福丸水產 鉄板燒 日本料理 (已結業)

香港既磯燒水產店真係少之又少, 食到好食既當然要推介一下啦今次食既呢間係位於荃灣地點偏遠左D但係地方又大環境又舒服 板燒龍蝦呢道菜可以用三個字黎形容!! 極 鮮 甜 !! 龍蝦肉已經被師傅起左出黎放在鐵板上炒, 龍蝦殼只係裝飾, D龍蝦肉不但勁香口, 而且一咬落去個龍蝦味道出哂黎, 物以稀為貴, 一隻龍蝦能夠起出黎炒既肉並唔多, 所以真係重質不重量!! 好食 黃金蟹膏甲羅燒一上既時間仲以為要自己燒, 原來呢間店勁好service!! 佢會有店員走過黎幫我地燒, 咁就唔洗擔心唔知要燒到幾時先食得, 呢個甲羅燒上面勁多材料, 除左有蟹膏, 仲有鵪鶉蛋, 蟹籽, 蟹肉等等, 超超超鮮甜, 店員會將甲羅燒放係爐上面, 然後將所有材料搞混, 然後係燒既過程中不斷攪伴, 最後會半固體狀, 勁香蟹膏味, 口感一流!!! 福丸盛合壽司拼盤, 入面所有刺身都好新鮮, 特別要推介的一定是鰻魚!! 鰻魚肉質和醬汁超夾味!! 另一推介就是油甘魚, 油香肉嫩!! 正

呢間除左有得食日本野之外, 仲有得燒野食, 但係留意唔係自己燒係有人幫我地燒既, 不過係我地面前燒咁解, 如果想自己燒得5得呢? 應該OK掛我估.老實講呢到D野食味道水平都係偏高, 呢道前菜已經覺得好好味,口感係偏爽口, 甜甜地開胃唔錯, 因為好清新又唔油.壽司盤都係精選, 飯係當中比較特色既位黎, 點解咁講, 因為佢地係用左赤米整, 飯特別香, 米飯都做得十分之好,唔會鬆散,如果問我,SUSHI我俾近滿分, 基本上無咩野不足.壽喜鍋係配左美國肥牛, 但D肥牛好似係比較高質小小,咬落口感係偏彈牙多, 唯湯底有D偏少, 煮起上黎會比較吃力.燒既拼盤入面我最為覺得正既係鮑魚, 點解咁講因為佢係自己養,所以係超新鮮岩岩拎落黎, 隻野仲係生,所以燒個陣會動下動下 令到我印象好深, 咁當中服務員都有講解點樣燒先會好食,所以我下次都可以自己試下!  基本所有海產類都係極度新鮮, 所以話呢到D肉質,食物質素都係十分之高.!

出黎做野想請屋企食餐較好既晚飯家姐同細妹都話想食日本野, 就揀左屋企附近既福丸水產係百悅坊上面其實幾好搵，家姐係一個嚴重潔癖既人，但佢覺我福丸依到感覺好好！可能因為一入門口有陣好自然木造香味，同時門口有好多日本女兒節既娃娃＋清酒令到我地好Surprise!如果你平時同我一樣只係食200幾蚊既放題店，依到一定超出你既想像！6點壽司盛合黎講！真係鮮味到十足，如果你唔信係新鮮，現場有個魚缸，即叫即整！我想食好出名個個係蟹蓋，但因為家姐對蟹敏感，我地都無嗌到！之後我地嗌左份花魚一夜干！之前睇築地100已經好想食！因為一夜干好似勝在夠彈牙估唔到香港都有得食！抱有質疑既態度問下職員，先知原來所有食材都係築地送黎香港，即係自己食緊個款一夜干，原來同電視機上面個ｄ差唔多級數，哈既然知道所有食材來自日本，就叫左份和牛他他沙律初黎既時候都嚇親，因為塊牛肉真係有d生但食落口到，真係無生既味道，反而係即係融化，和牛真係唔一樣最後我地3個叫多個泡菜豚肉鍋，sabusabu埋尾真係好滿足！重點個湯底，因為好多蔬菜，所以好甜！

聞說荃灣荃新天地附近開了一間新的磯燒海鮮，作為日本菜控的我立刻拉老婆去嚐鮮。裝潢很豔麗，喜歡它夠光猛。黃金膏蟹甲羅燒 - 必點的菜式，沒有之一。店員把鵪鶉蛋、蟹膏、蟹肉、蟹籽同味噌混勻後放上小火爐磯燒，香氣隨著火候變濃，令人食指大動。終於可以吃了！濃濃的蟹膏味直衝味蕾，大滿足六點盛合 - 墨魚出乎預料地天婦羅蝦卷熱辣辣新鮮炸蠔 - 令人驚喜的高水準，粉漿薄而脆，蠔厚且鮮，口感極鬆脆多汁，完全不覺得膩，非常高質素，值得推薦！磯燒烚和鲍魚 - 鲍魚大隻又新鮮得不停地動，服務員待磯燒至乾身後把殻丟掉。烚多汁鮮甜而鮑魚則肥美爽口。海老天婦羅 - 一樣薄粉漿，蝦肉爽口鮮甜，肉質細嫩。野菜稻庭烏冬 - 其實未吃已經七分飽，彈牙的烏冬為今晚磯燒畫上完美句號。

避過了聖誕節正日，到今日才補食聖誕大餐！因為就朋友放工，所以來到他地頭食飯，帶我來到一間有浜燒食的餐廳！*特上六點盛合 ($268)先點一個刺身，有甘蝦、帶子、三文魚、魷魚；每款都很夠凍和鮮味。*福丸浜燒盛合 ($428)浜燒盛合有蠔、蜆同帶子。只是轉一轉個盤，想餵飽相機，點知被蜆噴到成身都是水！就是可惡的噴水蜆，燒完的蜆肉很滑很彈牙；帶點淡淡的日式醬汁味。還在郁的鮑魚，超新鮮！蠔就不過不失；最好就是不用自己動手燒，因為燒我不好就浪費了那麼新鮮的海鮮！鮑魚表面帶點微脆，內裡彈牙。帶子邊，很爽口；帶子肉，很彈牙；沾上淡淡的醬油，不會蓋過帶子的鮮。*鹿兒島產A4和牛薄燒 ($298)很矜貴的和牛薄燒，六件已經盛為$298；牛肉味濃，但真的沒有A5的那麼重油脂味！*芝士奄列炒麵 ($88)芝士奄列炒麵很夠熱；唯芝士可以多一點；炒麵麵條算淋，帶點豉油味；奄列不會太熟，不錯不錯！*北海道海鮮丼 ($138)飯用上了赤醋，醋味會濃一點，飯會啡啡地色；刺身每樣只有一款，每款都很夠凍，很鮮味；而且有一些不常見的刺身款式。*麒麟冰啤 ($52)朋友點的

今日兩兄弟難得一齊放假,踢完波跟住去搵嘢食,上次老闆提過荃灣有間福丸水產,非常有質素,所以今日同阿哥嚟試下。入到去格局擺位全日本風格,好有親和感,侍應生貼心地為客人提供意見,為你選取自己喜歡的食物。黃金蟹膏甲羅燒$88有專人在你面前燒製,一隻肥滿蟹膏蓋內有多種食材,混和起來香噴噴,味道濃郁鮮甜。龍蝦$298生猛新鮮龍蝦肉,肉質豐厚,盛載滿滿龍蝦汁,鮮甜爽口,啖啖肉。唐揚八爪魚$68表面炸得卜卜脆,包住八爪魚的鮮,特別鮮甜,肉質軟腍腍。螢光烏賊$48烏賊圓碌碌,肥大肉厚,賣相已經好吸引,巧手調味,令烏賊鮮味更突出。雜錦天婦羅$98炸漿鬆化可口,調教得宜,大大隻鮮蝦,肉質爽甜。還有日本甜蕃薯等等。各款炸物都保存本身滋味,全部都是優質食材。薄切海鮮沙律$68矜貴薄切魚生,每片都晶瑩通透,肉質立立令,加上多款新鮮蔬菜,極佳配搭。A4和牛薄燒$298高檔次A4和牛,用薄燒手作嚟煮製,另有一番風味,牛香味濃,汁液一丁點並冇流失,調味出色,大廚功不可沒。泡菜豚肉鍋$98冷食過後,再食呢一鍋熱騰騰, 香氣撲鼻泡菜鍋,感覺好好,大師廚藝出色就不容置疑,連出菜時段都好貼心為客人配對到最好,係有一樣麻麻地,

住在荃灣區既朋友話比我知哩間食日本菜係新開既，前日我地約出黎聚舊就話要試一試呢間新野。 餐廳既環境幾大，裝修幾靚、有花心思。去到吾洗等位直接入得, 坐位都幾舒適。一座低就先叫左三文魚壽司 $38 同帆立貝壽司 $68 填肚先，大大件，夠晒肥美😍 好好食，有呢個質素，價錢相對上好合理。海葡萄 $68 好少食呢個，記得係沖繩食過一次，朋友話想回味下海葡萄既味道，所以叫左黎食，食落好透心涼，又爽口。其實呢間日本菜仲有好多燒海鮮選擇，但我同朋友都比較懶，都係算番最愛刺身算😂 油甘魚刺身 $78、吞拿魚刺身 $118 同深海池魚刺身 $138，個人好少食深海池魚刺身，因為相對上貴🙈 今次朋友話耐吾耐食豪啲所以就試一試啦。三款刺身都好肥美！好鮮甜！特上盛合 $328 包羅萬有既壽司拼盆，樣樣都可以試下，影相又靚，好豐富！

終於有時間同男朋友黎到依到食蟹蓋好似電視都有做採訪！依個蟹蓋只係睇樣已經好好味，食落仲好勁！！！甘香，又唔肥膩！　食完好想食多隻，但考慮到個肚既位置有限，寧願試下其他！炸物黎講，食開天婦羅已經悶悶地，所以叫左個大阪風唐揚炸雞依個雞似有少少老，但勝在好好肉，啖啖都係肉！加埋個汁有少少酸又fresh，所以都okay既！但後來依個雞泡魚干就不得了，因為真係超好味！配埋啤酒，真係可以坐好耐下！因為個魚干係煙煙韌韌，加埋白色好似沙律醬既野，又係好好味重頭戲來了！係龍蝦啊，雖然唔平，但真係勝在夠新鮮，即刻係魚缸到拎出黎，就即刻煮，酸酸甜甜好好味！　其實如果係刺身都好正！

出左糧同男朋友食好啲😋佢揀左呢間新開位於荃灣既日本菜。店子裝修幾有心思，好有日本feel, 特別喜歡日本風格的燈籠。先黎一碟海葡萄 $68據知係沖繩特產，而且好有益👍🏼 口感爽口，味道淡淡的，沾埋個醬汁吾錯。.三文魚壽司 $38 三文魚好肥美，又新鮮，好好食🤤帆立貝壽司 $68 夠甜美又新鮮。.刺身類別揀左三款，油甘魚刺身 $78、吞拿魚刺身 $118同埋深海池魚刺身 $138。果然冇揀錯，三款都好好食！😍 而且係非常厚切！一食有幸福既感覺☺️.特上盛合 $328 賣相擺放得幾有藝術氣息😂 廚師精選既壽司都幾好食，如果蝦壽司係大隻既杜鵑蝦會更正🤤 食完夠晒大滿足呀😁👏🏻.薄切海鮮沙律 $68 cp值高既沙律，少食到海魚刺身拼沙律，個配搭幾好，食沙律既同時又可當食到魚刺身，新鮮的，夾埋炸蒜片一齊食，增添香口感。.野菜稻庭烏冬 $68 最愛的烏冬，好清甜😍 加上又甜又腍既野菜，咁食係最正🤤.柚子生啤 $56 幾特別！令生啤好容易入口，兩者係match , 特別適合飲吾到啤酒苦澀味既女生。

環境乾淨，服務殷勤，最緊要係每一樣野都好好食 日本既浜燒海產食店近年喺香港大受觀迎，至今都已經開咗好幾間，同屋企人食飯唔知去邊好，又唔想太平又唔想西餐咁拘謹，咁就一於去試下啦。荃灣西行過去十分鐘左右，喺荃新天地附近，就算唔係去開荃灣食飯都唔會話好lost好難搵。 店舖係一般日式料理既設計，以木製枱櫈為主，門口有啲海產養咗喺度比你睇下咁，色調以自然為主。我地四個人坐喺包廂，有同張枱少少窄不過有私人空間都幾好，唔洗同人你眼望我眼丫嘛。一開始先食沙律，上面有少少刺身雜碎同海葡萄, 令個沙律睇落日本啲, 但始終呢個唔係佢主打菜黎既, 所以都唔係我地既期待項目。店員旋即遞上一系列小食：烏賊刺身滑嘟有咬口、炸八爪魚外脆內軟，口感實淨。順帶一提，佢地仲有Frozen Beer架! 啤酒梗係用黎送烏賊刺身,聽落好似好麻甩但係將滋味再提升到另一個層次, 係心靈既大解放! 小食後就入正題：燒海鮮喇。燒魷魚筒香氣四溢，魷魚自己既鮮味完全保留到，唔會好似咬橡筋咁。帶子熟度適中，軟軟地充滿肉汁，加咗少少酒一齊燒更惹味～成個過程店員都會幫忙，唔洗驚雞手鴨腳啦：）我自己最surprise係蟹蓋, 混合蟹膏蟹肉蟹籽同

打工仔工作忙，連放假都無時間，一直都想帶媽媽到日本旅行食好西，雖然遲遲未能成行，在香港也可以吃到日本料理，先止渴再計劃去旅行吧! 不是在Open Rice 搜尋，都不知道荃灣新裝修的百悅坊開了多間食肆，既然有新食店，就要趁未排長龍之前去試一下囉!名字很長的「福丸水產.浜燒.日本料理」門面裝修很用心，跟日本的居酒屋有得fight可能因為設計上的用心，食店看起來空間感很足，加上卡位雅座的設計讓食客有一定的私人空間，環境舒服餐牌設計一目了然終極8點盛合(刺身)是食點推介，當然要一試牛油果軟殼蟹卷切片的牛油果一層層鋪在卷物之上，軟腍的牛油果配合香脆的軟殼蟹，鮮明對比的配搭蟹籽沙律吃日食點蟹籽沙律是常識吧!黃金蟹膏甲羅燒蟹膏、鵪鶉蛋、蟹籽等食材組成的黃金蟹膏甲羅燒店員會把甲羅燒材料拌勻，放在爐上烤煮；烤好後是糊狀的質感，吃到蟹膏的香和豐富的口感燒鮑魚和刀貝每台都有燒烤爐，大大隻的鮑魚和刀貝，充滿海水鮮味終極8點盛合 $488-HKD8點盛合是師傅拍板揀選八款當晚最時令新鮮的刺身組合，刺身包括了三文魚、油甘魚、吞拿魚、深海刺魚、海膽、甜蝦等刺身都是厚切上，色澤均勻新鮮，入口幾乎溶化芝士奄列炒麵眼闊

今個月工作非常繁忙，極之疲累，幸好業績都唔錯，於是就同我拍檔食一餐好嘅嚟慰勞下自己，早前有朋友已經介紹過荃灣有間叫福丸水產，係極高水準嘅日本菜，今日就去試下，果然名不虛傳，一內進就感覺到好正宗嘅日本風格，裝潢和招呼都感覺好親和舒服，跟著就開始我哋嘅享受旅程。黃金蟹膏甲羅燒 $88 x 2有專人為客即場烹調，多種新鮮食材放在一個蟹蓋來燒，配上金黃蟹膏，混和起來嘅香味，令你胃口大增，燒好後味道非常出眾，材料嘅配合，冇得輸。牛油果軟殼蟹卷$68 端上枱時賣相不錯，包裹著 飯糰的軟殼蟹依然脆香，肉質甜美，面層牛油果嘅軟香，蟹子粒粒圓潤脆卜卜，師傅嘅心思手作一流。福丸浜燒盛合$438有燒蠔、鮑魚、蛤、牛油燒帆立貝，當你見到食材在烤爐上旭動起舞，你食指便會大動，雖然燒製時係要等待，但都係值得，尤其係鮑魚，大大隻，絕無欺場。帆立貝不遑多讓，鮮甜肉汁盡歸你所有。燒蠔和蛤同樣出色，你見到客在烤爐上 pop一聲打開蓋後，就會想到一陣間你會享用到佢，就會好期待咁等待。福丸炒野菜$58多種日本直送新鮮蔬菜，都特別清甜，菇菌粗壯得嚟鮮嫩又爽甜。味醂雞泡魚干$68大廚嘅拿手好戲，將雞泡魚干炮製得柔韌潤甜，自家泡製

近年濱燒大行其道，但要食高質嘅往往要過海先食到。但聽住荃灣同事講係楊屋道街市開左間成千呎嘅水產濱燒店，所以收工就跟同事過黎會一會佢。呢度地方夠大所以坐得都幾舒服，如果一大班朋友黎仲可以有廂房可坐，同其他食客隔一隔傾偈大聲少少都唔怕。同朋友二人揀左個特上盛合作主菜，再點左幾個小食黎佐酒。星期五晚嘛係要飲返杯嘅。前菜係海葡萄，一種營養成分好高嘅海藻。本身雖然無咩味道只帶少少海水味，但蘸少許柚子醬油調味，入口略帶酸咸的，粒粒爆開嘅口感幾有趣。先黎個小食係燒小茄子，雖然話係燒物但食落似漬物多一點，焦香外表包住微微嘅醬油味及醋酸味好開胃，再加上木魚碎增添香氣及咸味，唔錯。把酒言歡當然唔少得啤酒啦，麒麟啤酒及巨峰啤酒。因為之前去日本旅行日日都買幾罐水果味嘅啤酒返酒店嘆下，依家就當回味一番。加上兩隻酒味都唔重同易入口，食日本料理幾夾味。佐酒最啱食啲香口野，呢個燒魷魚鬚燒烤味道重一點，咸咸辣辣的又夠煙韌。而另一款下酒菜係唐揚小海老，即點即炸熱辣辣。粒粒都香脆可口，尤其係佢加上椒鹽及咸蛋黃配襯，咸咸香香的味道，再飲上一啖冰凍啤酒，真係將整日嘅疲勞一掃而空。特上盛合：拖羅／海膽／油甘／牡丹蝦／池魚／赤貝／

有人話要請食飯，仲要想食日本菜，咁我梗係唔客氣啦，搵咗一間海鮮出名嘅日本餐廳，今晚一於豪食美人蠔＄96，講明話要豪食㗎嘛，梗係要返隻蠔啦，唔好睇佢細細隻，好鮮甜㗎 ，而且好滑，好易入口，旁邊有一個醬汁，落咗少少落隻蠔度汁煮吞拿魚面頰＄138，呢個食法都係第一次，只睇外表，真係唔知係吞拿魚，有幾好食喎，非常有咬口，肉質夠厚，旁邊蘿蔔吸晒汁更加好味福丸盛合＄188，每件刺身壽司各一件，個人最鍾意帆立貝，好厚身，食落去好鮮甜，其次係鰻魚壽司，鰻魚燒得好靚，最特別係佢哋嘅飯用上赤醋，其實唔需要點豉油都已經好夠味道薄切海鮮沙律＄68，好鍾意佢個沙律醋，令到整個沙律都非常開胃，旁邊嘅刺身都好新鮮牛油燒帆立貝＄58，睇住佢燒，牛油慢慢地在上面溶化，一路燒嘅時候已經聞到好香，帆立貝勁大隻，燒完之後都好多肉食。黃金蟹膏甲羅燒＄88，一向都好鍾意燒蟹膏，今次都冇令我失望，蟹膏配上海膽和蟹子，簡直係一流。雞軟骨＄58，作為小食都唔錯，雞軟骨嘅size都幾大粒，而且炸得好香口，記得趁熱食

今日收工之後約左朋友係荃灣食飯因爲朋友熟果頭，佢今次帶左我食日本野！可能平日既關係，餐廳都唔算好滿座，等左一陣就有位坐底發現餐廳環境好寧靜、好舒服！兩個人緊係嗌啲唔同既野share首先黎既係雞泡魚乾，熱辣辣配埋沙律醬好食，係好開胃既小食仲有蟹籽沙律同燒日本小茄子🍆之後上既係大阪風唐揚炸雞熱辣辣既炸雞配上醬汁，好味之後就係重頭戲，A4和牛刺身，可能我本身無特別好和牛刺身，所以覺得一般，反而朋友就係咁食，佢話好好食，不遜色於日本天婦羅比平時放題好食好多，值得一吃！我地仲嗌左個牛油燒帆立貝，燒之前會拎俾我地睇下，之後會拎去燒同切埋粒最後仲有個芝士奄列炒麵個麵有啲咸，無想像中咁好食！呢間日本野算不錯，經過荃灣既朋友可以一試！