石鍋堂

营业中

休息中

喺上網見到呢間餐廳好似幾吸引緊諗住入去食啦，咁我同女朋友都有少少想去廁所咁就睇Menu嗰陣就好聲好氣問一問門口個店員問吓有冇入面有冇廁所，諗住嗌完嘢食去咗廁所先。點知個店員一句，一句答埋你就話「梗係有啦，如果唔係點吸客啊」即刻唔想入去食

放工心血來潮想食烏冬，網上見到石頭鍋好似好吸引，即刻試！好高質，味好好！唯獨職員感度麻麻地，全程黑口黑面，比tips 多謝都無句🤦🏻‍♀️可能我一個人食，單頭位要搭枱，都無所謂嘅，但明明果時仲有一半吉枱，點解要喺本身已經細嘅枱再放多塊板喺中間呢？我個位即時又迫又細，好似想趕人走咁款，呢樣有啲失望，都唔知比唔比第二次機會

旺角一帶一向出名熱鬧又多美食，今天我們就來到一間非常有特色的石鍋專門店——石鍋堂。餐廳位於旺角鬧市，位置非常方便，主打石鍋烏冬、石鍋飯等等。餐廳雖然不大，但位置都坐得舒服，而且餐廳的裝修很有日本風味。我們點了石鍋鮮活蜆魚介豚骨濃湯烏冬、燒牛仔骨牛舌石鍋飯和石鍋堂照燒雞扒。石鍋鮮活蜆魚介豚骨濃湯烏冬餐廳採用新鮮的活蜆，肉質非常的鮮甜，而且蜆肉很飽滿肥美。用石鍋呈上的手法，整個菜式熱辣辣的非常惹味。魚介豚骨濃湯非常可口，魚介的香氣撲鼻，再加上豚骨濃湯的鮮香。兩者搭配在一起非常好吃。烏冬烹調的縮到剛剛好，軟硬度適中，很好吃。值得推介！燒牛仔骨牛舌石鍋飯同樣是熱辣辣的上菜，牛仔骨牛舌的牛香味洋溢，牛味非常的濃郁。而且牛仔骨還能夠保持嫩滑多汁，非常的美味。石鍋飯有金黃色的飯焦，非常的香脆可口！最後是石鍋堂照燒雞扒，只要$38，但是份量非常得多。而且照燒的香味很濃，非常的美味性價比很高！整體而言食物的性價比很高，推介！

石鍋堂店子不大，但是排隊的人卻很多，人氣好旺盛先選擇烏冬或飯，再選擇湯底，價錢會因應所選湯底而有所不同。我們決定要烏冬😆，貪佢夠暖胃。鮮活蜆石燒手打烏冬和厚切豚肉石燒手打烏冬，選了黑蒜油豚骨湯。端上桌時，立即聞到了黑蒜油豚骨湯的香氣。鮮活蜆石燒手打烏冬 $86烏冬的口感很有嚼勁，而湯底的味道非常濃郁。蜆的鮮味和烏冬的味道完美結合，索湯的烏冬更好吃，因為它們能夠吸收更多湯汁，讓味道更豐富。厚切豚肉石燒手打烏冬 $74豚肉的口感非常嫩，肥瘦均勻，黑蒜油豚骨湯的味道滲入了豚肉，為豚肉嘅口感味道加添層次。

喳喳聲的石鍋烏冬石鍋堂-看到這麼多的食評讚好，一於試試，果然食評不是亂吹，的確真實。同車仔麵的落單方式，點了個蟹棒青瓜沙律做個前菜沙律醬份量適中，正正常常簡簡單單的沙律，做到前菜的角色。點個黑松露帆立貝作小菜，本身燒帆立貝已經夠好食，加上黑松露同燒汁，又香又熱又甜，多種感受。到主菜，喳喳聲的安格斯牛肉石鍋烏冬，聲音非常令人興奮，生的牛肉，番一番就熟了，牛肉份量充足，大大碗，頂部有些蝦米，令碗烏冬不太單調。

平時行過見咁多人排隊， 所以水咗朋友陪我食。 今日試完差啲要洗腎， 石窩烏冬個湯勁咸， 真係搞唔掂。朋友要咗個咖喱底嘅，我就要咗個黑蒜，兩個都偏咸。但黑蒜個味唔太出。烏冬係好食嘅，份量夠， 都足料。 係個湯做咸，食完真係要飲番幾升水洗洗胃。今晚仲叫咗個黑胡椒煮花甲，啲花甲大隻應該係新鮮嘅，但可惜佢冇吐乾淨啲沙，食落索索聲。但湯飲落同黑蒜個湯底差唔多無乜黑胡椒味。🥹🥹另外都叫咗兩款串燒，燒帶子同埋燒牛舌 … 不過不失

平日夜晚去咗呢間喺旺角嘅石鍋堂食烏冬😳就算係平日夜晚呢間店都要排一陣 大概15分鐘左右😆 呢間啲烏冬全部都係用石鍋上 熱辣辣好好味🔥🔥▫️安格斯牛肉烏冬 黑松露湯底黑松露香湯底係勁香 再加上有少少牛肉味嘅加持 我覺得兩樣嘢係好夾💕▫️照燒雞扒烏冬 配黑蒜油湯底黑蒜油湯底就偏向濃味少少 個雞扒好好味 我自己好鍾意食日式照燒汁🥰另外都想讚吓，我覺得呢間餐廳嘅服務態度好好呀❤️價錢又唔貴 好值得嚟食😚😚😚😚

我同我老友都係烏冬迷，可以話係食烏冬多話食飯🤣聽講呢到手打烏冬都唔錯，終於同個大忙人夾到時間黎試下！！！🛎 $102 燒鰻魚石燒手打烏冬 黑蒜油豚骨湯既然叫石鍋堂，就必定要試下個石鍋烏冬吧😏石鍋上台時係冒曬煙+啫啫聲，非常夠熱🔥冬天食一定超舒服有5款湯底揀，我地就試左黑蒜油豚骨湯～濃濃既蒜香撲鼻而來，而豚骨湯既基底飲得出厚厚既骨膠原👍🏻燒鰻魚好大條，而且好厚肉😳肉質淋滑，無骨，可以好放心咁大啖大啖食！🛎 $84 雪國冷手打烏冬 配冷麵汁、汁燒牛仔骨、吉列豬扒呢到既手打烏冬真係幾煙韌😝凍食甚至更彈牙～冷麵汁夠凍，仲有昆布醬油香味如果配料只揀一款就$68，兩款就$84，性價比幾高😳同朋友咩都想試下就揀左兩款汁燒牛仔骨好淋😍好易咬開，牛味亦幾濃而吉列豬扒亦都好香脆，唔會覺得好油🐷 沾埋沙律醬食就岩岩好👍🏻份量好多，男仔都覺得夠食🛎 $14 OOHA 白桃烏龍茶🌐 環境/服務晚上客人都幾多，可能要排隊不過都好快有得入座👍🏻店員有禮，亦好幫得手

聽講石鍋堂手打烏冬好好食，嗰日路過見有午市有優惠就行咗入去試。牛肉餃子烏冬 $52烏冬口感彈牙, 配豬骨湯一流餃子好足餡料，大大隻咁幾抵食。除咗餃子仲有牛肉, 性價比高味道: 8/10

今晚來到旺角通菜街一帶購物，見「石鍋堂」人流興旺，便入內嚐嚐。店子不大，日式裝飾。餐牌上主要都是不同款式的石鍋飯和烏冬，烏冬湯底還有多種選擇。“蒲燒鰻魚雞扒石鍋飯”，一鍋熱騰騰的鰻魚雞扒飯，特別香。鰻魚鮮嫩多汁，雞扒也不錯，飯底微焦，非常香脆。“海鮮石燒手打烏冬（魚介豚骨濃湯）”，滾住上菜，熱度十足。海鮮材料豐富，有大蝦、蜆、蠔、鮮帶子等。大蝦鮮甜爽口，蠔又鮮味，加上非常可口的濃湯底，又爽又滑的烏冬，簡直完美，是這裏必食之選。這裏的石鍋以味道取勝，晚餐時間座無虛席，受歡迎程度，可見一斑。

咁啱去到旺角食嘢，今次我就選擇咗一間喺旺角都幾受到推介嘅餐廳享用晚餐。呢間餐廳係出名食石鍋系列為主，當中都有好多唔同款可以選擇。厚切鵝肝野菌石鍋飯既然嚟得石鍋堂，就一定叫食佢嘅石鍋飯。一送上枱真係好澎湃，成個飯都出晒煙，確保食嘅時候都仲熱辣辣。鵝肝嘅份量好多，口感綿滑，帶有油脂嘅香味。鍾意食飯焦嘅話，就適合叫石鍋飯啦！石鍋堂照燒雞扒照燒雞扒好有驚喜，雞扒好大件。照燒嘅製作方法令雞扒變得水潤，雞扒口感嫩而滑，醬汁嘅調味都剛剛好。唐揚炸雞4粒唐揚炸雞附上沙律醬點嚟一齊食，炸雞口感脆卜卜，少少嘅辛味都好開胃，可以一口一件確實完美。如果大家都鍾意食石鍋系列嘅話，就唔可以錯過呢間餐廳啦。

带滑蛋的饭差点没把我潮汕胃滑走…（胶地人表示真的吃不惯洋葱炒的蛋！）乌冬面还可以，跟往常不一样的 带点嚼劲吃起来挺好玩儿呀～ 最好吃也就叉烧肉（4块），汤底也是挺不错的呀

同女朋友次次行完旺角都諗唔到食咩，雖然旺角多餐廳但心水餐廳真係好少，今次佢帶左我去女人街搵食。見網上食評都唔錯，當晚大約7點左右到達都係等左大約十分鐘就可以入座，店員係您出面等既時候會幫大家落定單，所以好快就有得食可以放心。石鍋堂海鮮石燒魚介豚骨濃湯手打烏冬 $92石鍋熱湯沸騰，海鮮份量多，湯底魚介味唔太重，手打烏冬夠煙韌。蒲燒鰻魚雞扒石鍋飯 $ 86我就叫左個石鍋飯上枱時熱辣辣，jarjar聲熱氣不停冒岀，最正就係有飯焦。蒲燒鰻魚肉質厚實，照燒雞扒燒得岩岩好，皮香肉嫩但枱邊醬汁如果係照燒會更加好。

安格斯牛肉烏冬，係生牛肉上，個石鍋非常熱，反一反啲牛肉就熟，牛肉分量都多，叫咗黑松露香菇湯底，味道OK不過可以再濃啲。得罐裝飲品可以選擇，$14罐。普遍座位都非常窄，除咗入門口嗰兩枱。

中午喺旺角又唔知食咩，之後去咗間好多人喺外面等嘅舖頭仔到試吓石鍋烏冬。咁啱天氣涼涼哋緊去食啲暖粒粒嘢啦。我哋兩個人，一個就叫咗吉列豬扒黑蒜油豚骨湯烏冬，同一杯蘋果茶。令一個就叫咗照燒汁雞扒蛋包飯加一杯俾涷奶茶。 首先講吓個烏冬先，一上枱啲煙標晒出嚟。真係熱辣辣如果想暖笠笠真係要試呢個湯烏冬啦。湯味濃郁，烏冬就好煙靭，吉列豬扒就好脆，加埋個沙律汁一絕啦。 吉列豬扒黑蒜油豚骨湯烏冬熱蘋果茶就不過不失啦，都幾好飲，又買啲蘋果碎喺度。照燒汁雞扒蛋包飯另一款要講嘅就係佢哋嘅照燒汁雞扒蛋包飯。雞扒皮都好脆，雞肉配埋啲照燒汁都冇得輸㗎啦。如果想中午食飽飽嘅話可以揀呢個因為真係滿滿嘅澱粉質。飲品：奶茶（不過不失）呢間食中午飯都幾滿意