秋田浜燒食堂

营业中

休息中

今晚朋友介紹我地黎呢間位於尖沙咀天文臺圍的浜燒餐廳，由於位置都有少少離開旺區，所以可以講上去是隱世。餐廳的佈置都幾有日本的風格，而且原來都幾多人食。我地揀左個有多款海鮮食的二人餐，另外餐廳有個一手抓蝦的活動，一隻手抓到幾多蝦就有幾多隻送俾你食，而我地就抓到6隻，店員建議一半做刺身，一半燒黎食。赤蝦刺身爽口鮮甜，而燒赤蝦咸咸地，彈牙又鮮味。二人餐有浜燒蟹、鮑魚、生蠔、帆立貝、甲羅燒同埋野菌，另外仲有海豚魚干、清酒煮蜆、茶漬飯同埋甜品。店員會係你面前幫手燒海鮮，不用自己動手。浜燒海鮮都好新鮮，鮑魚仲係識郁架，彈牙鮮甜。蟹腳唔會燒到好乾，仲食到有D海水味。帆立貝落左清酒一齊整，令鮮味更突出。而這裡的甲羅燒味道濃郁，仲配上米通俾你一齊食，非常惹味。清酒煮蜆味道清甜，蜆肉都算大粒。最後仲有甜品抹茶雪糕。這間餐廳服務好而且食物質素都唔錯，果然係好介紹。