祺森冰室

营业中

休息中

Ah So推介什麼全港最好吃的蝦多士,自從Ah So去過後,逢星期六日都係大排長龍,搞到只可限兩人叫一碟,超大牌呀!!!!我幫襯日平日咁靜!但係都依舊只可order–碟,個老板娘仲要食咗火藥咁,死都唔肯比我地叫多碟,鬼咩!佢啱啱先同另一枱的一對老年夫婦客人因找數問題吵架,好鬼死惡,見到咁情景,我同Ah四決定拿拿淋食完埋單走人!兩人share–份的蝦多士茶餐($25)--塊多士size很細,係一塊去了皮的方包size再一開四咬開內裏食唔到有蝦肉,feel到得2粒仔蝦毛肉,其餘全部係D似白汁薯蓉物体,我唔明Ah So点解話好食,我强烈建議你地唔駛專登走入去試,就算好似我咁入坪洲行,唔覺意經過都唔好入去試!不過想回轉頭好彩佢地大支嘢限每兩人一碟,如果唔係 order 2碟蝕桌!成$25碟網上有好多人反擊Ah So根本唔識食,我信架!

Extremely disappointed! 蝦多士.. 食咗3件都無蝦. 只食到沙律醬& 薯蓉!! D人又無禮貌同收多錢 唔去食都冇損失 So bad.. so bad......

SO GOOD講到個蝦多士咁正，當然要試下啦！假日搭船入去，慢船16.x, 快船要三十幾蚊，就係為左件蝦多士，滿懷希望的入去。蝦多士外表炸得夠脆，但內裡並不是想像的爽口彈牙的口感，而是一pat薯蓉撈了沙律醬及蝦碎的糊狀物體，吃了一件已覺好「溜」。蝦，的確是有的，和蝦米差不多大小的「原隻蝦」。oh my god.....反而另外叫了五香肉丁煎蛋一丁幾好食。但煎蛋煎得太熟了，蛋黃是實實的。飲品算是一般。如果大家只是為了蝦多士走一轉的話，可是太不值得了。

山長水遠入坪洲本來只為吃虾多士,但一下船卻發覺這襄真的十分舒服,除了沒有市区的噪雜,空氣清新,人情味更濃.因本人不識往祺森冰室,於是隨街找人问下..那位阿叔手指指了一陣,就帶了我去那問冰室,如在市区边有人咁得嫻,今次黎都沒有排長龍,只等了５分鐘都可以入座了.聽楼面阿姐話原來這间冰室有成半個世紀歷史,所以枱櫈都没有变過,終於等到虾多士上枱,味道幾鮮味,在市区真的末試過,歺飲本人叫了杯紅豆冰,豆有甜味,但奶又沒有豆那般甜,一杯飲品有兩種味道,幾特別.醫完肚再去海边吹吹風,一個完全和市区兩個世界的天地,舒服

尋日同兩個朋友專程去食電視話勁好食既蝦多士...去到門口唔算太多人，等左15-20分鐘就入到去，但勁多人坐到好迫。我地叫左兩份蝦多士, 香煎豬排出前一丁, 炸豬排出前一丁, 三杯凍檸茶。 先黎炸豬排出前一丁, ok啦，吉烈豬排，不過幾薄身。朋友食左香煎豬排出前一丁, 都係普通啦, 佢話塊豬排好薄...主角蝦多士出場，一食入口...嘩, 成口都係沙律醬, 蝦肉得幾粒, 全完食唔到蝦味。"好食"呢兩個字絶對唔稱得上。但又唔係難食既。最後杯凍檸茶又係唔得, 係直頭難飲，d茶無味，只係澀澀地。 如果講好食既蝦多士，我覺得以前旺角"釣蝦王"既蝦多士真係正好多，又有得玩, d蝦做既小炒都好好食。反而尋日出返大街，見到有間泰國餐館好似幾正。下次入去坪洲一定要試試。

我是小學已經開始吃祺森冰室的坪洲人.. 而家很多入坪洲旅行的人也都在找炸蝦多吃.. 但吃了十幾二十年祺森的坪洲人, 一向最欣賞的都會是 "炸菜上海麵"..我出去食咁多不同的東西, 未食過d 肉片整得咁香口的上海麵..大家不妨多試試.. 我覺得呢個先係珍味..

都係一班同事瘋狂玩食坪洲之旅...都係甘話多人排隊囉! 12/9 (星期六) 下午2:30pm 船都full 到暈! 個個同事第一站都係食蝦多士...但係甘多人都諗住要排好耐喇! 每2人限叫一客..$25跟飲野...甘多人特登入黎都係多得阿蘇介紹囉!! 你話幾大威力!但係個個都食完...唔係好似阿 So 甘誇張1000 自乘甘誇!! 甘霉既蝦重要係超少囉!! 夾埋啲醬"湖泊泊" 冇口感!! 下次唔使等成半個幾鐘...唔係影下相同的細路玩下唔知點算!!

某節目的威力真大，自播出後，節目出現過的景點都一一被攻陷了而這間茶餐廳因為蝦多士，亦是遊客到坪洲一個必到的景點首先，我不會以『到半島High tea的心情』去嘗試這件蝦多士而只是到一間坪洲的茶餐廳食個下午茶的心情因為一間茶餐廳，我不能期望食品質素和環境可以和酒店比說說這個蝦多士，雖然內裡蝦肉不多，但其實炸得幾香口，如果你以一件珍品去試的造，那就一定被主持人誇張的表情誤導了除左蝦多士，吉烈豬扒都不錯(也不要和世貿某某豬扒專門店比)，粉薄薄的，點些沙律一起吃，也不錯。仲有，有興趣試既話，可能要三點前啦，星期日那天三時後就開始截龍那天，我們是最後走的一對，問職員坪洲有咩地方好行，佢地都好nice咁介紹，始終忙足一日，多人既時候唔好期限有好好既服務態度，但其實唔錯架

身為坪洲人, 放親假都會幫襯祺森, 由細食到大, 由上一輩老老闆食到今時佢個仔主理~但原來一直都未食過佢個蝦多士「蘇good」效應下, 日日都有人入黎食蝦多士, 但從街上, 回程船上都聽到不少負面評語,今日去試下, 其實問心, 真係唔算好特別但就絕對唔係其他人講咁差....其實做開街坊生意的小鋪, 根本就同市區特色食店係兩回事。如果大家用幫襯美食推介o既心態入黎, 失望可以講係必然o既!!!!坪洲幾間經亞蘇介紹o既食店, 都冇係門口貼相呀, 大字紙之類去宣傳, 甚至連入貨量都冇特別增多...... 呢d就係街坊野o既特色－－唔可以講話唔憂做．而係街坊人做生意就係咁。你入到黎想要有優質服務？Sorry, 我地本地人一向都唔要求咩優質服務, 大家見慣見熟, 唔洗用到劉華式服務態度囉, 總之d野食ok, 就得。好似今日第一次食蝦多士, 就同樓面亞姐吹左好耐水, 講下呢排做得好辛苦, 都唔明點解咁多人入黎食等等等等, 坦白得可愛。最後, 我想講o既, 係我覺得褀森最好食o既, 其實唔係蝦多士, 而係佢早餐果個「上海麵」!!!茶餐廳有炸菜上海麵食, 就真係獨有喇呱??

我今日特登去試下呢間蘇good介紹既出名坪洲蝦多士, 唔試都唔知蘇good變NO GOOD, 真係差都極, D蝦霉既, 又貴, 沙律醬係鹹既, 今天我與妹二人一齊叫一份蝦多士兩杯凍擰樂共45元, 好貴呀!!!!坐在我對面有一枱公公與婆婆, 另一枱係一對夫婦, 食完後都一齊講好難食呀, 蘇GOOD咁都話正, 有無攪錯呀, 一點都唔值得咁遠入去試, 服務態度仲要超差, 仲要話供不應求, 每兩個人只可以叫一份(即四小件), 好彩佢限住叫咁多, 咁難食, 叫得多都唔知點迫自己食晒.....請不要再去呢間咁差既食市, 呢間野唔係上過蘇GOOD都應該唔會有咁多人幫襯.

俾阿蘇介一介紹真係唔同D, 多人到要排隊!我都係專程搭坪洲食蝦多士的, 認得出大部份的船客都係一樣為左食蝦多士而入坪洲的。一排就排左半個鐘,人流去得慢, 一邊曬住等!入到去落完order都要等半個鐘!睇黎廚房淨係忙住整蝦多士都忙到發紫。我杯可樂差唔多飲晒先有得食, 不過隻隻新鮮熱辣, 算佢啦!蝦多士比想像中細隻, 炸到漲卜卜好可愛。蝦多士的餡料呈半固狀態, 可以好似忌廉咁流出黎, 好過癮!多士簿得要命, 差唔多食唔出係麵包!個人認為多士應該選用厚多士, 口感會更結實和更有層次。成個蝦多士都係沾上麵包糠再炸的, 所以有層炸皮, 同一般的蝦多士唔同。雖然係好香口, 但就好熱氣, 因為佢已經變左”吉列蝦多士”啦!所以炸皮反而搶去麵包的香脆, 我都係鍾意傳統的多。由於供不應求, 每兩人只可以叫一客, 四人叫兩客, 如此類推。所以你俾多我都唔要, 因為真係超級熱氣! 食得多都膩!附上的沙律醬太杰了, 如果軟身D會更好味!

三月十七‧有雨 去牛油果在坪州的家搞燒烤大會，一眾圍內食友在中環買好東西，就來坪州吃午餐。大家也喜歡吃茶餐廳，就來這裡吃一吃。在坪州，這裡也是名氣店，三時來到也座無虛席。還好店方幫我們將兩張散檯駁去卡位處，一行人等就可以如吃長桌宴般坐下。 先從下午茶類別要了西多士、蝦多士及吉列豬扒，最好吃的仍是蝦多士，是這裡的「名物」，鬆脆不油膩。吉列豬扒也沒有給化學品招呼過的，美味；再來幾碟炒粉麵，分別是XO醬豬扒炒烏冬、鮑魚粒雞粒炒飯及干炒豬扒意。炒烏冬夠味好吃，會喜歡吃炒烏冬多一點； 要了杯熱咖啡，是即磨咖啡，幾特別。 埋單25蚊，很便宜。如果來坪州只吃一間餐廳，來這裡吧。想看食物相片及足本食評，來這裡：http://gourmetkc.blogspot.com/2009/07/blog-post_5655.html

又來坪洲BBQ，大家留定肚打算去上次的茶記，後來經Miss推介這間祺森。先前經過幾間冰室，只有這門口有不少人等位，一定無介紹錯的。2份西多士-比較薄身，中間的花生醬亦不夠多，因為不夠厚的關係，麵包較容易吸收了油份，炸出來的多士沒有外脆內軟口感。3份蝦多士配沙律-蝦多士炸到非常金黃，沒有多餘的油份，咬開後饀汁流出，見不到蝦的踨影，差不多食到最後，才有一細細的蝦粒。至於沙律是極多沙律醬，為留quota，最後放棄了。2份炸豬扒沙律-外層的麵包糠同是炸得金黃，雖不是厚肉多汁，薄薄的豬扒仍入口鬆脆，不乾不油。XO醬豬扒炒烏冬-入口帶點點辣度的刺激，烏冬炒得不油不膩，又帶有爽口之感。豬扒乾炒意粉-這個與XO醬烏冬相比，沒有辛辣的惹味，可能我是最後食的，感覺意粉有點油溢味。瑤柱雞粒炒飯-師傅很慷慨的將雞粒變雞塊，飯粒分明、清爽不肥膩，入口時感覺仍有鑊氣存在。試過了三款的炒物後，這裡的師傅很到家。紅豆冰-少奶的紅豆冰與正常沒有分別，奶與紅豆比例各一，紅豆大大粒，我鍾意它有咬口，但有人就鍾意起沙的紅豆。原來這裡的咖啡是鮮磨成的，店舖細細的街坊生意，竟有這新鮮咖啡，真是誠意可嘉，可借有人嫌棄呢...將以上

10.4.09 lunch 坪洲最多好評的食肆，當然要來這裡比想像中易搵，於坪洲市集行行下就到了排了大約五分鐘隊，正正下午二時要了四個set：1) 蝦多士 X2：聽說蝦多士是出名，炸都炸得OK，但我覺得不是太outstanding，蝦仔一兩隻2) 咖哩吉列豬扒飯：朋友說咖哩是辣的，所以我沒有試，但她說要試豬扒，因為好吃，豬扒幾鬆軟，炸得不錯3) 燒汁雞扒飯：OK，雞扒沒有什麼特別，汁幾好味，撈飯吃不錯我飲熱檸樂煲薑，薑味係有，不過可以再薑少少朋友的熱薄荷朱古力咖啡是沒有薄荷味，即磨咖啡也算是店內出名的，但原來也只是普通…上菜速度超慢，等了十五分鐘也只有其中一位朋友的凍檸樂。蝦多士等了廿五分鐘還是沒有，到了2:25分我們說想拎走，然後等了兩分鐘還是音訊全無，接著我們說要CANCEL，因為其實PLAN了乘2:30的街渡到神樂院，MISS了這班就要等一小時!! 但店員說已整好，放了兩個盒在我們的桌上，朋友說拿走就不好吃，就留下來吃吧，店員很像很不滿我們不斷改變主意，其實應該預告上菜要久等啦 p.s. 最後我們要乘一小時後的街渡，唯有繼續於市集內飲飲食食。還有其實餐轉特飲=另叫飲品，要留意。食

遂島遊，今次到了坪洲，坪洲是一個很寧靜的小島，沒有太多的商店和食店，遊人也不多。祺森是其中比較有名的食店，這裏的蝦多士很美味，即叫即整，熱辣辣，蝦膠和麵包也很新鮮，不錯，早餐也不錯，二十多元有大份量的麵和三文治，味度也很好。值得一提這裏的咖啡是新鮮即磨，其實也很香和美味，下午茶餐大約要二十多元，有一杯香濃的咖啡和蝦多士，加上寧靜的島嶼環境，心境平和。http://icuteee.mysinablog.com/index.php?op=ViewArticle&articleId=1638076