福元湯圓

营业中

休息中

呢間係街坊都識既糖水店主力係湯圓~~.好多人都會外賣佢既生湯圓返屋企煮架~.但今晚我無食湯丸，試其他野:.👄桂花三色酒釀小丸子 $22👉雖然顏色唔同，其實味道跟普通小丸子味道一樣~但視覺效果靚d囉😘糖水酒味唔重，反而甜味較多~足料，大碗，算抵食👌環境: 店細細得幾張細枱，人多時會開枱坐街~.

自從北角果間出名的中式糖水鋪執左笠後我想食中式糖水的時候就會第一時間諗起呢間！綠豆沙加芝麻湯圓：綠豆沙夠清香足料,但同芝麻湯圓比就立刻比下去了湯圓一咬D流心就馬上流出來真係香到暈芒果豆腐花：啲豆腐花超滑一食就自動滑到去喉嚨芒果夠甜鋪頭係有位就自己坐低先跟住再同老闆落單

要流心湯圓一定要黎北角既福元湯圓！黑芝麻湯圓--HKD22此店每日手搓湯圓！湯圓皮煙韌，不厚不薄地包住整個芝麻饀！最厲害是黑芝麻饀很流心，芝麻饀味道亦有芝麻蓉的感覺真的很愛很愛這裡的湯圓

我平時唔係會點湯圓來食嘅人，因為覺得呢D嘢甜膩甜膩嘅，食落去很容易想嘔，不過福元嘅湯圓就係嘅例外喇，每次經過呢度都會進來食番碗。黑芝麻湯圓一定要試吖，薄薄嘅糯米皮包住滿滿嘅黑芝麻餡，皮薄到可以睇倒裡面嘅餡係度流動吖，而且真係純正嘅糯米皮來加，真係一食就會有感覺，軟軟糯糯嘅，同其他果D唔正宗嘅比起身就係天差地別吖，裡邊黑芝麻餡好香，糖水裡面就有薑汁嘅，甜甜地辣辣地特別得來又暖胃開胃，很好味。黑芝麻糊亦好正！芝麻味濃郁，芝麻磨得細膩，香濃嘅味道真係好享受吖，搭配湯圓來食仲正，香上加香吖！糖不甩都推薦點，理由都係呢度嘅糯米粉夠正，加上D粉撒上去好香又唔會膩，不過畢竟係糯米製品，比較難消化，唔建議一次點太多！

福元和我緣起於10年前, 當時小妹傻下傻下過海返工, 梗係開心到飛起,點解……係因為我終於可以離開九龍做個香港區既白領。後來先知當上香港區白領其實都唔係好威水, 咪一樣著牛記返工。妖 ~ 原來我唔係返中環 !不過返北角既優點係, 好多又平又正既野食。福元係我熟悉的老朋友, 我記得中午放飯時經過往往被它的煲紅豆沙香味吸引著。我對紅豆沙有一份情義結, 就像前世的緣份一樣。 媽咪話比我知, 我仲係寶寶個時, 唔食粥水要食糖水 ..... 紅豆沙, 但當時我只可以飲紅豆水, 因為媽咪怕我會被紅豆哽死。所以我相信福元和我也有同樣的緣份。數十年後角色大兜亂, 我現在是香港人, 公司係九龍。但長情的我對福元還是念念不忘。今晚心緒不寧, 我真係好需要人既支持。又唔想同人傾, 於是在街上遊蕩直至再度重遇它。感覺就如被我遇上一位我好掛住既老朋友一樣, 我有千言萬語要和他分享。以前我每次來只會叫兩種糖水 。 我和他通常一人叫一款糖水然後MAX食, 撈下撈下, 玩乜都好開心。依家好多野好易得到, 返而唔易開心。 今晚我只可以食一款糖水, 所以我點了  “紅豆沙加湯丸”對我而言紅豆沙是這裡的名物, 除左我自己煲

近來的天氣總是非常多變。星期日可以廿幾度著短衫出街，星期一的晚上突然驟降到十二度。這個晚上，我們一行十幾個人很早便食完晚飯，有人提議食糖水做宵夜。全枱都是識食之人，當然食好西啦。在炮台山和北角的分界線，你知道有一間非常有名的舊式糖水，每逢團圓的時候，總會像星羅棋布一樣滿佈人潮。醒目的你就一定知道，這裡就是位於英皇道的那個福元湯圓。這裡的湯圓賣得街知卷聞，有人竟然唔知呢度係咁出名，所以話，世事並非偶然，也沒有一定。我們一行八人，於突然凍到不得了的英皇道行到去鋪頭，還擔心鋪頭太小，冇位好坐，點知，好彩的我們能夠分開兩張枱坐，最重要唔駛等位，就如冰天雪地8惡人一樣，八個惡人之後的結局係血肉模糊的殺殺殺，我們殺的卻是這裡出名的湯圓。我們幾個也選了鴛鴦湯丸，朋友Miss F就選了紅豆沙加湯圓。坦白說，知道好食的我其實從未食過，我是佳佳的粉絲，當我看到這裡的湯圓都真係嚇一嚇。朋友大大碗的紅豆沙裡，藏了三粒同我個頭一樣咁大的湯圓，問她有什麼特別，她說都是那些舊式糖水。自己吃的感覺才最真，來到面前，清清的薑水看到的是更大粒的湯圓。咬下去，層皮一點也不厚，那個芝麻咬落去，嘩啦嘩啦全個芝麻一起殺出個血路，

與友人們在附近吃過晚飯之後，見時候尚早，大家都蠻有興致到人氣甜品店「福元湯圓」吃返碗招牌糖水。這天我們可真有點運，來到店門前，竟然見到裡面還未滿座，雖然我們人多，勉勉強強還可以全部擠進小小的店內去，坐定定揀選自己想吃的甜品。來到「福元」，最穩陣，最有保証的出品，當然是湯圓。我們一檯四人，包括我在內，三個人都叫了「鴛鴦湯圓」（$22），另外一位友人，就叫了「紅豆沙 + 湯圓」（$22）。我的「鴛鴦湯圓」包括三粒黑芝麻湯圓和兩粒花生湯圓。五粒湯圓都大大粒，味道也很不錯，甜甜蜜蜜的味道很討人喜歡，湯圓皮也十分煙韌軟熟，不過黑芝麻湯圓油份較重，我反而較喜歡花生湯圓中大細不一的花生粒。至於薑糖水方面，我也覺得薑味和辣味不足，不是自己最喜歡的味道。不過這兒的「鴛鴦湯圓」，整體來說還是很不錯的，大伙兒一起吃碗糖水，熱熱鬧鬧，甜甜蜜蜜，開開心心，已經是一個愉快的晚上了。

年廿九的晚上，因為逛花市的原因，來到炮台山的福元湯丸。在開飯網的評級都不錯。店內的位置不多，因此店外都放置了一些坐位。 店鋪主要以一些傳統糖水為主，如紅豆沙，綠豆沙，芝麻糊及湯丸等。我點了紅豆沙湯丸。 一碗一共有三粒湯丸。 大大粒，圓滾滾的，感覺很實在，真材實料！可以選芝麻或花生餡，我點了花生。口感不錯，很足料。 紅豆沙很杰，落足材料，不是酒樓那些溝水的。 或有一粒小丸子，很特別！

炮台山同天后附近真係無乜糖水舖，福元湯圓雖然本身都有實力，但真係附近真係好似無乜對手啦。星期六夜晚同朋友打完邊爐，過黎食個糖水。十一點左右，都有大概6-8人等緊位，大約等左5分鐘就入得，岩timing 吧。我叫了個桑寄生蓮子蛋茶加湯丸，連埋隻蛋，碗野有四粒野，好澎湃！桑寄生蓮子蛋茶以前係俾人安胎飲，朋友笑我係咪要安胎，咁當然唔係只係呢個用途啦。「茶」的茶香味十足，唔會太甜。蓮子都起沙，完完整整有幾粒，交足貨。湯丸相當大粒，咬開之後，溫熱的d 麻蓉慢慢咁流出來，唔太稀唔太杰。芝麻味很濃郁，勝在個皮唔算太厚，食完火鍋飽左9成，食埋湯丸都仲得。

自從半個月前第一次試呢個湯丸之後，我已經食左三次喇！因為呢個湯丸真係會令人上癮第一次食就食左芝麻糊加鴛鴦湯丸 (3粒) 完全係俾湯丸既流沙程度嚇親～一咬開入面既芝麻餡係湧出黎夠滑又夠濃之餘重做到皮薄！不過配埋好濃好厚身既芝麻糊就有d膩所以之後兩次我都係配比較清既糖水底。酒釀桂花係個人幾中意既配搭清清地，同埋重點係佢係跟五粒湯圓*好似除左薑水底同酒釀桂花係五粒之外，其他糖水加湯丸都限左只可以加三粒* 桂花味幾香，不過米味頗重，唔中意既人就建議揀番薑水～個人黎講我係比較中意花生湯圓入面有粗粒花生，炒香既芝麻，同芝麻一樣做到皮薄！但又無個種好易膩既感覺～不過小店的老闆/老闆娘都行粗豪路線～確實係無服務可言要服務既人就唔好勉強自己喇

在等他下班後，我們就踱步到炮台山福元街吃點甜了。在炮台山地鐵站B岀口向右走，步行不需三分鐘就能到達。店舖環境狹窄，座位少，不少食客選擇外賣到門外的櫈座著吃。福元湯丸不設叫號入座，只要你入到舖見到有位就可以座。餐廳供應的多是較傳統的湯水種類，不會有有些花巧的糖水甜品。Bagel得知福元最岀名的就是芝麻湯丸，但看過食友評語，花生湯丸質素也屬佳，心大心細下點了鴛鴦湯丸(3粒芝麻，2粒花生)$22.鴛鴦湯丸$22一碗內有5粒湯丸，配糖薑水，若果是選擇其他糖水如芝麻糊再加湯丸的話，湯丸限死了配3粒。雖然天氣不太冷，但呷口糖薑水，喉嚨還是感到舒暢的。先吃芝麻湯丸，雪白色的湯丸皮透岀黝黑色來，湯丸像個水袋般，伏在湯匙上。咬一口，內裏的芝麻餡澎湃洶湧的擠擁岀來，由於是拍照及拍影片給孩子看，bagel是心痛的看著芝麻餡流到糖薑水裏去，薑水都變黑變濁了。湯丸皮薄而綿腍，不會似粉頭般，內裏的芝麻餡磨得幼滑，雖然香濃則稱不上，但尚算不會吃到很濃的油溢味。吃下，一大啖芝麻餡罐得口腔都滿滿的，推介孩子一試。再試花生湯丸，花生餡較芝麻湯丸來得挺身，外表渾圓。 咬下，皮同樣的綿腍有至，花生餡較為杰身，流動速度更芝麻慢

湯丸堅好味，簡單就是好味道！～今日去到北角食飯，我話想食糖水，朋友就話有間食湯丸出名吾錯，所以我地就坐電車去。舖頭吾大但好多人，有人直情坐係出面食野添！～等左大約10分鐘就可以入去食，湯丸出名當然食湯丸啦。合桃糊加花生湯丸：酒釀芝麻湯丸和合桃糊都香口吾太似沖粉出黎咁，而酒釀就偏酸左少少，朋友吾太鐘意食。2款湯丸真係堅好味，芝麻蓉係流出黎又香芝麻味同好有鮮磨感覺十分討好，花生湯丸入面有花生碎和感覺有少少似椰絲口感一流！～如果下次黎只吃淨薑水湯水已可以好滿足和都會試下其他吾同的糖水。

舖頭好細間，很多人都是叫外賣拎走。我和友人點了：鴛鴦湯圓：芝麻餡三粒、花生餡兩粒，糖水係薑糖水，但不是好濃好甜那種，無咁膩。凍西米露加芝麻糊：我覺得是芝麻糊加西米，椰汁味不濃，我和友人反而好喜歡

今日出開砲台山，行行下無意中發現好出名既舊式糖水鋪，之前一直以為間鋪係響北角，估唔到其實係近砲台山！一坐低睇睇menu ，大部分糖水都係十幾至廿幾蚊，第一次黎既我就梗係貪心d叫左紅豆沙湯圓，可以一次過滿足我兩個願望！呢度係先比錢後享受的，比左錢等左幾分鐘就有野食喇！一碗紅豆沙湯圓有三大粒芝麻湯圓，紅豆比一般糖水鋪既大粒，先喝一口紅豆沙，味道清甜，大部分既甜味都係來自紅豆本身，非常真材實料同健康，我好鐘意！再黎咬一口外表平平無奇既湯圓，點知一咬開裡面既芝麻蓉就一湧而上，完全在我意料之外！ 芝麻蓉非常幼滑而香濃，完全可以食到芝麻本來既味道而非只得糖既甜味，我一定會再番黎食！ 價錢實惠又高質素

麻蓉湯丸係本人最愛的甜品之一，睇完其他人食評專程黎試食，個人認為整體有少少失望。我食麻蓉湯丸（薑湯），湯丸同湯都夠熱，皮做得好好，夠薄夠軟熟有咬口，可惜芝麻餡略為失準，唔香、略淡同帶苦，薑湯都係淡，有些少片糖味會好d。