盛記粥麵

营业中

休息中

今日想食碗粥，同朋友是但入咗間粥店坐吹吹水朋友叫咗牛筋牛腩撈麵 又係一個「都市傳說」到底佢另上個湯係用黎撈麵定要黎飲 我地都google 咗一下 係要黎飲架！！ 我試咗個牛腩 好「林」好有牛味 而蘿蔔幾好 唔老冇d1絲絲嘅根 同幾入味朋友都讚佢好因為夠多肉 唔會 得好少肉然後全蘿蔔。個麵唔會好重梘水味 麵質唔錯！叉燒腸，個人唔好但佢個皮一睇就知唔厚粉！ 朋友食完個樣都滿意，但佢就覺得唔夠多莞茜 呢個雞翼，夠入味又夠香口 同埋好少粥店有雞翼小食意米水佢地主打 我冇特別喜好 朋友飲完都話正常水準 可能熱飲好d 養生我就叫咗蝦籽蝦球粥 又幾正 有種海鮮嘅咸香味好足料 都幾多蝦球呢個油條就好似唔夠新鮮嘅感覺 但係脆嘅可能翻炸過豆漿正常水準！有時平平地食下粥都幾好 解下膩下下火

今日去完酒店玩，傾盆大雨哦，就在附近找一家食了吧。因為下大雨，身體冷冷的，就入到一家食粥的，暖暖身體 ~牛腩河 :這裡的招牌，不可能不試吧，湯味很濃郁，而河粉掛湯力超強。牛腩很軟綿綿，好好食~鮮牛粥 :牛肉很鮮，粥好棉，食落去身體好舒服，好暖身體哦。紅油鮮蝦雲吞 :呢個可以唔使試，只係普通既鮮蝦雲吞加上辣汁，但唔係好辣。炸兩：油條即炸，即包，新鮮熱辣。好脆哦~加上甜醬，麻醬，辣醬，真係好夾，食到停唔到口。桑寄生蓮子蛋茶 :飯後當多來一個甜品啦，呢個桑寄生女性飲就最岩啦。蛋茶唔係好甜，好喝。

唔該黎一碗細蓉！知道咩叫細蓉即係我地係同年代😝經過佐敦附近，想揾下有咩野食朋友推介盛記粥麵，話包我有驚喜！招牌雲吞麵$36麵底爽滑彈牙，冇鹼水味，湯底清香。重點係雲吞，每粒雲吞都係好大隻，而且皮薄餡靚，食得出有蝦嘅鮮味加蒜香南乳炸雞翼拼炸鯪魚球$33即炸熱辣辣，南乳味好香，十分惹味。炸鯪魚球，外皮炸到香脆可口，冇油膩感，蜆蚧醬亦都好出色，鹹香冇腥味。加蔥花蝦米炸兩腸粉$30腸粉內嘅炸兩脆口，加埋豉油，食完一件又一件！香茅豬扒飯$48豬扒份量多，香茅味突出熱薏米水$5有陣陣薑味，唔會太甜，好滋潤2個人都叫左唔少野食，食得好滿足，而且非常滿意，下次試下其他嘢食😋

天氣轉涼最啱食返碗粥，但朋友又唔想食，無意中發現係佐敦呢間粥店又有麵，又有粥仲有海南雞飯😆黃沙豬膶粥黎到見到熱辣辣，豬潤數量算多，食落口豬膶夠厚身爽口，係我鍾意嘅豬潤類型，生滾粥底夠潔身，混入埋豬潤嘅味道，值得推介蝦籽撈麵絕對值得一讚蝦籽夠晒足料🤩完全蓋過晒個麵，麵質爽口，加咗少少油同醬汁撈一撈，果然係王牌！叫咗粥粉麵可以用優惠價加小食炸兩油炸鬼夠脆，腸粉質地薄而微煙韌，麻醬甜醬就交比自己落炸鯪魚球配南乳雞翼鯪魚球彈牙，帶少許陳皮味，配埋蜆介，夠晒惹味！南乳雞翼有肉汁，兩份小食食落唔夠喉😆

天氣開始涼涼地，很想食碗熱辣辣的粥同腸粉。這間街坊粥麵小店-盛記下午兩點多，還要等位入座。地方細細，座位不多，但有齊粥粉麵飯。盛記生滾艇仔粥($38)，粥底綿滑有驚喜。很多粥店的艇仔粥都是用碎牛，但盛記就用了瘦肉絲，另有魷魚，新鮮魚片，花生，粥底香甜，食完又沒有口渴情況，證明沒有味精吧。盛記推介之一的柱候牛筋腩粗麵($44)，用上柱候醬來炆牛筋腩，香濃惹味，牛腩炆得軟淋鬆化，牛筋有韌勁，蘿白多汁無渣。每款粥粉麵飯都可以加配小食/腸粉/飲品，我加了脆炸兩($26)，甜醬麻醬豉油分開上，可因應自己喜好來加，十分好。薄滑腸粉卷上脆身油炸鬼，好味。蠔油芥蘭，脆綠幼嫩。餐廳的招牌薏米水，十分足料，又夠薑。

難得過開九龍老媽子話要食啲懷舊粥店 二話不說帶佢去盛記座位唔算多但係空間相隔，相比其他粥店坐得舒服呢度嘅選擇都好多除咗粥粉麵飯類你都見到唔少選擇☺️☺️講起懷舊點可以唔試佢嘅混醬腸粉😁簡簡單單腸粉又薄又彈牙 再配上自己調校嘅醬汁 很令人回味兒時嘅味道🤩變左醬爆腸粉 吸引力up😂😂炸靚魚球酥香滿口再配上特製醬汁 肉質厚實係白粥絕配😄😄講明粥店點可以唔試吓佢嘅雞粥 綿綿嘅粥底唔係間間都做到 而佢就係其中一間👍🏻👍🏻👍🏻雞嘅份量好夠 一碗有7-8舊 仲有舊大蘑菇🤩🤩 加左胡椒粉個鮮味帶晒出嚟 幾時食都唔會厭🤪 再配埋隻粥底好buddy油炸鬼 成就媽媽心滿意足嘅一餐🥰🥰

搬去佐敦都差不到一年，但就聽過朋友推薦，但一直未有去試。今日星期日難得有朋友過來玩，就行過去附近盛記粥麵入去試一試。兩個人叫咗碗招牌狀元粥、狀元粥材料足，然粥又棉又熱辣辣，不錯不錯。蝦子撈麵加碗淨雲吞，見跟餐配小食咁抵食。外加份埋鯪魚球配南乳雞翼。野食超快上齊，鯪魚球簡直係我最愛，酥脆得來唔油，而且同南乳雞翼一樣係現炸，香脆可口。食粥清淡之外，食隻炸雞翼中和一下。蝦子麵既麵質係爽脆，配碗湯就冇咁乾，雲呑入面蝦大大隻，粥大碗兼足料，入面配料全部大大件。最後再配餐點杯熱豆漿，豆味濃郁，真係健康輕食最佳之選。

今日去左係佐敦的#盛記粥麵，秋天時分好想食碗熱辣辣嘅粥品，呢間食開係有品質保證，故第一時間想起佢。 而佢嘅選擇都唔少啊，粥、粉、麵、腸粉、小食同甜品，仲有優惠套餐可供選擇。 🐠薑蔥魚腩粥，魚腩部位很滑，熱辣辣嘅粥很綿又清甜。$32加配了蝦配，腸粉晶瑩剔透，咬落帶點軟滑煙韌，蝦爽彈🦐大隻而且起了腸，配搭粥食好爽😄。加$10加配了#桑寄生蛋茶，非常之抵食。味道微甘帶輕甜，啱晒我口味。小食 🐓麻辣口水雞，麻辣唔過辣，雞肉的口感也很不錯👍。我用麻辣醬汁點上蝦同魚肉上，增添味道，令人更加開胃口。

盛記粥麵粥麵是大部分香港人都非常喜歡，而且都很流行的菜式，今天我們二人就來到佐敦這間盛記粥麵試一試。 我們點了爽滑薑蔥鮮牛肉米線，頭抽蝦子蝦球撈麵，蠔油菜心，鮮蝦腸，薏米水和大眾都愛的凍檸茶。先講一講主食，爽滑薑蔥鮮牛肉米線，牛肉如其名，非常之爽和滑，而且牛味十分之濃郁，調味方面也很香的薑蔥味而且也有小小酒味，而且牛肉的份量也非常之多，總體來說好味也抵食～另一個是頭抽蝦子蝦球撈麵，餐廳毫不吝嗇地放了很多蝦子，而且蝦球是用新鮮蝦，非常之彈牙結實，同樣地也是給了很多蝦球，撈麵烹調的時間剛剛好，軟硬適中，配餐廳獨家的調味，也是非常之好食，值得推介～小食方面點了蠔油生菜和鮮蝦腸。鮮蝦腸，即叫即蒸，上枱的時候還熱辣辣冐著煙，鮮蝦腸的皮透薄，煙韌香口。而且所用的鮮蝦也是非常之新鮮爽口彈牙，配少少甜豉油，很好食～蠔油菜心，簡單的菜式，最重要是菜心夠新鮮，清洗得也很乾淨，簡單的菜色也不會馬虎～最後飲品方便，這間餐廳比較特別，他有熱薏米水，問過店家後，熱意米水是店舖自家煲製的，薏米很可口，也不會很甜，很推介～

今日和朋友在附近工作，放工後來個高質的速食。雖然店舖小小，但每枱都用膠明膠分隔開，不會擠迫。牛筋腩麵：牛筋充滿骨膠原，非常軟q，牛腩都非常入味，軟淋，亦不失嚼勁。豬手撈河：一上枱，份量多得是兩人share的份量，豬手炆得非常入味，每口都是滿滿的骨膠原，南乳醬剛剛好，不會過鹹，河粉吸收了豬手汁，一口接一口，正。套餐加錢配了一份炸雞翼配炸鯪魚球，小食都一點不馬虎，雞翼炸得恰到好處，皮脆，雞翼仍保留肉汁，南乳味入味，亦不會過鹹。炸鯪魚球彈牙，配上蜆介，味道惹味。薏米水是家的感覺，真材實料，絕對有驚喜。桑寄生蛋茶，不澀口，亦不會過甜，養生之選。平凡的小店充滿人情味，對食物的堅持，處處有驚喜。

是日不太肚餓，想搵d輕食食下，老人魂的我討厭三文治，就揀左食粥了。其實除左粥都仲有粉面食艇仔粥粥底綿得看不見米粒的蹤影，粥身甜滑，大大一碗，與友人共享。叫了一份炸兩說是最出色的炸兩也不為過！油條鬆脆帶筋道，腸粉皮油亮晶瑩滑溜，上桌時閃閃發光令人驚豔。炸鯪魚球即叫即炸，蜆蚧醬很鮮美，鯪魚球外表微脆，內裡彈牙鮮甜，必點！桑寄生蛋茶微甜的甜度，不會澀脷，看雞蛋顏色可知煮的時間很足夠。凍豆漿很大杯明明是想吃點輕食卻不知不覺叫滿了一桌，哈哈！

落大雨就揾間餐廳食個lunch, 比我見到呢間盛記都幾嚟引，就入去食碗粥先😄座位以卡位為主，坐得幾舒服，而且卡位與卡位中間仲有片膠隔住，非常衛生~✨ 爽滑啲牛肉粥真係名副其實生滾粥，牛肉好鮮嫩份量都幾多，粥好夠火喉，軟綿軟綿咁✨炸兩推薦！ 炸兩最怕就係唔夠香脆 呢間粥舖非常有驚喜，內裏油炸鬼非常香脆，外軟內脆✨牛腩河本嚟想要米線，但賣曬！ 最特別嘅呢間湯底可以揀酸辣湯，非常新穎！牛腩入味而軟淋，有嚼勁✨ 麻辣紅油 鮮蝦雲吞 與其講麻辣雲吞不如話係酸辣雲吞酸，酸味同辣味平均，非常開胃，個人幾鐘意個汁，加咗啲落牛腩河食，真係好正！✨ 桑寄生蛋茶見好多人都有人，當然唔可以錯過！加$10 就有一碗有時桑寄生煲得太甜了滿甜度剛好重大少少紅棗味

聽朋友說，佐敦有間看似普普通通的粥品店，但食物不錯，今日經過品嚐下先。魚腩粥，軟綿綿的粥底好鮮甜，用料非常充足，每件的魚腩新鮮又滑又大件。頭抽蝦子撈麵，整碟麵舖滿蝦子，入口時每條麵都是蝦子，麵條彈口不油膩，再加上香味的頭抽，非常好味，最驚喜是撈麵配上的大地魚湯，香濃鮮甜，現在已經很少地方有，好好味簡單的炸兩，外面的腸粉又滑又薄，內裡加新鮮的油炸鬼，再加入鮮甜的豉油，配搭得好。還有兩款小食，蒜香南乳炸雞翼及蜆芥鯪魚球，炸鯪魚球彈口好味，雞翼炸得剛剛好，南乳味道不咸，香口好味。還可以加錢配搭食物，比正價平宜，非常抵食。。。

咁啱同朋友行街行到呢間粥麵店門口，肚仔餓就入咗食午餐，呢到環境舒服，防疫意識做足哂，令人更安心 睇到餐牌有優選套餐揀，可以揀任何一款正價 粥 / 腸粉 / 麵 /飯，另配小食 + 飲品，夾夾埋埋都幾抵食 朋友嗌咗碟【美味黃沙豬膶撈幼麵 $48】淨係睇到豬膶都已經好吸引，每一塊都厚切，新鮮豬膶夠嫩滑，幼麵麵質爽口；另配【蠔油冬菇 $30】大大粒冬菇，夠哂入味；再配埋飲品【熱招牌薏米水 $5】熱熱嘅薏米水，粒粒薏米有咬口，飲一口暖暖胃，仲有效去濕及消水腫 我就嗌咗碗【盛記招牌雲吞米粉 $36】每粒雲吞餡料足，咬落爽口彈牙，皮薄餡靚，米粉爽口；另配【香脆炸兩腸粉 $26】腸粉皮夠薄皮，包住炸得夠香脆嘅油炸鬼，再倒上甜醬 + 豉油就夠哂美味；再配埋飲品 【凍豆漿 $8】香滑豆漿 盛記粥麵佐敦白加士街11號地舖

盛記是老街坊的粥麵店，朋友每月也會光顧一次，這天帶我來一試。店內環境雖然一般，但食物出品很有水準，兩位服務員姐姐也是有禮的。招牌狀元及第粥粥底綿滑之餘有米香，也有新鮮豬雜的味道夾雜其中。粥內有鮮味的豬肉丸、黃沙潤、豬腰和豬粉腸，這些內臟除了沒有異味之外，難得的是能各顯其特色，每款都好味，製作很認真呢！水餃麵水餃有三大隻，外皮很薄，以木耳丶豬肉和蝦仁作餡料，材料新鮮，麵底爽滑有蛋香，沒有鹼水味，湯底不會混濁，是兒時味道。炸鯪魚球四大粒鯪魚球有彈性也有鯪魚味，沒有有萬年油的味道更是重點。那小碟蜆蚧醬也很出色，有鹹鮮香而沒有腥味，蜆仔粒粒飽滿，是完美的炸鯪魚球拍檔。蠔油芥蘭芥蘭腍中帶脆，沒有渣。薏米水冷飲和熱飲都不錯，帶有薑味，不會怕太過寒涼。