相馬日式火鍋 觀塘 (已結業)

話說早幾日見到社交平台推介相馬打邊爐，又見到話有海膽湯底，心諗正，諗住同朋友去試下啦，一上到去，得幾台客人，人少少冇咁嘈都好，打開餐牌諗住叫3XX果個，點知店員話要早幾日book定，咁算啦，之後叫左$2XX，我地3個人，分別叫左豚骨，辣果個湯底同埋蕃茄， 自助吧款式就唔係好多，飲品又唔係多選擇，都算啦，首先湯底講起，可以係冇乜味嘅湯底， 豚骨冇味，麻辣唔辣，蕃茄冇味，之後D海鮮一D都唔新鮮，肉唔洗講一D都唔好食，熟食果D雞翼唔洗講一樣咁難食，我終於明白點解冇乜人去食，我見隔離三哥譚仔仲多人過佢，總結依間野永久blacklist。

好耐無寫食評,但剛同朋友幫襯完,有感而發。1)唔算平,3個人食最貴果個餐,埋單1200找1蚊,400/位,但任飲任食無啤酒,餐紙提供的食物選擇以呢個價位亦唔算多,一張是海鮮,約有十樣野選,鲍魚是要參加social media遊戲先有。另一張是雞翼等炸物,仲有一張是只有三款選擇的點心,話即叫即蒸,要等好耐先來,牛肉是用口叫,並非寫紙落單田,而且d野唔算好食。2)職員多是黑口黑面無表情,臨走前想叫多次海鮮,但店主態度極不情願,話"比埋你勒"。話係任食,又係幫襯最貴果個餐,點解叫多碟海鮮咁有問題,朋友只是叫了兩片带子與兩片鲍魚,我們亦沒浪費食物,食得很乾淨,此種服務好有問題。3)無限時其實只限最貴果個餐,其他餐好似限時90分鐘。4)地方環境很逼很淺窄,出入位不算方便。以上實話實說,400/位其實好多選擇,幫唔幫櫬自己決定嗎。

價錢合理,食物新鮮！ 雖然地方不算寬敞,但屬價廉物美,無限添加肉類,抵到爛👍👍冷氣夠,綠茶雪糕推介👍好味,豚肉嫩滑,👍食物質素夠新鮮！蔬菜種類足夠,今次約了兩位素食者去,他們都比like, 淨食蔬菜雪糕雪條都夠飽,推介可返轉頭再食過,回味,埋單5位都係$1043,抵到爛！

正要慶祝減肥小成功的我，今晚找2個女朋友去觀塘一齊搵食，朋友推介"相馬日式火鍋"。其實本來都有點擔心今晚打邊爐會放縱食得過量肉類，但我今晚真係要讚讚"相馬"的蔬菜選擇夠多款！他們火鍋的蔬菜是無限供應，我想食多少也可以，有生菜、A菜、金菇、日本大蔥、芋絲…仲有好多菇類，瓜類等，喜歡食那款可以多取，食幾多攞幾多，這是一般火鍋放題少見的。我想借機會多謝"相馬"的誠意，這個蔬菜的安排令減肥的我們不用擔心全晚要食肉，還可以有蔬菜裹腹，好開心我今餐食得好滿足, 也不用擔心爆“quota”食多左而罪疚啦！多謝你們!

想起很久沒有吃火鍋，於是約了朋友來觀塘的相馬日傾火鍋吃晚餐，大吃一餐。餐廳地點方便易找，環境裝修雅致，坐得舒適。出面有飲品自助區和蔬菜丸類自助等，款式眾多，食材新鮮。鴛鴦湯底，牛乳拼甜豉油牛乳湯底濃郁香滑，清新可口，甜豉油味道香甜，鹹度適中。美國頂級牛小排牛肉切得薄身，雪花油脂分佈平均，肥瘦適中，肉質軟稔嫩滑，牛肉味濃郁。豚肉和雞肉豚肉肉質較結實，但一點騷味也沒有，彈牙可口。雞肉嫩滑鮮甜，入口滑溜。海鮮拼盤有海蝦，帶子，青口，蜆，蟹柳，蠔等，新鮮鮮甜，海蝦特別大隻，有手掌般大，很驚喜，肉質彈牙鮮甜。帶子厚身鮮甜，嫩滑多汁。炸物和雞翼炸物和雞翼都是任點的，有很多款式可選。蜜糖雞翼外脆內軟，蜜糖惹味香甜，土匪雞翼味獨特，有孜雞味。炸花枝丸嫩滑爽甜，花枝味道香濃。午餐肉惹味可口，外脆內滑。韓國雪條有多種味道，芒果，椰子，紅豆和蜜瓜等，香甜滑溜，味道清甜。

剛經過餐廳時，就被那具有日本氣息的裝潢吸引了我，彷彿置身於日本之中，所以本人決定一探究竟，誰知道我這個選擇卻十分精警。 一坐下，服務員便非常迅速地放下兩盤牛和兩盤豬，跟住我便出去兜一圈。外面自取區有不同種類的丸，讓我任意去選，口感吃來不帶點酸，而且炸物更讓我任意圈，吃到我氣都沒有空去喘。而最令我驚喜，是海鮮新鮮就像還沒死，建議大家盡快點以免所剩無幾，因為新鮮到好似去咗築地。而且飲品區有很多汽水，可以等你無限任隊。可惜雪條太涷痴親我個咀。但食物質素依然喺觀塘之最，適合一家大細去團聚。

這家小店午市是做一般鐵板餐，想不到晚上搖身一變變成任食火鍋，牛X系列那種，意外地食物品質沒有令人失望呢環境：店子比較細小，不過竟然可以坐到60人！善用每分空間的小店服務：真的意外地好，店內男侍應超有效率很快便會幫你收碟加湯上菜，一流服務態度食物：牛肩肉套餐$258 一位以小店來說定價略為進取，不過以牛肩油花均勻度，豬肉的質素來說，物有所值湯底點了豬骨跟泡菜，比較普通另外還有一份的海鮮，雖然份量細但質素卻十分不錯，帶鮮味尤其大頭蝦膏極豐富，上桌時蝦竟然還在動！蜆肉大隻又新鮮，青口沒有雪味，完全不像會在放題店吃到的質素外面自己拿的醬料有指天椒，生蒜，醬油，莞茜等，質素正常我很欣賞他們的菜，生菜跟油麥菜，菠菜均相當不錯，冬瓜 番茄 秋葵也是難得地爽脆另外任點的雞肉入口嫩滑，似是去皮雞腿肉小店還有個小寶藏：雞翼+炸物任點雞翼也是炸的，主要是炸脆後以不同調味粉調味當中我最喜歡蒜蓉牛油雞翼 味道香濃而帶油香，正！黑椒雞翼 微辣帶點甜，有層次土匪雞翼 也就是孜然粉味，滿有趣的最後還有雪糕作結呢～

最近放工都會喺觀塘覓食，老公話真係好想食日本牛肉火鍋，冇得飛日本食下 shabu shabu 都開心嘅。觀塘近市中心 又想食日式火鍋，我鍾意去 相馬 Soma，佢哋其中一個深得我心嘅殺手鐧就係 milktop 雪糕放題。美國特選牛肉 $258性價比超高的日式火鍋放題，120分鐘任食任飲，已經包括特選牛肉、豚肉、雞肉、炸物放題。首先選定湯底，我最愛牛乳，北海道牛乳配牛肉或者蔬菜食都特別清甜，另一邊廂喜歡中華辣湯，刺激又惹味，鴛鴦鍋有辣有唔辣啱晒大家口味。美國特選牛肉，肉色紅潤有光澤，脂肪分布平均，雪花漂亮，入口即溶，沾上日式麻醬汁更顯美味，濃郁的牛肉味散發出來，無論配牛乳湯或者係辣湯，一樣咁突出。我哋仲追加左海鮮拼盤，蠔🦪、蝦🦐、帶子同埋青口都很新鮮，鮮甜肥美，配搭牛乳湯底，鮮味更加得以提升，滋味無窮。自助食物區，有不同嘅蔬菜、丸類、烏冬、拉麵，款式選擇十分多，超級豐富。炸物放題，我最鍾意吉列蝦、蝦多士，酥脆可口。炸牛丸、午餐肉，味道濃郁。香港地道街頭小食，一應俱全十分好。雞翼控必食推介，即叫即做，製作認真的單骨雞翼。首先唔覺意食咗麻辣雞翼真係辣到飛起，水牛城雞翼特別有風味小辣，土匪雞翼

品質差到想寫食評👎🏻👎🏻👎🏻👎🏻👎🏻！因為在這座大廈做facial，食之前也看過YouTube介紹，心唸不如試一下！叫了每人3xx的美國頂級牛小排，可是嚟到的品質有如一般街市的肥牛，於是問服務員這是我們叫的那種品質牛肉嗎？她說是，今天牛小排是這樣質素！叫了幾份也一樣，不是太肥就是瘦到油花都冇！從來未食過這麼差品質的牛肉火鍋放題！絕對冇下次！照片只拍了一張，完全沒有想再拍的感覺😑😑😑，當時未想過要寫食評，實在不想大家中伏！

今晚在觀塘開完會後，因為不想放工時間跟人逼，所以找了這間相馬日式火鍋吃個晚餐。看看餐牌可以見到性價比還真高，而且丸類蔬菜類及飲品款式齊全，任飲任食。湯底方面，我選擇的是一般常見的甜豉油及比較特別的牛乳湯，聽說牛乳會令肉類吃起來更嫩滑。美國特選牛肉可以看到牛肉的油脂不會過多，肉質是鮮紅色沒有瘀黑色，新鮮又嫩滑。豚肉豚肉也算是很高質，切得薄令口感更佳，沒有雪藏味。牛舌牛舌是另外加錢點的，顏色均勻，厚度一致，吃落口感爽滑堅韌，牛香味亦濃。雞肉雞肉是一般的冰鮮雞，沒有太大的驚喜，不過打邊爐最重要的還是牛吧。雞翼最驚喜的地方是這裡可以嘗到不同口味的雞翼，即叫即炸，外脆肉滑，非常可口吸引。丸類款式很多，而且味道跟市面上的大致相同。

今日同朋友約去觀塘打邊爐，喺OpenRice見呢間好評都好多，於是決定試吓。我地揀咗美國特選牛肉放題（極度推薦：因為可以包埋炸物放題），湯底方面揀咗豚骨同清湯。牛肉同豚肉都好靚炸物放題方面，有好多唔同炸物可以揀，仲有好多唔同味道雞翼揀，而且全部即叫即做，送上嚟嘅時候保證熱辣辣。火鍋配料方面我覺得選擇都多，對我嚟講足夠。雪糕方面可以自己𢳂，或者可以揀韓國雪條整體而言，呢間火鍋店食物質素喺觀塘區而言係我嘅首選！

成日都聽朋友講相馬好抵食，見疫情緩和咗帶埋朋友一齊嚟拆返一餐，仲要係任食任叫，放任喪叫。湯底方面我哋就叫咗蕃茄湯，另外仲叫個鴛鴦湯唔同口味任君選擇，蕃茄湯都幾濃郁，我覺得配埋豚肉片都幾正，唔一定次次都食到咁重口味,最咪重用個湯係煮個拉麵都幾正另外仲有幾款牛肉可以選擇，我就最鍾意食牛肩胛，一來唔會太肥但係又好重牛味，另外就有火鍋放題大家最鍾意食嘅牛小排，質素都唔錯，雪花紋好靚，如果想瘦啲嘅話可以食美國進口牛肉，脂肪比較少唔會食得好油膩。另外我最欣賞佢哋呢度原來有得炸物放題，質素仲要比平時日式放題要好，我都唔執輸叫咗好多款炸物，炸魷魚圈炸午餐肉，炸墨魚丸，炸餃子你諗得出嘅炸嘢都有，黎之前完全冇諗過有炸物食到超級過癮，另外仲有雞翼，有好多款口味㗎例如芝士，辣味芝士等等。今次都幾滿足除咗可以狂食牛肉之外仲可以狂食炸物

觀塘呢間火鍋有幾間分店，今日第一次嚟食。餐廳燈光暗暗，入到去都算幾多位。我哋揀咗美國特選牛肉任食，除咗牛肉、仲有雞肉及豬肉任食。飲品任飲。出邊仲有其他丸類、蔬菜類嘅配料任食。美國特選牛肉星期一至四$238/位；五至日及公眾假期$258/位。價錢都算經濟！湯底揀咗鴛鴦鍋：甜豉油及豚骨。甜豉油湯底富有日式風味，真係幾甜。豚骨就清清地。呢度平價任食果一款特選牛肉，估唔到質素都相當唔錯。夠大塊，肥瘦分明，都幾香肉味。豚肉亦都夠林幾好食，雞肉係選用雞髀肉，所以相對地滑。另外佢哋仲有啲即炸嘅小食，我覺得有驚喜。叫咗蝦多士夠香脆！蝦餅都唔錯。雞翼都有唔同味道：有蜜糖、土匪、蒜蓉牛油味等。仲係單骨雞翼，另外仲有越南庶蝦等。出邊仲有一啲韓國口味出品雪條，雪糕都唔錯；朱古力味道香濃、綠茶味都OK。

出名胃食既 日，咁岩行開觀塘呢邊，記得之前餐廳搞過極上牛肉拼盤挑戰套餐，會一次過將1公斤嘅牛肉上枱俾你，如果兩個人喺一個鐘內成功挑戰，有半價優惠！果時一直都想去挑戰但未就到時間，而家雖然無得挑戰但都想試下啲牛係咪傳聞中咁好食！😋咁多種肉當中，最好味就梗係牛肩胛啦！牛肩胛脂肪比例分佈平均，肥瘦適中，牛味濃郁；牛小排嘅肥瘦度適中，輕輕一淥就食得，肉質嫩滑；美國進口牛肉脂肪比例較多，但入口香滑，唔油膩。😍火鍋配料自助吧火鍋配料自助吧自取嘢食，選擇都唔少，有丸類、菇類、蔬菜、烏冬同響鈴等等。我建議進食番少少菜，以減低牛肉嘅油膩感，咁可以幫大家食得多啲唔會蝕俾餐廳😂！串燒除此之外，餐廳亦有即叫即整嘅熱食，包括日式炸物、日式燒物、雞翼同串燒。飲品及甜品打邊爐當然唔少得汽水啦，飲品選擇都唔少。另外，甜品就有少見嘅韓國牌子，呢支奇異果雪條食落脆卜卜，夠晒refresh！相馬日式火鍋 Soma Shabu Shabu地址：觀塘成業街10號電訊一代廣場1樓B2鋪電話：+852 2111 0591營業時間：星期一至日 12:00 – 23:30黎緊我會一路為大家試食各樣美味佳餚

佢外面既自助區比較少野食可以選擇，而且大部分都不太吸引，另外店員數量比較少，有時叫左好耐都冇人過黎幫手。至於任點既炸物同牛肉，炸物叫左好耐都唔黎，仲試過漏單，牛肉就黎少一碟，搞到要再叫多次然後再等好耐先到。