祥榮餐廳

营业中

休息中

祥榮餐廳黃埔站B出口一出就係，唔洗再行，交通超方便又就腳。嗌左個西芹雞柳小菜套餐。套餐奉送白飯和是日餐湯。除左西芹同雞柳重有洋蔥、紅蘿蔔同草菇。西芹爽脆清甜冇渣。呢道菜清清地，有種好似食緊住家飯嘅感覺，唔錯。想食熱辣辣嘅野可以嗌即炒麵/飯。即炒麵都奉送是日餐湯。嗌左個即炒星洲炒米，真係即炒夠曬熱。配料豐富，有火腿絲、洋蔥、炒蛋、紅椒絲、青椒絲、蝦仁等。用料足，一d都唔馬虎！👍🏻呢度重有焗飯！飯可以轉意粉。嗌左焗豬扒意粉🍝啱啱焗起熱辣辣。有兩大塊豬扒咁多！😍多到可以同朋友share。豬扒肉唔會過腍亦唔霉，夠新鮮，有口感又試得出豬肉嘅鮮甜，保留到肉汁。是日餐湯有三款選擇：青紅蘿蔔豬骨湯、羅宋湯或忌廉湯。我同朋友各自叫左一碗湯，分別係青紅蘿蔔豬骨湯和羅宋湯。兩碗湯都好大碗，又足料，飲落重辣嘴！飲完已經飽咗一半。😂🙈熱飲要另外加$5。加左$5嗌左杯熱檸茶。熱檸茶茶香而且檸檬夠新鮮。臨走見到唔少食客嗌左鐵板扒。食完個焗豬扒意粉覺得呢度d肉都唔錯，下次黎可以試下鐵板扒！總括黎講呢間餐廳食物款式多元化，不論小菜、即炒粉麵飯還是鐵板扒都一應俱全。

黃埔美食眾多，走入街頭巷尾都係食肆中西日台咩都有，但港式餐廳永遠不會輸香港口味就可去祥榮，餐牌上咩款都有，炒粉麵飯樣樣齊，鐵板亦有海南雞也有，最愛的蒸魚都有套餐添胃口大開兩人點了好多食物，有蒸桂花魚，生炒咕嚕肉，西蘭花炒帶子，樣樣都係必選中式菜，最後口痕痕加左個香茅雞翼雞翼見佢有5隻價錢親民又脆口，冇點錯另外桂花魚清蒸方式處理，火路剛好超滑亦明白店舖有專賣蒸魚既餐牌，很有說服力西蘭花帶子、帶子很滑 ，汁亦調配得很適中 ，有鑊氣最後有我最愛既咕嚕肉，啖啖肉 ，味道不錯此店中式水準不錯 又多選擇，下次再光臨

今個星期六在紅磡萬國參與了一場喪禮，之後就跟朋友去了茶餐廳吃飯。📍位置：近黃埔站B出口，行一分鐘就到了。🏠環境：綠色的招牌搭落地玻璃窗，面積大而容納多客人，大部分座位是卡座，普通茶記裝修，整體寬敞舒適。🤵🏻服務：人手下單，不收加一。🍽️午市：提供多國款式的套餐，真是花多眼亂，幸好有職員推介。🥢鐵板干蔥豆豉雞+白飯+羅宋湯+咖啡 $88套餐很豐富，羅宋湯的雜菜煮得很軟身，就算牙不好都可以吃到，味道濃郁。豆鼓雞醃製入味，鹹香十足，用來下飯一流，還有三色椒🫑和洋蔥🧅，非常蔥味，想不到鐵板除了扒之外，已經可以用來作炒小菜！🍴鐵板紐西蘭牛柳+羅宋湯+沙律+餐包 $136自選幾款醬汁，個人喜歡燒汁，牛柳大過手掌，厚身帶少許筋，肉質軟韌，熟度有九成，不影響味道，伴波浪薯條和翠玉瓜，不錯👍。沙律是水果加沙律醬，將小時候茶記回憶倒帶出來了😁！咸🍋檸七 $12解渴和消滯一流，味道酸酸甜甜。

今日中午去咗紅磡近黃埔嘅祥榮餐廳lunch🤭🤭餐湯有中湯，雜菜湯或白湯…而且size 係用大碗😆忌廉湯夠濃，味道不錯；雜菜湯足料，巧巧飲啊😚鐵板西冷牛扒7成熟，伴菜都多有沙律菜，薯條，車厘茄，又有我至愛的翠肉瓜🤭西冷牛扒肉質不錯⋯⋯$88幾抵！ 鐵板薑蔥豆豉雞，最重要是夠鑊氣、鐵板上枱時熱辣辣，仍然發出咋咋菜聲響，豆豉雞好香.. 好惹味！伴飯一流🤪 雜果賓治係成罐橙汁芬達一齊上😜

紅磡祥榮餐廳是一間位於紅磡的茶餐廳,已經營業了超過50年。是不少在紅磡工作或居住的人經常光顧的地方。餐廳可以選紅湯，或者白湯，忌廉雞湯味道鮮甜中帶一點鹹味。我今次品嚐到嘅三樣招牌菜:乾炒牛河、焗豬扒飯同蒸滑雞,個個都料理得手,是平民美食中的佳作。乾炒牛河選用肥瘦適中的牛片同Q彈河粉,炒至牛肉吸收河粉的澱粉,使河粉有粒有牙而不會太軟,再配以青菜增加綠葉色澤,色香味俱全。焗豬扒飯採用內裏嫩滑外皮酥脆的叉燒,豐富的醬汁滲透入飯粒內,每一口都能盡情享受叉燒帶出的獨特香味。最後,蒸滑雞滑嫩透白的雞肉不加任何調味,吃起來幾乎可以感覺到雞肉本身的油潤口感。 總括點講,這間小茶餐廳雖不起眼,但所供應的傳統粵菜在新鮮食材同簡約味道方面都做得十分出色,更加價錢合理

📍 祥榮餐廳 Cheung Wing Restaurant🌍紅磡黃埔天地奇妙坊(第1期)地下G7A, 7B 及7D號舖Shop G7A, 7B & 7D, G/F, Amazing World (Site 1), The Whampoa, Hung Hom📝整體評分：8／10原本就好多選擇，宜家仲出左新menu，即叫屋企人落黎食~🥢馬拉盞炒雜菜🥢 $48蝦膏味濃香，贊出蒜味，香惹鹹香，唔同菜都保持到脆爽~ 🥢麻辣炒豬肚絲🥢 $72豬肚絲軟嫩唔韌，大小剛好，配料有韮黃、洋蔥、紅青椒，惹味得黎又有點清甜。🥢蜜椒薯仔牛柳粒🥢$88牛柳粒有肉味，食得出花工夫醃過，切到好工整。薯仔係有炸過，幾粉軟但未帶得出薯仔香味。

放假黃埔shopping 兼tea去平靚正的餐廳頗大，卡位坐得舒舒服服，食客頗多。我們點左海南雞$105(半隻）雞肉嫩滑，有很多透明啫喱證明隻雞很嫩，雞皮爽，配三種醬料更加美味，超正👍👍👍干炒牛河$40+紅豆冰$8（跟餐）鑊氣夠河粉炒得香噴噴，牛肉腍滑，味道適中不會太鹹，食得出是日本的紅豆夠淋皮又薄，大杯份量多，甜度剛好真好吃😋菠蘿海鮮炒飯$40+紅豆冰$8（跟餐）飯炒得粒粒爽口又香口，配料豐富，味道不錯。總結：食物質素佳，街坊價，值得回頭。

一打開餐牌，原來有很多種類選擇！我選了百搭鐵板餐～羊扒拼西冷牛扒、羅宋湯、餐包、沙律！老公就選了中式晚餐～豉汁涼瓜炆倉魚、忌廉白湯、熱奶茶！要一讚就係所有食物一上枱就熱辣辣！如果芡汁不要太重手就很好！

食呢到真係超級受氣，話說我地叫左三個下午茶餐,職員落錯左一杯野飲,我地好有禮貌同佢講返,但佢態度勁差,仲話唔係同你地確認左係三杯凍檸茶,我地立刻答：你係確認我地係落左三杯野飲唔係講凍檸茶囉！佢即刻黑面走開。到差唔多食完野後,先攞杯唔熱既奶茶黎,我飲完 一啖先留意到個杯好似未洗過,成個杯都係污漬。一間餐廳，職員禮貌勁差，食野要受氣咁，衛生仲要咁差！！！收銀果個女人就是落單果位，唔知係自己生意定點啦所以可以咁樣對客，相信咁做生意唔會有回頭客。👎🏻👎🏻👎🏻👎🏻👎🏻

#祥榮餐廳 @foodiehck2022早幾日去黃埔見工，完成後就去咗依間餐廳食個扒餐先返屋企。之前同我阿叔都有係度食過午餐，覺得都可以，留意到有個$88扒餐，有湯及餐包，飲品另計。最後叫咗 #西冷牛扒#羅宋湯 #蒜蓉汁 餐包幾鬆軟，而且仲係暖既，好過好多餐廳又凍又硬又唔靚。紅湯就比較稀，味道尚可，唔係羅宋水😅今次叫碟上，要明白的就會知點解。塊扒都幾大，都有少少厚身，算係幾唔錯。茶餐廳有得揀幾成熟都幾有趣，要5成都算可以做到，係件扒中間筋位難切。最欣賞係個汁，夠濃夠杰身，每切一件小牛扒再點汁食好惹味👍👍雖然唔算好平靚正，但依個質素絕對收貨🙂祥榮餐廳紅磡黃埔天地奇妙坊(第1期)地下G7A, 7B 及7D號舖#港飲港食平靚正 #紅磡 #黃埔 #扒餐

今日黎到呢到想食個早餐，叫左一份歐陸早餐，雞扒、腸仔、煎蛋、多士、熱齋啡。整體而言太油，早餐黎講太難入口。多士上枱已經唔熱、雞扒細塊冇肉感，煎蛋腸仔普通，咖啡亦麻麻。

今晚點左個二人套餐，真係好抵食，兩個餸大大盒仲有例湯，個魚香茄子排骨我地食到連汁都撈埋👍🏻👍🏻仲有芙蓉蛋都好有地道香港味真係值得推介，一定會去堂食試下☺️

今日食下午茶，叫左炒飯同焗豬扒飯，炒飯唔夠熱，豬扒焗到乾晒，鞋口餐飲叫熱華田同熱檸水，咁簡單都要催3次，係3次先黎，差差差，bad bad bad，差差差，唔會再幫襯

🙊街坊必去祥榮餐廳🙊最近返去舊居黃埔新邨 成條街已經面目全非 好多舊店唔見晒 唯一仲喺度嘅就係依間祥榮餐廳 開業已經超過10年 每一個黃埔街坊都至少有幫襯過一次 佢嘅特色係大件抵食 選擇繁多 中西式嘅菜都有 而且餐廳面積幾大幾寬躺🥘咖喱雞扒飯 $68祥榮嘅咖喱系列 係以馬來西亞咖喱為主 味道辣得幾惹味 啱晒鐘意咖喱撈飯嘅朋友 但可以椰奶味再重d 有大大件嘅雞扒 分量頗大 夠兩個人食🍝自選扒餐 - 羊扒鰻魚燒汁跟意粉 $118自選鴛鴦扒餐幾特別 可以自選配搭 朋友揀咗羊扒配鰻魚 呢個配搭令我大開眼界 但又有驚喜 羊扒超級大件 脂肪比例比較多 味道唔算太酥 鰻魚算肥 幾鍾意用d鰻魚燒汁黎餸意粉食加$8配咗杯杏仁霜同埋凍檸茶🥤

🐳今次真係尊登黎食扒架！雖然餐廳入面仲有好多嘢食，而且都好吸引，好似好有鑊氣咁，但我再問老公，你想食咩呀？佢都係答我，我黎只為了鋸扒😂😂🐳所以最後我地都係叫了兩個鐵板餐，冇得輸！因為唔使💰100，就可以鋸扒，仲有餐包 餐湯 飲品，咁嘅價錢請問可以去邊度搵？🐳西冷牛扒💰88我自己就對西冷一般般，但老公就十分喜歡，冇第二個選擇😅佢話淋得黎又有少少咬口喎！咁都係嘅，口感又係唔錯的，大家不妨可以試下！🐳鑊仔牛柳扒💰88侍應上扒前會俾一張餐巾紙你打開，因為倒汁嗰時，真係會彈到周圍都係，証明個鐵板係非常之熱，而我就最鐘意聽嗰啲「炸炸聲」😌 扒餐嘅份量真係唔少架，就算好大食嘅人，都一定夠飽！而且味道係你估唔倒嘅好味！🐳另外我地加左個沙律💰10🐳住喺紅磡或黃埔附近嘅，可以得閒黎試下啦！