碗屋 (已搬遷) 新店位置

Couldn't believe that this restaurant can offer such a delicious Japanese food for this kind of price!!I had invited lots of my overseas friends & colleagues dinning in this restaurant, they love the food so much!Highly recommend, a must try Japanese restaurant in HK!!But one thing I need to point out is that the environment is just so so, don't expect it's luxury, but at least it's clean & tidy.

上星期五因為男朋友生日，而且佢鐘意食日本餐．所以棄ｓｏｈｏ區，選碗屋試一試！BOOK左台，八點半先到，座係吧台，我見侍應比單同出食物都好快，服務態度唔錯，全部侍應都好笑容！先打開Manu，佢有LUNCH放題，火煱放題等！佢最後兩版就係我地“週末放題”每人先一人一個頭盤：鹽焗海螺（果舊鹽唔知點食定裝飾？）或焗大蝦（無鮑魚）當我地諗緊食乜時，佢都主動幫我地落左一個刺身拚盤！三文魚刺身好厚，甜蝦同赤貝刺身超正呀～我再點左薄燒牛肉，燒帶子，鹽燒大蝦，鵝肝（我食完再叫左二次，正），蠔同野菜（得蕃薯）天婦羅，軟殼蟹樣樣都好味！蝦天婦羅-粉唔厚, 蝦新鮮芝士年糕，無乜芝士味，一般炒雜菇-味道可以，可能因為二人份量，菇少油多．我最後食多轉甜蝦同赤貝~~~芝麻雪糕沽清，所以食芒果，好有芒果味，唔錯好飽好滿足，其實好多都重未試晒！總括：都好好食，$278加一，唔係好貴．我會再去～～

有日放工同同事去「碗屋」.因為係成team 去食, 有成三十幾人, 分3張台.個侍應服務態度真係好差, 只要你台上仲有o個樣食物, 佢都唔多會俾你叫.本身我o地張台有6個人, 樣樣o野都叫6件;有多兩個同事唻, 佢o地一叫我o地叫過o既o野...個待應就話「佢o地頭先叫o左啦!」OR 指住張台+ 話「呢度咪有囉!」o下! 任食喎!?同o埋佢一發現你台面D 魚生清得慢D, 你再叫幾多都唔會出俾你.我o地要清o埋最後一塊, 佢個3 客雜錦刺身先突然出返唻.講真, 我o地食唔晒都仲有兩台人呀~除o左茶之外每人會送一杯o野飲, 我o地成台10個都叫熱柚子蜜.我差唔多未飲過, 個侍應居然走過唻話︰「你o地D o野飲可唔可以飲快D, 我o地唔夠杯.」O 咀, 我同D 同事講不如叫佢收o左我杯茶算啦~講真, 有D 侍應都幾好人. 但個無禮貌o既係serve 我o地個台, 無晒乎~講返食物, 真係幾好!!三文魚刺身- 好厚, 食落香甜, 正!赤貝刺身- 同事話好爽甜, 我剩係覺得好爽.希靈魚刺身- 肉firm, 彈身, 夠味! 劍魚刺身- OK, 但我唔特別鍾意食.蠔天婦羅- 我本身唔食蠔都食o左兩隻

因為好多人都話好食,所以10月份既時候就黎食!覺得都幾好食,但係就無其他人講到咁誇張,不過,如果黎食,一定要擇一至四,因為個火好正!!

o黎過幾次都係食晚飯，周日同周末既放題都試過。周日放題既食品種類好多，火鍋、鐵板燒、刺身等一應俱全。侍應通常都會建議黎個刺身拼盤先，d刺身好新鮮；燒羊鞍、厚燒薄燒牛肉和燒銀鱈魚非常美味；其他食物的質素也十分不俗﹗多次來吃均坐無虛席，可見口啤很好，但也稍為吵了一些。侍應雖然全都很趕忙的樣子，但服務態度算不錯，畢竟太多人客~上菜的時間非常快，喜出望外。連加一每人約$300元，物有所值﹗

久聞在豌屋食lunch的規矩好嚴，夠鐘點求情俾double都照踢客走，以為Ｄ野食好掂所以先至咁多客，點知... 真係「好驚奇」。Order了Set Lunch的饅魚飯，好多骨，不過無乜所謂，大件事係個沙律！！！一入口，忍不住驚呼「咩黎架?」。恕我無知，這生人只吃過柚子醋沙律，也吃過士多啤梨沙律，但從未吃過橙「汁」沙律，是貨真價實的「橙汁」！友人的前菜（照片左上）是.... 登登登.... 菜心！牛肉的份量倒是沒欺客，夠多。下次會不會試到，可樂白飯，加糖普洱，鹹蛋朱古力......

今天是父親生日。我和父母三個人到碗屋吃晚餐。原來平日和週末的菜單是不同的。我們點了很多食物和一瓶大清酒。所有食物都令人滿意，尤其是希靈魚和羊胺。

聽人講碗屋好好味，結果今晚Book到去試，一試之下，已經唔可以再食另一間日本菜，有刺身又有爐端燒和鐵板燒，款式共有50款，佢D刺身新鮮到不得了，令人回味無窮，大家必試厚燒牛肉、燒大蝦、鐵板燒飯、燒蕃薯、野菜鍋、芝士年糕、鹽燒雞亦、鵝肝..... 嘩！多到不能盡錄。

I have been there several times for lunch, once finsh before 12:45 when there is 40% off discount. After discount, I think the price is more reasonable. Sashimi is ok fresh but each piece is as thick as pork. Service is slow, hard to get a waiter to re-fill green tea. Without the discount, I strongly advise you all not to go because the quality does not live up to the $150 set lunch price + 10% service charge.

即日才訂位, 竟然有位. 2位吃得下:- 魚生刺生併盤: 魚生是靚貨, 不會將貨就價- 帶子, 赤貝, 北寄貝刺生: 吃了併盤還不夠, 再點. 帶子新鮮美味, 再點一客.- 鹽燒大蝦: 蝦大但不爽- 燒帶子: 大大隻, 點了6隻- 蠔天婦羅: 炸得美, 蠔靚- 鵝肝: 太美味了, 2個人前後吃了10隻- 鐵板燒飯: 不是一般的炒飯, 是真的鐵板燒飯, 很香. 卻很少食客懂欣賞- 厚燒牛肉: 用靚牛, 必點- 燒羊胺: 跟牛一樣, 必點- 炒菜/ 炒姑: 回吃一點菜平衡- 三色豆腐: 有海膽的豆腐, 豆腐夠滑, 也是很少人懂點的好野- 海膽/ toro手卷: 手卷細細, 紫菜脆- 三文魚鮫: 失色, 不用點- 仲有雪糕, 汁燒帶子和鮑魚這兒的日本自助餐, 比同級的酒店自助餐好得多了.

成日聽日講碗屋d野好食, 好難book枱。所以決定提早一兩日book 枱食lunch，試吓係咪咁好味今次我同朋友叫咗厚燒牛柳粒同Tempura set。兩個set都有魚生(但Tempura set 個魚生份量多好多, 不過唔算好新鮮) 、沙律、白飯，份量一般。可惜兩個主菜都唔係咁好食，Tempura好油, 表面好厚粉，而個牛柳粒超”un”，都唔知自己食緊咩。其實係中環比佢好好多既日式餐廳大把, The Chxx 同sushi xx 都好佢好多. 環境/服務由於被安排坐係間房到(荒島!)，想搵個waiter/waitress就要打醒十二分精神望住個門口，如果唔係有排你等。

媽咪好朋友上幾星期請媽咪食個碗屋之後,媽咪就好想再去,為食的我一定要一齊去啦~嘩~有50款日本菜任食呀~~~正~~刺身好正呀~我食咗好多甜蝦同赤貝,好甜好正呀~厚燒牛肉,申燒雞翼,雞軟骨,燒帶子,鹽燒大蝦,鵝肝,蠔天婦羅,冷麵.樣樣都好味~最好係牛肉同冷麵~每人有一個頭盤有:鮑魚一隻,唔知咩鹽焗海螺,兩個人一條池魚刺身,頭盤次次唔同.我地3款都要晒,最好味係鮑魚,海螺一般,池魚好麻麻呀~唔鮮甜,仲聲聲地.薄燒牛肉都好正,好香,好味道,海胆手卷細細個好正,食幾次都得~hehe~羊胺都好好味,唔太蘇好有肉味,燒銀雪魚好正好香甜,三色豆腐ok啦,軟殼蟹都唔錯~~~我地食咗31款野食......好飽呀~細佬你仲食到冷麵同炒飯.好野~我都要食多轉甜蝦同赤貝先~~~食果時就好好味.不過~~~~第日我,細佬,同媽咪都腸胃炎呀~不過為一一個人冇事就係佢冇食生蝦刺身(我最愛的),所以佢冇事.....不過我地三個就........原來夏天食生蝦真係唔係咁安全的..........我以後知道了,唔會食咁多了.總括來講都好好食,$278加一,$300一個人都唔係好貴.值得去的.

在他跟我一起的最後一個星期六, 跟一大班他的朋友在這裡farewell, 日式放題還是第一次。他跟這裡的waiter很熟, 大家有講有笑,好nice。先說魚生, 基本上每樣都新鮮, 但最impressed是希靈魚,第一次吃,感覺很新鮮,酸酸的,食完之後很開胃的說=] 呢個一定要order呢..!!還有海膽小手卷,雖然不能跟日本的相比,但還不錯呢~鐵板鵝肝嘛,不能不試,那天吃不停口!呀..還有燒金芋呀..好香口..但不能吃太多..因為會好飽架!那晚我不是吃了很多,看見他吃得開心就夠了..其實還有很多食物,但畢竟是四月的事,事隔數月,很多也忘記了..

學精了, 來之前定必查看OR, 見近來此處食評不錯, 特別與老公過海來吃個痛快。因知道不能趕於12:45前結帳而享受6折優惠, 於是決定豪少少吃$278/位的午市放題; 可惜換來的是四星級收費、三星級水準。個人認為食物款式不夠多, 只有50款, 很多其他放題餐廳的食物種類過百款, 因為不是對每款都有興趣, 變相選擇少了! 刺身種類尚可, 奈何沒有吞拿魚供應, 新鮮度滿意卻又未至於驚喜重重。蝦天婦羅不是新鮮蝦、鐵板燒厚切牛肉不夠肉汁、三色冷豆腐不夠嫩滑、附送的原隻冷鮑魚及螺肉似乎無甚特別……印象中沒有哪一樣令人回味無窮。服務方面, 水準不夠穩定, 某些女員工未算殷勸之餘笑容欠奉, 當食物剛上檯時人已轉了半邊身走, 是她很忘還是我要求嚴格?! 亦見另一位在牆角打呵欠因此聽不見我們示意要點菜……此刻, 我們只感覺到身處茶餐廳或快餐店而不是中環區高級食肆! 不得不提, 好一間高級日式餐廳竟不是供應正宗綠茶就有點兒那個了! 是日最精彩之處就是附送的甜品-- 芝麻雪糕, 非常香濃的芝麻碎粒滿佈整球雪糕, 很有口感且甜度適中, 太美味了!!! 不過, 我相信不會為了這球雪糕而再來吧! 可能我們對之前

4/8(六) 6pm第一個生日飯局,家母作東.遺棄倒"日"的兄長,一行四人預訂了享負盛名的碗屋.週五及週六的任食價位為$278,比平日多收$20,分別在於是晚沒供應火鍋.準時抵達,格局較坊間的任食館子闊落,坐進和風味濃厚的廂房,不消半句鐘已高朋滿座.接待員於電話內已事先告知我們需在時前騰出座位;因此,我們二話不說沒休止地點菜,水準是喜出望外的高!推介如下:刺生:三文魚,劍魚,希靈魚,帶子及飽片.冷吃:三色冷豆腐,蟹子沙律.手卷:海膽小手卷.熱食:鐵板鵝肝,鐵板鰻魚,燒秋刀魚,西京燒銀鱈魚,吉列豆腐,燒大蝦,燒羊鞍,燒雞軟骨每人奉送一客的日本鮑魚,焗海螺及天使蝦均屬上乘貨色!反應快且體貼的侍應是我吃過的爆場店少見的;果然是一分錢,一分貨,附送多一分優質服務!大快朵頤的日式任食!