相馬日式火鍋 (已結業)

好耐冇打過邊爐，發現有間新開既日式火鍋，就約埋個朋友一齊打個邊爐啦。一上到去就見到環境舒適，日式既裝潢，就已經好滿意。坐低聽到隔離枱話有75折，原來openrice 即日訂枱就有，緊係唔執輸，厚面皮咁問下staff仲有冇啦，點知一試就有啦！圍番兩個人都係一人百五蚊！好抵啊！湯底就揀左甜豉油，同吉野家既日式濃湯係差唔多。但呢度勝在夠多菇菌類！食材仲好新鮮！最後當然唔少得甜品啦！以為係批發裝雪糕冇乜特別，但係有驚喜！芝麻好有芝麻味，咖啡好有咖啡味，係一個好完滿既終結。