石一燒 (富多來新邨一期) (已結業)

好耐之前去過, 今日晏晝再同囝囝再去, 為左食牛肉石頭燒。經上次試食, 今次揀定2份牛肉粒仲要比35蚊加50%。 牛粒真係冇野講。食每粒都搖晒頭, 因為實在太幸福太美。雖然有幾粒有筋, 但冇影響到佢既美味。配菜d菇亦好味。小店經營,鋪仔細細,坐位不多。下次晏晝會再黎。

喺大角咀富多來新村的石一燒，只有十數個座位，是名符其實的小店。餐廳面積雖小，但佈置用心。我哋兩個人order咗幾款牛肉，再轉極級岩石燒定食，$30有齊沙律、湯、飲品、飯、菇菌同埋甜品，真係抵到爛。飲品可選汽水或檸茶檸水嗰啲，燒肉當然係配冰凍可樂至夠爽！沙律菜冰涼爽脆，加埋濃味嘅麻醬同蟹籽，十分開胃！上湯之前，店員會問我哋有冇海鮮敏感，冇就會加入櫻花蝦。碗湯啲櫻花蝦真係多到滿瀉！加入櫻花蝦嘅味噌湯更具鮮味和香味，正！燒肉汁有兩款，一款是帶甜味的，另一種是柚子味。由於肉類是未經任何醃製的，所以燒肉時可以根據個人喜好加入調味料。味道同埋生熟程度可以自由調節，正正就係我鐘意燒肉嘅原因。石板以洋蔥起鑊，不落油也不會痴底，勁！上菜時店員會細心解說每款肉的特性，和建議的烹調時間。霜降一口牛 $98加入適量的鹽和黑椒粉，每一面都係輕輕煎一煎就食得，很腍滑而且夠肉味。美國安格斯牛柳 $168又大又肉厚，每邊煎分半鐘左右。牛味香濃，肉質細嫩之餘，仲要勁多肉汁，正到爆！澳洲和牛肩胛牛小排 $158油脂分佈均勻，入口油香滿溢，極為滋味！每邊煎約20秒就食得。菇盛薈定食菇菌的質素也很高，又爽又香，而且切得夠薄，

今日朋友帶咗我去佢屋企附近食一間石頭燒 雖然餐廳鋪頭細細，不過環境乾淨舒適，唔會坐得好迫，而且老闆好好服務，好細心咁講解食法，每一款肉要燒幾耐等等原來餐廳用咗花崗岩石板，整塊石板平均受熱，令燒起上黎熱力均勻我哋叫咗澳洲和牛牛板腱 & 美國安格斯牛柳定食 包埋*沙律 *麵豉湯 *甜品一大碗沙律好新鮮，餐廳落咗芝麻醬喺沙律上面， 食完之後更加開胃麵豉湯上面加咗好多櫻花蝦， 加重咗本身啲湯嘅鮮味食完前菜飲完湯，主角就出場喇 除咗兩款牛之外，中間只有唔同嘅菇類， 左邊安格斯牛柳燒嘅時間比旁邊嘅牛板腱短， 老闆會清楚講解每款大約要燒幾耐燒得好靚呀 兩款都好香牛味，而且肉質非常嫩滑，色澤又靚係好高質嘅牛肉食燒肉配白飯真係冇得輸 肉汁滲入白飯裏面，平時唔係食好多飯嘅我，都食曬一碗飯蝕曬啲燒肉已經非常滿足，估唔到仲有好戲喺後頭 係甜品呀!!! 好濃沃嘅雲呢拿雪糕， 重提供咗抹茶粉&水，可以按照自己嘅喜好，加入適量嘅抹茶粉+水攪勻，造成抹茶漿加上雪糕上面，今次真係有得食又有得玩 大滿足

今日收工諗住同男朋友喺附近求其搵食，點知見到有間食石鍋燒嘅小店就不妨一試。最後食得一d都唔求其其，皆因原來小店質素一d都唔差，仲相當有驚喜添！石燒北海道帶子（2隻）+虎蝦（4隻）$88 - 虎蝦非常爽口，入口都卜卜脆。帶子豐厚的肉身極富彈性，味道鮮味甘甜。16oz和牛盛會（三品）$698 - 二人餐除咗三款唔同嘅和牛之外，仲配埋前菜、湯、沙律、飯同甜品。✨美國和牛牛板腱 - 超juice，入口勁多肉汁，牛味濃，而且肥瘦分佈平均👍🏼✨日本上腰脊肉 - 肥瘦均勻、肉質有咬口肉汁多。✨日本上肩腦肉 - 較腍身，雪花多，油脂相對比例亦較多，但非常香口，食落唔會太油膩。✨自家製雪糕- 一上枱已經覺得好精美，店員話呢款係佢地自家製嘅甜品。雪糕係雲呢拿味，喜歡綠茶的話可以將水加入綠茶粉，然後再加入雪糕。

朋友話奧運站有一間必食嘅日本餐廳最近好鍾意食牛所以我就黎試吓而且亦有好好味嘅和牛我享受嗰種入口即溶嘅感覺所以和牛就最啱我啦叫咗個二人套餐有飯有湯有甜品日本和牛肉眼$$298超厚切嘅高質牛肉中間就係和牛啦左邊就係牛皮腱右邊就係牛小骨先來左個前菜同埋湯面層都係有啲蝦仔所以飲落海鮮味好重唔怕好鹹以前菜嘅沙律有飛魚籽番茄仔沙律菜好好味好開胃牛小排雪花平均所以咬落嘅肉汁都係好鮮嫩澳洲和牛牛板腱$$238食落就好彈牙豬梅肉$$148呢個係豬肉嚟嘅就要燒耐啲大約2分鐘一面呢個時候就可以慢慢享受牛肉啦呢個係燒好嘅豬肉係咪覺覺都睇落好好味而且仲有豬肉嘅油一直係度燒緊美國頂級牛小排$$148燒出嚟係幾吸引幾靚同埋我覺得自己燒去控制火候都幾好玩一路燒一路聞到牛嘅香味會更加好胃口食就會更加好味啦呢個係燒好嘅完成品超厚切咬落去肉質勁多勁鮮甜最後再配一個綠茶雪糕都係自己整架個綠茶汁根據自己嘅份量加水加到一個雪糕入邊❤️❤️

朋友搬左去大角咀之後，久唔久都會去個邊搵下佢食飯，今晚佢就有帶左我去食燒牛肉啦！入到去，朋友就叫我一定要叫一份美國頂級牛小扒，呢度係用岩石盤黎燒，無咁油煙味，牛小扒既賣相好令，油脂分佈平均，厚薄適中，輕輕燒佢一陣，肉汁出哂黎，牛味十足！入口肉質juicy 好嫩滑 非常不錯呢！而呢度既菇類驚喜到我，口感好爽軟，菇味濃郁，唔會好淡味！最印象深刻既雞脾菇，店家將菇切到好薄好薄，所以一燒變到非常香脆！甜品係雲尼拿雪糕配綠茶醬，幾清新 不會過甜 好味！值得一提既係店家十分貼心，門口有支衣物清新濟，唔會搞到成身油煙味 good

朋友最近買新屋去左大角咀住，今晚去左探佢順便同佢食晚飯～ (佢老公咁岩出TRIP) 佢帶左我黎石一燒食，因為佢一直都好想試石板燒～～入到去睇個MENU 都好多選擇，中意食牛既我地揀左安格斯牛肉同牛小排～加$30 可以跟住麵史湯、沙律、飯同甜品.呢度既石板燒係先經高溫預熱， 溫度超過200度!! 侍應話可以將肉類表層煎熟鎖住肉汁，同埋keep住高溫，係唔會煎燶野！坐左陣，好快就黎個麻醬沙律， 沙律菜爽脆， 醬汁啱啱好～櫻花蝦味噌湯，好多櫻花蝦，飲落好香好味！左邊係安格斯牛肉，右邊係特級牛小排～～安格斯牛肉大大粒，一啖一口，超方便，食落好JUICY!!而特級牛小排色澤鮮艷，紋理又清晰！ 侍應話每邊燒20至30秒就OK~食落牛小排肉質軟嫩， 油脂豐富， 肉味甘香!!配上白飯一碗~~最後個甜品真係好得，好似DIY咁，有水、抹茶粉、雲呢嗱雪糕兩球！我地可以自己加水落抹茶粉，將佢溝成綠茶醬，然後加落雪糕球，真心好玩又好食 =]OVERALL 食物質素好OK, 下次有機會會再食!

朋友約我去大角咀食好食，石一燒裝潢好日本風，應該食燒肉點了牛肉及豬肉，每人另加$30 升級極級岩石燒定食有沙律，沙律菜、蕃茄新鮮，配芝麻醬不錯蝦乾麵豉湯，不會太鹹，剛好香炸薯條 $42原個薯仔切條炸成，熱騰騰相當脆口西班牙黑毛豬豬頰肉（橡果級）$138/4oz澳洲和牛肩胛牛小排 $158/4 oz雜菇將預熱的石板放在迷你火爐上持續加熱，石板能承受300℃高溫的，自己落手邊烤邊食。牛小排色澤鮮紅，半肥瘦，每邊燒十幾炒約5成熟。牛肉新鮮，味道濃郁，質感帶點嚼勁，豬頰肉脂肪較多，而且切得不算太均勻，所以有點難燒，這個每邊要燒2mins。燒得幾香口，質感有少少似豬頸肉。桌上有4款調味料，黑椒、喜馬拉雅海鹽、自家鹽（牛）及柚子鹽（豬）另外還有柚子醬汁、燒汁柚子醬汁實在「無得輸」，與牛肉或豬肉味道也好夾，帶出肉鮮味之餘又中和膩感。最後是雲呢拿雪糕，更可加抹茶粉在水中自製抹茶醬倒在雪糕上，好玩，味道又正。離開餐廳時，門口更有除味劑噴噴，好貼心。

今日喺奧運站嗰邊放工， 近大角咀嗰邊其實都好多嘢食。 我哋去咗鐵樹街嗰邊( 其實都頗近港鐵站)覓食， 那裏有不少唔同特色嘅小店食肆， 而且全部都唔係連鎖食肆咁悶蛋。聽朋友講呢度有間食板石板燒餐廳。 店前有少少嘅擺設， 店內空間唔算寬闊，約有八九張枱。 裝修雅緻有心思。店員有禮，坐低已送上熱茶!顧名思義入得來就係試佢嘅石板燒。 妙處係石板先經高溫預熱， 溫度超過200度，可以立刻把肉類表層煎熟鎖住肉汁。 而且keep住高溫， 冇咁容易煎燶。 果然我哋由頭到尾只係聞到烤肉香， 完全冇燶咗嘅囉味。每款烤肉可加$30 upgrade 到 岩石燒定食。 已包括味噌湯，沙律，飲品，飯素和日式甜品， 非常豐富!麻醬沙律， 醬汁唔會太多啱啱好。 沙律菜爽脆。 這款是櫻花蝦味噌湯， 加咗櫻花蝦味道更上一層， 一啲都唔普通嘅味噌湯， 非常美味!岩石板上枱， 已聞到好香嘅烤洋蔥味。 先放上"特級牛小排"， 色澤鮮艷紋理清晰， 切成細細塊， 方便放在四四方方又小巧的岩石上。 店員教導每邊燒20至30秒便可， 聽到滋滋嘅聲響， 已經可以準備吃。牛小排肉質軟嫩， 油脂豐富， 肉味甘香。 亦可以蘸店家提供的柚子

剛工作完行過睇門口菜譜寫“岩石燒”，突然勁想食燒肉，鋪頭細細，環境都舒服，不過留意會食完成身燒肉味好彩得自己食即有位，因其他枱已留位準備我點了4oz豬肉加$30改定食服務好有禮貌，會介紹肉需點煮法，仲問配菜需不需要增添，解釋燒肉出油多，可用配菜(洋蔥)吸收，無咁肥膩， 非常貼心，份量都啱啱好，另有 terimisu糯米糍甜品，未食過好特別下次會同朋友一齊(牛，羊，豬 海鮮可供選擇)，可試多幾款，見隔離枱碟蠔都新鮮，會再試下枱位不多，記得要訂位。

媽媽生日第一擊 在花崗岩石上食燒肉今晚去左大角咀 一間朋友推介嘅燒肉店店鋪唔算好大 不過一入去好有和風感覺坐底店員就推介左幾款美食俾我地最尾我地㨂左西班牙黑毛豬豬頰肉同埋美國頂級牛小排 加$30轉套餐枱上有四款唔同嘅岩鹽 柚子檸檬比較特別店員先為我地送上湯同沙律轉眼間熱辣辣岩石放左上枱 洋蔥味超香美國牛小排 油脂好靚 每邊大約煎10秒左右豬頰肉大約1分鐘 入口唔油膩而且好嫩滑最尾重有綠茶雪糕作為結尾要讚係小店非常細心 門口放左衣物清新劑臨走前可以噴一噴 減去一啲燒肉味

大角咀近年越開越多食肆，仲要好多都質素好高！今日就揀左呢間燒肉黎試下！餐廳既位置唔太顯眼，門面都好細，如果唔係睇過唔小好評，行過都未必會入黎食！同埋因爲鋪面小座位唔多，一定要book位啊！今日揀左個二人餐 $698 連沙律，湯，前菜，三品和牛，飯同甜品。芝麻醬什菜沙律，仲加左啲木魚喺面，增加口感！店員舀湯前，仲問左一句我地對海鮮有無敏感，因為個湯會加櫻花蝦，好細心加完櫻花蝦既味噌湯，更有鮮味。前菜分別係鴨胸，蟹柳同炸甜薯。鴨胸略嫌咸左小小，蟹柳好驚喜，估唔倒醬汁會係柚子薑，食落好清新！炸甜薯只得薄薄一層炸粉，外脆內軟檯面仲放左唔同既調味料，有以上兩種，仲有黑椒同柚子檸檬鹽。主角黎喇！店員上檯時會講解肉類既部位都燒既時間，呢度有三種唔同部位既和牛，部位名就唔記得喇🙈最上個款係最雪花，絕對係入口即溶！不過有兩舊較多肥膏，其餘都好靚。至於中間個款我覺得最重牛味，食落都好腍。最尾呢款就比較瘦，一唔小心燒耐左就會有啲鞋口。但總括黎講都好高質伴碟既菇都好好味！放喺啲牛側邊燒索埋啲牛肉汁，正！最驚喜既係甜品，係用水倒落中間既綠茶粉搞均，變成綠茶醬倒落雲呢拿雪糕食！係我食過最特別既甜品，店主真係好有創

去大角咀探完朋友, 我地亂打亂撞見到間食燒肉, 上網查左, 感覺唔錯, 就試一試, 反正大角咀唔係成日黎到我地target 係食肉, 牛, 豬, 羊都有食燒肉加$30升級, 有埋沙律, 味噌湯, 白飯, 甜品沙律菜新鮮, 味噌湯加左櫻花蝦, 多一分層次如果無白飯跟, 淨食燒肉會太膩餐廳提供各種唔同既鹽，仲有燒汁&柚子醬汁我地叫左牛豬各一份，廚房會將兩份食材放埋一齊, 再上埋石板爐上肉後, 侍應會溫柔& 細心講解返燒肉既時間美國頂級牛小排, 4oz油脂分佈平均, 入口肉汁滿瀉 , 肉質嫩滑, 牛味很濃郁可加餐廳自家製專for 牛肉既鹽, 可提昇牛肉既鮮味而加燒汁就加添牛肉的甜味西班牙黑毛豬去油豬頰肉, 8oz肉質有彈性, 咬著帶點韌勁, 燒熟後非常香口, 口感似食豬頸肉, 入口油脂滿腔, 油脂比牛小排更豐富個人試過加柚子檸檬鹽+柚子醬汁, 可減豬頰肉既油膩, 味道幾夾平時既燒烤爐都係有位俾D 油& 肉汁溜走, 而用石板燒好處就可以留起肉汁, 將蔬菜放係石板旁邊燒, 一路吸肉汁最後上埋甜品, 雪糕係雲呢拿味只將將綠茶粉加油水形成綠茶漿, 淋落雪糕到, 就變成綠茶雪糕了, 幾得意出門口如果真

估唔到大角咀有一間咁好食嘅燒肉店，店面唔算大，但係服務態度超級好，👏🏻👏🏻👏🏻 呢度專門食黑毛豬同和牛，肉質估唔到咁juicy，燒到肉汁出晒嚟，一啲都唔韌👍🏼👍🏼👍🏼 呢度仲有好多款調味料俾我哋配搭，真係好細心呀滿足唔同嘅口味😋😋😋 又和牛又黑毛豬又石焼以為每人3、400 走吾甩.. 點知每人 $200 搞掂！ 好低！ 其中我最鍾意食就係一口和牛，入口即溶👍🏼👍🏼👍🏼最後仲有我最愛嘅綠茶雪糕甜品😋😋😋 大満足餃子雞翼 滿滿的 好有口感 💕

平日甚少會經過奧運站果邊，但今日經過竟然無意中發現左附近呢間隱世特色石板燒小店，門口已經聞到香氣噗鼻，食落更加係非常驚喜！餐廳由一對年輕夫婦打理，服務非常有禮，有禮到令人感覺以為佢地係日本夫婦嚟，但聽佢地講廣東話講得好純正，相信都係自己估錯，不過睇得出佢地好用心經營呢間餐廳，各項細節都處理得很用心，睇落相當有夫妻相，未開始食野已隱隱感受到一種幸福嘅感覺。今日試燒西班牙黑毛豬頰肉（橡果級）+羊肉，油脂分佈均勻，十分有口感和肉香，好高質既燒肉。。極級岩石燒定食套餐包左沙律十分新鮮🥗飲品兩杯有烏龍茶、日本汽水。。。另+$ 30升級極級岩石燒定食。。十分豐富小食方面有日式釀雞翼（香辣糯米+芝士忌廉蘑菇口味），第一次食到有糯米釀入雞亦，好入味又香又好吃😋套餐仲有綠茶🍵雪糕甜品😋飯後甜品🍮正😋雪糕好似忌廉甘滑！抹茶味好香濃 ，鮮奶勁重😋簡直一流既一餐