碗屋 (已搬遷) 新店位置

Like銀雪魚的人士一定要食佢呀，真係好肥美及鮮甜，我一共食左3客！！唔蘸沙律醬係品嚐佢嘅正確食法，否則會喧賓奪主呢！銀雪魚，餐餐都有妳就好啦！依家睇住相先…另外推介野菜鍋＆燒金芋，正！

係人都book位很難, 大概要提早兩個多星期, 才有用.如果book位的老友, 記住早點去, 因為師傅會一早出d特色的東西, 送完就無, 我地平時落去, 送帶子, 鮑魚, 螺肉, 但有一次師傅就話送一隻半隻手禁長的大蝦,足足我半隻手長, 他說剛剛來貨, 貨量有限, 送完就無, 鹽燒加介搽汁, 味道一流, 一開始就來引發客人的食肉, 於是之後的任食放題, 我大吃一頓, Well feel

情人節真係一個好難搵位的節日又遲左預備, 但係雖然遲左book 係waiting list最後都等到布位同我女友去食首先, 環境雖然不是華麗, 但尚算不俗再論服務態度真的不錯order 野食很快就有當然很多魚生的東西, 在節日當日都是預先切好的但是三文魚的味道也不錯, 所以我和女朋友也order了兩次燒羊鞍: 好好食薄燒牛: 好好好食厚燒牛：好食燒帶子: 好大粒, 好食燒蝦: 都正壽司都唔差仲有其他魚生都唔錯有酒店的水準值得我再去的地方最後, 我同女朋友食到來好飽好飽先走好美味

如果曾經在中環(長江中心) 一帶上班的一族都知道. 呢度真係想揾啲野食都好難. 一係就好遠, 一係就好貴, 再唔係就等到你發呆.是日在這裡訂了枱食晏, 曾試過提早一日都冇位.... 這次叫了牛肉簿燒set, 而另一位一兄叫了sushi set, 個牛肉都ok 啦, 但係個人而言同一價錢我諗exchange sq 2 期那一間好食一點. 但係呢個set 有埋sashimi, 都可能叫抵番既. 人兄的sushi set 就好像很豐富, 海膽同吞拿魚腩都有!!!! 但我只有望的份兒.....>.<

終於跟babe吃到碗屋all you can eat了!作為今年是團年飯，一定要吃好的。吃過多次碗屋的午餐，水準實在不錯，所以心思思想吃放題好久了。星期六六時多入座，有約五十款食物任點任食。刺身:有九款，推介海螺、帶子、三文魚、北寄貝和劍魚，好新鮮! 一次過叫九款的感覺實在太好了小手卷:海膽(尤其出色)、吞拿魚厚燒、薄燒牛肉- 皆juicy，喜歡薄燒多一點炸物:炸蝦、炸蠔、蝦天婦羅、野菜天婦羅鍋物:野菜鍋，有冬菇、黃牙白、菠菠、粗粉絲，吃後覺得很暖和燒物燒栗米- 不會不好吃的鹽燒雞翼- babe不停吃不懂分類:鵝肝- 煎得好香，配餅乾一起吃煎銀鱈魚- 好滑鐵板鰻魚- 好香口鐵板帶子- 幾好鐵板炒雜菜- 主要是芽菜，有點椰菜，不過味道有點苦三色冷豆腐- 凍豆腐夾魚子和魚蓉，很特別蒿麥冷麵- 好冰凍，sauce好味咖哩烏冬: 彈牙!另送(一人選一款): 大帶子:真的頗大，不過不太鮮味鮑魚:沒什麼味道雪糕:我們都要了綠茶，好滑，很滿足! 服務很好，常加水，幾乎沒有漏單。座位有點擠，可能是因為冬天吧。不過太好吃了，沒計喇! 好開心!!!

尋日係我哋公司Annual dinner, 我哋簡咗碗屋, 唸住試吓啦。原來比我想像好很多。雖然HK$328, 但如同一些酒店buffet 比較, 呢個價錢算係扺。值得推介食物: 三文魚剌生、帶子剌生、赤貝剌生、燒鮑魚、燒薄牛肉(juicy)、海胆細卷...

星期六去食book左枱去到都要等一陣~一坐低就幫你order左個刺身拼盤先(果然係好新鮮美味),仲有頭盤每人一份(有帶子,鮑魚同埋螺選擇)大家都簡左帶子(係好大粒),跟住有50款小食,刺身任選...特別推介有鐵板燒鵝肝(有麵飽底),鐵板燒鰻魚(脆皮),薄燒牛肉(好juicy)...其他都好好味呀...下次去試埋火鍋先!!service都好好,係有少許漏單,待應都好nice!

對於在皇后大道中頭段的上班族來說,每次要外出到附近吃午餐,是很頭的事.一來選擇少,二來很貴.我不是這兒的常客,因為即使有DISCOUNT也差不多$100PER PERSON.不過,以新鮮的SASHIMI,較大的份量,兼距離公司較近的食店來說,便很吸引.以多過半年沒有光顧,水準依舊.特愛SASHIMI SET LUNCH,SASHIMI鮮美.而且每個SET的份量十足.另推介薄燒牛肉SET,牛肉JUICY又夠牛味.每次在這兒吃餐都捧著肚離開.唯一缺點是要在12.45前結賬才有6折優惠.而且環境較迫,待應招呼真的很一般(有時蠻差).

話說１月４日去食ｌｕｎｃｈ，坐下來食野，咁打算拿多一個我唔知個個叫乜野汁啦．．．．咁我問個女侍應啦．．．可唔可以比多一個這個汁．．ｔｈｅｎ，她就話：下，汁．．乜野汁呀．．火煱汁呀．．我覺得勁串ＬＡＷ．．．咁可能真係太忙啦．．．搞到個人火火地，不過其他同事都幾好．．ＮＩＣＥ走個陣都會同你ＳＡＹ　ＧＯＯＤＢＹＥ

已第二次o黎呢間餐廳, 第一次係禮拜四. 各方面都好好, 所以平安夜再o黎一次....但原來禮拜一至四同weekend 個menu 有d唔同. 雖然都係放題, 但係weekend 無shabu shabu o架...得50款食物選擇. 我地一行六人, 我地仲諗緊想食乜O既時候, 個waitress 好醒目咁話不如幫我地order 一隻刺身船先.刺身船一d都唔馬虎, 有三文魚, 希靈魚, 帶子, 蝦, 劍魚, 北寄貝....新鮮又大碟.另外, 天婦羅, 炸蠔, 沙律, 鐵板薄牛, 鐵板蝦, 鐵板帶子, 海膽手卷仔都相當好.最後, 唔知係咪平安夜o既關係, 有得抽獎(有9折, 8折同安慰獎). 但我地只抽到安慰獎-> 貓仔每人一隻.過了一個非常開心o既平安夜.

今晚係食鐵板buffet，分兩個時段，6:00pm & 8:00pm。我就食6:00pm，因為太遲book。而就因為太遲book，所以要座bar 檯，對住鐵板，好大煙，但係唔熱，都算ok。食物唔錯，味道幾好，但係因為座係鐵板前面，見到佢落好多油，感覺唔係咁好。一坐低，就同我講上刺身，因為係包左，咁就上啦，都ok 喎，仲以為佢做開buffet，其他野就唔好食。之後就之即叫鐵板帶子，鐵板蝦，好食，但係帶子太大粒啦()，好飽肚。跟住就叫鐵板厚牛& 薄牛，雖然覺得無酒店咁好食，但係口感都ok，唔係和牛，都整到咁好食，真係好好架啦。其他食物都無乜特別啦。到差不多完，有抽獎，雖然唔係d 咩野，但係好有氣氛啦，因為d 員工好好態度，感覺好好。整體都幾好，價錢算貴左小小，但係香港好多地方好差，所以有咁o既質素，真係好感動架!

人數: 4人日子: 12月25日聖誕當日去，有假日任點任添自助套餐。食物種類算適中，而食物質素係香港自助日本料理黎講，算中規中距，味道水準不是太過突出，也不是太過差；刺身方面，不是太有鮮味，而其它熱身，味道也香口，適中。總括而言，食物方面，未見突出，但水準平均。不過服務質素則比較參差，個別侍應態度較差。

前兩日, 有朋友牛一, 大家三五知己約埋出黎吹水食野風花雪月, 岩岩好10個坐夠一'木台', 唔使同人迫.呢間其實之前食過一次, 上次食爐端燒, 食過番噚味, 今次再番追呢樣野, 今次因為多人既關係, 叫左好多刺身, 雖然價錢唔叫平, 但比起其他地方又唔叫貴, 食得過! 再黎呢間野既原因主要得一個, SUPERB FOOD QUALITY! 佢既質素比起同類鋪頭叫VERY GOOD, 不過要扣分既係佢地既POOR SERVICE, 因為真係要好長氣好有耐性佢先會黎得齊野, 問多佢少少野又會比人申2句, 呢樣係扣分最多既地方.如果要再黎, 希望佢改善到佢地SERVICE, 同埋KEEP住食物既水準.

早些時間有親戚來港遊玩，我們一行十人，家人已預早訂枱試一試這裹著名的食の放題，周末時段有很多客人都預先訂枱，我們被安排了坐鉄板燒的吧台，這裹也是一間獨立的房間，很有日式風味，但卻怕吃到一身油煙味，幸好抽氣系统很好，比想像中好很多。周末沒有火鍋供應，但仍有五十多種各式食品供應，非常豐盛，食物有刺身、壽司、天婦羅、鉄板燒、煑物、拉麵、鍋物、甜品、湯和雪糕等選擇，多到不能盡錄；侍應建議先來一客六至七款的刺身拼盤再慢慢挑選食物，剌身有甘蝦、三文鱼、劍魚、吞拿魚、希靈魚、海膽、魚等等。五十款食物，我都先後嚐遇四十多味了，推介的食品有鹽僥大煆、所有刺身、鉄板炒飯、緣茶雪糕等等，其實我對全部都很滿意，雖然絕不算平宜，但在中環區吃這麽高質素和份量的正宗日本料理食の放題，實在很值得吧！日後都一定會再跟朋友來吃的！Oiesi !!! 誠意推介！

除左有好新鮮嘅魚生外,仲有鐵板燒、shukiyaki、麵、粥等等....太多選擇,飽到根本都食唔晒d款式,我好鍾意佢地嘅金菇牛肉卷同shukuyaki,真係好好味呀!每位奉送帶子、螺肉或鮑魚,帶子同鮑魚都唔錯,而螺肉就麻麻啦!到最段仲每人送左個雪糕,我地都揀左芝麻味,d芝麻好濃好香,好似食緊芝麻糊咁,真係好正呀!