那些刺身，活魚，活貝是從日本直接送過的，非常新鮮。我第一次在日本餐廳燒海鮮，還有服務員精心講解。如果你在facebook like秋田浜燒食堂，還可以一手拿到多少大虾送多少大虾，我一手就只拿到六隻大虾，當然是十分開心。坐下來，服務员就推介兩個套餐，一個是北海，另外一個是京都。我們選了京都，每位498套餐。特上刺身拼盤五點有左口 ，池魚，帶子，甜虾，三文魚刺身，各有不同口感而且新鮮甘甜，吃落感覺一流。燒大虾及大虾刺身我比較喜歡大虾刺身，比較來講大虾刺身比燒大虾好食，不過有些不喜歡食刺身，燒大虾都是個選擇。函館北寄貝加配菜草菇一起燒，非常甘甜，可見非常新鲜，加醬汁也好味。青森殘酷網鮑鲍鱼燒得非常熟，食落好爽同埋好香，可見鲍魚是非常新鮮。人氣蟹味噌甲羅燒蟹殼內有蟹膏加鵪鶉蛋， 燒得非常好，配上蒜蓉包去食比較滋味。河豚魚乾燒得好乾，有些甜，真是難得的小食。應該是喝洒的好小食。厚燒紐西蘭草

天寒地凍最啱就食啲熱辣辣嘅嘢。我同老婆行行下街，喺尖沙咀天文臺道嘅最上邊轉彎，我哋發現咗一間好靚嘅日本料理，所以就以冒險精神入去試一試。我哋叫咗個北海套餐，價錢都唔算好貴，都係四百零蚊位，都好多嘢食，海鮮拼盤有鮑魚有帶子有甲羅燒，仲有個茶漬飯同甜品。佢哋原來仲搞緊個活動係一隻手去拿到幾多隻赤蝦咁就可以免費攞走啦。我拿左六隻只有三隻攞去燒，三隻做刺身，刺身出奇地好食因為好少赤蝦都可以咁爽甜。海鮮拼盤樣樣都非常新鮮隻鮑魚送到上嚟嗰陣時仲識郁嘅，帶子又大又鮮甜。蠔亦都非常肥美，但係我最鍾意嘅係甲羅燒，蟹羔係齒夾流香。之後茶漬飯亦做得唔馬夫。外表好精美；味道亦唔錯。最後加埋紅豆綠茶雪糕呢一餐就圓滿結束。希望呢一間隱世日本料理唔會咁快比咁多人發現到啦！

友人約會，晚餐食咩好呢！不如去吃 日本浜燒 燒 燒尖沙咀天文台圍 秋田鐵板燒刺身專門店地點 對我來說，有難度，天黑黑，找不到方向朋友久等了，不好意思！ sorry !坐下來，先下來 先吃河豚魚乾香噴噴，咬 咬 咬，點d沙律醬， nice嘩啦啦！一大碟海鮮 來張大合照啦👏九州松葉蟹蟹肉味濃 、嫰、鮮甜 .....青森殘酷網鮑厚肉 大大鮑魚，燒到差不多熟，切除內臟，再慢慢燒煮，鮮味出嚟啦兵庫縣直送磨蠔日本磨蠔，蠔味加埋海水味，絕對甜甜濃郁北海道帆立貝加d 清酒 配料同埋汁，大粒貝 切成小塊，細細咀嚼人氣蟹味噌甲羅燒先張面包正反微微燒，然后搽牛油香脆面包點蟹膏，滋味無窮清酒昆布大蜆煮昆布+清淡洒香，好入味鐵板燒野炒拉麵拉麵配以菜、牛肉、芝麻，夠鑊氣最後，奉上甜品（雪糕）職員問，要綠茶？或紅豆？驚喜，兩種味道都給我哋品嘗好開心😃滿足兩個人消費$488 x 2 加一，埋單 $1076總結😋食： 最重要係新鮮，尤其係海鮮，不用加太多調味料職員對待客人非常細心體貼，耐心慢慢燒、煮出來的食物 肉質 柔軟 鮮嫩無比，值得推介大家來試試

好飽！好滿足！今晩吃了浜燒。食材新鮮，任何配料，醬料都不需要，原汁又原味。二人前套餐，海鮮包括松葉蟹腳，鮑魚，帆立貝，蠔和甲羅燒。先來前菜燒雞泡魚干，烤得香口惹味，佐酒一流。清酒昆布煮大蜆好鮮好嫰，清酒味隱隱約約，味道十足。海鮮不需多説，鮮！甜！美！店員控制火喉得宜，每款熟度燒到恰到好處，食到手指豎起。黑松露野菌箔燒非常惹味，好彩黑松露不太搶，保持菇菌的鮮甜味。最後鐡板牛肉野菜炒拉麵，麵質保持乾爽不油膩。牛肉香口滋味。甜品是雪糕，抹茶和紅豆，真係食到抱著肚腩回家。

十一月第二個星期一晚上，尖沙咀。好友說想在聖誕前吃頓好的，找到這家日本菜，他就決定帶我來試試。餐廳佔地很大，有兩個大鋪位，外面掛滿了日本家紋的燈籠，裡面燈光柔和，木地板，粗繩網，猶如置身於船艙之中。二人前套餐有兩款，因為我們都想試一下刺身，所以很快就決定了要$498的浜燒料理。朋友想喝一點清酒，點了一瓶李白桃花仙人濁酒，濁酒是指未經過濾的米酒，帶有酒粕，故此酒體呈乳白色，飲用前要先上下搖晃，使酒粕和酒混合。入口帶甜味，是一款偏甘口，容易掌握的清酒，對於辛口喝習慣的我挺新鮮的嘗試。河豚魚乾，魚乾烘至軟身有嚼勁，甘香味美，一流的佐酒小吃。五點刺身，左邊是肉質結實，魚油豐富的左口薄切；肥美滑嫩細緻的油甘魚；肉厚味甜富彈性的帆立貝，豐腴甘香的牡丹蝦及三文魚，當令且新鮮。服務生端來海鮮浜燒盛合，海鮮還在活蹦亂跳的，生猛程度不用多說，我們開始有點期待。北寄貝，特別的是加入自家調配的鯛魚汁跟清酒，口感滑順，爽脆彈牙。赤蝦兩食，突然送上一盤赤蝦，原來在我上洗手間時朋友玩了一手赤蝦推廣，一手抓到多少，就可以選燒烤或是刺身，朋友抓了十隻，於是我們兩款都可以試。燒赤蝦香口惹味，肉質稍微燒得太過，赤蝦刺身爽甜

冬天時分, 想著吃點有暖意的日式食物, 朋友便推介了說這家的浜燒價格不太貴又有水準. 地點則較為遠離尖沙咀地鐵站. 另外, 找餐廳時以為是天文臺道, 其實是最頂的天文臺圍, 浪費了幾分鐘時間去找. 很有氣氛的一家浜燒居酒屋, 佈置很花心思. 菜單上有好幾款不同的套餐, 誠實的朋友最後還是點了有刺身的京都海港濱燒套餐. 棄羊架而選帆立貝. 點菜後, 用上facebook打咭, 店員便會送上一盤赤蝦玩"一手抓赤蝦". 一手抓了10隻赤蝦, 問了問店員, 可以一半刺身, 一半浜燒, 十分貼心. 先上的是河豚魚干, 十分送酒的前菜小吃, 味道也不錯, 不禁便引人點了一支清酒. 看到酒單上有較少見的濁酒, 正好用來一試配合浜燒. 濁酒是儘量保留過濾後之酒粕, 以增加米酒的甜味及口感. 前菜之後上的是刺身拼盤, 左口, 油甘, 帶子, 三文, 赤蝦. 幾款刺身均新鮮又有鮮味, 其中又以帶子及油甘最鮮甜. 之後上的是一手抓赤蝦的戰利品, 共有5隻, 份量及鮮味令人滿足. 餘下的5隻則作浜燒, 蝦肉鮮味彈牙. 先上的北寄貝用鯛魚汁調味, 口感較清淡但吊起了鮮味, 連湯汁一同吃十分美味.第二道的帆立貝則

先前朋友介紹過這間「秋田浜燒食堂」給我，ㄧ直都無機會來試，今晚相約友人好好享受ㄧ下。食店地點比較僻靜，但店外可泊車，都十分方便。行入店內，見掛滿漁網和燈籠的裝置，甚有日本漁港風情。入座後店員馬上遞上手巾、熱茶和餐牌。看看餐牌見食物選擇都多，還有多個套餐供大家選擇。我們經ㄧ輪研究後，決定要個「北海漁港二人套餐」。點菜時店員還告知我們，只要在 Facebook 按 like 「秋田浜燒食堂」的專頁，便可玩ㄧ次ㄧ手抓赤蝦遊戲。我們當然不會錯過，還ㄧ手抓到八隻，成績不錯。店員問我們想將赤蝦做刺生還是燒， 猶疑不決的我們，最後還是聽她建議兩款都試。赤蝦好大隻，好新鮮來做刺生鮮甜度十足，正!! 另外燒的都燒得剛好不會乾身，外層還灑上海鹽來調味，十分好食。燒河豚魚乾，燒得甘香，食落香甜煙韌，真係食到唔停口。酒昆布大蜆煮，大蜆大大隻又肥美，浸在清酒昆布湯內鮮甜無比。浜燒食材方面，真係包羅萬有。九州松葉蟹，燒到香噴噴，領蟹汁濃縮，食下去更有蟹的甜味。青森殘酷網鮑，好大隻，店員將活生生的網鮑放在爐上燒煮，初時見其蠕動著真係有點殘忍，但經過恰好的燒煮，肉身嫩滑彈牙，我真係逃不過他的鮮味引誘。兵庫縣直送播磨蠔

今晚同友人吃飯傾偈，早前和朋友提及不曾吃過爐端燒，所以特意找一間吃爐端燒的食店，後來上網找到這間，食評還不錯，所以我們就選了這間了。去到門口，店舖佔位置都幾大，份開兩邊，我們被安排入座後，望一望環境，可能份開兩邊，地方感覺不是太大，但很有日本居酒屋的感覺。店員遞過餐牌，見很多東西都很吸引，後來店員說告訴我們如果不想吃刺身，可以揀選一款叫北海漁港的套餐。我們見個套餐的餐單都很豐富，所以就要了這個。首先來是前付（頭盤），是河豚魚干，燒得很乾身，入口煙靱，很香口。沾上沙律醬又另一番風味。第二個前付是清酒昆布大蜆煮，入面用上昆布清酒做成的湯，加上鮮甜大蜆，真的很好味！店員走來和我們說，在面書給讚就可以玩遊戲，遊戲是一隻手看看可以拿起多少隻赤蝦，拿到多少就可以得到多少隻赤蝦，我們當然不輸蝕，在面書給讚後，店員遞過手套，上了一盤赤蝦，我帶起手套，一手拿起了六隻蝦，其實都頗跣滑的，但都算好玩，店員問我們怎樣吃，我們要了一半做刺身，一半燒。店員見我們一半一半，每樣都只得三隻，他們很好地加了兩隻給我們，使我們可以每人都可以有兩隻刺身和兩隻燒赤蝦，真係好！赤蝦刺身很大隻，還帶點軟綿，蝦頭很多膏，朋友撕開蝦

今晚朋友介紹我地黎呢間位於尖沙咀天文臺圍的浜燒餐廳，由於位置都有少少離開旺區，所以可以講上去是隱世。餐廳的佈置都幾有日本的風格，而且原來都幾多人食。我地揀左個有多款海鮮食的二人餐，另外餐廳有個一手抓蝦的活動，一隻手抓到幾多蝦就有幾多隻送俾你食，而我地就抓到6隻，店員建議一半做刺身，一半燒黎食。赤蝦刺身爽口鮮甜，而燒赤蝦咸咸地，彈牙又鮮味。二人餐有浜燒蟹、鮑魚、生蠔、帆立貝、甲羅燒同埋野菌，另外仲有海豚魚干、清酒煮蜆、茶漬飯同埋甜品。店員會係你面前幫手燒海鮮，不用自己動手。浜燒海鮮都好新鮮，鮑魚仲係識郁架，彈牙鮮甜。蟹腳唔會燒到好乾，仲食到有D海水味。帆立貝落左清酒一齊整，令鮮味更突出。而這裡的甲羅燒味道濃郁，仲配上米通俾你一齊食，非常惹味。清酒煮蜆味道清甜，蜆肉都算大粒。最後仲有甜品抹茶雪糕。這間餐廳服務好而且食物質素都唔錯，果然係好介紹。

又到了朋友生日的季節，今晚請朋友來到這間我之前食過覺得唔錯的浜燒店吃晚餐!餐廳裝修很有日本居酒屋的感覺!餐牌有多款套餐可以選擇，而我們揀選了「北海漁港」這個二人前套餐。河豚魚干，魚干燒到有點脆口，魚肉有點juicy，加上燒的時候塗上蜜糖一齊燒，甜甜地脆脆地好岩用黎夜啤酒!浜燒海鮮會由店員幫忙燒的，所以只需坐定定係到等食就可以了!青森網鮑，店員會先燒鮑魚能殼能鬆開後，幫忙清理內臟，之後再繼續燒!鮑魚鮮甜，口感煙韌，非常惹味!兵庫縣直送播磨蠔，這款蠔都幾大隻，鮮甜又多汁!北海道帆立貝，帆立貝燒得剛剛好，唔會燒到好乾，而且落了清酒和蔥花，更能帶起帆立貝的鮮味!九洲松葉蟹腳，蟹腳多汁鮮甜，而且都幾多肉，唔會燒到過火令蟹肉變鞋!蟹味噌甲羅燒，蟹膏味道濃郁晞加入了蟹籽能口感更豐富，加上還配有米通，用米通點上蟹膏一齊食，非常美味!清酒昆布大蜆煮，蜆肉脹卜卜，好鮮甜，加上用了清酒昆布，更能帶出鮮味，味道清清的，可以清清口腔的濃味!黑松露茸野菌箔燒，野菌好香黑松露，爽爽甜甜，好有口感及味道!京都鰻魚茶漬飯，茶漬飯的湯底好清甜，鰻魚唔會太肥膩，味道清清的好岩清除口腔的濃味!抹茶雪糕，最後還送上抹茶雪糕，有