祥榮餐廳

营业中

休息中

今日食下午茶，叫左炒飯同焗豬扒飯，炒飯唔夠熱，豬扒焗到乾晒，鞋口餐飲叫熱華田同熱檸水，咁簡單都要催3次，係3次先黎，差差差，bad bad bad，差差差，唔會再幫襯

🙊街坊必去祥榮餐廳🙊最近返去舊居黃埔新邨 成條街已經面目全非 好多舊店唔見晒 唯一仲喺度嘅就係依間祥榮餐廳 開業已經超過10年 每一個黃埔街坊都至少有幫襯過一次 佢嘅特色係大件抵食 選擇繁多 中西式嘅菜都有 而且餐廳面積幾大幾寬躺🥘咖喱雞扒飯 $68祥榮嘅咖喱系列 係以馬來西亞咖喱為主 味道辣得幾惹味 啱晒鐘意咖喱撈飯嘅朋友 但可以椰奶味再重d 有大大件嘅雞扒 分量頗大 夠兩個人食🍝自選扒餐 - 羊扒鰻魚燒汁跟意粉 $118自選鴛鴦扒餐幾特別 可以自選配搭 朋友揀咗羊扒配鰻魚 呢個配搭令我大開眼界 但又有驚喜 羊扒超級大件 脂肪比例比較多 味道唔算太酥 鰻魚算肥 幾鍾意用d鰻魚燒汁黎餸意粉食加$8配咗杯杏仁霜同埋凍檸茶🥤

🐳今次真係尊登黎食扒架！雖然餐廳入面仲有好多嘢食，而且都好吸引，好似好有鑊氣咁，但我再問老公，你想食咩呀？佢都係答我，我黎只為了鋸扒😂😂🐳所以最後我地都係叫了兩個鐵板餐，冇得輸！因為唔使💰100，就可以鋸扒，仲有餐包 餐湯 飲品，咁嘅價錢請問可以去邊度搵？🐳西冷牛扒💰88我自己就對西冷一般般，但老公就十分喜歡，冇第二個選擇😅佢話淋得黎又有少少咬口喎！咁都係嘅，口感又係唔錯的，大家不妨可以試下！🐳鑊仔牛柳扒💰88侍應上扒前會俾一張餐巾紙你打開，因為倒汁嗰時，真係會彈到周圍都係，証明個鐵板係非常之熱，而我就最鐘意聽嗰啲「炸炸聲」😌 扒餐嘅份量真係唔少架，就算好大食嘅人，都一定夠飽！而且味道係你估唔倒嘅好味！🐳另外我地加左個沙律💰10🐳住喺紅磡或黃埔附近嘅，可以得閒黎試下啦！

西多士雖然我哋餐牌既西多士唔係傳統果隻，但每次見到香港人話想食，我哋都會特別去整返傳統茶餐廳西多，無論做法同糖漿煉奶花生醬等等都一模一樣，等客人食返香港既味道🤗🤗一進門就聞香香。服務不錯，食物也好吃，套餐cp值高。

今日黎到黃埔一間已經開左25年嘅老字號茶餐廳, 屹立咁多年證明街坊都好喜愛, 今日又想据下扒, 一於食下先! 🍴美式什扒$83什扒非常大份! 有牛扒, 豬扒, 雞翼, 火腿同腸仔, 仲配薯菜添! 非常適合我哩啲乜都想食嘅人😝 味道都好唔錯, 食肉獸之選~鐵板餐熱辣辣, 超有童年回憶👍🏻🍴鑊仔牛柳扒 $85鐵板牛柳都幾高質, 塊扒比雜扒塊牛靚, 有肉味, 配黑椒汁幾夾👍🏻👍🏻薯條係我中意嘅粗薯條, 一樣熱辣辣, 大大份🥰我地加左紅豆冰, 紅豆煲得夠淋同起沙, 食完扒飲好解渴👍🏻私心評分食物質素 ⭐️⭐️⭐️⭐️性價比 ⭐️⭐️⭐️⭐️

今日黎開紅磡呢頭，順便黎呢間祥榮茶餐廳食返餐。餐牌係一般茶餐廳餐牌，有扒套餐，小菜套餐，煲仔，鮮魚，炒飯炒麵，咖哩，焗飯，湯羹，三文治，沙律，通粉，快餐，常餐，特餐等等，實在係太多選擇。先叫兩個小菜。中式牛柳 $89中式牛柳份量超多，個汁好酸甜開胃，牛柳有少少脆皮，如果再腍啲就更好。配有唔少洋蔥絲。蝦醬通菜 $58蝦醬通菜熱辣辣上枱，份量味道都唔錯，又唔覺太油或過鹹。中式牛柳同蝦醬通菜包白飯同是日餐湯。白飯超大碗。餐湯可揀羅宋湯，忌廉湯或者中湯，我地揀左一羅宋湯一中湯。碗湯超大碗，入面勁多料，羅宋湯有椰菜，紅蘿蔔，西芹，瓜，洋蔥等，味道調得好好，好開胃，而呢度唔係辣個種羅宋湯。中湯係蓮藕豬骨湯，湯水好清又夠味，而且有湯料可食。凍檸賓 加 $10加錢要凍檸賓。足有4片檸檬，味道清新解渴。芝士三文治 $32今日晚餐尚早，趕得切食個下午茶餐。芝士三文治用簡單白麵包夾住兩塊芝士。紅豆冰 加$10餐飲升級做椰汁紅豆冰，好大杯，真係有粒粒紅豆，份量好多，甜度就較高，配椰汁就剛好。今晚既通菜好出色，下次可以試試其他小菜。

嗰日去開紅磡做嘢，做嘢之前梗係要食返飽啲，所以就決定搵一間平靚正嘅食返餐。蝦仁炒蛋蝦爽口彈牙，炒蛋嫰滑。蒸肉餅肥瘦適中，啖啖肉，加上半隻鹹蛋，送飯一流。奶茶茶味香濃。

周不時都會去茶餐廳開餐，鍾意佢款式多元化之餘口味又夠地道。今日嚟紅磡探朋友，之後過咗去黃埔天地行下，順便搵間茶餐廳落腳。喺港鐵站附近見到呢間「祥榮餐廳」，門面好光鮮，從玻璃窗往內望，環境乾淨企理，而且店內亦設有大量卡位和散座，感覺都幾舒服，就一於入去吃頓晚餐。先睇下餐牌，食物選項唔少，有扒餐、焗飯、拉麵/烏冬、港式風味小菜、炒粉麵飯，二至六人套餐等，應有盡有。我哋點咗兩個小菜套餐，每個餐都會奉送是日餐湯及白飯，配熱飲+$5、凍檸樂+$10、特飲+$12。餐湯有羅宋湯、忌廉湯或冬瓜豬骨湯可供選擇，豬骨湯煲得火候十足，入口清甜味美，清熱又解暑。西芹斑塊 ($88)  斑塊色澤雪白，肉質結實，食落彈牙有口感，而且送上來時仍熱辣辣，鑊氣十足，入口啖啖肉。西芹水準亦不俗，爽脆嫩綠，同草菇味道好夾，清新不膩。至於另一客蒜茸牛仔骨 ($89)  亦好有睇頭，大大碟，肉質鮮嫩又 Juicy，入口帶陣陣蒜茸香，加上份量也不少，足足有成 8、9 件，肯定無偷工減料。配菜嘅青椒同洋蔥亦絕對唔可以錯過，生熟度剛好，入口香噴噴，用嚟送飯一流。另外仲點咗凍檸樂 (+$10) 同 紅豆冰 (+$12)，紅豆冰好足料

今日去黃埔成興隆入凍肉，看到對面有間「祥榮餐廳」像是不錯，價格又親民，又有多款套餐選擇，於是一於去試吓醫埋肚仔才shopping 😉鐵板西冷牛扒7成熟，有沙律又有薯條，而且西冷牛扒份量足，肉質不錯有牛味！餐湯雜菜湯，真材實料沒有加茄膏👍🏻而且好大碗😂😂配熱辣辣的餐包不錯👍🏻羅漢齋炒麵，炒麵底脆卜卜巧惹味，餡料很多有爽口嘅雲耳，支竹等..又有豆腐，菜芯和磨菇，很豐富$58 有餐湯和餐飲，抵！

一坐低打開餐牌，真係花多眼亂😂樣樣都想食🤤幾經辛苦下揀咗個斑球炒麵再加熱奶茶🤪熱奶茶又話茶餐廳必點既飲品嚟😅斑球唔係一般既魚塊，肉質係明顯有分別的，好滑嫩鮮甜，炒麵係用炸既方式，脆卜卜，唔係平時食既豉油王炒麵底😋另外朋友就揀咗什扒套餐，有三款扒，分別係雞扒、豬扒同牛扒🤩拌菜係薯條🍟如果唔夠飽可以額外再加($10)意粉/飯/沙律😌套餐仲有包餐湯同餐包，餐飲就熱飲加$5/凍飲/汽水加$8，食完真係可以飽足大半日，岩曬啲大胃王朋友呀😂

📍 祥榮餐廳 Cheung Wing Restaurant🌍 紅磡黃埔天地奇妙坊(第1期)地下G7A, 7B 及7D號舖Shop G7A, 7B & 7D, G/F, Amazing World (Site 1), The Whampoa, Hung Hom📝 整體評分：7／10🥢蒜茸牛仔骨🥢 $89呢間小菜都好正，牛仔骨唔會好韌又重肉味，配菜青椒洋蔥拌埋炸到好香既蒜茸黎食，爽脆清甜又香口。🥢麻辣汁魚腐豬頸肉米線🥢 $55食話最正既魚腐，熱油再炸過先上，皮肉之間有D空隙，索滿哂湯汁，豬頸肉有淡淡香茅味，不過豬頸肉要厚身D先正，少左DD質感。🥢乾炒牛河🥢 $58大大片牛肉都幾厚肉架~ 河粉條條上色入味，又唔會斷哂，炒得又乾爽。

味道好行货啫，收银员服务心情好差，好心急，面色好臭呀。焗肉酱饭味道普通，唔入味，唔系想好似嘅味道，北菇滑鸡味耨，冇食完。服务心情不佳，食咗个肚气，下次唔会再离啦。

剛剛完左生酮period，先比我發現呢間lunch都可以生酮嘅餐廳添！呢間茶餐廳，lunch都有扒餐可以食，不過既然我生酮都完左，叫個扒餐加意粉都無問題啦！帶子雞扒餐，雞扒有兩塊，配埋黑椒汁，的確唔錯，係茶餐廳應有嘅水準！另外餐仲有餐湯同包，生酮期間可以叫佢走包走薯條，一個男人都食得飽。我見餐牌仲有可以雙拼扒，價錢就要貴少少，$110左右，但個餐包左意粉飯嘅，生酮人士就要留意，揀唔包意粉飯嘅餐就較化算。

紅磡嘅祥榮餐廳喺黃埔站地鐵站一出就係，十分方便。嗌咗個晚餐D：咖喱牛腩飯牛腩腍身易咬，冇牙都食到！咖喱用新鮮椰汁製成，入口特別香口，唔會好辣。$60包埋餐湯同熱飲，大大碟飯，大大碗湯，好抵食呀！😍欣賞佢牛腩同飯分開，飯唔會比咖喱汁整到濕晒，自己鍾意倒幾多汁就倒幾多汁落個飯度。👍🏻餐湯係羅宋湯，酸酸地好開胃🤤。另嗌左兩個小菜套餐：椒鹽豬扒同西蘭花帶子。小菜套餐奉送白飯同餐湯。椒鹽豬扒炸得香口，加咗少少辣椒，微辣食落更惹味～😋西蘭花帶子有薑、菇、紅蘿蔔同韭黃，用料豐富，係傳統炒小菜先會落韭黃，讚！👍🏻 西蘭花🥦新鮮爽脆👍🏻，帶子大大粒有鮮味。餐湯除左西湯羅宋湯重有中湯冬瓜湯。冬瓜好大片呀！😱清甜又消暑😄。

下午茶嚟講呢間都算幾抵食～仲要包杯熱飲叫咗兩個下午茶包熱飲～慢慢嘆下先～其實下午茶都有20幾個配搭好多選擇～應該會揀到適合嘅~不過焗鮮茄魚柳飯、焗鮮茄豬扒意粉比較吸引焗鮮茄魚柳飯有三舊炸魚塊～炒飯底～上面配以蕃茄芡汁帶甜撈飯一流焗鮮茄豬扒意粉～諗住下午茶咁平嘅價錢～應該得半塊豬扒～估唔到都有一塊～肥瘦均勻唔會乾～應該唔係隔夜豬扒再返炸～下午茶咁嘅份量算好抵食～再配一杯香濃熱咖啡～一杯茶走～食完飽晒