知漁滋味 (裝修中)

元朗又有一間新開嘅烤魚專門店餐廳裝修以木系為主而且有好多卡位坐得好舒服佢用嘅燈仲要係用滕編織嘅魚🐟好特別之餘仲夠晒貼合主題泡椒鳳爪（$48)鳳爪夠爽脆仲好入味泡椒分量剛剛好辣度適中涼涼地酸酸地好開胃特色烤魚($288)烤魚有好多款唔同嘅魚同口味可以選擇我今次就揀咗香辣味🌶江團魚一上枱已經聞到勁香成條魚都算幾大條魚皮烤🔥到有少少焦香嘅味道而魚身就好嫩滑而且好少魚骨味道好香又唔會死辣越食會越入味食落好惹味而配料嘅蓮藕萵筍同雲耳都好好食全部都好入味除咗烤魚之外其實佢仲有其他小炒雞煲🐔同乾鍋等下次可以再試下其他嘢

我一路好想食烤魚，見到樓下呢間知漁滋味成日都好多人，就去試下。我中意佢既燈光好光猛，地方都寬敞衛生，一入到去就好重麻辣花椒既味道，即刻令到食慾大增！一坐入去佢就俾左花生同蒜泥苦瓜俾我地做前菜，花生夠香！蒜泥苦瓜都超重蒜蓉味，苦瓜唔苦，好特別！我地兩個人今晚食左：🔶️手拍青瓜（$28，8.8／10）青瓜夠新鮮夠多汁夠爽口，好大碟好抵食。🔶️泡椒雞腳 （$48，8.8／10）有啲辣，但好過隱！雞腳好飽滿，唔肥，皮好脆身，欣賞。🔶️烤江團魚（蕃茄味）（$288， 9.2／10）超級推介！我本身唔係太食得辣，呢度好好咁有唔辣既蕃茄湯底烤魚。蕃茄湯底勁濃勁茄味！另外佢條江團魚好大條好多肉，啲肉質實淨好有魚味，最中意佢啖啖肉，無細骨，食得好開心。仲有佢既魚皮烤得好香好香，好味！仲好有多萵笋蓮藕做配菜，樣樣都好入味。最後一定要推介叫個薯粉浸落個蕃茄湯度，好掛汁，勁入味，好好味！兩個人食一條咁大既魚，好飽足！✏️總括而言，好好味既烤魚，環境衛生都幾唔錯，好啱冬天黎烚下烚下！

今日嚟咗世宙呢邊食晏，呢間餐廳好似係新開。12點幾時間嚟到都唔算好多人，坐得好舒服，卡位十分闊落。裝修都幾靚，餐廳又有提供紙巾同牙簽職員有提供水，QR CODE自助落單，好方便。涼拌雲耳$38相當好食，有少少食酸辣粉嗰種味，應該係醋味，酸酸地咁做飯前小食相當開胃。比左好多蒜，好好味😋覺得呢個真係抵食，食到停唔到口午餐-干煸四季豆飯$58煮得好惹味！咸香味好好送飯，飯煮得好香呀另一份午餐-回鍋肉飯$68伴住好多椰菜，椰菜炒得好香好惹味😋回鍋肉嘅份量都唔少，有水準呀！

聽谷友講世宙開左新烤魚店，味道唔錯就特登行過黎試下。地點唔難搵，在向馬路的街舖。平日下午唔多客喎，店員示意可以隨便坐。店內無餐牌，用枱上的qr code落單，介面幾易用，食物選擇都唔算少，酸菜魚、水煮魚、雞煲、羊腩煲等，飲品就得罐裝飲料。🐟藤椒涼拌魚皮上枱時見魚皮晶瑩剔透，仲散發着藤椒香味，已經覺得好吸引，食一口冰涼爽脆，仲好滑添，藤椒辣很惹味，仲有芫茜香，真係好好味。🌶️水煮魚主菜要左水煮魚，叫小辣個辣度啱啱好。魚肉嫩滑，雖然有少少碎骨，但啲魚片真係好鮮味，而且份量仲唔少添。其他配料有雲耳、蒿荀、蓮藕等，滿滿一碗十分足料。湯汁裏的辣椒、花椒都放得好多，又麻又辣好好味。🍚白飯食辣野配個白飯特別好味，仲可以撈下辣汁添。🥤王老吉店內只有罐裝飲品，要左罐王老吉，哈哈，唔係叫加多寶。水煮真係幾好味，唔知佢個雞煲同羊腩煲好唔好味呢！？下次試下先。

又喺元朗搵到間好西啦😋-最近喺元朗返工，收咗工之後想同同事搵間坐得舒服啲嘅餐廳食吓嘢，比我哋發現咗《知漁滋味》，以後喺元朗又多間餐廳可以食啦😚-首先梗係食啲小菜先啦，花生係我至愛，好香口☺️-烤魚一流呀！魚肉無骨超嫩滑，越煮食越入味，啱晒重口味嘅我😆係第一間我食過連魚頭都正既店，萵筍用酸菜都好好味，必食！--用餐途中都見到出面有好多人排隊，亦都聞到隔籬枱啲小炒好香，證明哩間店都好受歡迎，下次要再去試吓其他🥳

呢排同朋友迷上咗酸辣菜式 今日係附近飲完咖啡，行經呢間餐廳就入嚟試下呢度位置都好闊落，睇得出係新裝修，上面燈罩嘅佈置同牆身都好用心。叫左個前菜同埋水煮牛肉。涼拌萵筍，唔會太辣，帶有小小酸，萵筍爽口好食，清新開胃。 水煮牛肉都好大碗，裏面牛肉非常之多，有薯粉，蓮藕，木耳，大豆芽等等配料。我地揀左少辣，所以辣度可以接受，佢個香料好多，食落反而麻味較濃，好味道，而且呢到個水煮牛肉唔會好似其他餐廳咁好多辣油好油膩，佢係辣同麻都有又唔油，所以我覺得相當唔錯！佢嘅薯粉都好Q彈，夾埋配料一齊食好滿意。

知漁滋味 📍元朗安寧路38號世宙商場地下26號舖===================== 經常經開世宙附近，路過見到有好多特色食肆，今次同屋企人出街食lunch，就試下食魚餐廳每日開11:00，我地大約1:00到，因為午市，所以開始多人我地叫左個午市客飯：酸菜魚可以配飯/薯粉/米線，我地揀左飯中意食辣的朋友可以試下🌶️🌶️🌶️，但我地就吾係好識食辣，所以揀左少辣酸菜魚好有誠意，勁多魚，鱸魚好滑嫩，而且有好多配菜：萵筍，黃豆芽，酸菜，辣椒，芝麻，木耳，芫荽，浸埋汁送飯👍🏻👍🏻👍🏻之後叫左個風味小炒：泡椒田雞出街食飯，要叫D係屋企吾會整的餸試下我本身對田雞好感一般🫣但餐廳整得吾錯，咬落似雞肉味，家人都讚好配菜都好入味，萵筍，洋蔥，中芹，蔥。

天氣忽然轉冷，還下著毛毛細雨，最適合吃點酸微微的菜式，暖胃又暖身，亦能刺激食慾。最近元朗飲食群組熱推知漁滋味的酸菜魚，身為元朗街坊的我當然要一試究竟，看看是否與大家口中那麼好吃。這個川式回鍋肉是我點的，不得不佩服自己這麼會點菜，吃完後與媽媽一致好評。回鍋肉要好吃的話就是看師傅對於火候的掌握，豆瓣醬帶出回鍋肉的香氣，甜甜鹹鹹的，椰菜爽脆，肉片亦給得不手軟，回鍋肉軟嫩不乾柴，是道層次豐富又下飯的小炒。重頭戲酸菜魚終於上場，今晚我們就是為此而來，酸菜魚嚴選泡椒，指天椒，醋，酸菜等湯料去煮，湯頭相當清徹，保有香麻酸辣，酸菜湯底一喝就有著醇香酸美，清爽好喝。鱸魚切成片狀，去除骨刺，嫩香滑溜溜的，海味鮮美，鱸魚帶著滿滿的酸辣韻味。酸菜魚除了有酸菜與鱸魚外，還有蓮藕片，雲耳，大荳芽，薯粉，萵笋片及海帶，晶瑩剔透的薯粉吸飽酸菜湯後超涮嘴，連蓮藕片，萵笋片都脆甜無比，海帶，大荳芽，雲耳新鮮，嘴巴於短時間享受到各種味道和口感不同的變化，真是滿足。

元朗出名多好嘢食，今晚嚟到新開嘅烤魚店😍😍本身唔係好肚餓，所以只係叫咗江團魚配薯粉（$288）二人份量啱啱好👍口味揀咗泡椒味，一上碟開爐，滾咗就可以食。滾左口陣陣泡椒香撲鼻而來，首先試試魚嘅味道，非常先鮮嫩，而且大大條，肉質豐富，配合埋泡椒湯底又辣又開胃😋😋同埋要讚下佢嘅配菜，有蓮藕、雲耳、芽菜、鹹菜⋯⋯⋯配合埋酸菜魚食口感非常豐富。一開始食嘅時候味道冇咁濃郁，湯底越滾越入味，食到最後就非常適合一啲鍾意重口味嘅朋友🥰

🐳位於元朗世宙商場附近，新開了一間烤魚店，叫做<知漁滋味>，一聽個名就知道係專門食烤魚嘅餐廳，今日一於來試一試。🐳餐廳唔係好大，但係每個座位都坐得好舒服，而且夠晒光猛，所有吊燈都有個魚形嘅網笠住，好得意呀！雖然呢間係啱啱開嘅餐廳，但今晚有好多人嚟幫襯，座無虛席，好彩今日早少少嚟到餐廳，好快就有位啦！🐳嚟呢度當然要食烤魚啦！🐳江團魚(香辣味)💰288一上菜被佢勁多辣椒嚇親，開咗爐之後煮一煮，就慢慢搣走啲辣椒，好怕太辣成條魚都食唔到，但係原來唔係我哋想像之中咁辣，不過條魚就好惹味，骨唔算太多，魚肉好嫩口，成條魚都唔細條，最後清晒。🐳泡椒雞腳💰48由於佢係浸泡嘅雞腳，所以非常爽口，但呢個雞腳真係都幾辣下，食到我哋申哂脷🤪🤪應該浸泡嘅日子都唔短，因為雞腳入晒味。

世宙樓下開咗間烤魚，就喺牛知己隔離，鋪面唔算大，廚房應該同隔離公用的，環境不錯，全部係大卡位，坐得幾舒適。午市有套餐，選擇都算多，有辣有唔辣，粉麵飯都可以揀，價錢適中，晚市才有烤魚供應。今日星期六12點來到，等咗10min先開門，我們叫咗兩個餐，試業期間仲隨餐送罐裝飲品。水煮魚配薯粉，魚片肉厚狗滑，分量足，唔算太辣，帶花椒麻香味，不太油膩，薯粉煙韌度適中，唔錯。涼拌雲耳，少少辣，有芝麻香，爽口。回鍋肉飯，五花腩唔算肥，夠入味，椰菜保留到爽口，比較重口味。

一望去入面嘅燈飾係一條條魚。💓今日食嘅係招牌烤魚(江團魚)湯底👉豬骨同雞骨(用大量嘅骨)去熬製(每日熬製6小時以上)所以大家記得飲埋d湯。用新鮮活魚：名為江團魚，肉質滑，廚師用秘製醬汁烤10分鐘先，等到乾身之後就用湯去煮江團魚，煮大約5分鐘後，魚夠嫩滑酸菜魚就可以食，肉質好厚，冇乜骨，啱晒我心水湯內配菜：老壇酸菜、萵筍、芫荽、豆皮、大豆芽、雲耳、蓮藕。另有蔬菜盤蕃茄、生菜、油麥菜、娃娃菜。💓泡椒雞腳(都幾辣)💓黃金炸饅頭，炸得好鬆軟，沾埋牛奶食，好正。今次見到店內推出季節限定蟹皇蟹后套餐$388

元朗世宙開咗間新嘅餐廳，主要食川菜為主，平日中午去食，見到都有唔少食客。.「酸菜魚飯」$68🍽：酸菜魚份量都幾多，好多件魚肉，魚肉都大件同嫩滑，👍🏻仲有其他配菜，包括萵筍、蓮藕、木耳、芽菜、酸菜，味道酸酸地開胃，雖然有少少辣椒，但一啲都唔會辣！值得一讚嘅係湯底唔會好油！😎午餐仲會送一罐汽水🥤「手拍青瓜」$28🍽：青瓜雖然佈滿辣椒，但味道唔辣，爽脆爽脆，用嚟做餐前小食都唔錯嘅選擇！😊😊

呢度個酸菜魚做到肉厚無骨實屬難得今日試魚香茄子，同樣冇令人失望下次再試埋個麻婆豆腐（期待...)食得出呢度個廚用心，希望可以保持水準希望試業後午市可以繼續送湯/野飲

世宙新開店空間係用咗牛知己既一半位置轉做四川菜位置都算坐得舒服今日lunch去食叫咗酸菜魚、水煮魚、水煮牛、宮保雞丁味道不過不失一個餐本身有湯店舖試業中所以免費加送罐裝飲品呢個價錢又免加一都可以接受