盛八食堂 (已結業)

週末日子係屯門好難搵到唔使等既餐廳, 周圍人頭湧湧, 最後跟男友選擇左食多次蛋包飯其實上次我同屋企人都食過一次, 好流但都算好味既, 今次男友叫左個牛肉蛋包飯。牛肉蛋包飯同Menu既賣相差好遠, 但味道都OK, 係唔明白點解好"流", 食少少已經膩住個口。另外叫左杯牛奶咖啡, 但忘記影相, 水溫唔太夠熱, 同埋咖啡豆好似烘燶了少許, 有點燶味。富良野薰衣草法式多士賣相幾靚, 仲有一粒粒薰衣草係碟面, 好似帶我返去富良野一樣, 回憶返薰衣草田既味道, 可能一直覺得薰衣草只係用作香料用,男友試左一啖, 就如同我之前講既一樣: 好似食緊香精落口, 不過我接受到既, 但只係一粒粒既薰衣草食落有d苦味, 最好唔好連同多士一係食, 而多士未夠脆口同新鮮, 可以再炸耐少許同襯熱上檯會更好。

餐廳裝潢格調不錯，黃色為主題色十分搶眼又不落俗套。餐具特別，呈蛋形盛胡椒粉既器皿好可愛。先來福岡南瓜甘薯沙律南瓜沙律＆薯仔沙律都混和咗好多青瓜粒及蛋白粒，以蛋為主題既餐廳果然什麼也離不開蛋；口感幾好，不過對我黎講沙律醬落得太多喇。主菜關西大阪燒蛋包飯模仿關西大阪燒的一款蛋包飯。面頭淋上燒汁（走沙律醬）以及撒上滿滿的木魚碎，樣子對辨，賣相一流。蛋夠滑，意外地好厚！飯只佔很少份量，好明顯個蛋先係主角。厚蛋包住少量既茄汁炒飯，兩者食落好match；但可惜飯幾濕，炒飯最忌濕身，要夠乾爽先好食。加上茄味薄弱，所以呢個飯底唔合格。明明蛋靚，但就俾個飯影響晒成個表現。厚切燻豚磨菇蛋包飯面頭淋上爆滿的芝士忌廉汁（個人口味唔鐘意過多汁，好膩），個汁其實食唔出芝士味，只有淡淡既忌廉味。今次個蛋同樣夠厚夠滑，好有蛋味，唔錯；蛋入面則是香草汁飯，喇！呢次好好多喇！香草汁飯好味道，唔會太淋，軟硬適中。可惜磨菇同埋肉既份量實在少得可憐。小食盛八腐皮溏心蛋只係在炸腐皮中加入半熟蛋，一般而已，腐皮炸得太乾，不值花錢點。甜品溫室南瓜焦糖燉蛋好唔掂既甜品。焦糖燒得太薄，根本連整個燉蛋既表面都覆蓋唔到。呢個都係其次，重點係

琴日放假去屯門行街,到夜晚見有d攰同肚餓,見到有間野食蛋包飯,好似好特別咁,就試下啦....入到去打開本餐牌睇下,原來唔係剩係食蛋包飯,仲有其他焗飯,焗通粉同鐵板餐食,仲有小食....由於我太肚餓啦,我叫左個地雞焗飯食(我驚個蛋包飯唔夠飽)同一個忌廉湯,加多個焗田螺個焗飯寅係好好味,有一陣香草味,d雞仲有少少脆脆地,d飯又唔會焗得太乾,仲要真係好熱....岩晒我口味.而個忌廉湯就好得意,湯上面有個白色圓圈,中間仲有黑松露....見到都忍唔住要影返張相,個湯都ok,d黑松露真係好好味,如果可以多d就好啦...到個小食田螺,見到面果d之士...真係胃口大增(因為我都幾鐘意食之士),果d之士味好香,仲有成10粒既田螺肉,連埋d芝士同薯容一齊食,正呀呢餐真係食得好滿足...下次有機會我都想約埋d朋友去試下d蛋包飯小弟第一次窵食評,請各位師兄/姐多多指教^^

因為很喜歡吃蛋料理，聽到屯門開了蛋包飯就想來試試。先旨聲明，我的口味是比較清淡的。點了鹿兒島炸黑豚咖喱飯（名字太長記不起了）配沙拉和餐湯清水有點檸檬味，可以清一清味蕾，不錯沙拉的菜很脆而dressing是我很喜歡的芥末dressing，最初很奇怪為什麼會配椰果，不過吃了能稍為中和辛辣，效果都ok。只是吃完後碗底都是水，要扣點分。餐湯是什菜湯，第一口感覺有點淡，但是連續喝幾口，肉味和蔬菜味會慢慢滲出來，味道愈來愈濃，不錯！蛋包飯先吃一口淨蛋，嗯~像大快活早餐的炒蛋，很濃的牛油味。再吃一件豬扒，不沾任何醬。吉烈很脆豚肉則很嫩，只是吃到最後一啖覺得有點豚肉有點咸。正式吃蛋包飯，把蛋切開見到是咖喱炒底的飯。先沾咖喱汁，滿滿的咖喱味和蛋香很滿足,之後再吃忌廉汁，味道已被咖喱蓋過，沒有味道orz。另外把咖喱、蛋包飯、豚肉一起吃感覺好咸。咖喱已經很濃，豚肉不用太多鹽醃。再加上咖喱炒底的飯就變得更鹹，嘗試過用忌廉汁中和，但不成功。鹹淡是個人口味，但有飯乾了黏牙就不能接受。吃到一半的時候明顯感覺到有些飯粒乾了，令到食的時候會有飯黏牙。以這個價錢來說，我應該沒有下次。

在屯門市中心一個人搵飯食，確實不是一件容易的事，質素好一點或價錢相宜一點的餐廳，都早以被人潮淪陷；但最近居然給我發現了這間‘盛八食堂’，專賣我極之喜愛的日式蛋包飯，當然要立刻前往一試。其實這間店子已開張了一段日子，不過可能位於較偏僻的錦薈坊商場地下，人流較少，故每次前往我都不用排隊，可以直接入座，甚至一個人霸坐四個人的位子，十分寬敞舒適。每張餐桌上都放有這可愛的‘蛋型’調味樽，果然十分配合作為主題的‘蛋包飯’。我最愛午饍時份前去幫襯，因為不用加錢便可免費享用沙律，餐湯或飲品其中兩款，感覺非常豐富。另外餐牌上的選擇極為多樣化，即使只是蛋包飯，不同味道的炒飯配多款吸引的醬汁和配菜，每次都足以令我眼花撩亂，久久都未能作出決定。幸好是日餐湯只有一款，不用我煩惱選擇，今天是粟米蘑菇忌廉湯，看顏色應是日式味精製品類；不過粟米的味道卻是出乎意料之外地自然，不算太‘味精’，而且忌廉湯熱騰騰，質感亦幼滑可口不會太濃稠，故多數我也會捨沙律選餐湯，雖然沙律可能會健康一點。今次主菜我點了‘吉列地雞咖哩蛋包飯’，看來非常吸引。先試旁邊四顆‘炸雞丸’，我覺得外層的炸粉是略為厚了一點，不過因為炸得十分乾身通透，故口

舊同學說這店在日本很有名氣卻苦無一嚐的機會，是晚便決定入內見識一下，怎料卻換來一肚子的氣！話說是晚這店把一半座位劃分給進行激安優惠的客人，整晚在店外有十數人排隊；但由於我們想爭取多點時間坐下閒談便放棄那激安優惠直接走到店內給正常點餐的座位。此時一位侍應頗不禮貌地大聲呼喝「你地食優惠餐要喺出面排隊架！」雖然我們再三強調不是要吃那優惠餐，但感覺就是被嘲諷一樣氣憤！負責給我們點餐的那位侍應毫無笑容，對我們的詢問不耐煩也不熟悉，究竟他是新入職抑或是沒有接受過任何培訓呢？ 築地車海老蛋包飯嫩滑的蛋皮包著粒粒晶瑩剔透的珍珠飯，香軟煙韌；大蝦爽口；配上香濃細膩的香草汁及芝士忌廉汁，實屬中上之作。不過個人意見認為食物及服務態度都要同樣出色才算是一所值得開飯的餐廳；再者這店的價錢並不便宜 － 我們只點蛋包飯並沒有跟餐飲每人便已花費七十多元，消費者當然會更期望有賓至如歸的感覺。

每逄假日的屯門市中心, 很多餐廳都要等位...所以到處逛逛, 找一間不用等位的餐廳吃晚飯晚上7時進入餐廳, 店員已說明下單起計一小時就要結帳和朋友點了同樣的咖哩 x 芝士汁的豚肉蛋包飯(配咖哩飯)各加了$20有沙律+湯+飲品, 小食點了蟹餅咖哩汁不過不失, 芝士汁味道就略淡一點(味道有點似忌廉湯)蛋的口感蠻軟滑的, 豚肉能夠做到外脆內軟內裡的咖哩飯也蠻不錯喔, 粒粒都很飽滿蟹餅賣相是不錯的, 正確一點我覺得比較似薯蓉餅...我完全食吾到d所謂既"蟹"系邊...食第一啖就覺得有陣吾知咩既味, 吾知系吾系個餅吸得太多油...

之前在不同的報紙雜誌見過幾次此間食店之推介食評 , 加上亞女又好喜食"蛋包飯"故特意找一晚去試試, 不外如是, 沒有特別驚喜 ~~~ ORDER 三款飯餐, 但上來後, 三碟飯都好似樣, 分別不大, 賣相已經無新意 味道得個 "咸字" ~~~ 山葵燒汁牛肉焗飯 $73.00----- 見到是店長推介, 當然要試啦, 上來的賣相唔多吸引, 味道方面 ,一入口有輕輕少許 (日式芥辣) 味 , 原本尚算OK可以接受 , 但始終咸味太重, 汁又太多, 攪到無晒 D 飯味 , 牛肉味, 食至中途有D想放棄 , 另外牛肉都唔多, 只得三幾小片, $73 元貴左D 芝士野菌黑豚漢堡蛋包飯 $69.00 亞女當然 ORDER 蛋包飯啦, 賣相幾好 , 但都是汁多味太濃 味噌黑豚焗蛋包飯 $75.00跟上面個 "芝士野菌黑豚漢堡蛋包飯" 其實好相同, 只是飯上面不是漢堡 , 換了塊 "炸豬扒" 吉豬 SIZE 比較細 , 唔夠喉, 吉烈豬扒好多地方都有得食 , 但此店的吉豬好一般, 無特別 , 跟佢地樓上果間"豚" 差好遠 , 最重點都是果句 : 太咸 (

因為之前有張$1換大板燒蛋包飯(輕量版), 9月10號就到期喇, 所以專登去食因為係星期日, 所以冇SET LUNCH...今次叫左三個蛋包飯同加左個$1大板燒蛋包飯, 本來諗緊一蚊會唔會好細碟ga, 點知都有平時2/3甘大wor今次D蛋好似多左右為難不過一樣甘滑), 但D飯就少左大板燒味, 有D酸得濟...個蟹餅入面見到D蟹絲, 其餘都係薯蓉嚟...有D失望我覺得佢promotion做得好好,為左D印仔,搞到我成日去食, 不過D印得2兩個月限期,點都儲唔到廿個LA

店家跟盛八燒肉屬同一集團, 但路線明顯不同, 以蛋包飯作旗號, 還供應各款帶日式風情的洋食, 定價算是平易近人。 這意念蠻新鮮的, 個人一向很愛吃蛋, 尤其是半生不熟的製法, 格外的吸引。 還記得開業不久時, 從雜誌報導看到介紹, 馬上被吸引過去, 只因屯門離住家不遠, 坐輕鐵的話也不用半小時, 方便得很。 只是可能被媒體報導太多, 引來大批朝聖的人士, 礙於時間所限, 初訪實是不成功的。 只好等熱潮淡化, 隔上三數個月再造訪, 當然也不是不用等位, 沒那麼誇張就是。 稱為食堂, 氣氛自然輕鬆隨意, 沒有惱人的細節, 啡木色的主調, 予人窩心親切的感覺, 放眼望出已是街外, 如選在白天到來, 自然光都透進店內, 營造出一份寫意悠閒。 既然說是蛋包飯的專門店, 款式和配搭方面一定不簡單, 既有以蛋皮緊包裹米飯, 也有將蛋皮覆蓋在飯表面。 貴為主角的蛋品質上乘, 採用不同品種的日本雞蛋。 而飯底同樣講究, 用上產自日本的優質米, 粒粒飽滿純淨, 就連飯底, 也不是獨沽一味的茄汁飯, 喜見香草和咖喱飯, 有點意想不到。 汁醬除大路的咖喱汁外, 還有芝士忌廉汁、燒汁和龍蝦汁, 似是要令人耳目

上個月在銅鑼灣食過一次，今日探親入屯門。我姑姐喜歡蛋汁配飯，便帶她來試下^_^今次叫了大板燒蛋包飯和吉列黑豚蛋包飯^_^大板燒名符其實很像燒餅，有蛋醬，蕃茄汁和燒汁面上有木魚花，入口酸甜，食到尾有點咸配合蛋香味很像食燒餅，飯底有茄汁炒過感覺好醒胃。不錯姑姐食焗吉列豚，豚肉有4件，厚切口感好有肉汁，配燒汁和白汁，燒汁和白汁混合蛋吃，味道酸酸有小小芝士味，我姑姐說再加芝士粉很面就正，因為姑姐很愛芝士。味道不錯。今次我們點了薫衣草雪糕，味道很特別有花味和小小朱古力碎口感不錯，很滿意。

睇食評介紹諗住香港真係會有拍得住日本既蛋包飯食去到坐低，先黎兩坏怪味水比你飲我心諗個別姐，再叫過點知都係一樣，算啦，水我唔計我個位呢，就對正個水吧，點知見到個水吧既肥仔將啲人客用完既坏草草過一下水就算，我望左好耐 佢大約一兩秒已經可以洗一隻，仲要係水喉凍水咁唔怪得啦，咁唔乾淨。。。之後我叫左個Hayashi牛肉蛋包飯。一黎到，我睇。。喂，依個係強冚飯，唔係蛋包飯所謂食蛋包飯其中一個賣點係蛋包住啲飯，貪佢夠過引，你依加咁。。同茶記芙蓉蛋有咩分別？失望囉。。食落去，啲蛋係真係用啲比較好小小既蛋來做既。不過食得出牛油味好重，好明顯係驚痴獲落多多油，成咀都係呀。到個飯，大佬呀。六十五蚊一個飯呀，個炒低可唔可以加小小心機炒好啲。你唔炒都唔好淋自自啦，仲要唔熱。失望。。個汁有三粒牛肉，不過牛肉幾香，可惜，得三粒。仲要個汁加埋牛油蛋好流。。

之前夜晚經過已經想食架喇, 不過太多人等位,加上個FD唔想食所以冇食到囉今次中午12點半, 冇咩人, 完全唔洗等即刻入去食. LUNCH仲可以免費揀兩款(沙律,餐湯,飲品)裡面D裝修幾好, 坐得又舒服. 不過D水就差D囉, 好似泳池水味講番D野食先,我地試湯同沙律我地叫左3樣野:呢個我媽咪認為係最好食嘅,因為D厚煙肉配忌廉汁真係好味~本來以為D飯你同D湯會撈埋一齊, 仲驚會好漏。依家分開上,加上D湯係稀嘅,因此都不錯不過D飯就硬左啲囉,可能預你會浸淋佢卦...裡面有紅蘿蔔同薯仔,得兩舊肉(好韌),不過已經好飽!呢個冇咩特別同蘑菇嗰個差唔多, 用燒汁反而冇甘襯...總括嚟講, D野食嘅份量好夠, 蛋亦好滑,不過D侍應唔夠醒目~最後佢地俾左張儲印咭我地, $50=一個印, 可以換野食或儲夠20個換9折卡, 不過要兩個月內...希望快D再去食過

同老婆去食晚飯，見唔使等位就入去...叫杯水15分鐘都未到，再追侍應佢話知道轉頭都係冇件事。醬汁牛肉焗飯，太咸，牛肉好難。飯後老婆叫橘子布甸，除咗橘子肉有橘子味(還好！)，布甸只有奶味。同老婆一致決定- no more next time.

與朋友好耐無見﹐大家難得約到食飯﹐就一咖試新野﹐今次的主角就係屯門「盛八食堂」。 這是第一次見屯門有蛋包飯的專門店﹐這次去的是平日夜晚﹐所以無需等位。這是一道不錯的小食﹐脆脆的方包加上半熟的蛋﹐配搭很好﹐但一定要熱食‧因為在開始時我們試了一件﹐感覺很好；剩下一件我們吃完飯後再吃它的時候﹐變得粘粘的好難食。朋友點的咖喱蛋包飯﹐很好吃﹐可惜太大碟﹐朋友吃不完。另一朋友點的店長推介﹐也不錯﹐同樣份量也是太多﹐吃不完。這是自己點的蟹肉蛋包飯﹐我是唯一能吃完整個飯的人。整體上這家店的食物給我的感覺不錯﹐但美中不足的地方係入面好細﹐大聲講野就會俾其他人聽到。而且如果是細食之人﹐切記點小一些share吧！！