福丸水產 鉄板燒 日本料理 (已結業)

終於有時間同男朋友黎到依到食蟹蓋好似電視都有做採訪！依個蟹蓋只係睇樣已經好好味，食落仲好勁！！！甘香，又唔肥膩！　食完好想食多隻，但考慮到個肚既位置有限，寧願試下其他！炸物黎講，食開天婦羅已經悶悶地，所以叫左個大阪風唐揚炸雞依個雞似有少少老，但勝在好好肉，啖啖都係肉！加埋個汁有少少酸又fresh，所以都okay既！但後來依個雞泡魚干就不得了，因為真係超好味！配埋啤酒，真係可以坐好耐下！因為個魚干係煙煙韌韌，加埋白色好似沙律醬既野，又係好好味重頭戲來了！係龍蝦啊，雖然唔平，但真係勝在夠新鮮，即刻係魚缸到拎出黎，就即刻煮，酸酸甜甜好好味！　其實如果係刺身都好正！