祺森冰室

营业中

休息中

偷得浮生日半閒, 入了坪洲吸一下新鮮空氣, 試一下小食我飲了椰香波羅冰, 很新奇..都幾好食, 同行的咖啡是榛子咖啡, 十多元一杯也是抵飲戲肉係蝦多士, 好香好脆..不錯

今日同老公去了幫襯~對蝦多士期望超高,結果都不負所望,算幾好食~不過蝦少d,coffee勁好味!!!service都ok啦~~咁偏遠地方小店算係咁~起碼都幾有笑容~

一心諗住去試個蝦多士(因為好似好多人贊), 點知味道好一般.兩個tea set. 一個係蝦多士拼沙律加一杯熱即磨咖啡($25/set) : 蝦多士係即炸所以熱辣辣, 係香口不過冇乜味道, 而且好細塊, 沙律冇食到因為個賣相麻麻. 杯咖啡都ok另一份係腸蛋麵加紅豆冰($31/set) : 一碗好好好普通ge 麵同一杯好好好花奶味ge 紅豆冰.食物質素真係好一般, 不過服務就好好

我覺得這間餐廳都不是太好吃(可說是Bad),這間餐廳的伙記黑口黑臉,看到他們都想反胃(簡直想吐),做野又慢,那些蝦多士口頭說好食,原來一點都不香口。那些麵沒有那出奇,只是全蛋麵,在惠康都有得買,自己煮都得。唔知道為什麼有那麼多食客愛吃。真是不三不四。

橙色綠色的木卡位，異常耀眼。店鋪不大，但光潔整齊。看到的介紹都說祺森的蝦多士和榛子咖啡是到坪洲必試。既然來到，就照辦各樣來一客罷。榛子咖啡($12) 好像STARBUCKS 咖啡，落糖漿的，不是不好喝，不過那甜味蓋過了咖啡的香味，有點喧賓奪主。蝦多士($17) 是方包底，切成四個小三角，上塗蝦膠，再加上麵包糠來炸的。新鮮熱辣，有點燙口，頗熱氣。蝦膠内裏有小小小蝦仁，外脆内軟，不是特別好味，但作爲下午茶，也算OK，只是稍嫌略貴。

今日試完蝦多士, 味道沒有期望中的好, 如果沒吃過蝦多士, 則可以一試。

朋友家人住在坪洲,故會常常來此小島自七年前第一次踏足坪洲至今,今天都是第一次來祺森,因不是本島人首選特餐: 沙律蝦多士+紅豆冰($28)有四件,熱騰騰,外皮脆卜卜,好香口,裏面裝滿白汁碟旁有少少沙律伴碟只是,食不到有蝦,朋友唯有用义切開來查看,原來只有像蝦米咁細的蝦碎,真是太矜貴了怪不得來幫襯的大部份都是遊客

懷舊冰室的裝潢，不論味覺或視覺也給人一懷舊的味道。沙律蝦多士每一塊蝦多士都是新鮮製作，即叫即做，熱騰騰脹卜卜的蝦多士就像酒樓的蝦角點心，但內裏卻填滿了白汁及新鮮的蝦肉，因此多士的咬口十分黏軟，絕沒有炸出來的油膩感覺！榛子咖啡整杯飲品都充滿著濃郁的榛子味，十分香口！蝦多士以新鮮海蝦製成，新鮮炸起後，多士香脆，蝦肉鮮甜爽口，味道一流！紅豆冰紅豆煲到起沙，混合淡奶一起吃，正!!!!!

星期日我和男朋友去了這間餐廳食蝦多士,男朋友問嗰呀姐是否每枱只可order一份?她說依家大把啦吾洗限住賣,咁我們二話不說order左2份加紅豆冰和椰香波羅冰,無幾內2杯飲品來了,紅豆冰果然烚到起沙,波羅冰是用梳打水加左D椰香味,都幾特別,我們在市區還沒試過,又等左一陣,2份蝦多士都來了,外表脹卜卜炸到金黃色,內裡有豬肉蝦肉等,食落吾漏,味道適中,跟住我們再order多2份蝦多士外賣,他們都照接order喎,之後我們正討論着食評中的不是之處,那個呀姐聽到我們所說他就回頭和我們說早前有很多一家幾口的那種特地前來食蝦多士,可是不到下午2:00就賣光其中也有人說花了時間和成百元船費到來之後也試不到,所以先限住賣,希望有多D人試到,吾洗失望聽完後我地也覺得也是道理,因為我地都係乘船到坪洲……拿回家的外賣蝦多士給家人通食光,媽咪話無得頂喎

一間不知所謂的冰室！"每台只可以order 一份蝦多士, 唔理你地幾多人, 都係只可以order 一份"星期日我地5個人入坪洲, 本打算去呢度試蝦多士, 諗住order 兩份蝦多士再加其他食物, 點知兩個落單阿姐都俾我地一個咁既答覆"每台只可以order 一份蝦多士"冇病丫麻, 5個人食一份? 我地話咁分兩張單, 分兩台坐, 佢都話唔得, 都係得一份, 乜原因? 因為唔夠, 唔夠唔係代表賣晒, 而係怕唔夠賣足全日(個時係下午2點)大佬, 你賣完冇得食一回事, 依家你因為想全日都有得賣, 局我地一台一份, 冇野丫麻?即時決定唔食, 走人!唔會再去!!

同女朋友入去原本order兩份蝦多士點知個姐姐話剩番一份個陣系下午4點原本以為太好賣賣曬算啦以為好彩甘辛苦入來一份都好過無叫多份西多士兩杯野飲真系好味客人陸續不斷食緊個陣聽到隔離D檯都order到蝦多士當堂打個突立刻叫番同一個姐姐過來佢話客人多而且包得唔快所以甘講妳早講都可以原諒但你欺騙客人哼立刻話叫多兩份佢見到我地有不憤就只好就範唉...其實佢可以分時段order又或者每兩個人只可order一份等等都可以減輕廚房的負擔又可以不得失客人總括來講好味的

星期六去呢間茶餐廳食野..其實我都經常幫襯架.. 因為見呢個網讚得咁緊要..所以好奇心下就去左試! 但佢地既服務態度好差.. 經常失單! 服務人員經常黑口黑面! 我又唔覺D野咁好食!! 劣劣劣!!!!

昨日下午,去坪州遊覽去食他們著名的蝦多士只睇餐廳相片已經很吸引味道非常好,下面是多士,上面是薯蓉,蝦同肉絲,口感豐富,同美心真是不可比,下次一定要再試

飲完青草地的生薑黑豆漿，接住去左這間鋪（因睇過食評），order 左過蝦多士套餐（包一杯飲品，cold drink加＄２）要左枝大coke和order 一杯紅豆冰～～先講蝦多士～～～～一個正方形一砌４，重炸到金黃色，好正～～D皮炸得好脆，裹面有小小cream，瘦肉和蝦，D蝦不太爽口和細隻，overall整體配搭都不俗～～～正～～～～～另外紅豆冰都ok，味道唔太sweet,唔錯～～埋單$36

一個天氣唔太好既星期天無聊走入坪洲逛逛。人地話要試下d懷舊冰室，於是揀左呢間係碼頭附近(其實坪洲好細，你住邊都係頂多10分鐘行到碼頭)既懷舊冰室。選左冰室唯一招牌蝦多士、吉列豬扒湯麵、蛋牛治，飲左紅豆冰同懷舊冰室先有既咕。蝦多士話係用新鮮海蝦做，但係隻蝦就好細隻，不過由於係新鮮炸起，鮮味十足! 至於個豬扒湯麵，送到客人面前一d都唔熱，凍冰冰，但係個皮都好脆，未至於食唔落。個麵送左幾條唔知係咩麵既麵，更奇既係佢既麵似生麵多過公仔麵，不過就幾好味。咕其實係coco朱古力，但係又比一般朱古力濃郁，似維記有隻牛牛個種朱古力奶; 紅豆冰既紅豆都煲到起沙，正!坪洲島仔細細，除左黎呢度食下野、hea下之外，我都唔知有咩好做囉!