石一燒 (富多來新邨一期) (已結業)

好鍾意好鍾意食燒肉，燒肉之中最正就係石燒，溫度極高，可以即時鎖住肉汁，感覺上亦比鐵板乾凈。嚟到大角咀，竟然遇到一間街坊石燒店，見到價錢合理，梗要試吓啦！舖位細細，店內大約只可以容納十幾個客人。裝修簡潔，只有少少裝飾，其實燒肉店越簡潔越好，免得油煙黏附喺啲裝飾品度。入到嚟梗係要叫石燒啦，同朋友揀左兩牛一豬，（左至右）4oz日本活性水飼育豬腩肉$108 、4oz霜降一口牛$98 、4oz澳洲和牛肩胛牛小排$158 。本身枱上面已經有鹽同胡椒粉，因為啲肉係冇預先調味，原汁原味，餐廳會額外附上黑松露醬、柚子胡椒、牛醬、英國海鹽。我最鍾意係柚子胡椒，一陣柚子味好清新，減低油膩感，必試！朋友就話黑松露醬最正，帶出肉味。一上枱塊石板已經好熱，豬腩肉肥瘦適中，一放落板就已經吱吱聲好快熟，好香，又唔韌；霜降一口牛切到細細粒，快快手燒齊六面，真係好軟滑；最正梗係澳洲和牛肩胛牛小排，啲雪花紋好靚，一路燒啲牛油就係咁咇晒出嚟，未食已經知正，一入口真係好香好有牛味。另外再叫左個豚肉鍋$78，豚肉都幾大片，夠肉味，加埋❗蔬菜同湯濕濕口，感覺冇咁乾！仲有日本年糕，煙煙靭靭有咬口~叫鍋物或燒肉都可以轉套餐，加$20升

幫公司做完野就順道食埋飯, 大角咀都係街坊小店多, 無咩頭緒.行行下發現呢間石燒, 價錢唔係太貴, 而且肉類款式好多選擇.鋪頭比較細, 但坐得都好舒服, 起碼唔會背貼背.以牛肉為主, 不過都有豚肉, 羊肉等選擇. 除左燒肉, 仲有鍋物同小食幾款.牛肉類花多眼亂, 最後揀左"美國頂級牛小排", 加多30蚊可以升級為定食, 包菇菌, 白飯, 沙律, 麵豉湯, 飲品.石燒舊石要燒熱先上枱, 所以都等左一陣. 石燒上枱時已經鋪左海鹽同胡椒等, 店員溫馨提示牛肉放上石面每面燒40秒左右就食得, 同時可以放埋D菇燒, 牛肉既油份令菇類吸收容易D熟.8安士既頂級小牛扒, 油花紋里好平均, 即時刺激食慾. 因為石面唔係太大, 所以一次都係放幾舊, 好似店員咁講大約40秒, 外面已經轉色, 入面剛剛熟.先食一舊唔點醬汁既, 入口非常非常軟腍, 入口即溶既口感, 肉汁充滿成個口腔, 齒頰留香. 牛本身既肉味已經好濃郁, 無雪藏味道. 就算燒得耐左, 肉質都唔會好韌. 店員亦有講, 由於佢地既肉係無經醃製, 所以響燒既過程可以落海鹽同胡椒, 唔夠味可以點埋醬汁. 但個人覺得海鹽吊下味已非常足夠, 因為牛肉本

2017快來到尾聲，也沒阻我和寶寶對試新餐廳的熱誠。今次便去了位於大角咀的日本燒烤店「石一燒」，從豪華戲院步行少於十分鐘便可到達。餐廳面積不大，卻給人家庭式的感覺 。冬天吃鍋就最適合不過了。豚肉鍋 ($78) 用了豬骨、雞和胡椒熬成湯底。味道清甜，帶有濃郁的豬骨湯和雞湯味。材料很豐富，有金菇、粟米、白菜、芝士魚蛋、豚肉、南瓜、海帶、和豆腐。如果不吃燒肉的，可點這個再加碗白飯先可當一餐了。但我們當然要吃燒肉啦，也轉了定食。極級岩石燒定石 (+30) 包括沙律、珍珠米、味噌湯、燒香菇、飲品和甜品呢！肉類是沒經醃製的，所以更能吃岀原汁原味。餐廳提供意大利海鹽和黑椒任你調味。配燒肉的醬汁也豪不馬虎，伴豬肉的醬是黑松露和柚子胡椒。而吃牛肉更有牛肉醬汁汁和海鹽。我認為霜降一口牛 ($98) 最好吃，大約每邊燒分半鐘。肉質高質類，脂肪分佈平均，油花細密。口感爽口，味道嫩滑多汁，配上意大利海鹽和黑椒，非常美味。澳洲和牛牛板腱 ($138) 肉質細緻、柔順，牛味非常濃郁，可燒至表面酥脆，除了有著外脆內嫩的口外感，還可享受到和牛綿密的脂肪，入口咀嚼後，還有著淡淡的油脂清香，不覺膩口。甜品就是抹茶大福～

今次食既呢一間叫石一燒一看上去就知係食燒物未睇MENU之前仲諗會唔會係串燒原來係烤肉店黎既然黎得烤肉店更係要食佢既烤肉啦美國頂級牛小排牛小排口感極佳, 佢提供左幾種不同既醬料可以點黎食但因為佢本身已經係極之好味, 所以我只係點左少少既鹽已經好食到流口水!!燒唔難, 而且佢都有店員會說明每一塊不同的牛部份要燒多久, 非常貼心豬腩肉神級豬腩肉, 見到佢被烤到滋滋聲就有一種治癒既感覺, 豬腩肉的油脂和肉比例是大約一比一, 不會覺得太肥膩, 而且被迫出來的油脂勁香, 我地突登爆到佢有少少燶, 有少少脆皮的口感更佳!!

一講到大角咀大家都諗到既可能係比較地區既小店食肆但近呢幾年都多左好多唔同類型既高級小店唔再係只係得茶記之流既小店豚肉鍋勁之豐富既豚肉鍋, 入面有好多不同種類既材料, 除左肉之外, 仲有菜, 豆腐, 玉米等等, 個豚肉都幾嫩滑, 而且份量都算多, 這個鍋仲包埋有一個飯, 2個人SHARE都仲可以因為個湯底好清甜, 所以可以順便當埋湯飲哈哈美國安格斯牛柳一開始見到牛柳咁大塊都怕自己駕馭不來, 會燒唔熟或者燒燶, 好在店員告知每面只需要燒3分鐘就已經可以反轉, 我就跟足佢既方法黎燒, 果然係可以輕鬆燒熟黎食牛味極重, 我會推薦比鐘意食牛既朋友, 因為我地燒完之後用刀把它切細再按個人喜好燒熟, 發現好易就切得開, 表示個牛肉一點也不老, 自己辛苦一輪燒出來吃, 味道更佳

小店位於大角咀舊區一個住宅商埸地下，位處奧海城對面，附近的食肆大多是小本經營，石一燒也不例外，舖面不大，但感覺溫馨，有一種人情味濃厚的感覺！與對面大型新頴的商場食肆成一强烈對比。食店以火山石燒肉為主，店內只有數張枱和十多個座位，面積不大，可以說一眼睇哂，裝修亦以簡約的風格為主調。日式釀雞翼（$68）👍👍👍👍這個小食有四隻去骨的釀雞翼。有兩隻芝士忌廉蘑菇和兩隻香辣糯米，釀得飽滿的雞翼，外皮炸得金黃香脆。兩種口味各具特色，一種比較溫和，另一種則比較辛香。芝士忌廉蘑菇的芝士味道很突出，一咬下去，已聞到芝士味。香辣糯米雞翼加入了香料和辣椒，味道偏香濃。英國羊西冷（120g/$168) 日本活性水飼育豬腩肉 （4oz/$108)👍👍👍👍👍英國羊西冷 - 切了厚片的西冷羊肉，只用了少許海鹽和黑椒調味，嫩紅的肉質，一點多餘的脂肪也沒有。由於火山石在廚房內預熱三小時，所以石板在上枱時已很熱，可以清楚聽到吱吱作響的聲音。店主先解説怎樣處理食材，先燒帶有少許脂肪的部位，然後再每邊燒大概一至兩分鐘。生熟程度可因應自己喜好調整時間。我把西冷羊燒至大概五成熟，保持粉红的肉色，羊肉鮮嫩而且一點羶味都沒有，就算是平

女同學約好大角嘴過2018新年第一天她住過大角嘴對這裡的食街有感情石一燒有很好的菜單這個大名遠播之憤怒鳥原來是炸雞肉日本人活水飼豬梅肉Yamato pork buttYama 山 上的豬瘦肉上面的是豬梅肉下半是牛下腿板腱部我比較偏好牛👍我算最愛肥牛燒肥牛肉把白膏壓一壓煎一煎燒板上的洋蔥吸收了牛豬油加入一點點什菇滋味無窮奇怪照足日本人的鐵板燒法那樣菇就香濃林滑洋蔥也十二分可口什麼都不用說來一碗熱騰騰香噴噴的絲苗米飯我老友是順德聯誼會長是飯桶⋯⋯最後一個甜點意大利芝士蛋糕草餅臨走前我老友話：這裡很溫暖一個 家庭一個孤家寡人兩個美女都搵到對口味的餐飲仲有好多心思之酒類飲料😅😇👀

掙扎左幾個星期，好唔好寫出黎，因為好想變成我自己既秘密飯堂~~但系我真心覺得食材新鮮，食物有特色又好味，所以想為小店打打氣！店面真系一D都唔起眼，以小店形式經營，店內只有6至7張枱，想食既建議最好先訂位。石一燒以提供岩石燒套餐為主，先講午餐set，我最喜愛既系大碗沙律加4選2既肉類或海鮮，好適合我地呢D一年365日都話要減肥既人! 晚餐set既話，有齊肉類主菜，沙律，味噌湯，三款前菜，烤菇，飯和甜品，雖然每碟細細碟，但感覺到誠意。岩石燒至250度，跟洋蔥一齊上，自己動手燒，只要將牛肉放上岩石上燒一分鐘，之後其他各邊再燒30至45秒左右就可以食得，完美封住肉汁。而且因應唔同嘅季節，會有精選食材供應，例如生蠔，生蝦等等。石一燒仲有提供多款手工啤酒，可以慢慢試，慢慢歎！小店服務好好，店員有禮貌！唯一係食物份量偏細！

Excellent Service, served with passion.A delight to have a warm experience. Food is fresh and delicious and served with plentiful choices and wine tasting combinations.Money well spent and five star experience. Highly recommend ⭐️⭐️⭐️⭐️⭐️

既上次來過一次，就想再次來臨雖然餐廳細，但環境舒適，有一種不想離開的感覺今次又是點了海之戀（4選2），但今次選了虎蝦及蟹棒。我以為虎蝦是連殼那一種，原來不是，是似蝦仁，不過這虎蝦都鮮甜。蟹棒都仍是鮮甜，以後每次來都必揀。飯的款式每次不同，今次係海鰻飯，yummy。

抱住試試新餐廳，結果係無選擇錯誤海之戀（4選2），本來想點虎蝦，但無了，雖然有點失望，但只好選擇其他-珍珠帶子及蟹棒。蟹棒好鮮甜，好好味。珍珠帶子就不過不失。醬汁選了柚子汁配搭沙律上，帶點柚子香。如果不喜歡柚子汁的，也可選擇其他醬汁。日式肉躁飯，不會太咸或太甜，味道不錯。飯後果也非常甜。值得再次光顧

小店經營，因位置有的暗，有小小難揾，感覺好似私房菜！環境好，食飯無限時，服務好，真心覺得好用心。岩石燒至250度，肉汁新鮮，價錢便宜！我地4個酒鬼周圍飲酒，佢地可能位置一般，我地平時飲開既酒呢斗大概7折，好抵飲

門面唔起眼，我住附近都無留意到呢間舖。舖面裝修ok。試咗2款飲品，前者好飲啲。🙄前菜好有心思，又好味！👍🏻中間嗰款唔知咩菜，不過脆脆地好得意！蠔size略細，不過幾新鮮。牡丹蝦夠大隻！二個主菜，分別係牛西冷同羊扒😎羊扒厚切好味，牛就薄切，可以煎一煎就食！帶子一般，配埋黑松露醬幾特別！食埋個餐嘅甜品~~小店服務好好，店員(定老闆)有禮貌！唯一係食物份量偏細，定價略高，如果份量多少少就perfect啦！😃

為了支持地區小店，第一次寫食評…食材新鮮、店舖鋪面乾淨衛生、前菜有特色又好食、價錢相宜、老闆態度誠懇親切，吃得舒適又開心的一個晚上，值得大家一試老闆加油加油！！！

一直都有睇openrice既習慣，但從來都無寫過食評，前排見到U Blog有介紹已經幾吸引，而男朋友又係愛食肉之人，所以決定去試下，我諗餐廳都幾full下，因為打去book位都要問左幾個時間先有位，食完石一燒之後真心想寫下食評推介下比大家！餐廳唔算好大，坐位唔算太多，但都坐得好舒服，唔會話有迫既情況。叫左2份岩石燒肉套餐(牛小排，羊西冷)兩份肉都好新鮮好有肉味，而個set有跟埋3款前菜，沙律，湯同飯，食完仲要有甜品送。另外仲叫左生蠔食，$99有6隻，好鮮甜，真心抵食而且有免費refill烤菇，啲菇燒得好好味，完全吸收晒煮完肉啲油，就算我地refill左2次，店主都無黑我地面，而且佢地既服務態度真係值得一讚，會問下我地食物既意見同係上菜時細心咁講食法同每一份肉要燒既時間，有時仲會幫我地燒，確保啲肉燒得岩岩好。見到有好多唔同種類既craft beer，可惜今次無試到，下次黎食一定再試。價錢方面又比同類型的舖頭算平，所以真係值得一試。總結係 I will be back^^