真味日本料理 (已結業)

亞女生日想食日本菜, 本來打算去放題, 但唔鍾意限時限候, 於是改到這間離家不遠的小小日本餐廳。餐廳晚市要下午六點才營業, 我們準六時到達, 所以不用等位。已經是第二次來這裡, 例牌叫了招牌三文魚刺身, $68 有5大件, 雖然不是高質素的鮮美三文魚, 但都算是抵食; 海膽蝦炒飯值得一讚, 飯粒炒得夠乾身夠香; 牛油焗帶子有7隻帶子, 但只食到牛油香味, 帶子是急凍的, 細粒無味; 我們還要了數款壽司, 义燒拉麵, 日式餃子, 塩燒雞翼和 炒雜菜等, 牒牒都夠份量和算有水準。我們一行5人個個都話好飽好抵食。總括來說, 我覺得這一餐好食及抵食過去放題; 如果唔係太高要求, 這餐廳是值得再次光顧。

下午時分, 想找地方食點東西傾計, 這裡雖然沒有下午茶餐, 不過也可以叫小食.蟹子沙律, 清新, 爽脆的青瓜絲, 沙律醬似是某隻日本牌子, 味道非常可口, 蟹子分量也多.三文魚刺身, 這是確實有點意外, 因為只想食小食, 沒想過如此厚切, 大件, 但味道不算出眾, 沒鮮味. 而且吃一件已夠了.炸雞軟骨, 炸得香口, 但偏咸.我個人認為價錢和大型連鎖式食不相上下, 不見得真正抵.

經過好多次, 見人流好多, 又見門口寫住有 “棉胎壽司” , 一睇就知係似係元朗大大件壽司. 今天終於有機會試下.四個人等左20分鐘, 還好.點了壽司: 三文魚, 甜蝦, 帶子, 北寄貝, 蟹子, 明太子...又點了三文魚刺身.上菜驚見三文魚刺身真係棉胎咁, 好厚好大件! 食落有D辛苦, 因為咁大舊三文魚, 食落口感好差, 同埋一舊就好漏...然後壽司到, 所謂棉胎壽司, 都係舊飯大, 材料都係差不多SIZE. 最傻係叫甜蝦壽司, 甜蝦個SIZE係唔可能大過舊飯...其他都不過不失.我地食飽無事做, 就計下咁樣食法同平時去一般壽司店有無分別.計落, 價錢真係其實同去連鎖式無分別... 咁我點解要黎呢間食?寧願食返正常SIZE, 可以食到多D款, 又唔駛塞咁多飯落肚.還有, 店面好細, 好逼, 其實坐得唔舒服.

此食店一向列為定期光顧的名單，但今晚再去，已不復從前。叫了一碟一口牛, 68元，不便宜，之前吃過覺得很好吃，但今次的一口牛, 很明顯是老牛, 煎得過老了，很韌!角切三文魚---厚切, 肥美, 但無鮮味。最失望是海鮮炒飯，賣相不俗，看起來材料很多，可惜過咸! 不是偏咸，而是超級咸, 不能入口!叫了才明白為何鄰桌的海鮮炒飯吃剩大半。湯烏東是比較可取的食物， 質數正常，叉燒也是厚切，只是剛吃時叉燒是冷的，要靠湯的熱力溫熱。價錢不便宜，至少給顧客一個合理的質數!

因為我同朋友M生日,一行四人由朋友C帶領下去左食佢口中既「三文魚扒」初頭仲以為係熟個D三文魚扒,原來唔係喎!!!朋友C 9點鐘先放工,所以我地去到都唔使等位就入得!(好彩入早一步, 之後已經要等位了!)係朋友C既推介下, 叫左2碟「三文魚扒」, 2款壽司, 鰻魚炒飯, 炸雞軟骨, 牛肉雜菜鍋同埋三文魚頭啦!先黎左2碟「三文魚扒」, 真係完全嚇親!!勁大塊!! 62蚊有5塊真係抵食到爛!!不過三文魚刺身真係好「漏」~~食左一件,已經飽左一截...!跟住黎左個炒飯, 朋友C話好好食!!半信半疑食落, 真係正喎!!炒飯好乾身, 味道偏濃但不致於過咸!!鰻魚亦都搵得到, 食得到!! 落足料呀!另外仲叫左SUSHI, 朋友S點左帶子我就點左赤貝!帶子好大塊!!赤貝就相比之下失色D喇!舊飯亦都好大舊...哈哈!!炸雞軟骨~~呢個係我近年好鍾意既小食!唔係間間都整得入味同脆口!呢間係我繼沙嗲王後, 搵到另一個炸雞軟骨既高手啦!!哈哈!!好脆,亦都夠味!! 好怕D淡個鬼既雞軟骨..呢間OK!!牛肉雜菜鍋, 味道同其他日式店一樣,係甜豉油湯!不過略為甜左少少...有D「KOCK」喉!菜啦,菇啦,牛肉樣樣

是日同男朋友去晚飯-)去到9點鐘左右...不用等位直入堂內點餐....出餐幾快-)第1來到的是~唯一的壽司因為大件關係~所以叫得一客~叫得多都只會浪費....第2 三文魚4大塊食完都飽飽地-口-大件是眾所周知,但大塊也有壞處,一口咬下去,好像未溶雪得晒既感覺然後就有點後悔叫了拉麵不過不失很普通最後還有個雜菌~下次會試下個海"擔"炒飯見到堂食有幾多人叫....=)

呢間小店賣點是超大件既壽司同三文魚刺生，如果size 改成normal size ，就沒有吸引之處了點了：原切三文魚--- 像一大塊「魚排」，要用刀切巨型壽司-- 不同類型的壽司件件都珍寶size,好大件，特別好火炙三文魚，充滿油香鰻魚炒飯-- 飯炒得香口，但鰻魚完全碎到不知所蹤，食唔到鰻魚叉燒拉麵-- 非常普通.....

今日陪朋友瑪嘉烈覆診 , 覆診完下午一點多離去 , 搭的士去兆和街 , 好友帶路介紹食呢間。二點前到達系正門口落車 , 入到去全場得一個男客人 , 我同好友坐低睇餐牌 , 全程由好友發辦 , 坐低侍應放低一每人一杯芝麻茶 , 及一杯麵豉湯 , 係免費贈送既。叫左【三文魚壽司、火炙三文魚壽司、鱆紅魚壽司、油甘魚壽司、希靈魚子壽司】, 每客二件大約廿到三十元左右。等左大約 8 分鐘 , 用好長既黑色膠碟 , 好整齊咁上枱 , 件件都好大件好整齊 , 用筷子夾落去唔易散 , 壽司壓得好實凈 , 黏性好強飯醋酸味適中 , 唔錯!之後唔夠喉 , 再叫左【三文魚壽司、火炙三文魚壽司】各一客, 兩個人夾硬先食得哂 , 剛剛飽哂。 其實每樣壽司味道都 ok , 起碼色澤幾新鮮 , 食落都新鮮唔錯 , 但如果值得一讚 , 就係【火炙三文魚壽司】, 經火炙後魚油溢很香 , 有少少焦油香味 , 食落好甘香好正。食完下午二點半 , 見店入面再冇其他客人 , 但店內四個侍應都已準備好午飯 , 好似等緊我倆埋單 , 所以我即刻埋單 , 七客壽司總共HK$ 183 元 , 我個人覺得抵過食迴轉式壽司 , 食完好滿

那個豬扒飯真是不知所謂. 淡而冇味. 飯多過餸. 好似係一碗白飯上加料.蛋壽司塊蛋鞋到爆. 三文魚刺身得個大字. 冇冰底.雪到冇晒水份咁. 垃圾特別推介.雞軟骨串. 吉列蠔. 都唔知d人點解覺得個三文魚會好食.

受到openrice的大量食評所影響,今日終於和女友來此店,去試試個個都話好大份量的日本料理,其實之前有路過小店的門口,周時都睇到佢門口排滿人等入坐,可能因為店內比較細,所以好易就做成好旺的假象,所以我都故意等到9點幾先去食,希望唔洗等太耐,果然,我只等了8分鐘,老實講,對我來講,我真好討厭等和(答)檯,又或者擠迫的用餐環境,但........無奈,這裡是香港,剛說過的特點,好多食店都有,好,可以入去,安排了中間的2人檯,算係可以..........開飯 炸豆腐,夠熱同埋裡面都好滑,味道不俗鰻魚壽司,吞拿魚沙律壽司,好大件,其實可以考慮將這個份量分成3件給客人享用,鰻魚好味,吞拿一般鰻魚炒飯,呢個好味啊,飯炒得開,又唔會多油,夠香,推薦$55的超晒重三文魚,如果.........你可以用一個面盤來飲湯,而你又接受西多士咁厚的一塊三文魚,你會覺得好正,有5塊添,你可以正5次,但對我和女友來講,我同佢加埋一人正左半次,咁即話,我和女友合共吃了一塊,難吃嗎?我將剩下的四大件,叫員工幫我包走,拿回家後,再將4大件三文魚切開,好食好多囉,我唔會話呢碟三文魚有乜野問題,只係我自已好唔習慣咁厚咁

食左真味雜錦壽司拼盤加帆立貝壽司!！！！魚生質素極差！帆立貝口感完全不濟！得個大字！飯太大舊！一路食要一路夾走半舊飯~價錢又唔平！唯串燒牛舌都幾好食呢個價錢我寧願去食啲貴野~

有個成語叫「物極必反」，我諗小學生都識點解，就係世事去到某個限度就真係夠晒，再多就真係多咗，好事都變壞事。今晚於荃灣搵食，想食壽司，諗起兆和街有間日本料理晚晚要等位，一於就去試吓。時間尚早但都要等位，好在稍為輪候已可入座。於門口相片已得知此店原來又係「以量取勝」嘅元朗「田中系」日本料理，仲自稱「大棉胎」壽司，都唔敢貪心亂叫食物。每檯必點嘅「超巨型三文魚刺身」送到桌上，真真正正地O嘴，原來呢個世上竟然有刺身比田中仲要厚切，幾乎成寸厚，好恐怖!五巨片加埋肯定唔止半磅，賣$55一碟當然係抵食，但「求學並非求分數」，進食亦都並非求磅數，食嘢其實真係唔係純粹飽肚就好囉。三文魚刺身唔夠肥，質素平平，單係一件刺身已經食到人滯晒，食唔落其他嘢，為乜呢?今晚同時食咗火炙三文魚和帶子壽司以及煙肉三文魚炒飯，全部都係超巨型相撲手級別。火炙過後的三文魚充滿油香，炒飯亦都出乎意料地相當好味，不過份量全部都太過份地大份喇。既然出品質素唔差，與其質飽客人個肚，倒不如每樣食物都細份少少，好讓客人多點幾款食物好過啦。呢間食肆算係介乎笑同OK之間啦，食量唔大嘅話就奉勸唔好去喇，叫咗食唔落好浪費的。

平民壽司店最緊要是價錢平、大大件和夠新鮮。這間在荃灣的真味，價錢相宜，不過基本的“飯”就做得不好。三文魚壽司$19 & 甘蝦壽司$16 - 壽司的飯太硬，飯團很大舊，三文魚真的很厚很大塊，也幾新鮮，相比起來甘蝦就好像很弱小~清酒煮蜆$45 - 蜆不是很大隻，但是頗多也幾甜，湯酒味足，夾雜金菇和冬菇，幾好味~日式燒餅$38 - 好大份，裏面有些墨魚肉粒，味道OK~滑蛋豬扒飯$45 - 和壽司的飯同樣問題，就是飯太硬，豬扒也比較乾身，雖然半熟蛋幾滑，但是汁不夠。店內牆上除了有食物價格和相片，還有幾幅兒童畫，幾有趣~~

兩女子聚會，想食日本菜，便第一次到真味食晚餐。分別點了：三文魚刺身：份量超大，五大片，鮮味，價錢便宜。讚燒牛舌：不錯燒薄餅：好好味，粉漿少，多菜燒大蔥：好味豆腐雜菇鍋：好多菜同菇，好清甜，好好味。便宜，會再光臨。

今天同屋企人打完牌，屋企人話黎呢度食。因為知佢一向多人，所以今次好醒目地六點幾黎到，果然唔駛等位，但再過一陣已經full晒，當真名不虛傳。老公之前寫左個食評，員工回覆左我地，今次老公正好向這位員工道謝，店員們都好nice呢。先叫左一個大大件三文魚刺身，呢個基本上是每次必叫，一碟五件，今次三文魚五件入面有一件係寧捨細件ｄ，而且今次無之前咁肥，我地都覺得是失了水準。叉燒烏冬好大碗，單是叉燒都有四五片，同真味一貫作風一樣咁大兜，烏冬幾滑，豬骨湯頭再夾雜左魚味，叉燒厚切得黎尚算鬆化，配菜的日式魚蛋都OK，我覺得幾好味呢。蟹子沙律依舊大碟，蟹子蟹柳同沙律醬都好多，撈一撈黎食真係好正呢。芥辣八爪魚壽司同出面比絕對是加大碼，八爪魚粒好肥好大粒，芥辣味只是一般，但最失敗係紫菜唔脆。一口牛柳粒之前第一次最覺得好好食，但今次有點過咸，而且好似熟左ｄ，牛柳粒有ｄ韌，感覺呢味有ｄ撞手神先會好味。鹽燒牛舌有三串，但之前食一向好大件，今次則同其他鋪的差不多，不會特別大片。今次加左唔少既炸蒜係上面，的確係好味左，但其實最好食都係用少少鹽吊起牛舌味，結論係今次又是失色的。炒什菜很大碟，有金菇、青椒、紹菜、紅蘿蔔絲等，