石一燒 (富多來新邨一期) (已結業)

同朋友兩個女仔諗住係奧海城行街，行到有點累同肚餓，朋友話有間小店食石燒有無興趣，印象中曾經食過Stone Gril但價錢都幾貴，同埋好似無幾間店了， 所以無所謂都想去試下嘅。由奧海城二期行過三條馬路都幾方便，門面簡單乾淨！ 裝修帶點心思，入內亦無乜油煙味喎！安排坐位後， 見到已經準備好食具同Menu, 而且帶點日本感覺原全不是以往嘅西式。枱上亦罷放左唔同嘅自家製鹽比客人自己調味！ 先黎個Salad同麵豉湯，用上較特別嘅木魚絲放面加上新鮮爽口嘅沙律菜配上大路的麻醬，無得輸幾特別同木魚嚼後滋味。而麵豉湯跟平時的有少許不同，味道偏濃。店員推介~ 憤怒鳥 $68大家估唔估到是什麼呢？ 其實係我最鐘意嘅日式炸雞，不過好靚又七彩繽紛，原件炸雞件，廚師還好有創意，用上唔同顏色嘅脆漿同爆谷包著雞粒炸，香口之餘顏色靚增加食慾！ 主角澳洲和牛牛板腱 $138 同 霜降一口牛 $168 另外極級岩石燒定食 $30 位，就有湯，沙律，飯同甜品，超抵食！ 份量亦算多，賣相亦好得體，牛肉全部都係無醃過，所以能食出牛味，隨自己口味配唔同鹽同醬汁，另外還有柚子辣醬，微微辣柚子香配肉亦減低油膩感，同白飯包著一口牛脂好好

朋友介紹去呢間石一燒話店子小小但係好食的！果然有驚喜！💝💝💝首先，服務非常極之好，非常詳細介紹燒的方式同埋各種肉類！💕其次，價格非常大眾化！$800 4 人 set! 好低食！👏🏻👏🏻👏🏻 下次豪d 去試和牛！ 😂😂 木魚絲沙律🥗清新！燒牛肉拼盤，未至於入囗即溶但肉質嫩滑，有牛味，呢個價好低食！🤣牛肉粒雪花均勻有咬口！ 🎉 燒豬🐷頸肉 爽脆！ 仲有4 種鹽任選！感覺很pro, 我喜歡柚子檸檬🍋鹽，很清新！ 真係有淡淡柚子檸檬香！😍 服務員細心教我們如何燒（要用 chef 👨‍🍳 tse 的招牌手勢落鹽 🤣） 仲幫我們燒埋！

因為太掛念日本的燒肉，所以就決定用lunch time 懷念一下先因為店下午十二點才開門所以我們就乖乖地在門外等一下，一到十二點我們就進去啦！他的店是小小的大概只有十八到二十個位，內𥚃也有一點點裝修也蠻舒服的！因為是午餐關係我們可以叫午時套餐👍🏻我們分別叫了岩石燒定食美國自然豬梅肉🐷霜降一口牛🐮套餐包括了湯、沙律、飯素、日式蒸清茶食物方面真得不錯👍🏻店員也細心介紹有四款鹽和二款汁可以配肉食👍🏻我覺得午餐也有如此質素，非常不錯👍🏻

📣📣📣位於大角咀一間小店，門口唔太起眼，細細間以木做裝修感覺幾舒服。而且員工態度好友善，會主動幫手換石煱。不過鋪頭座位唔算多，只有16個。香辣糯米釀雞翼 - 非常香口，微辣，入面糯米好稔身，唔會太膩，整體好有驚喜。西班牙黑毛豬豬頰肉（橡果級）$128+$35 - 肥嘅部分分佈較多，但唔會太油膩。有肉汁，不過同樣比較淡味，可嘗試以燒汁或柚子胡椒汁作調味。不過肉質非常鮮嫩，好爽口。Lunch時間唔算多人，但晚市就最好留定位啦。臨走嗰陣，店員仲話俾我哋聽門口有支噴衫嘅除味劑，真係幾細心。

同朋友去完大角咀整車， 點都要食啲嘢，估唔到大角咀，竟然有日本人氣嘅嘢食。之前喺銅鑼灣已經食過類似嘅，估唔到大角咀，有間性價比更高，物超所值。先送到臺上嘅，就係塊石板，燒到熱一熱。 重點係上面嘅洋蔥， 爆到香一香， 要嚟撈飯，味道一流。兩個人點左一個牛，一個豬， 套餐價冇得輸。 牛肉都係點咗安格斯嘅， 貪佢牛味十足，肉質鮮嫩。至於豬肉方面， 就選擇咗豬頸肉，因為貪豬頸肉，油份十足，冇咁易黐住嚿石。套餐跟一碗飯。最後飲品方面， 凍檸茶， 普通的凍檸茶。

呢間餐廳地方不算大, 但味道相當之好~!位置都有d 偏... 但係推荐要去試!師傅會燒好個石版, 聽講去到200店燒起黎會比較均衡.呢到d牛, 肉味本身重, 牛肉口感本身就好軟,口感其實已經好好, 但本身無咩調味, 所以要自己黎佢本身就已經有d醬料整好俾我地點, 我覺得直接點佢既醬已經好好味,佢醬料好似有放柚子. 食落去口感軟+ 醬汁多, 好juicy!豬我反而覺得更好食, 我好少會話豬比牛好食, 呢間的確係咁,佢豬本身口感都係十分之爽口, 加小小佢地既柚子鹽落去燒, 又帶出到d肉味,同埋又有小小清新既感覺, 如果點埋醬汁就好濃味咁食, 仲加正!本身肉味好濃,所以我覺得配飯好好食, 我覺得少左飯就唔太ok因為本身d肉係又油又濟又重味, 加小小米飯可以平均返d味, 好味好多!配飯係必定!甜品呢, 就係普通雪糕, 但配上抹茶十分之好味, 抹茶如果就咁既味道係好苦, 但配上雪糕既甜味就好好味啦!

呢間日餐廳水準極高，唔洗飛去日本都可以品嘗到美味既和牛，超抵食呀！加+$30升級為定食套餐有甜品、味增湯、沙律、飯、菇盛會及飲品，非常豐富！奉上味噌湯前，店員會非常細心問是否有海鮮敏感。味噌湯會加入櫻花蝦，令味道更鮮。沙律菜加上木魚，非常有日本特色呢！order了澳洲和牛牛肩胛小排及日本豬腩肉。奉上餐時，店員會講解每款肉類最適合的燒烤時間長度。 先用肥肉在花崗岩石板上燒，豬肉既油脂會釋出，再放上其他食材更美味！花崗岩石更能夠鎖住肉汁，和牛勁juicy!入口即溶，肉味濃郁，超級好味！雖然肉類沒有經過餣製，但原汁原味既肉味及油脂香味已經足夠令人神往！另設有四款海鹽可供選擇！可以在燒肉時加入，或燒完之後加上適量的調味。這個甜品非常精緻， DIY綠茶雪糕夠晒好玩。綠茶粉加上水製成綠茶醬，配上雪呢拿味雪糕，非常完美！雲呢拿味雪糕不會蓋過綠茶的茶香澀味！臨走前餐廳亦繼續盡顯他的細心一面！門外有消味劑，怕吃完燒肉成身味的朋友可噴啊！

發現咗大角咀有一間隱世小店，呢間係一間可以自己動手用石板來燒肉嘅一間餐廳，幾有特色！午餐先來一個前菜嘅沙律及麵豉湯。主菜來了我當然唔會放過有得加錢加大碼嘅套餐啦！增量是必須的！所以我叫咗....美國頂級牛小排4oz $138 增量至6oz +$35燒之前餐廳店員會為我們題供圍裙，以免燒肉時油份彈到身上...但係我唔記得收埋電話... i phone 8 變了Oil phone 8了！😢店員細心地教我地牛肉底面各燒30秒我推介呢個牛！牛肉睇個樣就知一定好食喇.牛味好出，因為佢地選擇呢個牛小排，油脂及肉分佈得好均勻，燒完出來嘅肉，口感好，又唔太油膩！加少許鹽就好好味了。燒肉有跟一個柚子胡椒汁及一個燒汁，枱面上又提供了五款調味鹽及胡椒，計埋生熟度及味道，一個餐就可以調製出不同嘅組口，一個選擇多重享受！跟餐有一些菇類... 雞肶菇、啡菇、針菇等等... 配上跟餐嘅燒汁...Ichban!

今天來到了位於大角咀鐵樹街的石一燒石一燒日式烤肉晚飯,店內環境舒適,員工服務良好,同時為食客提供不同肉類的推薦燒煮時間.今天叫了霜降一口牛和西冷羊,值得一提是作為配菜的洋蔥和菇類燒起上來都十分美味,記得不要浪費,先說西冷羊,羊味濃的同時卻不會太騷,油脂適中,喜歡吃羊的朋友可以一試.之後是霜降一口牛,一吃下去就知道是高質牛,入口即溶,不得不試.此間燒肉店性價比高,十分推薦喜歡燒肉的朋友.

每個月最少要食一次的高質牛肉，服務好，舒適，已經係飯堂之一。2個人的話，基本上一個set已經夠飽，再加其他未必食得晒。主菜，前菜，甜品，樣樣皆好，有心之作！而我每次都叫700幾蚊果個set，加杯飲品，2個人埋單800左右。價錢見人見智，我覺得以依個質素，值

之前黎過幾次都無位⋯今次終於都食得到勒！7:30 黎到，坐滿一半啫睇menu 個價總覺得一定好細份食唔飽不過，最終係ok 吖首先，叫了釀雞翼四隻。芝士味ok . 但辣糯米就⋯食得辣就食啦跟左set 加三十蚊有埋菇、湯、飯、沙律、飲品仲有甜品湯加左櫻花蝦Vanilla 雪糕，另外有綠茶粉，可以mix 完倒上雪糕上吃。幾特別，但味道正常咁啦。叫左西冷羊，牛及黑毛豬肉。大大份枱上有四枝調味粉可任意加上服務非常好，又細心開開心心食左個半鐘走人！

《石一燒》 #大角咀📍大角咀鐵樹街10號富多來新邨一期地下13號舖———————————————🔹極級岩石燒定食 $30包含沙律、飯、味噌湯、蘑菇(燒烤用)、飲料、甜點等。cp值十分之高👏🏻沙律🥗用料新鮮，醬汁、份量剛剛好，面頭加上木魚頗為特別。味噌湯🥣內加入了蝦干，味道偏重。🔹美國頂級牛小排 $148牛味重，油脂部分偏重，相對根部比較多。🔹霜降一口牛 $98油脂分佈均勻，口感較牛小排嫩滑，入口即溶🤤而且重點係易煮！地獄廚神都好難煮得唔好食🤣另外店家設有四款調味料，供大家自行選擇，分別是：自家鹽、喜馬拉雅海鹽、柚子檸檬、黑椒。個人偏愛自家鹽，簡簡單單帶出牛肉的鮮味便足夠了☺🔹最後，值得一提的是定食內包含的甜點😍非常符合港女個性——有得食有得玩🤩在綠茶粉內加入水攪拌，之後倒係原味雪糕上。登登登登——綠茶雪糕出現了☺👏🏻 係開心既🤗🔻由於燒烤店的源故，需把空調長期開到最大，湯、飯需盡快食用，因為會很快變冷。😭另外建議店家可於門外擺設衣物清新劑，因為食完之後真係好大味🙈😭———————————————90sfoodieshare: 8/10

第一次食石燒，黎之前已經好期待餐牌上既菜式都算多✨日式釀雞翼$68四隻，有芝士忌廉蘑菇同香辣糯米2種味，個人比較鍾意香辣糯米，少少辣味好夾，其實2種都好味！外皮有少少脆，又夠味又熱辣辣！✨軟殼蟹$58一隻，一隻都好夠2個人分！大大夠，配埋沙津醬食一流~✨霜降一口牛$98 4oz，霜降西冷$158 6oz，一致認為霜降西冷好味d！一定要加鹽一定要加鹽！放入口個下覺得好幸福🤤而且自己燒好好玩呀，可以控制要幾成熟✨抹茶啤酒$88，好苦😂唔飲開啤酒唔好試啦✨$30一份極級岩石燒定食，有沙津、湯、飯、綠茶甜品，2個人share剛剛好~依間店d食物好得~好推薦大家黎，而且有得order和牛，不過有點貴QvQ雖然我地今次食普通d既牛肉但質素都好得！不過小店只有一位員工，要睇晒幾枱好忙(´･_･`)

估唔到大角咀有間咁好味的小店🤤呢度係專門食石板燒😆👏🏻提提大家最好book位，我walk in差d無得食店面唔大，而且得一個姐姐要招呼所有客人好難得佢仍然非常好服務態度！要讚💓我們坐低好快就點了兩份肉亦加$30升級了極級岩石燒定食😍有沙律、味噌湯、飯、甜品同飲品😝沙律係木魚+生菜+麻醬🥗出奇地都幾開胃🙈😆味噌湯鹹度適中🍲而飯上面有飯素增添口感🍚當然唔少得我最愛的凍檸茶-霜降一口牛 $98/4oz西班牙黑毛豬豬頰肉(橡果級) $138/4oz其實豬同牛都好好食特別中意一口牛！燒到肉汁出哂黎，完全唔韌！幾乎係入口即融ga而豬就比較爽口，各有特色！重點係佢仲有個雜菌拼盤，燒菇真係好正🍄店員會提供海鹽同胡椒比我地調味～如果可以有醬汁就更加完美大滿足！小店真係好有心思👏🏻連甜品都俾我哋DIY🤣呢個綠茶雪糕唔簡單！材料有水、抹茶粉、雲呢嗱雪糕一球😗客人可按照自己喜好加水落抹茶粉溝成綠茶醬🍵然後加落雪糕球💚 個抹茶味好濃呀🙆🏻‍♀️ 有得玩又有得食🙈 百幾蚊 抵到爛😛

都係見OpenRice comment 唔錯又可以直接用app 訂台所以一試，食完都覺後可以再黎點左個set 加豬頸肉店員會用心介紹每款肉，食法同食既次序份量很足~ 味道亦都好好另外叫左支柚子酒，好易入口，配埋燒肉簡直perfect ~ 最後個甜品都好特別~ 自己溝綠茶湛落雪糕上面食~ 好得意 🤪支持小店~