影片
更多
2019-03-09
233 浏览
近日連續幾天落雨，天氣又涼左，即刻又想打邊爐，帶家人來食一人一火鍋，有6-8款湯底，可以自己揀喜歡口味食火鍋係一大賣點，就算同朋友來都得，十分衛生乾淨。我地一家人當然會交換食唔同湯底，我覺得一次食到幾個口味湯底，都好正好吸引。我地揀左「美國特選牛肉」$228/成人，有120分鐘任食特選牛肉、豚肉及雞肉，亦任食自助的配料、飲品及雪糕。配料主要有丸類、我個人推介牛丸，有牛味又彈牙，仲有少少筋位好好咬。而芝士丸既爆芝亦同樣美味。另外，有大量不同蔬菜，我覺得幾好，可以平衡飲食，火鍋唔使狂食牛，其中菇類有好多款式，有部份係我未見過未食過，真係好有新解感，唔使食黎食去個幾款。飲品有10多款，比較吸引有可口可樂plus，仲有果汁類。等待湯底滾起時，就出去調個醬料，有齊基本蔥、生蒜、炸蒜、辣椒....其實個湯底好夠味，唔需要醬料都得，但豚肉就要沾芝麻醬，絕配、滋味。美國特選牛肉好靚，油脂分佈平均，又唔會太油太肥，有肉感又有少少油潤，牛味都重，好正。豚肉薄切口感超好，肉質嫩彈，肉既紋理也靚，沾芝麻醬好滋味，既香又帶點開胃消膩的酸味，食多幾盤都得。雞肉厚切，嫩得黎有彈性，雞腿位置更加好食。魚皮餃亦都唔錯，
近日連續幾天落雨，天氣又涼左，即刻又想打邊爐，帶家人來食一人一火鍋，有6-8款湯底，可以自己揀喜歡口味食火鍋係一大賣點，就算同朋友來都得，十分衛生乾淨。
我地一家人當然會交換食唔同湯底，我覺得一次食到幾個口味湯底，都好正好吸引。
我地揀左「美國特選牛肉」$228/成人，有120分鐘任食特選牛肉、豚肉及雞肉，亦任食自助的配料、飲品及雪糕。
配料主要有丸類、我個人推介牛丸，有牛味又彈牙，仲有少少筋位好好咬。而芝士丸既爆芝亦同樣美味。
另外，有大量不同蔬菜，我覺得幾好，可以平衡飲食，火鍋唔使狂食牛，其中菇類有好多款式，有部份係我未見過未食過，真係好有新解感，唔使食黎食去個幾款。
飲品有10多款，比較吸引有可口可樂plus，仲有果汁類。
等待湯底滾起時，就出去調個醬料，有齊基本蔥、生蒜、炸蒜、辣椒....其實個湯底好夠味，唔需要醬料都得，但豚肉就要沾芝麻醬，絕配、滋味。
美國特選牛肉好靚，油脂分佈平均，又唔會太油太肥，有肉感又有少少油潤，牛味都重，好正。
豚肉薄切口感超好，肉質嫩彈，肉既紋理也靚，沾芝麻醬好滋味，既香又帶點開胃消膩的酸味，食多幾盤都得。
雞肉厚切，嫩得黎有彈性，雞腿位置更加好食。
魚皮餃亦都唔錯，餃皮夠彈肉餡唔膩。午餐肉、腸仔、公仔麵......加入泡菜鍋的話，成個部隊鍋咪出左黎。
蔬菜類真係好多款菜，蘿蔔仔好可愛又甜美，大蔥配牛肉夠惹味，連椰菜仔都有。
個蕃茄湯底好濃郁，微酸蕃茄，煮麵或烏冬真係一流，吸盡湯汁精華，令個麵都有蕃茄味。
甜豉油湯底最岩涮牛肉，好似食壽喜燒既味道一樣，甜甜地又有油份香味。
最後甜品係雪糕，有三款口味雪糕，分別雲尼拿、芝麻、薄荷朱古力碎，大家都喜歡芝麻，係必食之選，睇落以為平平無奇，原來芝麻味好香好濃，雪糕幼滑香甜，極之美味，我地都食左兩碗，所以推介一定要食「芝麻雪糕」。
另外，雪糕糯米滋有幾個味，抹茶、芒果、士多啤梨、朱古力，幾款味道也不錯。
张贴
