祺森冰室

营业中

休息中

經常聽聞坪洲的蝦多士很出名，因此趁我倆有機會入坪洲一行，當然要先去吃祺記蝦多士。當日點了：蝦多士（好食）豬扒一丁（差）黑椒雞扒飯（極差）唯一可取的，是當我倆發現張單寫錯價錢時，老闆又很好的兩次更正，至於食物方面，若果專程入去吃蝦多士的，當然不要錯過，但吃其他的，我倆寧願去其他茶餐廳吃好過了。

10月1日, 難得的公眾假期, 同呀菲2個去咗坪洲郊遊~ 除了郊遊, 當然都要食下地道美食, 看看坪洲最出名嘅食店, 非這莫屬! 有專業食家介紹嘅蝦多士, 山長水遠來到都必定要試一試啦~ 果真人流不多嘅小島上, 最多人聚集嘅就係呢間祺森嘅門口~ 等咗15分鐘, 終於有位~::: 蝦多士 + 紅豆冰 ::: $28 + $6所謂必食蝦多士究竟如何, 睇到每枱都有一碟就知~ 炸出嚟嘅蝦多士好豐滿呀! 比平時食嘅扁平版好唔同, 一咬落去真係feel到用料十足, 原來佢混合咗白汁醬喺裏面, 令到味道更加豐富~ 而整體感覺唔太油膩, 可能係同佢嘅醬有關係~ 蝦肉份量雖然唔算多, 唔可以話啖啖都有肉, 但係肉地都幾鮮鮮爽口~ 睇落4隻好似唔係好多, 但係隻隻都好豐富, 小食多滋味!另一名物紅豆冰, 亦都係好多枱客都有叫嚟試~ 但係就見到每杯紅豆冰嘅奶豆比例都有d 唔同… 我呢杯好明顯就係奶多d! 不過好在味道亦唔算過甜… d紅豆唔算好大粒, 但煲得起沙~ 係正宗嘅冰室水準!::: 吉列豬扒公仔麵 + 凍檸茶 ::: $29 + $2可能製作需時, 客人亦多, 所以來了杯凍飲後久久才來公仔麵… 吉列

見今晚得閒, 就寫番10號同班FD 去坪洲D食評啦, 新仔黎依度, 寫得唔好唔好見怪下~10號同FD 去坪洲行下, 行到肚餓呢, 個FD就話依到有間冰室D野好正, 帶我地去試下~咁就比去帶左去一間叫祺森既冰室~佢既坐位係橙色撞綠色~好鬼SHARP~我就叫左個吉列豬豬麵, 連埋野飲30$都唔駛, 佢既吉豬幾大塊~又分開上, 唔怕吉豬LAM晒~塊吉豬好好食, 一咬落去鬆脆又香口..又唔油BOR~女士門都試得~另外個招牌菜蝦多士~佢分4舊上~4舊都係3角形, 金香卜卜脆, 一咬D汁祕出黎, 差D 整親條利, 好彩~哈哈~依2樣野都值得一試架~

經阿so介紹來到呢間祺森見之前有d食評都話呢間D伙計好囂屎不過幫襯過又唔覺但有樣野就真既就係D蝦多士真係唔好食既咬落都係沙律醬食唔到有蝦既反而發現到佢地D公仔麵煮得幾有水準餐蛋同豬扒麵都一樣咁好D麵岩岩好熟豬扒同餐蛋都整得出色呀蝦多就真係算把喇阿SO推介既唔係樣樣好既haha....

朋友係為左蝦多士先入黎坪洲.我心諗蝦多士!? 細個時係九龍城d 冰屋都有嫁woo...唔係咩新野呀... 只係家下係九龍呢d老版冰屋好難搵姐.一入黎即問阿姐重有無蝦多士賣,因為朋友話聽講賣晒就無,所以問清楚有無先.叫左蝦多士同紅豆冰.蝦多士真係名過其實.d油都夠熱所以炸出黎唔會太油膩,不過d蝦明顯唔新鮮. (妹左)加上太太太少蝦啦. 食材真係好重要囉.反而紅豆冰好味.一來d紅豆夠甜, 奶又岩岩好.紅豆有d會太硬, 有d會太沙.所以要有好紅豆冰真係要夾得好先得.

終於有機會到坪州一趟當然就唔會錯過傳說中o既蝦多士啦去到得番一張單人o既卡位局住兩個人就逼埋一齊坐除o左份蝦多士之外我地仲點o左杯椰香菠蘿冰- 蝦多士唔知係咪大家都過份吹捧本人就唔覺得有咩咁好食係就係新鮮即製但係唔明點解即製都可以淋得咁快入口感覺好油同好粉完全食唔出蝦o既鮮美- 椰香菠蘿冰反之個飲品就有驚喜感覺好似一杯無酒精但有果肉o既pina colada食完d 熱氣野咬番幾舊菠蘿感覺都無咁熱氣(但係實質好似唔係咖!)坦白講, 個蝦多士真係唔值得大家吹捧我相信我未必會再特登走入黎食佢

這間出名是蝦多士,當然不多不少由公仔箱介紹才令店鋪生意較為旺.距離開船還有段時間,做下白老鼠試下這處的水準,但看到全場爆滿,欲意離開之際,剛好有四人位.是不是一種幸運?但其實做得最好吃就是吉列豬扒,炸得夠好,油份不算過多,雖然用薄豬扒,切開數件,因薄的關係,肉質也不算鞋口,配上雜果沙津.無疑簡單不過的組合四隻雞中翼,用上包裝冰鮮貨,只是炸得好一點,就會合格有剩,其實蝦多士這個名字總是有點被騙的感覺,用上多士配上細小的蝦粒.其實和平時吃的炸墨魚球差不多,只不過底部多了一塊多士而已,一客四件配上杯飲品要二十多元,不便宜之選,到最後一致認為炸豬扒更為美味,談天說地,沒有什麼東西不講,談到時間也快夠,埋單九十二元.每人約二十三元.更詳細和相片:http://cky20080.blogspot.com/2009/11/blog-post_24.html

自從睇過so good，我諗都好多人好似我同男朋友咁，慕名而來去呢間坪洲出名嘅冰室試吓佢地嘅"蝦多士"~琴日終於都可以試到！"蝦多士"...單叫$20...【茶餐＄28（送一杯熱飲~凍飲加$2）】「太貴」睇電視蘇絲黃話呢度d蝦多士係全港最好食，但係試過之後我個人覺得"一般"！多士4件外表唔錯，裏面就麻麻地~話明係蝦多士，裏面得一隻蝦仔，仲要係勁細隻，蝦肉唔爽...無蝦味，幸好裏面醬汁都ok，如果唔係就唔食好過食"炸豬扒"...好薄身，但係味道唔錯，食落唔覺油膩~ok..."炸雞翼"...外皮味道幾好味，但裏面唔入味"通心粉&麵"...兩者都唔錯，軟硬適中"西多士"...個人本身唔太鍾意花生醬，今次呢件西多士就合哂我要求~但係值得一讚係食西多士必備嘅糖漿，唔會太甜太「杰」總括黎講...絕對無電視所講咁好食，但係都算不過不失啦

干炒豬扒意粉 $30連熱飲, 意粉份量算細碟 一上桌已有點兒失望, 意粉不夠色, 落不夠醬油去炒, 炒時亦無撈勻, 顯得淡貿貿 好彩豬扒煎香夠熱又醃過, 稔是夠稔, 但味道只是一般

坪洲茶餐廳有些不做set (即不包熱飲的), 下午茶餐選擇少之餘, 假日亦暫停故在坪洲住出街食野開支都幾大幸好祺森星期日都有lunch set, $30連熱飲, 而且即叫即做, 做心製作, 包保夠熱 鮮茄牛肉飯 同坪洲金源一樣足料好食, 鮮茄夠紅大件厚肉, 牛肉新鮮 祺森的茄汁芡薄薄的. 一樣調得夠晒鮮味 粟米豬扒飯 平日兩點幾去, 人不多, 但都等左超過15min 豬扒煎得夠香, 又夠稔, 但豬肉味淡 粟米粒不多, 薄薄的琉璃芡更淡貿貿 還有好多人叫的咖喱吉列豬扒飲, 豬扒炸得香脆夠熱, 而咖喱汁另裝於碗仔上. 祺森的咖喱汁是稀稀的, 總覺得不夠濃, 而自己則較喜歡杰杰的較濃的.

第二次食蝦多士雖然不像電視介紹講到咁好食, 但勝在出面不是度度有得食, 而入開坪洲都會心掛掛想食下平日下午食, 好快就有, 比午餐還快 蝦多士 外層熱騰騰炸得香脆 內層有幾隻完整細蝦仔 + 像薯蓉的餡; 有沙律醬伴碟感覺同2007年第一次食不同, 今次多左蝦, 雖然蝦味都是偏淡$20蝦多士(不包飲品) 唔算貴, 是一個幾好的午間小食 起碼出到香港好少找到

又去咗郊遊, 要吸叫一下新鮮空氣!今次目的地係坪洲!0係坪洲, 我地淨係諗到食阿蘇講到好好味的蝦多士!去到店, 全店滿座,我地要搭枱~叫咗個咖哩豬飯同蝦多士~阿姐話無飯, 要等一陣先有( 佢話要等20mins),但係我地照等, 都唔駛10mins 就有啦! ( 唔知係唔係米貴, 佢好似唔係好想我地食飯咁~)個飯得個"辣"字, 一啲都唔香!等咗多過20 mins, 終於有蝦多士食啦~ 份量好少呀~ 蝦係得一隻蝦bb囉!!!好似食薯茸多士似啲喎! 但係收我成28 蚊( 包熱飲)!!!未食過有薯茸的蝦多士, 可以一試, 但都係食一次夠啦!!! 唔駛特登入來食啦~

三個人叫了三個餐:1.蝦多士 $28 - 好貴，等成20多分鐘，得4小件，蝦有少少，醬多多，無蝦味，完全失望，蝦多士應是將蝦膏放在麵包上炸的2. 肉片上海麵 $16 - 啲上海麵淥得太耐，差啲爛4. 蛋治$11 - 蛋太薄我後來到對面的冰室下午茶，人家正正經經炒麵飯，抵食夠鑊氣，不知高出幾何！

今天到坪洲一遊,順道一試當地美食,本來想試快車茶餐廳的,但平日要五時半才開始,所以轉食祺森冰室的蝦多士,因為電視都話好食嘛.這間冰室並不難找,沿着永安街走就成了,店內和一些舊式的冰室一樣,沒有特別的地方,我們五個人叫了五個餐:1.蝦多士,真的幾好食,內裏真的有一隻小蝦,混在好像是薯蓉的東西,頗香口,但驚為天人的感覺就沒有了2. 咖喱猪扒和咖喱牛腩飯,辣的,味道一般3. 雞翼公仔麵,一般4. 椰汁菠蘿冰,很香椰汁味,好好飲5. 龍鳯可樂,我個女話好飲6. 熱檸水,我老婆話的檸檬苦澀味太大7. 熱咖啡,我阿媽話OK啦8. 燒汁雞扒飯,都係OK啦總之這就是一間普通的茶餐廳,未食過蝦多士的話可以一試

今天一家大細一行11人突襲坪洲...源於都係想一試阿蘇所講既蝦多士!!點知......我地11人分開3張枱坐....同一時間落單....竟然其中兩枱人都食晒D蝦多士落肚...但餘下的一張枱竟然等足10分鐘後先有得食...我地仲叫左D咖哩豬扒飯....可以講呢個飯足足等左35分鐘先有得食...搞錯...眼見其他客人遲過我地入座但竟然食完成碟飯比錢離開!!我地開始吹D飯"幾時黎??"....仲叫佢地"可唔可以跟單...安排返D單既次序!!"竟然果老闆走出黎講"係咁架喇!!!點LA~~~~~"(咩態度呀!!)講返"蝦多士"....我地完全食唔到有蝦.....想像中蝦多士裡面係爽口彈牙既蝦肉...今次完全令到我地好失望!!可以用"難食"黎形容!!!!又唔好食又貴.....態度又差.....我一定唔會再比錢佢地賺!!!!!!!!!!!!