石一燒 (富多來新邨一期) (已結業)

原先一直只有睇openrice, 好少寫食評。但想支持下小區食店。第一次寫食評，內容盡量令大家易明。十月頭，第一次經過呢間吾起眼既鋪頭爆左，試吾到。 今次特登再經過，就打算試下。一個set已經包左傳統沙律，有特色既前菜，正到爆既主菜(黑毛豬加日本和牛) ，仲有有心思既甜品。係一個驚喜既晚餐。店主好細心介紹每一道食品加烹飪時間，對食物品質好有堅持，好有heart。有與別不同既醬襯托，成件事好滿足。店主亦有介紹手工啤，試左杏桃味同麥啤都好正，同個日本和牛好夾。6個朋友仔都已經好夠。最後，店主有虛心問我地意見，話會加多d 種類，好尊重我地食客意見可惜，睇到有限定生蠔未試到。一定再來！！

兩個人叫左兩份燒肉餐，有湯，沙律，三個小前菜，燒肉（我地簡左黑毛豬同日本和牛肉眼），仲有飯同一D小蘑菇同栗米，最後有份小甜品都好味道。燒肉水準好好，和牛入口即溶，黑毛豬好彈好好味，肉汁好夠，牛肉同豬肉有唔同既醬汁配料，正，最鐘意個黑松露醬。服務好好，介紹曬食法，環境安靜，味道都好，價錢對比其他地方算抵，會再去！（唯一小不足係，食量大既男士未必夠飽。）

見到東方日報介紹又經開所以同家人一齊去試下，店子雖小，但座位一點也不吝嗇，坐得舒服不覺逼夾。今次很幸運，因為老闆在場親自招呼客人。老闆很親切，而且細心為我們推介及講解。而且還一早為我兩個小朋友準備左很優質的餐具。食物方面，十分滿意，食材非常新鮮，黑毛豬爽口，油脂甘香美，再配上兩款高級醬料分別係意大利黑松露醬及日本柚子胡椒醬真係好味到成碗飯食晒。而價錢同係出面自己買塊黑毛豬返去煮差不多，十分超值，出去食重便過自己買！另外我地亦叫左去澳洲和牛，真係好好食，同係其他日本餐廳食$500 塊的差不多，之後再放上蘑菇吸收剛煮完肉的油,然後再少少黑胡椒及日本高級粉紅色岩鹽再煮食， d 蘑菇好食到一定要再Encore，重要係免費Encore！我好肯定老闆純對係非常講究，有要求，盡善盡美的人！重要係對客人一點也不吝嗇，好難得。所以一定會帶其他朋友返來再食。