影片
更多
2022-09-11
539 浏览
周不時都會去茶餐廳開餐，鍾意佢款式多元化之餘口味又夠地道。今日嚟紅磡探朋友，之後過咗去黃埔天地行下，順便搵間茶餐廳落腳。喺港鐵站附近見到呢間「祥榮餐廳」，門面好光鮮，從玻璃窗往內望，環境乾淨企理，而且店內亦設有大量卡位和散座，感覺都幾舒服，就一於入去吃頓晚餐。先睇下餐牌，食物選項唔少，有扒餐、焗飯、拉麵/烏冬、港式風味小菜、炒粉麵飯，二至六人套餐等，應有盡有。我哋點咗兩個小菜套餐，每個餐都會奉送是日餐湯及白飯，配熱飲+$5、凍檸樂+$10、特飲+$12。餐湯有羅宋湯、忌廉湯或冬瓜豬骨湯可供選擇，豬骨湯煲得火候十足，入口清甜味美，清熱又解暑。西芹斑塊 ($88) 斑塊色澤雪白，肉質結實，食落彈牙有口感，而且送上來時仍熱辣辣，鑊氣十足，入口啖啖肉。西芹水準亦不俗，爽脆嫩綠，同草菇味道好夾，清新不膩。至於另一客蒜茸牛仔骨 ($89) 亦好有睇頭，大大碟，肉質鮮嫩又 Juicy，入口帶陣陣蒜茸香，加上份量也不少，足足有成 8、9 件，肯定無偷工減料。配菜嘅青椒同洋蔥亦絕對唔可以錯過，生熟度剛好，入口香噴噴，用嚟送飯一流。另外仲點咗凍檸樂 (+$10) 同 紅豆冰 (+$12)，紅豆冰好足料
喺港鐵站附近見到呢間「祥榮餐廳」，門面好光鮮，從玻璃窗往內望，環境乾淨企理，而且店內亦設有大量卡位和散座，感覺都幾舒服，就一於入去吃頓晚餐。
先睇下餐牌，食物選項唔少，有扒餐、焗飯、拉麵/烏冬、港式風味小菜、炒粉麵飯，二至六人套餐等，應有盡有。
我哋點咗兩個小菜套餐，每個餐都會奉送是日餐湯及白飯，配熱飲+$5、凍檸樂+$10、特飲+$12。
餐湯有羅宋湯、忌廉湯或冬瓜豬骨湯可供選擇，豬骨湯煲得火候十足，入口清甜味美，清熱又解暑。
西芹斑塊 ($88) 斑塊色澤雪白，肉質結實，食落彈牙有口感，而且送上來時仍熱辣辣，鑊氣十足，入口啖啖肉。西芹水準亦不俗，爽脆嫩綠，同草菇味道好夾，清新不膩。
至於另一客蒜茸牛仔骨 ($89) 亦好有睇頭，大大碟，肉質鮮嫩又 Juicy，入口帶陣陣蒜茸香，加上份量也不少，足足有成 8、9 件，肯定無偷工減料。配菜嘅青椒同洋蔥亦絕對唔可以錯過，生熟度剛好，入口香噴噴，用嚟送飯一流。
另外仲點咗凍檸樂 (+$10) 同 紅豆冰 (+$12)，紅豆冰好足料，紅豆唔係現成貨，自家煲煮過，食落香甜軟腍。今餐雖然只係點咗兩個小菜，但整體味道都唔錯，而且侍應招呼非常周到，不催促不趕客，令人親切舒服，好有家嘅感覺。
张贴
