知漁滋味 (裝修中)

聽谷友講世宙開左新烤魚店，味道唔錯就特登行過黎試下。地點唔難搵，在向馬路的街舖。平日下午唔多客喎，店員示意可以隨便坐。店內無餐牌，用枱上的qr code落單，介面幾易用，食物選擇都唔算少，酸菜魚、水煮魚、雞煲、羊腩煲等，飲品就得罐裝飲料。🐟藤椒涼拌魚皮上枱時見魚皮晶瑩剔透，仲散發着藤椒香味，已經覺得好吸引，食一口冰涼爽脆，仲好滑添，藤椒辣很惹味，仲有芫茜香，真係好好味。🌶️水煮魚主菜要左水煮魚，叫小辣個辣度啱啱好。魚肉嫩滑，雖然有少少碎骨，但啲魚片真係好鮮味，而且份量仲唔少添。其他配料有雲耳、蒿荀、蓮藕等，滿滿一碗十分足料。湯汁裏的辣椒、花椒都放得好多，又麻又辣好好味。🍚白飯食辣野配個白飯特別好味，仲可以撈下辣汁添。🥤王老吉店內只有罐裝飲品，要左罐王老吉，哈哈，唔係叫加多寶。水煮真係幾好味，唔知佢個雞煲同羊腩煲好唔好味呢！？下次試下先。