福元湯圓

营业中

休息中

北角炮台山「福元湯丸」一向有名，這一夜，我與老婆仔在天后吃過晚餐後，意猶未盡，便建議和她散步到炮台山，去福元吃碗甜蜜蜜的湯丸才回家。兩口子來到福元，也許是時間尚早吧，細小的店舖內仍有空的座位，快快坐下之後，我便立刻到點甜品和收錢的櫃檯前點選招牌「鴛鴦湯丸」，好讓我把芝麻湯丸和花生湯圓一網打盡。怕吃得太多會肥的老婆仔，就只是簡單地點了一碗連雞蛋也走掉的「腐竹糖水」做甜品。福元的湯圓水準高，味道好，有吃過的人應該都會同意。這晚的湯圓，無論芝麻還是花生湯丸，湯丸皮都搓得夠薄，軟糯而不過於黏牙，流沙般的芝麻餡香甜味美，碎石似的花生餡香脆可口，薑糖水又夠辣勁，吃著甜蜜蜜的湯丸，對著甜蜜蜜的愛人，不就是個甜蜜蜜的晚上了嗎？

今晚喺福元街附近食完飯，最完美嘅當然係食埋個美味嘅甜品，咁先至叫做畫上完美嘅句號嘛⋯⋯咁近城隍廟就緊係去福元街嘅福元湯圓啦！一如以往，門口一定有番咁上下人龍。等咗10分鐘左右，就有得入座！雖然又堂食又外賣，樓面只得1位阿哥，廚房只得1個阿姐，但啲單依然絲毫冇混亂今次我哋2個都係食黑芝麻湯圓配糖薑水！湯圓依舊能夠保持皮滑餡靚，一咬開湯圓，芝麻流心就慢慢湧出嚟，芝麻嘅香配上糖薑水，兩者絕對唔會搶咗對方本來嘅味道。冇食一段時間，仍然能保持穩定嘅水準，值得返轉頭啦

放工行過炮台山內街，見到一間幾出名的甜品糖水鋪。鋪細細但多人入坐堂食或外買帶走的，因鋪得四張枱大約十六人到容納。我剛好有位坐低，叫了一個鴛鴦湯圓（糖薑水五粒），今日咁凍食落暖笠笠，但甜了小小⋯⋯但還有好多選擇的整體滿意，怕等可外賣的。

👧🏻行行下發現一間食肆門外貼滿報章雜誌。係介紹湯圓架。再望下招牌。原來係久仰大名嘅「福元湯圓」。福元湯圓原來係openrice 得獎熱店。哈哈。信心保證果皮蓮子百合紅豆沙+湯圓～湯圓有3粒。大大粒。皮薄。芝麻餡又香又多。咬落去仲有大量芝麻餡湧出黎。好味到lam lam 👅掛住食無影相添。糖水款式寫曬喺d掛牌度。放長雙👀望遠d就睇到架喇。短短20分鐘。有好多人黎買外賣。老闆娘一腳踢。未停過。堅辛苦。錢真係唔易搵

天凍凍地，收工落北角食碗熱騰騰既糖水，真係好正。等位大約五分鐘就入座。鋪頭細細，係不乏捧場客，好多人排隊買外賣，好熱鬧！腐竹糖水加湯圓，好滑，啖啖腐竹香。加七蚊有三粒湯圓。主角係芝麻湯圓，一咬落去，芝麻就湧出黎，有圖有真相，真係好正，搵唔到另一間另好既湯圓。另外叫左芝麻糊，食得出係即磨！中式糖水好難做得好，呢間老字號的確好值得幫襯。極力推介！

吃飽晚飯 原先只想散散步。但經過這間聞說很好吃的糖水鋪，被邀請坐低食返碗必點湯圓。黑芝麻湯圓咬一啖 芝麻秒速湧出嚟 流沙一樣 味道也不是太甜。木瓜雪耳糖水食得出煲咗好耐 有膠膠哋嘅口感。以上價錢不貴 但也足料。讚

服務差 我同女友等緊位 個阿伯可以帶其他人入坐 舖內迫迫夾夾 坐多陣都唔舒服 重想諗住輕輕鬆鬆食住糖水傾下計 唔駛旨意 舖外坐座位更加不堪入目 隨時同流浪漢為鄰 至於閒名既湯圓 我敢話不值一提

收工之後攞野去炮台山俾朋友趁佢未收工 順道買湯圓返屋企6點幾 鋪頭都坐左一半客人要自己主動搵老闆落單 老闆基本上都唔會招呼你 哈哈叫左兩碗- 芝麻湯圓- 桂花酒釀湯圓（花生湯圓）一共$48坐係鋪頭前面既長櫈慢慢等等左差唔多10分鐘 因為湯圓係即刻落水煮既返到屋企趁熱偷飲一啖桂花酒釀糖水唔夠甜 酸味蓋過甜味 糖水湯內有唔少桂花 但無咩桂花味 湯圓等食完飯先食所以湯圓都浸到變樣 XD一碗5粒 粒粒分量十足桂花酒釀既花生湯圓內餡花生味唔係好突出欣賞佢唔會好甜膩湯圓皮夠薄 隱約可見內餡顏色芝麻湯圓係配薑汁糖水因為攤得有d耐 所以入口嗰時只係暖暖地薑汁糖水出色 唔會太甜有微微既薑辛 凍左既湯圓雖然無哂流心但係一咬就流哂油 超香！芝麻湯圓好味到飛起 內餡愈咬愈香有一粒粒既芝麻顆粒芝麻湯圓真係無得輸

以前年紀輕，未懂得欣賞傳統的美。同朋友食糖水，一定食什麼乜乜綿綿冰，芒果乜乜乜和雪糕乜乜乜等等之類的，什麼乜乜沙，乜乜糊和乜乜湯圓這些老掉牙的怎麼會懂得欣賞，如非過時過節，酒樓送糖水同團年飯後甜品的話，根本不會點上了它們。時此今日，人大了老了，反而迷上了那些中式糖水，它們的火候和味道，是那些新式沒法比較的。因此找吃時，都會特意找上那些舊式糖水鋪，今次先輪到港島的福元湯圓。我很愛薑，因此每次食糖水，走不掉薑汁番薯，但來到著名的福元湯圓，不點湯圓太浪費，結果加錢要了兩粒芝麻，一粒花生湯圓。結果沒來錯，湯圓很好，煙韌軟糯的皮，包著香濃的餡料，不論是芝麻同花生，都是飽滿，味道足的。如果花生同芝麻中選擇，我會選芝麻，你可見餡料是呈粒狀，是芝麻粒末的形態，因此很香很濃。而花生雖香，但因為它加上點點白芝麻，為求增加口感同味道，但我卻嫌未夠純，加入粒粒花生更好。而番薯也很讚，很粉很甜，但薑水可以更濃更辣，不過那樣的味道已經很合大眾口味，香辛帶甜！有些事，是經過了時間的洗禮，你才懂得舊的美。

今天即興約了舊同學聚會，由於有朋友要晚點才收工，聚腳點首選便是糖水鋪吧。在砲台山最有名的糖水鋪莫過於福元湯圓，雖然不知道開舖多少年，但自我有記憶以來它就已經在了，實在老過我很多。閒時晚飯後想找甜的吃，第一家想起的店一定是這裡。 這裡雖然最有名的是湯圓，但也有其他的糖水，例如桑寄生蓮子茶，涼粉，西米露，紅綠豆沙等等傳統中式糖水，都很多元化，不過來到這裡，當然要吃湯圓啦。這兒的湯圓出名皮薄餡靚，而且湯圓餡都是老闆自己生磨的，跟在超市買到的機制湯圓實在差天共地。在這裡吃過不知多少次了，沒有一次失望。這次叫的是桂花酒嚷花生湯圓，桂花湯很濃糯米味，帶出淡淡桂花香，甜度剛剛好，碗內的五粒湯圓非常大粒，皮很薄，微微透出花生餡的淺啡色，咬下去很有嚼勁，花生餡料一湧而出，味道濃烈，內裡還有粒粒的花​​生碎，絕對是一流。 這兒永遠都是吃湯圓的最佳選擇，目前為止還未找到比它好的地方，是平靚正的表表者，贊。

夜晚九點幾同朋友嚟到福元，試下花生湯圓：糖水好重薑味，好香！湯圓皮好有咬口，花生應該係有炒過先磨的料，好香口好濃味！正！一碗有五粒，我食咗三粒已經好飽，淨低嗰粒叫朋友食埋佢，哈！好好味！有時間會再嚟！

芝麻湯丸⚪️($22)芝麻湯丸大大粒，一咬落去超級流心，而且芝麻味都幾香，難怪咁出名。雖然司令偏愛食花生湯丸，但佢地既花生湯丸的確不如芝麻味🤔。另外就係薑湯太稀近乎冇味😕！留意返，舖位好細，夏天熱辣辣都食得幾辛苦。

呢間一直都係我食過最好食既傳統湯圓。真係大大粒，好好食。不過我就鍾意芝麻多過花生好多，如果全部都係芝麻就好了，嘻嘻。當晚係元宵節，所以【街裡愛人一對對】，要排廿幾三十分鐘先買到（真係從未見過呢間多人到咁），而店內人人都踢哂腳、躁哂底咁，而且堂食座位十分混亂，我地坐既二人枱上面起碼有十隻食完既碗未執。下次如果佳節就最好請多個parttime執下枱吧，東主花幾百蚊，一對對想【團圓】既客人就坐得舒服好多，無理由開左咁多年都唔諗下呢樣既。所以今次只值OK。

鍾意食甜品既我，到底有沒有偏好呢? 這個問題我也經常問自己，但似乎沒有，無論中式糖水，或是西式糕點，我一律兼愛而吃。要是問中式糖水有甚麼我是特別喜愛的，我也是答不出，但其中有一樣可能較少人吃過，那就是桂花小丸子。小時候，家裡有弄過，所以有一點特別的感情。可惜不是家家都有，於是在這家看見，少不免要品嘗一番。桂花小丸子的丸子是沒有餡的，小巧，這裡還多加了不同顏色，看來繽紛。吃的時候，小丸子十分柔軟煙韌，加上清甜的桂花糖水味道，感覺素雅而沁人心扉。舀起碗底，還有一些薏米等等，是一款很是健康的糖水，不會太濃，淡淡的，但又有足夠的甜味，若嫌過寡，則有小丸子咀嚼解悶，是消暑之選。

由讀書時代開始就很喜歡到福元湯圓雖然對住係九龍區的我 地理位置相當遠但對此店的湯圓卻情有獨鍾❤️不時都會專乘搭地鐵或電車過黎回味一下☺️福元湯圓位於炮台山一天橋下一直以價格相宜又貨真價實去吸引食客炮台山地鐵站出口出大概要行5分鐘左右店面不是很大 裏面只有5,6張桌子福元的湯圓由人手搓成有芝麻和花生兩種口味 我每次黎都喜歡點一碗花生湯圓（$22）薑湯呈金黃色 薑味很重 味道有少少辛辣😼喝一口令人精神為之一振😎一碗有湯丸五大粒 皮薄得見到從裡面透出來的餡料😙😙😙輕輕咬破薄皮 流沙狀的花生餡料隨即傾瀉而出😳😳😳裡頭有白芝麻顆粒與細碎花生粒吃得時候需要咀嚼 質感細中帶脆 充滿咬口😋而且味道有濃郁的炒過的香味😌不過可能是因為拌入了豬油來達到流心的效果所以入口有少少油🤔不過皮薄餡多 煙韌彈牙 算是出色👍🏻👍🏻👍🏻