相馬日式火鍋 觀塘 (已結業)

月尾, 真是做到有點累, 又是找借口大吃一餐的時間。今次想試試新食店, 於是從網站找到在公司附近又風評不錯的日式火鍋放題。雖然食店不算大，不過我們2人安排了卡位坐得頗舒服和衞生。這兒晚餐時段提供限時90分鐘放題，我們選了價錢中等的美國特選牛肉套餐附送海鮮及炸物放題。 簡單一點就選了最日本的甜豉油湯底, 我還在剛開始時加入蘿白, 大蔥等材料, 令湯頭更清甜。點完湯底及肉類後, 我就走到醬料區"混醬"點完湯底及肉類後, 我就走到醬料區"混醬"雖然不像台式那麽多, 但基本的醬料都齊備, 混出最適合的味道。自助食物BAR 排列着多款蔬菜及丸類等其他食物, 要一讚這兒都執拾得很整齊, 亦不時會REFILL。同時有多款炸物供應、天婦羅和雞翼等放題任點, 不但沒有漏單, 大部份都是即點即炸, 十分香脆。基本上新鮮炸起的洋蔥圈, 天婦羅等很難不好吃! 而雞翼的味道也有很多選擇....我自己覺得黑椒雞翼調味不錯, 蒜茸牛油的則膩了少少。 吃這類放題當然最重要是牛肉質素! 通常第一ROUND 的質素是最好, 之後的就較為普通。但這兒不但沒有這個"陋習", 而且是越上越好呢, 那些牛肉相瘦相間, 入口即溶,

週末放假又是時候大吃特吃，今次就來到位於觀塘的相馬日式火鍋飽吃一頓shabu shabu。餐廳面積雖不大，但卡位座位坐得頗寬敞。晚餐時段提供限時90分鐘放題，美國頂級牛小排套餐附送海鮮及炸物放題，星期一至四成人每位 $308，五六日及公眾假期為$328，需另加$10醬油費。火鍋湯底有多達12款選擇。湯底加$18 就可轉成鴛鴦鍋，選了牛乳拼豚骨湯，我自己就比較喜歡牛乳湯，入口滑溜溜的很順口，散發陣陣奶香。除了湯底之外，其實火鍋的醬料也決定了味覺，醬料區亦可方便人客自行混醬，混出最適合自己的口味。自助Bar 提供多款火鍋配料。晚市有多款炸物、天婦羅和燒雞翼無限量供應，全程亦沒有漏單。一坐低侍應會奉上兩碟頂級牛小排、海鮮拼盤、豚肉和雞肉各一。美國頂級牛小排切得大小均一，色澤嫩紅，油脂分佈細緻平均，肥瘦勻稱，可以無限量追加。牛小排相當高質，肉質細嫩，就算不小心放在鍋內過久，也不會令牛肉變得過韌。豚肉片肥瘦適中，雞肉滑嫩不鞋口，沒有絲毫雪味，加上貼心地已經去走雞皮，不會令湯底過份浮油。還可以任食廣島蠔、日本帶子等海鮮，打邊爐也可嚐遍海上鮮。個人推介日本帶子，肉身光滑細緻，味甜富彈性。大頭蝦內藏豐

見餐廳出海鮮優惠，當然唔執輸，因為好少店鋪提供海鮮放題。好在已經訂座，如果唔係應該冇位。第一次光顧，地方十分淺窄。幸好有張四人枱，唔果唔係，真係好逼。點了海鮮放題，有蝦，蜆，冬風螺，蟹柳，蠔；但冇魚。估唔到重有牛，豬，雞供應。此外菜類及丸類選擇都好多。重有炸物及天婦羅等。汽水又有plus提供。性價比很高。食物方面，雞肉係冇味，豬，牛都可以。至於海鮮，蝦送上台時仍郁，所以我認為是新鮮，至於蠔及蜆殻類就一般，冇特別。炸物有啲過火，所以只叫了一轉。自助區嘅年糕好軟糯，反而雪糕真係好好食，有芝士，芝麻及綠茶味。可以話係最出色食物。

見到有75折所以去左食鋪頭唔大 唔係坐卡位可能會逼 同埋可能因為疫情 隔板比較多 店員會有啲難睇到客人相對一啲連鎖嘅火鍋店 自助區唔多選擇 菜有3款 丸/腸就得5，6款 其他就有啲菇類 蘿蔔 自助可以攞嘅應該廿款左右啦肉方面 唔會第一次黎好啲嘅肉 第二轉開始比啲差啲嘅肉 由頭到尾都係比同一款肉你 個人覺得牛肉係比雞、豬肉好食湯底揀左蕃茄同甜豉油 都ok 甜豉油唔知點解食食下會有啲甘味有炸物放題 所以都叫左啲黎試下 我覺得質素都幾好 即炸夠脆 亦都有提醒要等十分鐘左右 雞翼開左半邊嘅 唔會咁易飽 都幾貼心 個炸雞蛋幾得意鋪頭有貼指示 客人用自助區要帶口罩 但都有唔少人無帶 店員見到都無理 就扣左啲分

幾個月冇食過打邊爐，小朋友好鍾意食牛，成日都話要邊爐，同佢學完野咁啱見到呢間餐廳有得食，價錢唔貴就同佢嚟試吓。放題食幾多就幾多，不論丸、菜同肉都係任食，當然唔好浪費食幾多就點幾多，一開始有豬肉,雞肉,同肥牛即係最靚嘅牛肩頸, 我同小朋友極速每人K.O.左一碟，超好味，牛肉味重又唔硬，滾十幾秒就食得，太正。除咗牛肉每枱仲有一碟海鮮，有蝦有帶子，啲蝦仲係非常新鮮，跳跳紮㗎，帶子同大蜆都大大粒食，入口好鮮甜。除咗海鮮仲有炸嘢同炸雞亦食，款式好多，全部新鮮炸起，配埋黑松露沙律醬，仲正！如果唔係同小朋友嚟，送酒一流。最後梗係食埋甜品先走啦，雖然甜品選擇唔多，得雪條同雪糕，但綠茶味雪糕比起出面濃郁得多，我同小朋友都食咗兩杯先走，好滿足呢。

從網上得知有優惠，原價$280/位的海鮮任食火鍋做優惠至$198/位，任食2小時，趁住有慶祝活動就去試下，店內座位不算好大，但座位全部係卡位，坐得都舒服OK。至於食物方便，我地揀了黑蒜同辛辣兩個湯底，黑蒜湯底好得👍，海鮮款式都好多又豐富，有大頭虾，蠔，蜆，螺，蟹鉗，帶子等等，而牛肉又不是其他火鍋店的一般肥牛，尼個牛肉係好有牛肉味好香好正，而雞肉同䐁肉味道都好好，仲有現成的7款雞亦，好有特色，味道一流，又有不同嘅天婦羅都好好味，而飲品有不同果汁汽水同啤酒，最開心又有日本Milk Top雪糕味道good真是非一般質素的任食火鍋，超滿足😄😄

伏伏伏伏!又或許可能我有認知障礙啦!成條宣傳片同片下細字內文反覆睇了千百遍都睇唔到$198任飲任食係要早一日訂位先會有優惠!下午四時訂觀塘店即晚20:30時段食!去到好似無我Booking咁,最後比咗個又窄又迫嘅門口位,坐低完全兩回事,問店員此片所推介的是否該店,店員話係!但要至少早一訂先有依個優惠!心知中伏!但一場嚟到即管試吓!原來任食套餐豈碼有3級$178、$238、$308三種!$178就連雞翼天婦羅都無得點!如要像宣傳片所說係要食$308一位才有啤酒任同海鮮任食,啤酒就眼見只有什麼手工生啤!雪櫃內不見宣傳片中有數款啤酒任揀!可能無位放又係要0rder先會比啦唔知！於是加了一位$308!因小弟揸車不能飲!其實都已經興興地!連有無得0rder海鮮任食都無問!亦無0rder到任何海鮮!睇餐牌就仲要得90分鐘!但Sofar到10點都無趕我走!但係就話已經無啤酒!亦無任何意慾換新生啤酒罐上去!於是埋單走人!但雞、豬、牛質素是0K的!為勉影響心情就沒有現場理論!中伏一次就夠了!總體成個體驗並不舒暢!碟又唔收!叫換碗又唔攞番個乾淨碗嚟!匙羹漂白水味強烈!酒又無!仲要叫樓面斟先得,樓面3個人個

是夜落咗觀塘搵舊同事食飯舊同事帶路嚟食火鍋放題，兩個鐘頭任飲任食，幾抵喔！可選一人一鍋或者四格湯底。而我哋就揀咗甜豉油、蕃茄兩款免費湯底，再加錢升級辛辣豚骨湯底及黑蒜豚骨湯底 。而嘢食方面，就揀咗期間限定嘅特盛海鮮火鍋放題，海鮮都幾多選擇，有：時令蜆兩款、大頭蝦、虎蝦、青口、蠔、帶子、蟹棒及黃金螺！第一round 職員會將所有海鮮奉上，之後可以鐘意食乜就叫乜。每款海鮮都好新鮮，特別推介黃金螺，夠哂爽口鮮甜，好正！除咗海鮮，仲有牛肩胛、日式炸物、燒物&milktop雪糕任食。牛肩胛油花均勻，牛味濃郁！用嚟打邊爐就最啱，一點都唔膩！另外出面自助bar有各式打邊爐配料任揀任食，有丸類、麵、蔬菜、金落菇等等...飲品各式各樣嘅汽水、果汁、紙包飲品及無糖茶炸物款式都幾多選擇，全部都係即叫即炸，夠哂新鮮香脆。推介炸餐肉，口感香脆札實另外呢度嘅雞翼都好正，絕對唔可以錯過呀！雞翼有7款口味，有芝士、蜜糖、南乳等等...雞翼每件都以單骨形式，絕對唔怕試勻哂所有口味會食得太飽喔。個人最愛黑椒雞翼，面頭勁多黑椒粉，辣辣地超刺激。加上香脆嘅雞皮，超邪惡呀！

今日同老公呀女去試下, 埋單收了三位成人價錢, 原來小朋友130cm 以上便是成人收費, 阿女咁細食, 真係唔抵! 食物質素上尚可, 但環境超逼, 三個人埋單過千, 坐得咁唔舒服, 寧願食其他日式放題好過!

好耐之前已經食過佢地嘅火鍋，太耐無食諗住回味下，點知已經唔同哂。我地去到被安排左入座發現張枱搖搖下，我地當中有一位係大肚婆，見食火鍋好似有啲危險咪同職員講話張枱搖搖下可唔可以換第二張，點知職員同我地講「無事嫁，係咁嫁啦」我地再要求換枱嘅時候更加係調頭唔理我地。最後同另一位職員要求換枱先肯換。由於成間鋪得2個職員係樓面，所以無論等牛肉，加湯，叫炸物等等都要等好耐其實除左服務態度之外，食物水準仍然保持水準。炸物更係一點再點。但點左2轉已經夠鐘因為要等人拎炸物張紙，等人收返，等人送過黎。。。總之就係2個人搞唔掂整個樓面

母親節晚餐想食乜?一直在FB睇到相馬日式火鍋的宣傳短片,食物都好吸引,但係未有機會去試下,今晚母親節前夕已很多間食店都冇晒位,我就提議試下去相馬日式火鍋看看,好彩等了十五分鐘竟然有位,叫了廣告的海鮮套餐,上菜好快我們叫了四個不同的湯底(麻辣,蕃茄,豬骨,醬油)各有所好,肥牛質素比其他火鍋店好,原來海鮮盆是任食的,我們叫了兩盆已飽到食唔落！整體質素幾好,性價比高,提提大家海蝦,肥牛,南瓜和綠茶雪糕一定要試。下次再約大食的朋友來食。😂😂👍

今次嚟到依間日式火鍋放題店，但係我哋冇叫火鍋，反而試吓冇咩人留意嘅鐵板飯，之後加咗個C放題，放題可以任飲，任食單骨雞翼，炸物，雪糕同埋有沙律。➡️ 鐵板黑椒牛小排飯簡簡單單一個鐵板牛肉飯，再淋上d黑椒汁，真係好夾➡️ 任食放題炸野炸得幾脆，唔會太厚粉，最值得推介係多款口味嘅單骨雞翼，一食冇停口！整體嚟講價錢算平，種類都算多，推介！相馬日式火鍋地址📍: 觀塘成業街10號電訊一代廣場1樓B2號舖.............................. 味道😋: ⭐⭐⭐⭐環境👀: ⭐⭐⭐💫服務👨🏻‍🍳: ⭐⭐⭐ 抵食💰: ⭐⭐⭐⭐💫

話說近期疫情關係，都比較少出街食飯見呢幾日勞動節假期 就同屋企人出下去打邊爐啦，咁啱見到社交平台有相馬嘅宣傳介紹218有海鮮牛肉放題 都唔錯即刻book位一入門口一個男員工接待坐底之後比左menu我地我地左掀右掀都沒218海鮮任食？問一問佢 先再比第2張menu我地所以下次食218餐嘅朋友要留意特別注意呢個位 問完個員工218呢個set之後佢態度即轉 張menu拍落張台比你可能佢係比較職位高 唔想你食平啲個個set?我都唔知 但係食物係唔錯嘅 除左海鮮貝殼類勁多沙 最後我個煲湯全部都係沙除左大頭蝦外 另外嗰隻蝦係梅嘅 炸物都幾好不過雞翼就唔建議叫如果你鐘意食牛又唔介意員工態度都推薦

其實好多款嘢食，份量都多，仲有個飯都非常唔錯，雞翼煎太乾但仍然好入味！炸物太油，但勝在都多款式吧，職員極唔夠，2 個人走黎走去，叫野食落單等得耐，埋到黎都要聽到佢地行到上氣唔接下氣！

近排受疫情影響，火鍋店都冇人幫襯，最危險嘅地方就係最安全嘅地方，包場打邊爐都咪話唔爽呢間日式火鍋店食過幾次，有日式芝麻醬對我嚟講加好多分，因為好多地方都冇。呢間做特價訂座75折包炸物牛豬雞任食，牛夠薄，唔會太肥，雞夠滑，豬肉也不錯，本人對肉類要求不高，不會太肥就可炸甜薯甜甜地幾好食，唔會太油。炸墨丸幾香，大大粒夠彈口。炸餃子🥟皮略厚,但餡料唔少，不錯。火鍋料款式不算多，但有我最愛嘅嚮鈴仲有雪糕任食，但味道一般，沒有拍照。坐了一會便有多2枱客入座，估計都是被訂座優惠吸引來，地點不算方便，環境整齊潔淨，會為芝麻醬再來