祥榮餐廳

营业中

休息中

夜晚嚟黃埔睇戲，睇戲前入左間茶記填飽個肚，餐廳既晚餐以中式小菜為主，隔離枱亦有人食鐵板餐，經過都聞到好香。例湯小菜配埋是日例湯，有紅、白同中湯揀。中湯湯料有冬瓜、豬肉等，勝在份量夠大碗。菠蘿咕嚕肉肉同菜的份量一半一半，咕嚕肉皮脆肉嫩，酸酸甜甜咁幾開胃。西蘭花炒花枝鮮魷西蘭花偏硬身，鮮魷韌度適中，唔會太鹹，而且幾有鑊氣。蒜茸炒菜心炒菜心相比烚菜無咁涼，加左蒜茸炒亦唔會好油膩，食落都好爽口。凍檸茶+熱檸水跟餐配埋餐湯、白飯同飲品，價錢都係$60-70，都算合理。

平時成日經過呢間祥榮餐廳，但就未試過食過，今日放假諗唔到食啲咩lunch，就嚟試吓先🤩午飯時間都估唔到都幾多人，行咗一圈，先搵到兩個位既座位😳🌟自選扒餐 - 龍脷柳羊扒 $108🌟媽媽見到有羊架，即刻話要食😂因為佢好鐘意食羊架，唔係度度有，難得呢度有自選扒餐😍可以揀兩款，佢就揀咗龍脷柳，餐廳好貼心有比埋餐紙巾，怕啲汁會彈到一身都係💯可以揀配意粉/飯/沙律，媽媽就揀咗配意粉跟蒜茸汁，原來都會有炸薯條同少量配菜，仲有大大碗餐湯(羅宋湯/忌廉湯)同餐包，加一杯飲品，凍飲就另外加$3，都幾抵食吖😍🤩🌟祥榮焗飯 $72🌟識食一定係食招牌菜😂😍我就比佢哋既焗飯吸引到眼球，其他都睇唔上眼😂一半係焗肉醬，一半焗豬扒，再加個煎蛋，個飯係炒飯底，焗飯一定係要配炒飯先為之一個完美焗飯，雖然熱量好高，不過久唔久先食一次，唔緊要啦😅同埋奉送餐湯，熱飲就加$5；凍飲、汽水加$8，特飲就加$12，我就揀咗飲熱奶茶，港式奶茶係茶餐廳必點既飲品嚟，先算係嚟過茶餐廳架嘛😍

是日同HONEY去黃埔AEON SHOPPING，同佢去左哩間祥榮餐廳食DINNER，同HONEY好耐無食中餐，茶餐廳就有哩個好處，食中餐都有保證，餐廳入面有好多卡位，唔驚無得坐，同HONEY點左個蝦仁炒蛋，京都肉排套餐，另外單點左一碟金銀蛋浸時蔬套餐可以點中湯/西湯，我同HONEY感覺中湯會比較夠火喉D~~蝦仁炒蛋蝦仁炒蛋都有唔少的蝦，另外滑蛋都可以做到滑的效果，送飯真的一流~~京都肉排京都肉排都系我同HONEY最愛食的中菜之一，酸酸甜甜真的唔錯，金銀蛋浸時蔬食咁多肉，都要食返D菜，金銀蛋浸時蔬都足料，加埋蒜子真的好惹味，最後HONEY點左杯特飲紅豆冰，都好多紅豆，真的飲到尾都KEEP住有紅豆，哩間餐廳晚飯真的好多人食，證明真的街坊幫襯的小店。

論茶餐廳，食過的紅磡祥榮餐廳的小菜套餐，二人餐覺得都幾抵食，還有裏面有較多的小菜套餐，有較多選擇。二人餐配羹、飯及飲品$166有粟米雞蓉羹、清蒸鯇魚，配任揀多款小菜，我揀了京都肉排，因鯇魚已沽清，所以可揀個小菜套餐及二人餐內的小菜，要了個蒜蓉牛仔骨。先上的是粟米雞蓉羹，整個湯濃傑度剛剛好，裡面見到一絲絲的蛋白及半碎的粟米，口感滑溜，味道很鮮甜！京都肉排原來是豬扒，而不是肉排，肉質不會鞋，味道帶少少酸甜，份量頗多。蒜蓉牛仔骨，也份量頗多，牛仔骨有七八成熟，有牛味又很嫩，用青椒、洋蔥及蒜粒等配料炒，妙得夠味道及夠鑊氣！至於蔬菜，我要了多個馬拉盞炒菜心。飲品則要了2個杏霜，上枱已聞到一陣的杏仁味，飲落也很滑口及香杏仁味。

去黃埔買野經過就入黎食lunch，舖位係極大，唔使等位，又有卡位坐👍🏻。🔅豐盛常餐 (豬頸肉通粉) ($48)豬頸肉就份量唔多，不過都夠爽口既。🔅豐盛特餐 (沙爹牛肉麵) ($48)沙嗲味都濃，麵唔會過腍幾好，牛肉都算多同入味，不過少少鞋。🔅火腿仿鮑魚絲奄列普通茶記奄列，都幾多仿鮑魚絲同火腿既，火喉都掌握得唔錯唔會太熟。🔅漢堡豬柳煎蛋平時都係因為太油所以少食豬柳，黎到茶記無理由就住就住啦係咪先😝。煎得好香，加埋隻蛋流啲黃落去通粉到食就好正😎。🔅奶油脆豬仔包雖然好邪惡，但突然好想食真係忍唔住叫🤤。2個餐都叫左，其中一份都偏燶😂，不過真係烘得好香好脆，奶油就唔算多，無咁邪惡啦😝，加多啲煉奶就…💬普通茶記但5-10min上齊野，選擇又勁多，平均都係$50-$60左右，都算抵食。最欣賞佢係坐得舒服唔逼👍🏻，食野都食得開心啲。

地方好大好寬地方好大好寬敞，裡面D既位置就有D暗同埋比較難注意到。🥢椒鹽豬扒🥢 $68強烈推介，比大排檔既仲要更有鍋氣既豬扒，豬扒肉質鬆軟，入口香慈微辣，出色既地方係件件豬扒表面痴滿新鮮既炸蒜，蒜香格外香濃！🥢XO醬茄子牛仔骨煲🥢 $90牛仔骨配搭次次都係黑椒洋蔥組合食到有D悶，呢個新穎組合睇落幾吸引。XO醬BB辣度，有蝦米香味，牛仔骨唔老又有肉味，不過個醬汁收唔夠竭身。🥢枝竹牛腩煲🥢 $76我竟然覺得枝竹好食過牛腩..因為佢有咬口得黎又唔硬，入味得黎又唔會遮哂豆味，牛腩幾軟淋，仲大大件。🥢紅豆冰🥢 & 🥢蜂蜜柑桔🥢 特飲加$12奉送例湯

今日喺附近返學溫書，都係隨便揀間茶記食餐晏。食中菜嘅餐湯都有得揀羅宋湯/忌廉湯，係好典型港式茶餐廳嘅味道，我同朋友都超鍾意個忌廉湯🤣朋友叫左凍朱古力，個人認為呢類都係啱熱飲多啲食茶餐廳一定要飲凍奶茶！奶同茶嘅比例啱啱好，好香濃😆西蘭花炒花枝鮮魷 $76朋友想食清淡啲，都好大碟，飯都好大碗🤣菜好翠綠不過有少少硬，鮮魷都多但味道較淡百搭扒餐 $108（鑊仔牛柳扒+大蝦）原來本身已經配薯菜，我仲加左個意粉添。牛柳有好多塊又嫩，好易咬，大蝦🍤炸過，好大隻都彈牙。意粉係茄汁意粉，偏腍。

今日去完黃埔奇趣順便去食個lunch. 個仔想食豬扒同意粉，所以嗌咗個雙拼，原來鐵板可以改普通碟上，咁就方面小朋友食唔會辣親佢。而我同老公就嗌咗個涼瓜牛肉飯同埋個雜燴炒麵，再加凍檸茶同凍檸水。雜燴個炒麵唔會好油，啲麵keep到好脆，啲汁唔會搞到成個麵林哂，個味好正食落香口脆卜卜。而個涼瓜牛肉飯好入味，啲涼瓜唔會有苦澀既味道，個仔都食到，牛肉又唔會好硬。個仔既意粉，同我細時食既味一樣，好懷念，啲扒味道口感都剛剛好，最緊要系個仔鐘意食又岩哂佢食。凍檸茶茶底好。

大件夾抵食就係講呢到，除左湯多飯多，餸都多，個碗都特別大過人，性價比勁高。小菜套餐奉送例湯🥢青紅蘿蔔豬骨湯🥢🥢咖哩牛腩煲🥢 $76好耐無食過咁正既港式咖哩汁撈飯，有磨粒既乾香料渣勁香濃又有texture，忍唔住食哂成碗飯。牛腩大件多到..好似唔多見有薯仔🥢魚香茄子🥢 $60條條茄子炸到熟，好油但好香，醬汁稠密，鹹魚香超下飯，不過我就唔喜歡成日食到d薑絲。🥢豆腐火腩🥢 $62層層肥肉相間既火腩肥瘦剛好，豆腐外皮煙韌內裡滑溜，唔知係味食左果2樣太濃，顯得呢個味道清淡左d

今日去交收完。唸住近近地去食個早餐。估唔到係一場惡夢、個公仔面係正常！但其他就有。。。垃圾摷出黎既煎蛋同發霉既包！仲要我同個樓面講塊包發霉wor。。佢一句唔好意思都無。。。粒聲都無羅塊包就走！到底係我要求高。。定呢間野無要求？！

去紅磡逛街，找間茶記歇腳。經過 #黃埔奇妙坊 #祥榮茶餐廳，見到餐廳玻璃門貼上餐牌嘅食物種類多，餐廳光猛而且地方寬敞，入去進餐，坐在卡位座位舒服。享受港式茶餐廳風味，必點炸雞髀🍗同埋花生醬西多士🍞，乾炒牛河🍝，公仔麵。#下午茶餐 雞脾配西多士 $37雞脾好大隻而且外層香脆，雞肉嫩滑，啖啖肉。配埋金黃色嘅西多士，外脆內軟，切開面多士聞到裡面香噴噴嘅花生醬，點上蜜糖漿，真喺無得輸豬頸肉及餐肉米線 $36豬頸肉落鑊煎香，午餐肉喺厚切，米線煙韌，感覺好正雞扒五香肉丁麵 $36雞扒香嫩肉滑配上香辣嘅五香肉丁，公仔麵有茶記嘅風味乾炒牛肉河配中湯 $56乾炒牛河炒得好夠鑊氣又夠乾身，牛肉嫩滑，河粉香滑。送上中湯喺花生雞腳湯好足料，有雞腳、花生、瘦肉檸檬可樂 (加 $8)冰杯內有3片檸檬，自行倒入可樂，容易保持可樂嘅汽雜果賓治 (加 $8)呢杯飲品夠晒港式feel，雜果及糖漿已加入冰杯內，自行倒入芬達櫈汁，兒時喜愛嘅飲品

喺黃埔行完街已經兩點幾，想食個tea。行到去黃埔天地，見有間茶記「祥榮餐廳」就入去試下。我地一行四人各自嗌左一個下午茶餐share黎食，分別嗌左「咖喱牛扒飯」、「豬扒包」、「乾炒牛河」和「海南雞飯」。咖喱牛扒飯咖喱同飯嘅比例剛好，咖喱汁送飯一流！牛扒夠入味，配埋咖喱一齊食重正！咖喱唔會太辣，啱晒香港人嘅口味。豬扒包好大個！包本身搽左牛油，上枱時重熱，外脆內軟好香。豬扒幾厚，啖啖肉，配沙律醬同生菜同吃，是款絕佳下午茶之選。乾炒牛河唔會太油，夠鑊氣！海南雞飯正價係$62，下午茶只係$40咋，😱好抵呀！下午茶重有熱飲送！海南雞飯雞肉嫩滑，點埋旁邊嘅醬汁食份外滋味😋。埋單唔使$200，非常抵食！總括黎講，呢間茶餐廳價錢實際，可以稱得上為「黃埔飯堂」呀！👏🏻👍🏻

女兒放假去咗黃埔行街，晚上叫埋我同老公過去一齊食晚餐，女兒一定會去由細食到大嘅祥榮餐廳，已經幫襯左20多年，餐廳嘅食物質素依然高質，街坊價錢，大大碟好抵食，唯一改變就係裝修靚咗。中西餐所有主要都送餐湯，揀咗白湯，即係忌廉湯，大大碗味道都很濃郁。西芹鮮魷配白飯：鑊氣十足，鮮魷爽口唔靭，西芹亦爽脆冇渣。福建炒飯：材料鋪滿飯面，顏色鮮艶又足料，有蟹柳、肉粒、菇粒、蔬菜粒等，口感爽口，飯底用蛋炒過，特別香口，加上芡汁味道濃郁順滑，啖啖都十分美味。干炒肉片河：這道菜外觀色澤油亮夠鑊氣，肉片入口滑嫩，河粉爽滑，加些辣醬更可令味道提升。餐飲亦有優惠，熱飲只需加5元，凍飲加8元，特飲加12元。紅豆冰奶味香紅豆林甜。凍咖啡香濃美味！

9 0 後 的 味 蕾 香港美食最大特色就梗係茶餐廳，紅磡出名茶餐廳開到通街都係，住紅磡呢頭有時唔知食咩，就會搵間茶仔衝入去。.今日經過見到呢間茶餐廳餐牌都有好多選擇就入左去填肚，呢度無論環境、嘢食、員工都有茶仔風味。.餐牌款式都好多，有普通常餐、鐵板扒餐、小菜、炒粉麵飯、湯麵公仔麵、蒸魚都有，有時諗唔到食咩，呢度應該幫到你，總有一款中心水。.我哋一人叫咗一個餐，每個餐都有跟一個湯，白湯/羅宋湯/中湯自己揀。.叫咗個鐵板扒餐，跟咗個餐包，中湯材料都足，兩碗都有雞腳。小菜叫咗個帶子炒西蘭花，帶子炒得啱啱好幾爽，西蘭花都爽口，廚師應該落咗唔少油，令到碟菜上枱賣相令立立。蒜蓉汁牛扒，茶仔嘅扒餐出名多汁，滿瀉咁滯，牛扒都薄身唔韌加咗$10要個沙律，有切粒水果、青瓜等等，沙律醬鋪到滿晒！

屯馬線開通真的很興奮，去黃埔探朋友也變得很方便，連去紅磡黃埔天地奇妙坊也只是2分鐘地鐵站距離。.我叫朋友介紹一間地道的餐廳，他帶我去這間祥榮餐廳，是一間很正宗的港式茶餐廳。入面好大，有很多座位，坐得不會逼。.點了兩個小炒套餐，送餐湯有白湯紅湯及中湯3款選擇，今日的中湯是青紅蘿蔔豬骨湯，清甜滋潤。.蝦仁炒蛋 $62 - 炒到有鑊氣，蝦仁炒得爽口，雞蛋份量好多，一個人絕對食不完。份量好足，難怪成為受街坊歡迎的茶餐廳。XO醬茄子牛仔骨煲 $90 - 惹味之選，XO醬炆得很入味特別是茄子，煲仔熱辣辣，配飯食正。有不少牛仔骨，啖啖肉，又有洋蔥、冬菇，豐富的煲仔菜。香茅雞翼5隻 $40 - 有五隻雞翼及兩篇青瓜組成的笑哈哈，真心茶餐廳有這種情調，難得難得。.見到有很多街坊在食晚餐，大家談天說地，店員不會趕人走，茶餐廳而言都真的算很不錯。