石鍋堂

营业中

休息中

我同我老友都係烏冬迷，可以話係食烏冬多話食飯🤣聽講呢到手打烏冬都唔錯，終於同個大忙人夾到時間黎試下！！！🛎 $102 燒鰻魚石燒手打烏冬 黑蒜油豚骨湯既然叫石鍋堂，就必定要試下個石鍋烏冬吧😏石鍋上台時係冒曬煙+啫啫聲，非常夠熱🔥冬天食一定超舒服有5款湯底揀，我地就試左黑蒜油豚骨湯～濃濃既蒜香撲鼻而來，而豚骨湯既基底飲得出厚厚既骨膠原👍🏻燒鰻魚好大條，而且好厚肉😳肉質淋滑，無骨，可以好放心咁大啖大啖食！🛎 $84 雪國冷手打烏冬 配冷麵汁、汁燒牛仔骨、吉列豬扒呢到既手打烏冬真係幾煙韌😝凍食甚至更彈牙～冷麵汁夠凍，仲有昆布醬油香味如果配料只揀一款就$68，兩款就$84，性價比幾高😳同朋友咩都想試下就揀左兩款汁燒牛仔骨好淋😍好易咬開，牛味亦幾濃而吉列豬扒亦都好香脆，唔會覺得好油🐷 沾埋沙律醬食就岩岩好👍🏻份量好多，男仔都覺得夠食🛎 $14 OOHA 白桃烏龍茶🌐 環境/服務晚上客人都幾多，可能要排隊不過都好快有得入座👍🏻店員有禮，亦好幫得手

聽講石鍋堂手打烏冬好好食，嗰日路過見有午市有優惠就行咗入去試。牛肉餃子烏冬 $52烏冬口感彈牙, 配豬骨湯一流餃子好足餡料，大大隻咁幾抵食。除咗餃子仲有牛肉, 性價比高味道: 8/10

今晚來到旺角通菜街一帶購物，見「石鍋堂」人流興旺，便入內嚐嚐。店子不大，日式裝飾。餐牌上主要都是不同款式的石鍋飯和烏冬，烏冬湯底還有多種選擇。“蒲燒鰻魚雞扒石鍋飯”，一鍋熱騰騰的鰻魚雞扒飯，特別香。鰻魚鮮嫩多汁，雞扒也不錯，飯底微焦，非常香脆。“海鮮石燒手打烏冬（魚介豚骨濃湯）”，滾住上菜，熱度十足。海鮮材料豐富，有大蝦、蜆、蠔、鮮帶子等。大蝦鮮甜爽口，蠔又鮮味，加上非常可口的濃湯底，又爽又滑的烏冬，簡直完美，是這裏必食之選。這裏的石鍋以味道取勝，晚餐時間座無虛席，受歡迎程度，可見一斑。

咁啱去到旺角食嘢，今次我就選擇咗一間喺旺角都幾受到推介嘅餐廳享用晚餐。呢間餐廳係出名食石鍋系列為主，當中都有好多唔同款可以選擇。厚切鵝肝野菌石鍋飯既然嚟得石鍋堂，就一定叫食佢嘅石鍋飯。一送上枱真係好澎湃，成個飯都出晒煙，確保食嘅時候都仲熱辣辣。鵝肝嘅份量好多，口感綿滑，帶有油脂嘅香味。鍾意食飯焦嘅話，就適合叫石鍋飯啦！石鍋堂照燒雞扒照燒雞扒好有驚喜，雞扒好大件。照燒嘅製作方法令雞扒變得水潤，雞扒口感嫩而滑，醬汁嘅調味都剛剛好。唐揚炸雞4粒唐揚炸雞附上沙律醬點嚟一齊食，炸雞口感脆卜卜，少少嘅辛味都好開胃，可以一口一件確實完美。如果大家都鍾意食石鍋系列嘅話，就唔可以錯過呢間餐廳啦。

带滑蛋的饭差点没把我潮汕胃滑走…（胶地人表示真的吃不惯洋葱炒的蛋！）乌冬面还可以，跟往常不一样的 带点嚼劲吃起来挺好玩儿呀～ 最好吃也就叉烧肉（4块），汤底也是挺不错的呀

同女朋友次次行完旺角都諗唔到食咩，雖然旺角多餐廳但心水餐廳真係好少，今次佢帶左我去女人街搵食。見網上食評都唔錯，當晚大約7點左右到達都係等左大約十分鐘就可以入座，店員係您出面等既時候會幫大家落定單，所以好快就有得食可以放心。石鍋堂海鮮石燒魚介豚骨濃湯手打烏冬 $92石鍋熱湯沸騰，海鮮份量多，湯底魚介味唔太重，手打烏冬夠煙韌。蒲燒鰻魚雞扒石鍋飯 $ 86我就叫左個石鍋飯上枱時熱辣辣，jarjar聲熱氣不停冒岀，最正就係有飯焦。蒲燒鰻魚肉質厚實，照燒雞扒燒得岩岩好，皮香肉嫩但枱邊醬汁如果係照燒會更加好。

安格斯牛肉烏冬，係生牛肉上，個石鍋非常熱，反一反啲牛肉就熟，牛肉分量都多，叫咗黑松露香菇湯底，味道OK不過可以再濃啲。得罐裝飲品可以選擇，$14罐。普遍座位都非常窄，除咗入門口嗰兩枱。

中午喺旺角又唔知食咩，之後去咗間好多人喺外面等嘅舖頭仔到試吓石鍋烏冬。咁啱天氣涼涼哋緊去食啲暖粒粒嘢啦。我哋兩個人，一個就叫咗吉列豬扒黑蒜油豚骨湯烏冬，同一杯蘋果茶。令一個就叫咗照燒汁雞扒蛋包飯加一杯俾涷奶茶。 首先講吓個烏冬先，一上枱啲煙標晒出嚟。真係熱辣辣如果想暖笠笠真係要試呢個湯烏冬啦。湯味濃郁，烏冬就好煙靭，吉列豬扒就好脆，加埋個沙律汁一絕啦。 吉列豬扒黑蒜油豚骨湯烏冬熱蘋果茶就不過不失啦，都幾好飲，又買啲蘋果碎喺度。照燒汁雞扒蛋包飯另一款要講嘅就係佢哋嘅照燒汁雞扒蛋包飯。雞扒皮都好脆，雞肉配埋啲照燒汁都冇得輸㗎啦。如果想中午食飽飽嘅話可以揀呢個因為真係滿滿嘅澱粉質。飲品：奶茶（不過不失）呢間食中午飯都幾滿意

黎到旺角，突然心血來潮想食石鍋堂。記得以前成日要等好耐先位，咁岩今次又有位喎，即刻沖左入去食。🍲安格斯牛肉石燒手打烏冬黎到石鍋堂當然要食石鍋烏冬啦。石鍋烏冬有5個湯底選擇，我就揀左我至愛嘅黑松露香菇湯底啦。石鍋烏冬上枱係熱辣辣嘅，而牛肉就係半生嘅，可以碌到你想要嘅熟度黎食。當然唔可以唔提烏冬！烏冬好滑、軟硬度適中。🥟關西風石燒流煎餃子以為只係普通嘅煎餃子，點知原來上面有一層章魚小丸子嘅醬汁同魷魚絲，味道又真係估唔到咁夾喎。

晚上天氣仲有啲涼涼地，食番碗滾熱辣嘅烏冬就最啱，同朋友走去旺角嘅石鍋堂，去到見到入面已經坐滿人，等咗一陣先有位坐上到枱仲滾緊嘅 [ 安格斯牛肉石燒手打烏冬 $88 ] 份量好多嘅安格斯牛肉鋪哂係面，新鮮嫩紅嘅顏色，滾熱辣嘅湯低，滾到啲牛肉熟後，入口即溶，口感嫩滑；手打烏冬吸哂啲湯汁，口感順滑；湯底就揀咗香味濃郁嘅黑松露香菇湯[ 照燒雞扒石燒手打烏冬 $80 ] 切得厚身嘅照燒雞扒分開上，每舊雞扒肉質嫩滑，燒汁味道正；手打烏冬吸哂啲湯汁，口感順滑；湯低係黑松露香菇湯，黑松露醬撈落香菇湯，鮮味十足，食完麵仲可以飲埋個湯，真係非常惹味。追加配料，原隻 [ 低溫慢煮流心蛋 +$12 ] 半熟流心蛋，加埋落個烏冬一齊食，真係超正另外叫咗份 [ 炸芝士年糕 (2件) $28 ] 外脆內軟，裡面熱辣辣，咬一口流咗啲流心芝士出嚟，口感煙煙韌韌，超邪惡；[ 黑松露帆立貝 (2件) $52 ] 一串有兩大粒帆立貝，配上黑松露醬特別惹味，帆立貝咬落爽口彈牙，鮮味甘甜石鍋堂旺角通菜街2A-2P號鴻光大廈地下D號舖

餐廳主打石鍋料理，基本上入面所有嘅菜式都係用石鍋裝著，冬天食好舒服熱辣辣，而且好耐都無會變凍左。叫左石鍋烏冬，湯底好濃但係食完會覺得好口渴，應該落左味精。烏冬口感唔錯，分量都ok。

肥瘦均稱嫩滑豚肉，成吋厚，4大塊，用力轟落去🤤！・・・・・・・・・・・・・・・・・・・・🍜厚切豚肉石燒手打烏冬 黑蒜油豚骨湯 HK76・味道：肥瘦均稱豚肉好嫩滑。豚骨味湯底出但唔係咸，黑蒜油可以再重啲～・口感：即使用石鍋熱住食到最尾，肉質都唔會變鞋。烏冬未係煙韌type但幾有咬口。朋友嘅吉豬就差咁啲，炸皮同肉一樣厚，但塊肉成張紙咁薄🥲，偏乾亦唔脆～・・・・・・・・・・・・・・・・・・・・🤰性價比：高～🤰9衝度：9衝～🤰結論：平價大份高質烏冬，完美B級美食！環境：小店size要搭枱，都真係幾逼。

冬天食碗熱辣辣嘅烏冬真係好正，每碗石鍋烏冬都係滾住咁上枱，完全唔洗擔心唔夠熱。手打烏冬好煙韌，好好食。有自家泡製靚湯底絕對係一大加分位。可惜配料普通同鋪面空間十分有限，餐廳用盡每寸地方，總有其他食客會同自己擦身而過，扣少少分。-1️⃣安格斯牛配魚介豚骨濃湯石燒手打烏冬黎到個時湯還在滾下滾下。魚介豚骨湯底十分鮮濃、creamy，都幾不錯，飲落唔會覺得膩。更比一般豚骨湯底更多左一重鮮味，可以一試。牛肉黎既時候還是生的，牛肉大大片，睇住佢慢慢變熱都幾開心，肉味普通。-2️⃣吉列豬扒黑松露香菇湯石燒手打烏冬😋香菇湯評分：8/10,😋豬扒評分：5/10Topping放了一些青豆苗還有一大匙黑松露醬，湯底味道用大種雜菇去整成，食落好濃郁。食到底都有好多菇菇粒! 烏冬質感煙韌彈，素晒湯汁更入味。大讚!但吉列豬扒炸得太乾，肉質全瘦，食落較為粗糙，建議選另一款配料。

今晚同老公係旺角有D事處理，所以要快食晚餐💡我地行經通菜街，見到有烏冬便決定一試🍜這家係叫石鍋堂📍主要以石鍋為主!-我點了安格斯牛肉石燒手打烏冬🔥有唔同湯底揀我就揀左山地獄辛辣湯🌶上桌時牛肉都未熟晒🥩真係熱辣辣的石鍋上牛肉份量十足✔️而且唔會太硬湯底好有驚喜，唔算好辣，但好惹味同開胃😋-老公點了汁燒帆立貝雞扒石鍋飯🍚店員有提可以再額下加醬汁食🧂帆立貝同雞扒份量好多，同埋好大隻🤩雞肉都唔錯，唔會太厚實! 這價錢算唔錯!記住加醬汁一齊食，會無禁乾身!🧡飲品就點了簡單的罐裝飲品!🧃-食物方面不錯的，幾抵食!可是環境的確偏細同窄⚠️坐得的確唔算舒適‼️以快食為主❗️所以這點要留意呢!

帶女朋友去旺角逛街，順道吃晚餐。這家小店的內部有特色佈置，牆上有大量漫畫圖案，天花掛有一些燈籠。石鍋堂海鮮石燒手打烏冬84元，以高溫石頭鍋盛載，石頭鍋內熱湯沸騰，香氣撲鼻，海鮮份量多，蝦肉彈牙，生蠔漲卜卜，蜆肉味道鮮甜，帆立貝美味，蟹柳味道甜。配菜還有香菇、櫻花蝦及兩款蔬菜。櫻花蝦香脆，有助提升味道層次。手打烏冬煙韌。湯底為魚介豚骨濃湯，很惹味。汁燒帆立貝雞扒石鍋飯92元，以高溫石頭鍋盛載，客人自行注入少許芝麻醬油。帆立貝肉厚彈牙。照燒雞扒的雞皮甘香，雞肉嫩滑。白飯軟硬適中。石頭鍋的周邊和底部均有飯焦，很香口。