相馬日式火鍋 觀塘 (已結業)

用餐時間：普通星期三1430朋友係個牛魔王，所以今日就帶佢黎挑戰呢個套餐。只要係頭60分鐘食曬1kg牛，就可以有半價優惠。放題黎講，佢啲牛肉絕對見得人，擺盤靚，味道都幾好。由於我地係餓住個肚黎，所以半個鐘就已經搞掂曬呢1kg。不過食完牛肉之後基本上都無乜胃口試其他野。佢哋除左肉類之外，都仲有其他火鍋食物可以出自助區任攞，不過質素點就唔知，因為今日quota主要都比曬牛肉。最後埋單連加一就係$300(挑戰失敗就要$550)，2個人平均每人只係要$150。呢度其實係唔限時既，最多可以中午12點坐到下午6點。今日既食物質素我覺得係唔錯既，尤其係牛肉，所以呢個用餐時間+食物質素每人$150性價比係幾高既！不過如果唔係特別鍾意食牛肉既話，呢個放題應該唔會適合你，因為你唔會有胃口食到其他野。

要清大假就帶姪仔出嚟威下啦問佢想食咩 佢話 我想飲好多汽水同食雪糕同行嚟行去咁呀...自助打邊爐啦！行嚟行去攞出面啲菜呀菇呀烏冬呀汽水呀 食完仲可以食雪糕 係咪開心仔先Lunch嚟講 我就覺得肉類唔使太講究出去攞啲菇呀菜呀已經食到好飽佢又可以放監式隊左2罐汽水細路仔鍾意出面啲丸仲多過牛肉整個雜丸烏冬俾佢 又可以對住大大個汽水櫃慢慢揀（店員安排對正汽水櫃嘅枱俾我地）我一個隊晒二人份都幾飽幾滿足😂140蚊 開心左2個鐘 抵啦

今日去觀塘見客，知道個客鍾意食大閘蟹，緊係要提早揾定邊度有靓大閘蟹食，點知俾我揾到間日式火煱，仲有大閘蟹任食。正la,咁抵既價錢，仲有咁靓既大閘蟹食，邊度揾。即刻boook定位，等個客黎可以即刻入去食。終於等到個客到，即刻揀湯底 ，揀完湯底，都未點野食，竟然已經第一時間上左2隻大閘蟹俾我地，真係快手。d蟹爆晒膏，好鮮甜，食完一隻即時想再食第2隻，我個客都話正，佢以為每人得一隻，我話帶得佢食，點會每人一隻咁少，緊係要食到唔食先得。佢即時雙眼發光。除左大閘蟹上得快，其他野食都上得好快，基本上全部野食佢會先上一次，有牛肩胛，律舌，豚肉，海鮮。睇下d牛肉/豬肉，一d都唔馬虎。邊少得咁新鮮既海鮮 d蝦出黎既時候仲郁緊。飲品都有10幾款。佢地另外仲有炸物，最特別無既單骨雞翼，仲有8種唔同口味，即叫即炸，香脆野味。食完主食，仲有甜品就係雪糕，為依餐劃上完美句號。最後當然個客幫我簽左張單la,哈。

觀塘真係愈黎愈多野食，由以前工廠區美食沙漠變成依家既美食綠洲，種類都多元化左好多，想食咩類型都有，今次老婆大人突然之間話想食大閘蟹，仲要想任食，真係考起我，不過都好彩，美食綠洲就緊係咩都有得食，係觀塘地鐵站B出口行幾分鐘就到，係電訊1代1樓就有依間"相馬日式火煱",佢有個大閘蟹任食火煱放題，即場walkin去試試。佢地可以揀2個湯底，我地就揀左一邊係日式甜醬油，另一邊就係豚骨湯底。依個就係大閘蟹放題，大閘蟹無限量供應，食到你唔食，唔駛就住荷包食，幾過癮。去到咩都唔洗講，全部出一轉俾我地，帶牛肩胛，牛舌片，雞脾肉，豚肉，海鮮，當然唔少得係主角大閘蟹。牛舌厚薄適中，因為太厚太薄都唔好食，而佢依度個厚薄就剛剛好。主角大閘蟹出場，我地一坐低一陣就已經上枱，原來佢地係一入座講左食咩餐，佢就即時去蒸，等你揀完火煱湯底，就已經上枱。隻隻蟹都爆晒膏，我剩係一個人都食到6隻，已經值回票價，d蟹膏好甜，真係冇黎錯。佢除左主食外，都仲有d炸物，但由於我食大閘蟹都食到半飽，所以d炸物只能淺嘗，佢地有8款唔同味既單骨雞翼，又有炸蝦春卷，芝士春卷。食後感:好彩揾到依間咁優質既大閘蟹放題，如果唔係都唔知點同老婆交代

今年我實在食左太多大閘🦀喇……呢餐應該係我今年最後一餐大閘蟹，真係食到個胃頂唔順😅響FB廣告睇到呢個海鮮火鍋＋大閘蟹，又約埋幾個老友開大餐，原本我係想Book荔枝角店既，貪佢唔限時，方便同老友邊食邊吹水，但可惜Full晒，唯有改去觀塘店，限時3小時。不過我記錯時間，以為得2小時，所以今餐都食得幾趕😅原本我係訂4位既，但突然多左一個朋友，餐廳比張卡位我，枱邊加多一張櫈，所以就坐得比較迫，同埋卡座同隔離枱只有一塊廉相隔，但又唔係完全阻隔，如有貴重物品，真心覺得好唔安全。今次叫左個鴛鴦鍋（豬骨＋麻辣），方便大家有辣有唔辣有盤海鮮係跟埋既，食物品質都唔差，開頭以為只得一盤，問過店員可再添加，非常正！佢既大頭蝦好彈牙爽口，帶子都新鮮，另外蠔都係好食，仲有牛肩胛好味道呀！成班牛魔王不斷狂翻點，其餘蔬菜類同醬料要自已出去攞。呢間既大閘蟹，每次每人2隻，總之蟹一到枱就可以即時再落柯打，不過出蟹時間又係偏耐，幫佢計過時，每次等蟹時間需時20分鍾，不過因為我近期已經食到超晒禁，所以當晚少少地食左7隻就收皮喇！幸好，當晚未有拆到死臭蟹，雖然啲蟹唔大隻，但都算爆膏，而且服務員換碟好勤快👍至於薑茶就唔多掂，無乜

秋風起，又到食大閘蟹既季節!呢日約埋朋友一齊去相馬日式火鍋，有個性價比好高既大閘蟹+火鍋任食套餐!中午時間黎到，好彩一早訂左位，入座率頗高，獲安排坐卡位，座位寬敞舒適，空間感十足。只需$398就可以無限時任食⼤閘蟹，另有⽇式火鍋放題再加無限炸物串燒，真係超抵!!隻隻⼤閘蟹都肥美爆膏!而且無限時可以慢慢食，正~⼤閘蟹爆膏味美，夠哂高質素，啖啖細嫩鮮美，營養豐富，食落蟹膏味濃郁，蟹油多，勁滋味。PRIME GRADE牛肩胛油花分佈多且分佈均勻，汁多味美、入口即化，口感軟嫩Q彈帶勁。另有軟嫩鮮味牛舌片、細嫩帶Q雞脾肉、豚肉肉汁香甜又柔嫩。海鮮拼盤勁新鮮，有齊蠔、帶子、蜆、螺、虎蝦、大頭蝦，特別推薦蠔，爽滑鮮甜，虎蝦肉質結實彈牙。設多款火鍋配料及日式炸物，以及MILKTOP雪糕、無酒精飲品等，性價比真係超高~

之前試過食夜晚都覺得唔錯，所以喺觀塘做完啲嘢就去食一個午市套餐叫左90分鐘嘅定量套餐$93食到一半嘅時候店員行過黎講，飲品只包一罐，額外既每罐要收$5（或者加$10任飲），又係我自己衰冇睇清楚，我唔知道原來飲品只係包一罐，所以佢收$5我都明白的（ 建議入座嘅時候店員都提一提顧客）點知原來雪糕都要收$20先有得食食過其他日式火鍋從來都未試過，全部都係飲品同埋雪糕任食，不過怪自己冇睇清楚，只係睇咗大價錢食物種類足夠，要食嘅嘢都有齊不過有得揀未必會再食

同事剛剛試完呢間放題話性價比極高，我當然又要試試佢啦。星期六中午12:00到，餐廳先剛開門所以冇咩人，但15分鐘後已經坐滿一半，証明我冇嚟錯😆一坐低老細已經遞餐牌同介紹套餐，我同老公揀咗$418+10%，火鍋放題，加一大盤海鮮再加大閘蟹任食！任食！任食！（重要的事情講三次），出面食2-3 隻都唔止呢個價啦。除咗火鍋當然少得炸物，為咗留肚食大閘蟹，我只點咗蝦多士/蔗蝦/水牛城雞翼/土匪雞翼。***水牛城雞翼十分出色，食完條脷起碼辣咗15分鐘😂登登登登！主角出場。🦀size 都有手掌咁大隻，好香同多膏😍😍（下圖為我已食哂啲膏先記得影相）。任食有呢個質素，超出期望。食完大閘蟹，到另一主角打邊爐啦😆一開始就有一大盤海鮮（唔記得影相）+兩盤牛+一盤豬+一盤雞+一盤牛舌，超級豐富🤤牛肩胛超正，帶少少筋，肉質較堅實但一啲都唔韌，建議唔點醬汁，先食到原有牛味。牛舌有八塊咁多，每塊都有一定厚度，爽口彈牙。豚肉同雞肉都好新鮮。出面火鍋啲雞肉多數好梅，呢盤就好juicy。豚肉厚度剛好，大大塊好嚼頭🤤另外出面有起碼廿種配料，烏冬/麵/丸類/菇類/豆腐豆卜/蔬菜，任食唔嬲😆除咗飲品任君選擇，最驚喜係有Milkt

之前喺網上見到好似人book，又賣廣告，諗住同朋友去試打邊爐。不過去到鋪頭比較細，坐得比較迫，枱又細，可以放嘢食的位置不多。最緊要係我哋未打完邊爐已經催埋單俾下一輪，感覺不太好。嘢食其實一般，冇話特別好食或者難食，都係一般打邊爐嘢，選擇又唔算特別多，咁嘅價錢一般般喇！可能而家做大閘蟹放題，好多人都食大閘蟹，但我同朋友原本想試，但價錢超出預，所以都係諗住純粹試打邊爐。鍾意食大閘蟹去呢間食還可以，但純粹打邊爐就不太建議呢間。

冬天起了，是日happy day同男友一齊去觀塘食大閘蟹打邊爐。呢間任食大閘蟹加高質打邊爐，我覺得餐廳遇到我地呢d大胃王好蝕錢餐廳沒有花錢裝修到好豪華 ，但有把錢提升了食物質素和種類，所以覺得$400每人很高質。 事關今年大閘蟹被封關真的很貴，90分鐘唔急咁食都食到每人多隻 再加勁多海鮮肉肉炸物飲品。澳洲和牛真的是和牛，覺得很嫰口也有牛味。牛小排呢碟n call左因為好嫰滑，又易食。海鮮拼盤帶子超級滑滑滑海蝦隻隻都動梗仲有蜆同帆立貝 ，蠔，青口 ，海鮮選擇多又新鮮雞翼因為肚餓而每款都岩直情各來一樣 細心既餐廳知道客人貪心又樣樣想試，所以雞翼係單骨咁上。最愛土匪，麻辣 ，蜜糖味炸物款款都點變成拼盤了，推介網蝦，蝦多士，日式炸蛋，牛丸，蝦餅。仲有自助菜類和醬料類可取 ，十分方便。雪糕有milk top 雪糕作完美句號，一拳超人提提你lunch set要加$20先係任食湯底日式辣醬和甜醬油 兩款都不錯，收貨侍應是年輕人，勤快有清楚交代每樣野。

呢間推介佢lunch打邊爐，佢一人一鍋加有45/60/90分鐘打邊爐 fit唒我地食糧少又要keep fit 上班OL。45/60分鐘都夠皮，7/80蚊食飽飽。佢玩法係每人有（一碟）主食肉（牛或雞或豬）+ 一罐飲品，之後出面配料（丸，菜，麵）任食。所以我地女仔少肉多菜好啱食阿。食牛最好。。湯底有，濃湯，甜豉油，蕃茄，泡菜....我就獨孤一味甜豉油 因為配娃娃菜係好正🤪佢d食物質數唔錯，特別個沙津丸好正。佢而家做緊$4xx任食90分鐘大閘蟹，我地同老闆講每人叫一隻試下，如果好食再拉大隊。我哋三個每人叫一隻，一隻價錢係$48 三両，不過不失，有人蒸麻又有彊茶，算係咁啦。同自己買差唔多。不過食蟹真係要慢食，二個鐘頭唔夠所以揀返打返邊爐最好。Happy Friday lunch 😚

啲海鮮一拎上黎就見到變曬色 朋友去拎兩張紙巾有個職員話使唔使拎咁多跟住尾隨我朋友 係檯面收走佐啲紙巾 一句嘢都冇講 真係o嘴 418蚊➕1 大閘蟹放題 全部公 仲要超細隻 千祈唔好去🌚🌚🌚🌚🌚燒雞翅一啲色都冇 一咬開全部血 個職員話冇問題 已經熟曬伏到一個點

好期待的大閘蟹2小時放題，但好失望，蟹膏苦澀一D都唔好食，其中2隻超苦食唔落口，蟹膏質地好似水狀，但蟹肉就正常鮮甜好食，相反火鍋就唔錯，牛肉牛舌好食肉味濃，但食完最後沒有提供薑茶，不會再去食大閘蟹，但火鍋可以一食。

係網上睇左廣告見有大閘蟹食同兩位朋友即晚book去食位置ok啦間鋪就唔大 坐位都幾逼三個人 一人一鍋一坐低就比左一set食物我地一碟海鮮兩碟牛一碟雞一碟豬牛算幾好其他一般蝦就梅嘅好啦 叫主角大閘蟹啦叫左4個字都未上要催先check下由2050到2300 只上3轉蟹 一般 唔太多羔最大問題係 全間鋪頭d人 態度勁差 黑口黑面 我地非常有禮貌叫野佢地可以唔出聲就行左去放低野食唔會話你知係咩叫蟹好似乞咁2300同你講而家last order 即刻要叫上最後d一次蟹 態度差地講：呢到最後啦仲有佢至2330 意思係2330佢地要收工出門口2320已經熄冷氣

放假對於減肥來講, 係好大壓力, 又冇得食, 又食得少,但近日發現只要早點吃晚飯, 一樣可以達到減肥效果, 所以同囡囡早些食晚飯, 一齊去食火鍋, 位於觀塘相馬日式火鍋 雖然門面同裝潢比較細一般, 但坐位比較闊落,減少壓迫感, 加上疫情, 只有卡位, 沒有任何圓枱, 而且卡位之間有竹簾隔開，比食客更安心。Bar 枱放上不少肉丸, 疏菜,菇類等及其他醬料, 仲有雪榚及各式飲品, 其實店內細細, 種類總算不少,仲有甜品雪榚。 。叫左個鴛鴦湯最方便 可以一次試兩個味道。1個是牛乳及清湯。之後...最驚喜時刻出現...一個2百幾蚊套餐, 可以有甘靚海鮮, 蝦都有兩款觸鬚仲震動, 有大頭蝦同海蝦, 老實講大頭蝦肉少, 比較實, 反而對海蝦開心D, 因為夠爽身,帶子鮮甜大隻。青口真的不細隻。數量都不少。 蜆來說都比較大令蜆肉 味道亦較出加些海鮮落湯底, 味道更鮮。又多一層味道,  炸物。火鍋好少有炸物。一般食日式放題先有。但估5到火鍋放題都有。仲有不少款 自己鍾意芝心丸火鍋最緊要肉, 有豚肉，牛肉，雞肉雞肉色澤超靚好老實, 牛同豚肉真係好多片,食左兩盤豚肉已經好飽,再加其他靚海鮮及炸物,絕對值回票