相馬日式火鍋 觀塘 (已結業)

今年我實在食左太多大閘🦀喇……呢餐應該係我今年最後一餐大閘蟹，真係食到個胃頂唔順😅響FB廣告睇到呢個海鮮火鍋＋大閘蟹，又約埋幾個老友開大餐，原本我係想Book荔枝角店既，貪佢唔限時，方便同老友邊食邊吹水，但可惜Full晒，唯有改去觀塘店，限時3小時。不過我記錯時間，以為得2小時，所以今餐都食得幾趕😅原本我係訂4位既，但突然多左一個朋友，餐廳比張卡位我，枱邊加多一張櫈，所以就坐得比較迫，同埋卡座同隔離枱只有一塊廉相隔，但又唔係完全阻隔，如有貴重物品，真心覺得好唔安全。今次叫左個鴛鴦鍋（豬骨＋麻辣），方便大家有辣有唔辣有盤海鮮係跟埋既，食物品質都唔差，開頭以為只得一盤，問過店員可再添加，非常正！佢既大頭蝦好彈牙爽口，帶子都新鮮，另外蠔都係好食，仲有牛肩胛好味道呀！成班牛魔王不斷狂翻點，其餘蔬菜類同醬料要自已出去攞。呢間既大閘蟹，每次每人2隻，總之蟹一到枱就可以即時再落柯打，不過出蟹時間又係偏耐，幫佢計過時，每次等蟹時間需時20分鍾，不過因為我近期已經食到超晒禁，所以當晚少少地食左7隻就收皮喇！幸好，當晚未有拆到死臭蟹，雖然啲蟹唔大隻，但都算爆膏，而且服務員換碟好勤快👍至於薑茶就唔多掂，無乜